Génesis 23
23
Sarata pampananpaq chakrata Abraham rantinqan
1Juk pachak ishkë chunka qanchis (127) watayuq kanqanyaqmi Sara kawarqan. 2Quiriat-arbachö këkarmi Sara wanukurqan. Quiriat-arbapa juk kaq shutinmi këkan Hebrón. Tsë këkan Canaánchömi. Sara wanukïkuptinmi Abraham alläpa waqakur lüturqan. 3Warmin wanushqa sutarëkaptinmi Abrahamqa ëwarqan heteo nunakunawan parlaq. Chärirnam nirqan: 4<<Musyayanqëkinöpis këchö forastëru nunam kä.#Heb. 11.9, 13. Juk sepultürata rantikëkalläyämë warmïta tsëman pampëkunäpaq>>.#Hech. 7.16.
5Tsënö niptinmi heteo nunakuna niyarqan: 6<<Teyta, qamqa noqakunachö këkanki Teyta Dios akranqan nunam. Warmikitaqa pampë mas allin kaq sepultüräkunaman. Noqakunaqa manam mëqäpis michäyashqëkitsu mëman pampaptikipis>>.
7Tsënö niyaptinnam Abrahamqa heteo nunakunapa nöpanman qonqurikïkur 8nirqan: <<Warmïta pampanäpaq rasunpa äniyämarqa Zoharpa tsurin Efrónta rowakëkalläyämï 9Macpela chakran kuchunchö këkaq machëta rantikëkamänanpaq. Ëkata mañamaptinpis pagalläshaqmi. Tsënö rantiptïran kikïpaqpis sepultürä kanqa>>.
10Marka mayinkuna y tsëpa pasaqkuna wiyayänanpaqmi markaman yëkuna punkuchö Abrahamta Efrón nirqan: 11<<Teyta, voluntänïmi kan tsë chakrata y tsë machëta sepultürëkipaq qarëkunaqpaq. Marka mayïkunapa nöpanchömi qarëkuq. Tsë machëman warmikita pampëkï>>.
12Tsënö niptinnam nunakunapa nöpanchö Abrahamqa yapë qonqurikïkurqan. 13Tsëpitanam llapanpis wiyayänanpaq Efrónta nirqan: <<Teyta, rowakushqaqta wiyëkallämë. Tsë machëpa chaninta chaskïkallämë. Chaskimaptikiran warmïta tsëman pampashaq>>.
14Tsënam Efrónqa Abrahamta nirqan: 15<<Teyta, wiyamë. Tsë chakrapa chaninqa chusku pachak (400) siclo qellëmi.#23.15 Juk siclo qellëqa juk killa uryar gananqannömi karqan. Tsënö këkaptinpis ¿imapaqtan tsëpaq parlashun? Mana yarpakachashpa tsëman warmikita pampëkï>>.
16Tsënam Abrahamqa chakrapa chaninta musyarir heteo nunakunapa nöpanchö Efrón ninqannölla qellëta pesapur chusku pachak sicluta pagarqan. 17Tsënöpam Efrónpa chakran y tsëchö këkaq machëpis y montikunapis Abrahampana tikrarirqan. Tsë chakraqa këkan Mamripa chakranpita inti yarqamunan lädupam. 18Abraham rantinqantaqa rikäyarqam tsëchö këkaq heteo nunakuna y marka punkupa pasaq nunakunapis.
19Tsënö rantïkurmi Abraham pamparqan warmin Sarata Macpelachö machëman. Tsë chakraqa këkan Mamripa chakranpita inti yarqamunan lädupam. Tsë partipa juk kaq shutinmi këkan Hebrón. Tsëqa këkan Canaánchömi. 20Tsënöpam machënintin chakrapis Abrahampana karqan. Tsë chakrataqa heteo nunakuna rantikïkuyarqan Abrahampis y castankunapis tsëchö pampakäkuyänanpaqmi.
Currently Selected:
Génesis 23: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 23
23
Sarata pampananpaq chakrata Abraham rantinqan
1Juk pachak ishkë chunka qanchis (127) watayuq kanqanyaqmi Sara kawarqan. 2Quiriat-arbachö këkarmi Sara wanukurqan. Quiriat-arbapa juk kaq shutinmi këkan Hebrón. Tsë këkan Canaánchömi. Sara wanukïkuptinmi Abraham alläpa waqakur lüturqan. 3Warmin wanushqa sutarëkaptinmi Abrahamqa ëwarqan heteo nunakunawan parlaq. Chärirnam nirqan: 4<<Musyayanqëkinöpis këchö forastëru nunam kä.#Heb. 11.9, 13. Juk sepultürata rantikëkalläyämë warmïta tsëman pampëkunäpaq>>.#Hech. 7.16.
5Tsënö niptinmi heteo nunakuna niyarqan: 6<<Teyta, qamqa noqakunachö këkanki Teyta Dios akranqan nunam. Warmikitaqa pampë mas allin kaq sepultüräkunaman. Noqakunaqa manam mëqäpis michäyashqëkitsu mëman pampaptikipis>>.
7Tsënö niyaptinnam Abrahamqa heteo nunakunapa nöpanman qonqurikïkur 8nirqan: <<Warmïta pampanäpaq rasunpa äniyämarqa Zoharpa tsurin Efrónta rowakëkalläyämï 9Macpela chakran kuchunchö këkaq machëta rantikëkamänanpaq. Ëkata mañamaptinpis pagalläshaqmi. Tsënö rantiptïran kikïpaqpis sepultürä kanqa>>.
10Marka mayinkuna y tsëpa pasaqkuna wiyayänanpaqmi markaman yëkuna punkuchö Abrahamta Efrón nirqan: 11<<Teyta, voluntänïmi kan tsë chakrata y tsë machëta sepultürëkipaq qarëkunaqpaq. Marka mayïkunapa nöpanchömi qarëkuq. Tsë machëman warmikita pampëkï>>.
12Tsënö niptinnam nunakunapa nöpanchö Abrahamqa yapë qonqurikïkurqan. 13Tsëpitanam llapanpis wiyayänanpaq Efrónta nirqan: <<Teyta, rowakushqaqta wiyëkallämë. Tsë machëpa chaninta chaskïkallämë. Chaskimaptikiran warmïta tsëman pampashaq>>.
14Tsënam Efrónqa Abrahamta nirqan: 15<<Teyta, wiyamë. Tsë chakrapa chaninqa chusku pachak (400) siclo qellëmi.#23.15 Juk siclo qellëqa juk killa uryar gananqannömi karqan. Tsënö këkaptinpis ¿imapaqtan tsëpaq parlashun? Mana yarpakachashpa tsëman warmikita pampëkï>>.
16Tsënam Abrahamqa chakrapa chaninta musyarir heteo nunakunapa nöpanchö Efrón ninqannölla qellëta pesapur chusku pachak sicluta pagarqan. 17Tsënöpam Efrónpa chakran y tsëchö këkaq machëpis y montikunapis Abrahampana tikrarirqan. Tsë chakraqa këkan Mamripa chakranpita inti yarqamunan lädupam. 18Abraham rantinqantaqa rikäyarqam tsëchö këkaq heteo nunakuna y marka punkupa pasaq nunakunapis.
19Tsënö rantïkurmi Abraham pamparqan warmin Sarata Macpelachö machëman. Tsë chakraqa këkan Mamripa chakranpita inti yarqamunan lädupam. Tsë partipa juk kaq shutinmi këkan Hebrón. Tsëqa këkan Canaánchömi. 20Tsënöpam machënintin chakrapis Abrahampana karqan. Tsë chakrataqa heteo nunakuna rantikïkuyarqan Abrahampis y castankunapis tsëchö pampakäkuyänanpaqmi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.