Lucas 13
13
Huajë Pa'iyena Po̱nañe Pa'iji
1Ja̱re ja̱ mu'seña Pilatopi Galilea acohua'ire huani je̱ani, cui'ne i̱ohua'i ëojë se̱ñu'u cajë huaisicohua'i tsiena pa̱i tsiepi co̱'meni yo'ose'ere, yecohua'ipi quëahuë, Jesure. 2Quëajëna, capi:
“¿Mësarupi cuasani huani je̱osicohua'ipi Galilea pa̱ire se̱ña maca co'acohua'i paë'ë, cuasaye? 3Pa̱ni. Ja̱je pa'ina, cayë, mësaru. Ja̱'rë yo'oyere je̱oni po̱nëma'cohua'i pani si'a pa̱i mësaruje̱ ja̱je yo'o cua̱ñoja'cohua'i a'ë. 4Mësarupi cuasani Jerusalén pa'icohua'ire se̱ña maca co'acohua'ini, diez y ocho pa̱ire Siloé tupëpi quë̱o hue̱a'co'ë, cuasaye. 5Pa̱ni. Nuñerepa cayë. Ja̱je pa'ina, mësarupi huajëye pa'iye po̱nëma'cohua'i pani ja̱re cui'ne yo'o cua̱ñoja'cohua'i a'ë.”
Higuera Ñë Ayere Quëaye
6Ja̱ maca Jesús pa̱i yo'oyeje̱ pa'ye neni quëaquë capi:
“I̱ yejana ta̱si ñë paquëpi quë̱ima'o paco caquë sani ñaquëna, quë̱ima'co paji'i. 7Pa'ina, ñani ja̱ maca yeja ñaquëre capi: ‘i̱na, toaso̱ o̱metëca daiyë, i̱ti ca̱ quë̱ise'e ñasi'i caquë. Daiquëta'a ti̱'ama'ë pa'iyë, quë̱isico pa'iona. Ja̱je pa'ito cue̱ni je̱ojë'ë. Me nesi'co coa yejare que̱'eñe nëcaco'ni.’ 8Caquëna, i̱ti yeja ñacaiquëpi sehuopi: ‘Ëjaë iye o̱metëcahuëse'e pa'ija̱'co, a̱'ji yeja neni yequë co'amañapi o̱a ñasi'i, quë̱ija'core. 9Ja̱je neruta'a quë̱ti̱'ñe pa'io i̱ti ca̱. Ja̱je neruje̱ quë̱ima'ona, ña jujani ja̱ macata'a cue̱ni je̱ojë'ë,’ capi.”
Jesupi Nomiore Jujupi, Huajë Mu'se Pa'ina
10Huajë mu'se pa̱i tsi'si hue̱'ñana ye'yaquëna, 11ja̱rote paco'ë, te'o nomio diez y ocho o̱metëca ju̱'ico, huatipi ne quë'ca̱sicopi ti nuiñe nëcaye peocopi. 12Pa'iona, ñani Jesupi soini capi:
“Nomio më'ë ju̱'i dahuë tsoe je̱opi. De'oye pa'ijë̱'ë.”
13Caquë ja̱ maca i̱ jëñapi i̱ona pato maca ja̱re i̱ti macapi nuñerepa nëcaco po̱nëni, Maija'quë de'oquë api, sihuaco ca huëo. 14Ja̱je Jesús huajë mu'se jujuna, ñani pa̱i tsi'si huë'e ñacaiquë ëjaëpi iyere ñani pë̱i, pa̱ire capi:
“Seis mu'seña pa'iji, co'amaña ne mu'seña. Ja̱ mu'seña ja̱je pa'ito dani juju cua̱ñojë'ë, pa̱ni huajë mu'se juju cua̱ñoñe.”
15Caquëna, ja̱ maca Ëjaëpi sehuopi:
“¡Coa cacohua'i pa̱i! ¿Joyema'cohua'ini mësaru acohua'i je̱'quë, huajë mu'se pa'ina, mësaru duruhue̱quëpi pa̱nita'a burropi oco u̱cuja̱'quëre? 16¿Ico nomio cato Abraham tsëcapë aconi Satanáspi diez y ocho o̱metëca hue̱se'eje̱ pa'ioni, joyeye co'aquë huajë mu'se pa'i do'ire?”
17Ja̱je Jesús caëna, i̱te sa̱ñope cacohua'ipi huajëya'yerepa maire caë'ni cuasahuë. Ja̱je cuasajëta'are si'a pa̱i sihuahuë, Jesús pa̱i yo'o ti̱'a ma'ñere de'oye yo'oquëna, ñani.
Mostaza Ca̱ Ayere Ye'yaye
(Mt 13.31-32; Mr 4.30-32)
18Ja̱ maca capi:
“¿I̱queje̱ pa'ye a'ni, Maija'quë te̱'te aye? ¿I̱quena cui'ne pa'ye neni i̱ñora'ye? 19Ja̱je cani capi, a'ri mostaza ca̱re ta̱quëpi yejana ta̱ëna, ai de'oni jai so̱quë yë de'ona pi̱'api i̱ti ñë capë̱ana tsianoa nejë payeje̱ pa'ye a'ë.”
Pan Ne Pore Ayere Ye'yase'e
(Mt 13.33)
20Ja̱je cani yequeje̱ capi, Jesús:
“¿I̱quepi co̱ni cui'ne pa'yeje̱ ne i̱ñora'ye, Maija'quë te̱'te aye yo'oye? 21Cani capi: Pan necopi harinare toaso̱ jai ji̱'so neni cui'ne o'sa mëiñere a'ri maña i̱ona co̱'meni i̱ona si'a së̱pë juju mëicoa. Ja̱ juju mëiñeje pa'ye yo'oye a'ë, Maija'quë te̱'te ayeje̱.”
A'ri Ja̱to Sa'ro
(Mt 7.13-14, 21-23)
22Jerusalénna sai, pa̱i daripë̱a cui'ne a'ri daripë pa'icohua'ire ye'yaquë sa tëto saji'i. 23Ja̱ro pa'iquëpi se̱ji'i, i̱te:
“Ëjaë, ¿a'ri pa̱i maña pa'iyë, huaso cua̱ñocohua'i?”
Caquëna, i̱pi sehuopi:
24“A'ri ja̱to sa'roja̱'a cacasi'i cani si'a më cuasayepi yo'ojë̱'ë. Ja̱je pa'ina, cayë mësarute pa̱i cacayere yëja̱'cohua'i a'ë. Ja̱je yëjëta'a caca ti̱'ama'pë pa'ija̱'cohua'i a'ë. 25Ja̱ maca i̱ti huë'e aquëpi huëni ja̱to sa'ro si̱osi maca, mësaru hue'se pa'isicohua'ipi caja̱'cohua'i a'ë ja̱to sa'rona të'cajë ‘Ëjaë, hui'yojë̱'ë’. Ja̱je cajëna, i̱pi casipi ‘ñama'quë a'ë, mësarute. Jero acohua'i a'ni.’ 26Caquëna, mësarupi ca huëoja̱'cohua'i a'ë: ‘Më'ë ja̱'re co̱ni a̱ijë cui'ne u̱cujë yo'osicohua'i a'ë cui'ne ja̱re më'ëpi pa'i hue̱'ñana dani ye'yasiquë a'ë.’ 27Cajëna, sehuoja̱'quë api: ‘Tsoe cahuë ñama'quë a'ë, mësarute. Jero acohua'i a'ni. Saijë̱'ë, co'ayese'e yo'ocohua'i.’ 28Ja̱je casi maca Maija'quë te̱'tere Abraham, Isaac, Jacobo, cui'ne Maija'quë yo'o ja̱'ñere quëajë pa'isicohua'i pa'ijëna, ñani mësarupi hue'sena je̱ocosicohua'i pa'ijë cu̱ji qui̱'cojë oija̱'cohua'i a'ë. 29Ja̱ maca daija̱'cohua'i a'ë ë̱mëje'e te̱'te cui'ne huë'ehuë te̱'te, ë̱së mëi hue̱'ña cui'ne sa̱'nihuë pa̱ipi Maija'quë quë'rona tsi'sini a̱o a̱ija'cohua'ipi. 30Ja̱ maca yure teaye pa'iohua'i pa'isicohua'i jerepa pa'iohua'i pa'ija̱'cohua'i a'ë cui'ne yure jerepa pa'iohua'i pa'isicohua'ipi teaye pa'iohua'i pa'ija̱'cohua'i a'ë.”
Jerusalén Pa̱ire Jesús Ñaquë Oiye
(Mt 23.37-39)
31Ja̱re ja̱ mu'se daë'ë, fariseo pa̱i dani i̱te cahuë:
“Saijë̱'ë, Herodes më'ëre huani je̱osi'i caji.”
32Cajëna, i̱pi sehuopi:
“Sani cajë̱'ë, ja̱ëte co'aquë ta̱'ñe asama'quëre: ‘Yure, cui'ne ñamina'a huatiohua'ire eto saoquë yo'oni cui'ne ju̱'icohua'ire juju tëjini ñamina'a jerepa mu'se saosi'i.’ 33Ja̱je pa'iquëta'are ja̱ yë'ta'a yo'oja̱'quë a'ë yure, ñamina'a cui'ne se ñatasi mu'seje̱. Co'aji, Maija'quëre quëacaiquëpi Jerusalén peo hue̱'ñana ju̱'ito.
34¡Jerusalén Maija'quë yo'o ja̱'ñe quëacaicohua'ire huani je̱o daripë! Cui'ne Maija'quë më'ëni caquë jëjo daocohua'ire quë̱na pë̱api je̱a daripë. Jaiye mësarute oi cura mamajëre oio capë̱a huë'ehuëna coyeje̱ yo'osi'i caquë yo'oquëna, coehuë. 35Mësarute Maija'quëpi je̱ocoja̱'quë api. Cui'ne yë'ëre ña co̱ñe peoja̱'cohua'i a'ë, ‘mësarupi de'oquëre pa'ni Ëjaë mamirepa hue'equë daiquë’ ca maca ti̱'añe pa̱to.”
Currently Selected:
Lucas 13: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Lucas 13
13
Huajë Pa'iyena Po̱nañe Pa'iji
1Ja̱re ja̱ mu'seña Pilatopi Galilea acohua'ire huani je̱ani, cui'ne i̱ohua'i ëojë se̱ñu'u cajë huaisicohua'i tsiena pa̱i tsiepi co̱'meni yo'ose'ere, yecohua'ipi quëahuë, Jesure. 2Quëajëna, capi:
“¿Mësarupi cuasani huani je̱osicohua'ipi Galilea pa̱ire se̱ña maca co'acohua'i paë'ë, cuasaye? 3Pa̱ni. Ja̱je pa'ina, cayë, mësaru. Ja̱'rë yo'oyere je̱oni po̱nëma'cohua'i pani si'a pa̱i mësaruje̱ ja̱je yo'o cua̱ñoja'cohua'i a'ë. 4Mësarupi cuasani Jerusalén pa'icohua'ire se̱ña maca co'acohua'ini, diez y ocho pa̱ire Siloé tupëpi quë̱o hue̱a'co'ë, cuasaye. 5Pa̱ni. Nuñerepa cayë. Ja̱je pa'ina, mësarupi huajëye pa'iye po̱nëma'cohua'i pani ja̱re cui'ne yo'o cua̱ñoja'cohua'i a'ë.”
Higuera Ñë Ayere Quëaye
6Ja̱ maca Jesús pa̱i yo'oyeje̱ pa'ye neni quëaquë capi:
“I̱ yejana ta̱si ñë paquëpi quë̱ima'o paco caquë sani ñaquëna, quë̱ima'co paji'i. 7Pa'ina, ñani ja̱ maca yeja ñaquëre capi: ‘i̱na, toaso̱ o̱metëca daiyë, i̱ti ca̱ quë̱ise'e ñasi'i caquë. Daiquëta'a ti̱'ama'ë pa'iyë, quë̱isico pa'iona. Ja̱je pa'ito cue̱ni je̱ojë'ë. Me nesi'co coa yejare que̱'eñe nëcaco'ni.’ 8Caquëna, i̱ti yeja ñacaiquëpi sehuopi: ‘Ëjaë iye o̱metëcahuëse'e pa'ija̱'co, a̱'ji yeja neni yequë co'amañapi o̱a ñasi'i, quë̱ija'core. 9Ja̱je neruta'a quë̱ti̱'ñe pa'io i̱ti ca̱. Ja̱je neruje̱ quë̱ima'ona, ña jujani ja̱ macata'a cue̱ni je̱ojë'ë,’ capi.”
Jesupi Nomiore Jujupi, Huajë Mu'se Pa'ina
10Huajë mu'se pa̱i tsi'si hue̱'ñana ye'yaquëna, 11ja̱rote paco'ë, te'o nomio diez y ocho o̱metëca ju̱'ico, huatipi ne quë'ca̱sicopi ti nuiñe nëcaye peocopi. 12Pa'iona, ñani Jesupi soini capi:
“Nomio më'ë ju̱'i dahuë tsoe je̱opi. De'oye pa'ijë̱'ë.”
13Caquë ja̱ maca i̱ jëñapi i̱ona pato maca ja̱re i̱ti macapi nuñerepa nëcaco po̱nëni, Maija'quë de'oquë api, sihuaco ca huëo. 14Ja̱je Jesús huajë mu'se jujuna, ñani pa̱i tsi'si huë'e ñacaiquë ëjaëpi iyere ñani pë̱i, pa̱ire capi:
“Seis mu'seña pa'iji, co'amaña ne mu'seña. Ja̱ mu'seña ja̱je pa'ito dani juju cua̱ñojë'ë, pa̱ni huajë mu'se juju cua̱ñoñe.”
15Caquëna, ja̱ maca Ëjaëpi sehuopi:
“¡Coa cacohua'i pa̱i! ¿Joyema'cohua'ini mësaru acohua'i je̱'quë, huajë mu'se pa'ina, mësaru duruhue̱quëpi pa̱nita'a burropi oco u̱cuja̱'quëre? 16¿Ico nomio cato Abraham tsëcapë aconi Satanáspi diez y ocho o̱metëca hue̱se'eje̱ pa'ioni, joyeye co'aquë huajë mu'se pa'i do'ire?”
17Ja̱je Jesús caëna, i̱te sa̱ñope cacohua'ipi huajëya'yerepa maire caë'ni cuasahuë. Ja̱je cuasajëta'are si'a pa̱i sihuahuë, Jesús pa̱i yo'o ti̱'a ma'ñere de'oye yo'oquëna, ñani.
Mostaza Ca̱ Ayere Ye'yaye
(Mt 13.31-32; Mr 4.30-32)
18Ja̱ maca capi:
“¿I̱queje̱ pa'ye a'ni, Maija'quë te̱'te aye? ¿I̱quena cui'ne pa'ye neni i̱ñora'ye? 19Ja̱je cani capi, a'ri mostaza ca̱re ta̱quëpi yejana ta̱ëna, ai de'oni jai so̱quë yë de'ona pi̱'api i̱ti ñë capë̱ana tsianoa nejë payeje̱ pa'ye a'ë.”
Pan Ne Pore Ayere Ye'yase'e
(Mt 13.33)
20Ja̱je cani yequeje̱ capi, Jesús:
“¿I̱quepi co̱ni cui'ne pa'yeje̱ ne i̱ñora'ye, Maija'quë te̱'te aye yo'oye? 21Cani capi: Pan necopi harinare toaso̱ jai ji̱'so neni cui'ne o'sa mëiñere a'ri maña i̱ona co̱'meni i̱ona si'a së̱pë juju mëicoa. Ja̱ juju mëiñeje pa'ye yo'oye a'ë, Maija'quë te̱'te ayeje̱.”
A'ri Ja̱to Sa'ro
(Mt 7.13-14, 21-23)
22Jerusalénna sai, pa̱i daripë̱a cui'ne a'ri daripë pa'icohua'ire ye'yaquë sa tëto saji'i. 23Ja̱ro pa'iquëpi se̱ji'i, i̱te:
“Ëjaë, ¿a'ri pa̱i maña pa'iyë, huaso cua̱ñocohua'i?”
Caquëna, i̱pi sehuopi:
24“A'ri ja̱to sa'roja̱'a cacasi'i cani si'a më cuasayepi yo'ojë̱'ë. Ja̱je pa'ina, cayë mësarute pa̱i cacayere yëja̱'cohua'i a'ë. Ja̱je yëjëta'a caca ti̱'ama'pë pa'ija̱'cohua'i a'ë. 25Ja̱ maca i̱ti huë'e aquëpi huëni ja̱to sa'ro si̱osi maca, mësaru hue'se pa'isicohua'ipi caja̱'cohua'i a'ë ja̱to sa'rona të'cajë ‘Ëjaë, hui'yojë̱'ë’. Ja̱je cajëna, i̱pi casipi ‘ñama'quë a'ë, mësarute. Jero acohua'i a'ni.’ 26Caquëna, mësarupi ca huëoja̱'cohua'i a'ë: ‘Më'ë ja̱'re co̱ni a̱ijë cui'ne u̱cujë yo'osicohua'i a'ë cui'ne ja̱re më'ëpi pa'i hue̱'ñana dani ye'yasiquë a'ë.’ 27Cajëna, sehuoja̱'quë api: ‘Tsoe cahuë ñama'quë a'ë, mësarute. Jero acohua'i a'ni. Saijë̱'ë, co'ayese'e yo'ocohua'i.’ 28Ja̱je casi maca Maija'quë te̱'tere Abraham, Isaac, Jacobo, cui'ne Maija'quë yo'o ja̱'ñere quëajë pa'isicohua'i pa'ijëna, ñani mësarupi hue'sena je̱ocosicohua'i pa'ijë cu̱ji qui̱'cojë oija̱'cohua'i a'ë. 29Ja̱ maca daija̱'cohua'i a'ë ë̱mëje'e te̱'te cui'ne huë'ehuë te̱'te, ë̱së mëi hue̱'ña cui'ne sa̱'nihuë pa̱ipi Maija'quë quë'rona tsi'sini a̱o a̱ija'cohua'ipi. 30Ja̱ maca yure teaye pa'iohua'i pa'isicohua'i jerepa pa'iohua'i pa'ija̱'cohua'i a'ë cui'ne yure jerepa pa'iohua'i pa'isicohua'ipi teaye pa'iohua'i pa'ija̱'cohua'i a'ë.”
Jerusalén Pa̱ire Jesús Ñaquë Oiye
(Mt 23.37-39)
31Ja̱re ja̱ mu'se daë'ë, fariseo pa̱i dani i̱te cahuë:
“Saijë̱'ë, Herodes më'ëre huani je̱osi'i caji.”
32Cajëna, i̱pi sehuopi:
“Sani cajë̱'ë, ja̱ëte co'aquë ta̱'ñe asama'quëre: ‘Yure, cui'ne ñamina'a huatiohua'ire eto saoquë yo'oni cui'ne ju̱'icohua'ire juju tëjini ñamina'a jerepa mu'se saosi'i.’ 33Ja̱je pa'iquëta'are ja̱ yë'ta'a yo'oja̱'quë a'ë yure, ñamina'a cui'ne se ñatasi mu'seje̱. Co'aji, Maija'quëre quëacaiquëpi Jerusalén peo hue̱'ñana ju̱'ito.
34¡Jerusalén Maija'quë yo'o ja̱'ñe quëacaicohua'ire huani je̱o daripë! Cui'ne Maija'quë më'ëni caquë jëjo daocohua'ire quë̱na pë̱api je̱a daripë. Jaiye mësarute oi cura mamajëre oio capë̱a huë'ehuëna coyeje̱ yo'osi'i caquë yo'oquëna, coehuë. 35Mësarute Maija'quëpi je̱ocoja̱'quë api. Cui'ne yë'ëre ña co̱ñe peoja̱'cohua'i a'ë, ‘mësarupi de'oquëre pa'ni Ëjaë mamirepa hue'equë daiquë’ ca maca ti̱'añe pa̱to.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.