Éxodo 2
2
Moisés yurikunqan
1Tsë witsanmi Leví trïbu nuna juntakarqan Leví trïbu warmillawan. 2Tsëpitanam warmin qeshyaq tikrarir ollqu wawanta qeshpikurirqan. Kuyëllapaq kaptinmi kima killayaq maman pakarätsikurqan.#Hech. 7.20; Heb. 11.23. 3Tsëpita manana pakarätsita puëdirninmi ututupita#2.3 Wakin nunakunaqa tuturapita o junkupita niyanmi. canastata awarir breawan laturqan. Tsë canastaman wamrata winarkurmi Nilo mayu kuchunman apëkur ututukuna chöpinman churëkurqan. 4Tsëpitanam llullupa paninta karullapita imanö kanqantapis rikänanpaq nirqan.
5Tsëpita rätullatanam Faraónpa warmi tsurin paqakunanpaq mayuman ëwarqan. Sirwiqninkuna mayu kuchunpa rikachakur puriyanqanyaqmi rikarqan ututu chöpinchö canasta kaskäkïkaqta. Tsëta rikëkurmi juk sirwiqninta kacharqan tsë canastata jorqunanpaq. 6Jorqaramurnam canastata kicharir tarïkuyarqan llullu wamra waqëkaqta. Tsënam Faraónpa warmi tsurinqa wamrata ankupar nirqan: <<Këqa Hebreo nunapa wamranmi>>.
7Tsënam Faraónpa warmi tsurinta llullupa panin nirqan: <<¿Allitsuraq kanman kë wamrata chichir wätamunanpaq hebrea warmita qayamuptï?>>
8Niptinnam nirqan: <<¡Ras pushamï!>>
Tsënam wamraqa ëwarqan llullupa mamanta pushamunanpaq.
9Chäriptinnam Faraónpa warmi tsurin nirqan: <<Kë llulluta wätamunki. Pagashqëkim wätamunqëkipita>>.
Tsënö niptinmi llulluta apakurqan wätananpaq.
10Winariptinnam Faraónpa tsurin ëllukurkurqan. Pënam kikinpa wawannö kananpaq ëllukurqan.#Hech. 7.21. <<Yakupitam jorqarqü>> nirmi shutin churarqan Moisés#2.10 Moisés ninanqa jorqushqa ninanmi. nishpa.
Egiptupita Moisés safanqan
11Tsëpitanam Moisésqa poqushqana këkar jukpin ëwarqan Hebreo mayinkunaman watukaq. Tsëchömi pëkuna alläpa jipar uryëkäyanqanta rikarqan. Tsënöllam juk Egipto nuna Hebreo nunatapis maqëkaqta rikarqan. 12Tsëmi Moisés llapan lädüpa rikachakurir y pitapis mana rikarnin Egipto nunata wanuratsirqan. Nïkurmi aqushaman pampëkurqan.
13Waräninnam yapë ëwar Moisésqa rikarqan ishkë Hebreo nunakuna maqanakïkaqta. Tsëmi maqaq kaqta nirqan: <<Hebreo nuna mayiki këkaptinqa ¿imanirtaq maqëkanki?>>
14Tsënam nirqan: <<Qamta ¿pitaq churashurqunki mandakuqnïkuna o jueznïkuna kanëkipaq? ¿Egipto nunata wanuratsishqëkinöku noqatapis wanuratsimëta munëkanki?>>#Hech. 7.23-28, 35.
Tsënö niptinmi Moisés alläpa mantsakëkurqan. Tsëmi yarpakachar nirqan: <<Egipto nunata wanutsinqäqa musyakärishqataq>>.
15Egipto nunata wanutsinqanta Faraón musyarirmi Moisésta wanutsinanpaq ashirqan. Tsëmi Moisésqa safar ewkurqan Madiánchö pärakunanpaq.#Hech. 7.29; Heb. 11.27. Chëkurnam pözu lädunman jamakurirqan.
Madiánchö Moisés yachanqan
16Madiánchömi tärarqan Reuel shutiyuq nuna.#2.16 Reuelqa karqan Moiséspa suegrunmi (Éxo. 2.21). Pëtam Jetro niyarqanpis (Éxo. 3.1; 18.1) y Hobab niyarqanpis (Jue. 4.11). Pëqa karqan madianita nunakunapa sacerdötinmi. Pëpa shipash tsurinkunam kayarqan qanchis. Pözu lädunchö Moisés jamakïkaptinmi tsë qanchis shipashkuna chäyarqan tëtanpa üshankunata yakütsiyänanpaq. 17Juk mitsikuqkunanam pözuman chärir tsë shipashkunata qarquyarqan. Tsëta rikarninmi shipashkunaman qaqar üshankunata y chiwankunata Moisés yakütsirqan.
18Shipashkuna raslla kutiriyaptinnam tëtan tapurqan: <<Kanan junaqqa ¿imanirtaq raslla kutirayämurqunki?>>
19Tsënam willayarqan: <<Wakin mitsikuqkuna pözupita qarquyämaptinmi juk Egipto nuna noqakunaman qaqar yanapayämarqun. Nïkurmi üshantsikta y chiwantsikta yakütsirqun>>.
20Tsënam tsurinkunata nirqan: <<¿Mëchötaq këkan tsë nuna? ¿Imanirtaq japallanta jaqirayämurqunki? ¡Ëwar qayayämï mikunanpaq!>>
21Reuelpa wayinman chärirnam Moisésqa pëkunawan täkunanpaq änirqan. Tsëchö täkuptinmi Reuelqa tsurin Séforata Moisésta qoykurqan warminpaq. 22Tsëpitanam Séfora qeshpikurqan ollqu wamrata. Tsë llullupa shutinmi Moisés churarqan Gersón#2.22 Gersón ninanqa forastëru ninanmi. nir. Tsë shutita churarqan <<noqaqa kë markachö forastëru nunam kä>> nirmi.
23Tsëpita atska watakuna pasariptinnam Egipto nacionpa reynin wanurqan. Israel nunakunaqa esclävu kar jinallam jipakïkäyarqan. Tsënam llakikurnin Teyta Diosta mañakuyarqan Egiptupita jorqunanpaq. 24Tsënö mañakuyaptinmi Teyta Dios wiyarqan. Tsëmi Abrahamwan, Isaacwan y Jacobwan pactu rurashqanta yarparnin ankupëkurqan.#Gén. 15.13-14. 25Tsënömi Israel nunakuna alläpa jipayanqanta rikarqan.
Currently Selected:
Éxodo 2: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 2
2
Moisés yurikunqan
1Tsë witsanmi Leví trïbu nuna juntakarqan Leví trïbu warmillawan. 2Tsëpitanam warmin qeshyaq tikrarir ollqu wawanta qeshpikurirqan. Kuyëllapaq kaptinmi kima killayaq maman pakarätsikurqan.#Hech. 7.20; Heb. 11.23. 3Tsëpita manana pakarätsita puëdirninmi ututupita#2.3 Wakin nunakunaqa tuturapita o junkupita niyanmi. canastata awarir breawan laturqan. Tsë canastaman wamrata winarkurmi Nilo mayu kuchunman apëkur ututukuna chöpinman churëkurqan. 4Tsëpitanam llullupa paninta karullapita imanö kanqantapis rikänanpaq nirqan.
5Tsëpita rätullatanam Faraónpa warmi tsurin paqakunanpaq mayuman ëwarqan. Sirwiqninkuna mayu kuchunpa rikachakur puriyanqanyaqmi rikarqan ututu chöpinchö canasta kaskäkïkaqta. Tsëta rikëkurmi juk sirwiqninta kacharqan tsë canastata jorqunanpaq. 6Jorqaramurnam canastata kicharir tarïkuyarqan llullu wamra waqëkaqta. Tsënam Faraónpa warmi tsurinqa wamrata ankupar nirqan: <<Këqa Hebreo nunapa wamranmi>>.
7Tsënam Faraónpa warmi tsurinta llullupa panin nirqan: <<¿Allitsuraq kanman kë wamrata chichir wätamunanpaq hebrea warmita qayamuptï?>>
8Niptinnam nirqan: <<¡Ras pushamï!>>
Tsënam wamraqa ëwarqan llullupa mamanta pushamunanpaq.
9Chäriptinnam Faraónpa warmi tsurin nirqan: <<Kë llulluta wätamunki. Pagashqëkim wätamunqëkipita>>.
Tsënö niptinmi llulluta apakurqan wätananpaq.
10Winariptinnam Faraónpa tsurin ëllukurkurqan. Pënam kikinpa wawannö kananpaq ëllukurqan.#Hech. 7.21. <<Yakupitam jorqarqü>> nirmi shutin churarqan Moisés#2.10 Moisés ninanqa jorqushqa ninanmi. nishpa.
Egiptupita Moisés safanqan
11Tsëpitanam Moisésqa poqushqana këkar jukpin ëwarqan Hebreo mayinkunaman watukaq. Tsëchömi pëkuna alläpa jipar uryëkäyanqanta rikarqan. Tsënöllam juk Egipto nuna Hebreo nunatapis maqëkaqta rikarqan. 12Tsëmi Moisés llapan lädüpa rikachakurir y pitapis mana rikarnin Egipto nunata wanuratsirqan. Nïkurmi aqushaman pampëkurqan.
13Waräninnam yapë ëwar Moisésqa rikarqan ishkë Hebreo nunakuna maqanakïkaqta. Tsëmi maqaq kaqta nirqan: <<Hebreo nuna mayiki këkaptinqa ¿imanirtaq maqëkanki?>>
14Tsënam nirqan: <<Qamta ¿pitaq churashurqunki mandakuqnïkuna o jueznïkuna kanëkipaq? ¿Egipto nunata wanuratsishqëkinöku noqatapis wanuratsimëta munëkanki?>>#Hech. 7.23-28, 35.
Tsënö niptinmi Moisés alläpa mantsakëkurqan. Tsëmi yarpakachar nirqan: <<Egipto nunata wanutsinqäqa musyakärishqataq>>.
15Egipto nunata wanutsinqanta Faraón musyarirmi Moisésta wanutsinanpaq ashirqan. Tsëmi Moisésqa safar ewkurqan Madiánchö pärakunanpaq.#Hech. 7.29; Heb. 11.27. Chëkurnam pözu lädunman jamakurirqan.
Madiánchö Moisés yachanqan
16Madiánchömi tärarqan Reuel shutiyuq nuna.#2.16 Reuelqa karqan Moiséspa suegrunmi (Éxo. 2.21). Pëtam Jetro niyarqanpis (Éxo. 3.1; 18.1) y Hobab niyarqanpis (Jue. 4.11). Pëqa karqan madianita nunakunapa sacerdötinmi. Pëpa shipash tsurinkunam kayarqan qanchis. Pözu lädunchö Moisés jamakïkaptinmi tsë qanchis shipashkuna chäyarqan tëtanpa üshankunata yakütsiyänanpaq. 17Juk mitsikuqkunanam pözuman chärir tsë shipashkunata qarquyarqan. Tsëta rikarninmi shipashkunaman qaqar üshankunata y chiwankunata Moisés yakütsirqan.
18Shipashkuna raslla kutiriyaptinnam tëtan tapurqan: <<Kanan junaqqa ¿imanirtaq raslla kutirayämurqunki?>>
19Tsënam willayarqan: <<Wakin mitsikuqkuna pözupita qarquyämaptinmi juk Egipto nuna noqakunaman qaqar yanapayämarqun. Nïkurmi üshantsikta y chiwantsikta yakütsirqun>>.
20Tsënam tsurinkunata nirqan: <<¿Mëchötaq këkan tsë nuna? ¿Imanirtaq japallanta jaqirayämurqunki? ¡Ëwar qayayämï mikunanpaq!>>
21Reuelpa wayinman chärirnam Moisésqa pëkunawan täkunanpaq änirqan. Tsëchö täkuptinmi Reuelqa tsurin Séforata Moisésta qoykurqan warminpaq. 22Tsëpitanam Séfora qeshpikurqan ollqu wamrata. Tsë llullupa shutinmi Moisés churarqan Gersón#2.22 Gersón ninanqa forastëru ninanmi. nir. Tsë shutita churarqan <<noqaqa kë markachö forastëru nunam kä>> nirmi.
23Tsëpita atska watakuna pasariptinnam Egipto nacionpa reynin wanurqan. Israel nunakunaqa esclävu kar jinallam jipakïkäyarqan. Tsënam llakikurnin Teyta Diosta mañakuyarqan Egiptupita jorqunanpaq. 24Tsënö mañakuyaptinmi Teyta Dios wiyarqan. Tsëmi Abrahamwan, Isaacwan y Jacobwan pactu rurashqanta yarparnin ankupëkurqan.#Gén. 15.13-14. 25Tsënömi Israel nunakuna alläpa jipayanqanta rikarqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.