Éxodo 1
1
Egiptuchö Israel nunakuna mirayanqan
1Egiptuman Jacob ewkuptinmi llapan tsurinkunapis warmintin tsurintin ëwayarqan. Jacobpa tsurinkunapa shutinkunam kayarqan 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad y Aser. 5Jacobqa tsurinkunawan y willkankunawanmi Egiptuman qanchis chunka (70) chäyarqan.#1.5 Septuaginta niyashqan unë griego traduccionchömi qanchis chunka pitsqa (75) kashqanta nin. Tsënöllam Hech. 7.14 nin. Tsurin Joséqa Egiptuchönam këkarqan.#Gén. 46.8-27.
6Tsëchömi wanukurqan Josépis, wawqinkunapis y pëkunawan chaqkunapis. 7Pëkunapa tsurinkunapita miraqkunam alläpa mirar atska kayarqan.
Egiptuchö Israel nunakuna jipayanqan
8Tsëpitanam Egiptuchö juk rey yëkurirqan. Pëqa manam musyarqantsu José pï kanqantapis. Tsëmi Egipto nunakunata nirqan: 9<<Tëtakuna, käyikuyë. Alläpa mantsëpaqmi Israel nunakuna mirakurkuyan. Y noqantsikpitapis mas atskam kayan. 10Imatapis rurashun mana alläpa mirayänanpaq. Tsënölla mirarqa contrantsik tikrarmi chikimaqnintsikkunawan juntakarkur guërrachö vencimarnintsik safar ewkuyanqa>>.#Hech. 7.14-19.
11Tsënö parlarirmi capatazkunata churayarqan Israel nunakunata maqarkuryan uryatsiyänanpaq. Tsënö uryatsirmi Pitón y Ramesés markakunata sharkatsiyarqan. Tsë markakunachömi karqan Faraónpa#1.11 Faraónqa Egipto nacionpa reyninmi karqan. mikï churakunan tröjakuna. 12Alläpa jipatsiptinpis Israel nunakunaqa masran mirayarqan. Tsënö mirayaptinmi Egipto nunakuna alläpa mantsakuyarqan. 13Tsëmi mas afán uryëkunachöna uryatsiyarqan. 14Alläpam jipatsiyarqan leqitata ruratsir, tikata sutatsir y chakrankunachöpis uryatsir. Tsënö uryatsirmi Israel nunakunata alläpa jipatsiyarqan.
15Tsënöllam Egipto nacionpa reynin qayatsirqan Sifratawan Fúata. Pëkunaqa hebrea warmikunapa partërankunam kayarqan. Pëkunatam nirqan: 16<<Hebrea warmikuna qeshpikuyaptin yanapaqnin ëwar rikäyanki wawan ollqu o warmi kanqantapis. Ollqu kaptinqa juklla wanuratsiyanki. Warmi kaptinqa ama wanutsiyankitsu>>.
17Tsënö nikaptinpis partërakunaqa Teyta Diosta mantsakurninmi Egipto nacionpa reynin ninqanta rurayarqantsu. Tsëmi ollqu yurikuptinpis wanutsiyarqantsu. 18Tsëta musyarirnam Egipto nacionpa reynin yapë qayëkatsir partërakunata nirqan: <<¿Imanirtaq ollqu yuriqkunata wanutsiyankitsu?>>
19Tsënö niptinmi niyarqan: <<Tëtë, hebrea warmikunaqa manam Egipto warmikunanötsu. Pëkunaqa alläpa kallpayuq karninmi manaraq chäyaptï qeshpikuriyan>>.
20Tsënöpam Israel nunakunaqa atskaman mirar alläpa mantsëpaq tikrakuriyarqan. 21Teyta Diosta mantsakur ollqu yuriqkunata mana wanutsiyanqanpitam partërakunapa castankuna atskaman mirayänanpaq Teyta Dios yanaparqan.
22Tsëmi llapan Egipto nunakunata Faraón nirqan: <<Hebreo nunakunapa ollqu tsurin yuriptinqa llapanta mayuman jitariyë. Warmi yuriptinqa kawananpaq jaqiriyanki>>.#Hech. 7.19.
Currently Selected:
Éxodo 1: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 1
1
Egiptuchö Israel nunakuna mirayanqan
1Egiptuman Jacob ewkuptinmi llapan tsurinkunapis warmintin tsurintin ëwayarqan. Jacobpa tsurinkunapa shutinkunam kayarqan 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad y Aser. 5Jacobqa tsurinkunawan y willkankunawanmi Egiptuman qanchis chunka (70) chäyarqan.#1.5 Septuaginta niyashqan unë griego traduccionchömi qanchis chunka pitsqa (75) kashqanta nin. Tsënöllam Hech. 7.14 nin. Tsurin Joséqa Egiptuchönam këkarqan.#Gén. 46.8-27.
6Tsëchömi wanukurqan Josépis, wawqinkunapis y pëkunawan chaqkunapis. 7Pëkunapa tsurinkunapita miraqkunam alläpa mirar atska kayarqan.
Egiptuchö Israel nunakuna jipayanqan
8Tsëpitanam Egiptuchö juk rey yëkurirqan. Pëqa manam musyarqantsu José pï kanqantapis. Tsëmi Egipto nunakunata nirqan: 9<<Tëtakuna, käyikuyë. Alläpa mantsëpaqmi Israel nunakuna mirakurkuyan. Y noqantsikpitapis mas atskam kayan. 10Imatapis rurashun mana alläpa mirayänanpaq. Tsënölla mirarqa contrantsik tikrarmi chikimaqnintsikkunawan juntakarkur guërrachö vencimarnintsik safar ewkuyanqa>>.#Hech. 7.14-19.
11Tsënö parlarirmi capatazkunata churayarqan Israel nunakunata maqarkuryan uryatsiyänanpaq. Tsënö uryatsirmi Pitón y Ramesés markakunata sharkatsiyarqan. Tsë markakunachömi karqan Faraónpa#1.11 Faraónqa Egipto nacionpa reyninmi karqan. mikï churakunan tröjakuna. 12Alläpa jipatsiptinpis Israel nunakunaqa masran mirayarqan. Tsënö mirayaptinmi Egipto nunakuna alläpa mantsakuyarqan. 13Tsëmi mas afán uryëkunachöna uryatsiyarqan. 14Alläpam jipatsiyarqan leqitata ruratsir, tikata sutatsir y chakrankunachöpis uryatsir. Tsënö uryatsirmi Israel nunakunata alläpa jipatsiyarqan.
15Tsënöllam Egipto nacionpa reynin qayatsirqan Sifratawan Fúata. Pëkunaqa hebrea warmikunapa partërankunam kayarqan. Pëkunatam nirqan: 16<<Hebrea warmikuna qeshpikuyaptin yanapaqnin ëwar rikäyanki wawan ollqu o warmi kanqantapis. Ollqu kaptinqa juklla wanuratsiyanki. Warmi kaptinqa ama wanutsiyankitsu>>.
17Tsënö nikaptinpis partërakunaqa Teyta Diosta mantsakurninmi Egipto nacionpa reynin ninqanta rurayarqantsu. Tsëmi ollqu yurikuptinpis wanutsiyarqantsu. 18Tsëta musyarirnam Egipto nacionpa reynin yapë qayëkatsir partërakunata nirqan: <<¿Imanirtaq ollqu yuriqkunata wanutsiyankitsu?>>
19Tsënö niptinmi niyarqan: <<Tëtë, hebrea warmikunaqa manam Egipto warmikunanötsu. Pëkunaqa alläpa kallpayuq karninmi manaraq chäyaptï qeshpikuriyan>>.
20Tsënöpam Israel nunakunaqa atskaman mirar alläpa mantsëpaq tikrakuriyarqan. 21Teyta Diosta mantsakur ollqu yuriqkunata mana wanutsiyanqanpitam partërakunapa castankuna atskaman mirayänanpaq Teyta Dios yanaparqan.
22Tsëmi llapan Egipto nunakunata Faraón nirqan: <<Hebreo nunakunapa ollqu tsurin yuriptinqa llapanta mayuman jitariyë. Warmi yuriptinqa kawananpaq jaqiriyanki>>.#Hech. 7.19.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.