Génesis 24
24
Isaacpaq warmita ashiyanqan
1Abrahamqa awkinnam karqan. Llapan ruranqankunachömi Teyta Dios yanaparqan. 2Abrahampam alläpa markäkunqan sirwiqnin kapurqan. Pëmi llapan sirwiqninkunapitapis mas awkin karqan. Tsë sirwiqninmi llapan imëkanwanpis cuentatsakurqan. Pëta qayëkatsirmi Abraham nirqan: <<Llillïta yatëkur#24.2 Tsë witsan llillinta yatëkur imatapis äninqanta imanöpapis cumplinanpaq kanqantam niyaq. 3kë patsatapis ciëlutapis kamaq Teyta Diospa shutinchö llapan ninqäta cumplinëkipaq änimë. Kë taranqä Canaán markakunapitaqa tsurïpaq warmin ama ashinkitsu. 4Tsëpa rantinqa castäkuna tëkäyanqan Harán markaman ëwar tsurïpa warmin kananpaq juk shipashta apamunki>>.
5Tsënö niptinnam tsë sirwiqnin nirqan: <<Teyta, shamïta mana munaptinqa ¿imatataq rurashaq? Tsënö kaptinqa ¿tsurikitaku warmipa markanman pushashaq?>>
6Abrahamnam nirqan: <<Tsurïtaqa ama pushankitsu. 7Ciëluchö këkaq Teyta Diosmi nimashqa kë tëkanqantsik patsata tsurïkunata, willkäkunata y pëkunapita miraqkunatapis qonanpaq. Pëmi tëtäpa wayinpita y markäpita jorqamar këman chätsimashqa.#Gén. 12.1-3, 7; 13.14-17; 15.18-21. Tsëmi angelninta kachamunqa qamwan ëwananpaq. Tsënöpam tsurïpa warminpaq juk shipashta tsëpita pushamunki. 8Shipash shamïta mana munaptinqa kë parlanqantsik tsëllachömi ushakanqa. Imanö kaptinpis shipashpa markanmanqa tsurïta ama pushankitsu>>.
9Tsënö niptinnam sirwiqninqa Abrahampa llillinta yatëkur Teyta Diospa nöpanchö änirqan patronnin llapan ninqanta cumplinanpaq. 10Tsëpitanam allin kaq qarëkunata akrarir chunka camëllunkunaman cargarkur ëwarqan Abrahampa wawqin Nacor täranqan markaman. Tsë markaqa këkarqan Mesopotamiachömi. 11Inti jeqëkaptinnam Abrahampa sirwiqninqa markapa yëkunanman chärirqan. Tsëchömi camëllukunata pözu nöpanman jamaratsirqan. Tsë höram shipashkuna ëwayaq pözupita yakuta jorquyänanpaq.
12Tsëchömi Teyta Diosta kënö mañakurqan: <<Patronnï Abraham markäkunqan Teyta Dios, patronnïta ankupar kanan yanapëkallämë llapanpis alli yarqïkunanpaq. 13Kë pözu lädunllachömi shuyäshaq shipashkuna yakuta jorquyänanpaq shayämuqkunata. 14Mëqan shipashpis chämuqtam nishaq: <Puyñïkipita yakuta qarëkallämë> nir. Tsënö mañakuptï nimätsun: <Upurkullë. Camëllïkikunatapis yakütsimushaq>. Tsënö nimaq kaq këkullätsun Isaacpa warminpaq akranqëki shipash. Tsënöpam musyashaq patronnïta ankupar yanapanqëkita>>.
15Teyta Diosta mañakïta manaraq ushaptinnam juk shipash puyñun omrushqa pözuman chärirqan. Tsë shipashqa karqan Betuelpa tsurin Rebecam. Betuelqa karqan Milcachö Nacorpa tsurinmi. Nacorqa karqan Abrahampa wawqinmi. 16Rebecaqa karqan alläpa shumaq doncëlla shipashmi. Pëmi pözu kaqman chëkur puyñunwan yakuta jorqurir wayinman kutikïkarqan. 17Tsëmi Abrahampa sirwiqnin taripëkur nirqan: <<Puyñullëkipita yakullä qararamë, mamë>>.
18Shipashnam nirqan: <<Upurkullë, tëtë>>.
Tsënö nirmi puyñunpita yakuta uputsirqan. 19Tsënö upuriptinnam Rebeca nirqan: <<Camëllïkikunatapis yaküratsimushaq, tëtë>>.
20Tsënö nirmi wätakuna yaku upukuyänanman raslla yakuta ashtarqan camëllukuna upuyänanpaq. 21Tsëmi Abrahampa sirwiqninqa Teyta Diosta mañakunqannö tsë shipash kanqanta o mana kanqantapis musyëta munar upällalla rikarëkarqan. 22Camëllunkuna yakükur ushariyaptinnam shipashpa senqanman churapurqan qoripita sortïjata. Tsë sortïjaqa lasarqan joqta grämunömi. Tsënöllam qoripita ishkë pulcërata makinman yakaratsirqan. Tsëkunam lasäyarqan juk pachak (100) grämupita mas.
23Tsëpitanam nirqan: <<¿Pipa tsurintaq kanki? ¿Tëtëkipa wayinchö juk kuta kallantsuraq posadakëkatsiyämänëkipaq?>>
24Tsënam Rebeca nirqan: <<Noqaqa Betuelpa tsurinmi kä. Awilüpis Nacormi y awiläpis Milcam. 25Wayïkunachö kanmi posadakuyänëkipaq. Päjapis qewapis kanmi camëllïkikunapaq>>.
26Tsënö niptinnam Abrahampa sirwiqninqa qonqurikur Teyta Diosta kënö adorarqan: 27<<Patronnï Abraham markäkunqan Teyta Dios, alabashqa këkullë. Qamqa imëpis alli karmi patronnïta kuyar castanmanpis chätsimashqanki>>.
28Tsëpitanam Rebecaqa ëqillapa ewkurqan imapis pasashqanta mamäninta willananpaq. 29-30Rebecapa turin Labánnam qoripita rurashqa sortïjatawan pulcërata paninpa makinchö yakarëkaqta rikarqan. Nuna imata ninqantapis mamäninta Rebeca willanqanta wiyarirmi Labán ëqillapa ëwarqan pözu kaqman tsë nunawan tinkunanpaq. Pözu lädunchönam tarirqan camëllunkunawan këkaqta. 31Tsëmi Labán nirqan: <<¡Wayïman ewkushun, tëtë! Qamqa kanki Teyta Diospa alli nunanmi. Këllachöqa manachi quedakunkimantsu. Wayipis alistashqanam këkan. Camëllïkikunata llawinapaqpis corral kanmi>>.
32Tsënö niptinnam Abrahampa sirwiqninqa Labánpa wayinman ëwarqan. Tsëchönam Labánqa camëllukunapa carganta paskarir qararqan. Tsënöllam yakuta alistarqan Abrahampa sirwiqnin y yanaqinkuna chakinkunata paqakuyänanpaq.
33Tsëpitanam mikuyänanpaq mësaman täratsiyaptin Abrahampa sirwiqninqa nirqan: <<Mikunäpaqpis puntataraq imaq shamunqätapis willariyashqëki>>.
Labánnam nirqan: <<¡Juklla willëkayämë!>>
34Tsëmi tsë sirwiq nirqan: <<Noqaqa Abrahampa sirwiqninmi kä. 35Teyta Diosmi patronnï Abrahamta bendisishqa rïcuyänanpaq. Tsëmi üshankuna, chiwankuna, wäkankuna, camëllunkuna, ashnunkunapis alli mirayashqa. Pëpaqa atskam ollqupis warmipis sirwiqninkuna kayä. Tsënöllam qorinpis qellëninpis atska kapun. 36Patronnïpa warmin Sarapam chakwanna këkaptin ollqu wamran kapushqa. Pëpa wamranpaqmi llapan herenciankunapis këkan. 37Teyta Diospa shutinchömi patronnï kënö juratsimashqa: <Kë taranqä Canaán markakunapitaqa tsurïpaq warmin ama ashinkitsu. 38Tsëpa rantinqa ëwanki tëtäpa castankuna kaqman. Pëkunapita apamunki juk shipashta tsurï Isaacwan täkunanpaq>.
39<<Tsënö nimaptinmi nirqä: <Tsë shipash shamïta mana munaptinqa ¿imatataq rurashaq?>
40<<Tsëmi nimarqan: <Noqaqa imëpis Teyta Diospa munëninchömi kawëkä. Teyta Diosmi angelninta kachamunqa yanapashunëkipaq. Tsënöpam castäkunapita juk shipashta apamunki tsurïpa warmin kananpaq. 41Castäkunaman chaptiki tsurinta mana jaqimuptinqa parlanqantsik cumplishqanam kanqa>.
42<<Tsënö nimaptin shamurmi pözu nöpanman kanan junaq chämurqü. Tsëchömi Teyta Diosta mañakurqü kënö: <Patronnï Abraham markäkunqan Teyta Dios, yanapëkallämë Isaacpa warmin kananpaq kaq shipashwan tinkunäpaq. 43Kë pözu lädunllachömi shuyarëkäshaq shipashkuna yaku jorquq shamuqta. Permitïkullë Teyta, patronnïpa tsurinpaq warmin tarïkunäpaq. Tsë shipashtam puyñunpita yakuta mañakushaq. 44Tsënö mañakuptï: <<Tëtë, upurkullë. Camëllïkikunatapis yakuta upuratsishaq>> nimaq kaqmi patronnïpa llumtsïninpaq akranqëki shipash kanqa>.
45<<Teyta Diosta mañakïta manaraq usharmi rikarqä Rebeca puyñun omrushqa yaku jorquq shamïkaqta. Pözupita yakuta chaqariptinnam mañakurqä: <Yakullëkita qarëkamë, shipash>. 46Tsëmi puyñunta mellqarkur kënö nimarqan: <Tëtë, upurkullë. Camëllïkikunatapis yaküratsimushaq>. Tsënö nimaptinmi upurqü. Y camëllükunatapis yakütsimushqam. 47Tsëpitanam tapurqä: <¿Pipa tsurintaq kanki?> Tsëmi yaskimarqan: <Noqaqa Betuelpa tsurinmi kä. Awilümi Nacor y awilänam Milca>. Tsënö nimaptinmi sortïjata senqanman churapurqü. Tsënöllam ishkan makinmanpis pulcërakunata yakatsirqü.
48<<Tsëpitanam qonqurikïkur Teyta Diosta adorar alabarqä: <Patronnï Abrahampa Diosnin, qam alli nänipam pushamarqunki patronnïpa tsurinpa warminpaq shipashta castanllapita tarinäpaq>. 49Tëtakuna, kanan nïkalläyämë patronnïpa llumtsïninpaq tsurikita äninqëkita o mana äninqëkitapis. Mana änimaptikiqa alfin imanashaqtaq>>.
50Tsëmi Labánpis Betuelpis niyarqan: <<Teyta Dios rasunpam yanapashurqunki këman chämunëkipaq. Tsënö këkaptinqa ¿imanirtaq mana äniyaqmantsu? 51Teyta Dios tsënö kananpaq permitishqa këkaptinqa patronnikipa tsurinpa warmin kananpaq Rebecata änïkuyashqëki>>.
52Tsënö niyaptinnam Abrahampa sirwiqninqa Teyta Diosta payllä nishpa urkunpis patsaman chanqanyaq qonqurikurqan. 53Tsëpitanam qoripita qellëpita alhäjakunata y fïnu ratashkunata jorqurir Rebecata qarëkurqan. Tsënöllam turintapis mamänintapis qarëkurqan. 54Tsëpitanam Abrahampa sirwiqninqa yanaqinkunawan mikuyarqan upuyarqan y tsëchö tsë paqas punuyarqan. Waränin qoyanam shärikurir nirqan: <<Kananqa patronnï kaqman kutikuyänäpaq despachëkalläyämë, tëtë>>.
55Tsënö niptinnam Rebecapa turinwan mamäninqa niyarqan: <<Chunka junaqllapis noqakunawan Rebeca karitsunraq. Tsëpitanam despachëkuyashqëki>>.
56Abrahampa sirwiqninnam nirqan: <<Këman shamuptï llapanpis alli yarqunanpaq Teyta Dios munaptinqa patronnïpa wayinman kutikuyänäpaq juklla despachëkalläyämë>>.
57Pëkunanam niyarqan: <<Mä, shipashta qayashun tapunantsikpaq>>.
58Tsënö nirmi Rebecata qayëkur tapuyarqan: <<¿Kë nunawan ewkïta munankiku?>>
Rebecanam yaskirqan: <<Awmi, ewkushaqmi>>.
59Tsënö yaskiptinnam despachëkuyarqan llullunpita wätaqnin warmitawan. Tsëmi ewkuyarqan Abrahampa sirwiqninwan y pëwan shamuq nunakunawanpis. 60Ewkuyaptinnam bendisir kënö niyarqan: <<Wawëkikuna, willkëkikuna y pëkunapita miraqkuna atskaman mirar waranqa waranqa këkulläyätsun. Tsënölla mirëninkuna llapan contrankunata vencir munëninman churayätsun>>.
61Tsëpitanam Rebecaqa Abrahampa sirwiqnin pushanqanllapa camëllukunata montakurkur sirwiqnin warmikunawan ewkurqan. Tsënömi Abrahampa sirwiqninqa Rebecata pusharkur kutikurqan.
62Pëkuna kutiyänanpaqqa Isaac kutiramushqanam karqan Beer Lahai-Roí ninqan pözu kaqpita. Pëqa tärarqan Neguevchömi. 63Patsa asqïkaptinnam Isaacqa ëwarqan rikachakuq. Tsëpa ëwëkarnam rikarqan camëllukuna shamïkaqta. 64Tsënöllam Rebecapis Isaacta rikëkur montaranqan camëllupita yarpurirqan. 65Abrahampa sirwiqnintanam tapurqan: <<¿Pitaq taqë shamïkaq nuna?>>
Tsënam yaskirqan: <<Pëmi patronnï>>.
Tsënö niptinnam Rebecaqa vëlunwan qaqllanta tsapakurkurqan.
66Isaacwan tinkurirnam sirwiqninqa willarqan llapan ima pasanqantapis. 67Tsëpitanam Isaacqa Rebecata pusharqan mamänin manaraq wanukur yachanqan toldu wayiman. Tsëchönam Rebecawan juntakar täkuyarqan. Rebecataqa Isaac alläpam kuyëkurqan. Tsëmi mamänin wanunqanpitapis llakikurqannatsu.
Currently Selected:
Génesis 24: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 24
24
Isaacpaq warmita ashiyanqan
1Abrahamqa awkinnam karqan. Llapan ruranqankunachömi Teyta Dios yanaparqan. 2Abrahampam alläpa markäkunqan sirwiqnin kapurqan. Pëmi llapan sirwiqninkunapitapis mas awkin karqan. Tsë sirwiqninmi llapan imëkanwanpis cuentatsakurqan. Pëta qayëkatsirmi Abraham nirqan: <<Llillïta yatëkur#24.2 Tsë witsan llillinta yatëkur imatapis äninqanta imanöpapis cumplinanpaq kanqantam niyaq. 3kë patsatapis ciëlutapis kamaq Teyta Diospa shutinchö llapan ninqäta cumplinëkipaq änimë. Kë taranqä Canaán markakunapitaqa tsurïpaq warmin ama ashinkitsu. 4Tsëpa rantinqa castäkuna tëkäyanqan Harán markaman ëwar tsurïpa warmin kananpaq juk shipashta apamunki>>.
5Tsënö niptinnam tsë sirwiqnin nirqan: <<Teyta, shamïta mana munaptinqa ¿imatataq rurashaq? Tsënö kaptinqa ¿tsurikitaku warmipa markanman pushashaq?>>
6Abrahamnam nirqan: <<Tsurïtaqa ama pushankitsu. 7Ciëluchö këkaq Teyta Diosmi nimashqa kë tëkanqantsik patsata tsurïkunata, willkäkunata y pëkunapita miraqkunatapis qonanpaq. Pëmi tëtäpa wayinpita y markäpita jorqamar këman chätsimashqa.#Gén. 12.1-3, 7; 13.14-17; 15.18-21. Tsëmi angelninta kachamunqa qamwan ëwananpaq. Tsënöpam tsurïpa warminpaq juk shipashta tsëpita pushamunki. 8Shipash shamïta mana munaptinqa kë parlanqantsik tsëllachömi ushakanqa. Imanö kaptinpis shipashpa markanmanqa tsurïta ama pushankitsu>>.
9Tsënö niptinnam sirwiqninqa Abrahampa llillinta yatëkur Teyta Diospa nöpanchö änirqan patronnin llapan ninqanta cumplinanpaq. 10Tsëpitanam allin kaq qarëkunata akrarir chunka camëllunkunaman cargarkur ëwarqan Abrahampa wawqin Nacor täranqan markaman. Tsë markaqa këkarqan Mesopotamiachömi. 11Inti jeqëkaptinnam Abrahampa sirwiqninqa markapa yëkunanman chärirqan. Tsëchömi camëllukunata pözu nöpanman jamaratsirqan. Tsë höram shipashkuna ëwayaq pözupita yakuta jorquyänanpaq.
12Tsëchömi Teyta Diosta kënö mañakurqan: <<Patronnï Abraham markäkunqan Teyta Dios, patronnïta ankupar kanan yanapëkallämë llapanpis alli yarqïkunanpaq. 13Kë pözu lädunllachömi shuyäshaq shipashkuna yakuta jorquyänanpaq shayämuqkunata. 14Mëqan shipashpis chämuqtam nishaq: <Puyñïkipita yakuta qarëkallämë> nir. Tsënö mañakuptï nimätsun: <Upurkullë. Camëllïkikunatapis yakütsimushaq>. Tsënö nimaq kaq këkullätsun Isaacpa warminpaq akranqëki shipash. Tsënöpam musyashaq patronnïta ankupar yanapanqëkita>>.
15Teyta Diosta mañakïta manaraq ushaptinnam juk shipash puyñun omrushqa pözuman chärirqan. Tsë shipashqa karqan Betuelpa tsurin Rebecam. Betuelqa karqan Milcachö Nacorpa tsurinmi. Nacorqa karqan Abrahampa wawqinmi. 16Rebecaqa karqan alläpa shumaq doncëlla shipashmi. Pëmi pözu kaqman chëkur puyñunwan yakuta jorqurir wayinman kutikïkarqan. 17Tsëmi Abrahampa sirwiqnin taripëkur nirqan: <<Puyñullëkipita yakullä qararamë, mamë>>.
18Shipashnam nirqan: <<Upurkullë, tëtë>>.
Tsënö nirmi puyñunpita yakuta uputsirqan. 19Tsënö upuriptinnam Rebeca nirqan: <<Camëllïkikunatapis yaküratsimushaq, tëtë>>.
20Tsënö nirmi wätakuna yaku upukuyänanman raslla yakuta ashtarqan camëllukuna upuyänanpaq. 21Tsëmi Abrahampa sirwiqninqa Teyta Diosta mañakunqannö tsë shipash kanqanta o mana kanqantapis musyëta munar upällalla rikarëkarqan. 22Camëllunkuna yakükur ushariyaptinnam shipashpa senqanman churapurqan qoripita sortïjata. Tsë sortïjaqa lasarqan joqta grämunömi. Tsënöllam qoripita ishkë pulcërata makinman yakaratsirqan. Tsëkunam lasäyarqan juk pachak (100) grämupita mas.
23Tsëpitanam nirqan: <<¿Pipa tsurintaq kanki? ¿Tëtëkipa wayinchö juk kuta kallantsuraq posadakëkatsiyämänëkipaq?>>
24Tsënam Rebeca nirqan: <<Noqaqa Betuelpa tsurinmi kä. Awilüpis Nacormi y awiläpis Milcam. 25Wayïkunachö kanmi posadakuyänëkipaq. Päjapis qewapis kanmi camëllïkikunapaq>>.
26Tsënö niptinnam Abrahampa sirwiqninqa qonqurikur Teyta Diosta kënö adorarqan: 27<<Patronnï Abraham markäkunqan Teyta Dios, alabashqa këkullë. Qamqa imëpis alli karmi patronnïta kuyar castanmanpis chätsimashqanki>>.
28Tsëpitanam Rebecaqa ëqillapa ewkurqan imapis pasashqanta mamäninta willananpaq. 29-30Rebecapa turin Labánnam qoripita rurashqa sortïjatawan pulcërata paninpa makinchö yakarëkaqta rikarqan. Nuna imata ninqantapis mamäninta Rebeca willanqanta wiyarirmi Labán ëqillapa ëwarqan pözu kaqman tsë nunawan tinkunanpaq. Pözu lädunchönam tarirqan camëllunkunawan këkaqta. 31Tsëmi Labán nirqan: <<¡Wayïman ewkushun, tëtë! Qamqa kanki Teyta Diospa alli nunanmi. Këllachöqa manachi quedakunkimantsu. Wayipis alistashqanam këkan. Camëllïkikunata llawinapaqpis corral kanmi>>.
32Tsënö niptinnam Abrahampa sirwiqninqa Labánpa wayinman ëwarqan. Tsëchönam Labánqa camëllukunapa carganta paskarir qararqan. Tsënöllam yakuta alistarqan Abrahampa sirwiqnin y yanaqinkuna chakinkunata paqakuyänanpaq.
33Tsëpitanam mikuyänanpaq mësaman täratsiyaptin Abrahampa sirwiqninqa nirqan: <<Mikunäpaqpis puntataraq imaq shamunqätapis willariyashqëki>>.
Labánnam nirqan: <<¡Juklla willëkayämë!>>
34Tsëmi tsë sirwiq nirqan: <<Noqaqa Abrahampa sirwiqninmi kä. 35Teyta Diosmi patronnï Abrahamta bendisishqa rïcuyänanpaq. Tsëmi üshankuna, chiwankuna, wäkankuna, camëllunkuna, ashnunkunapis alli mirayashqa. Pëpaqa atskam ollqupis warmipis sirwiqninkuna kayä. Tsënöllam qorinpis qellëninpis atska kapun. 36Patronnïpa warmin Sarapam chakwanna këkaptin ollqu wamran kapushqa. Pëpa wamranpaqmi llapan herenciankunapis këkan. 37Teyta Diospa shutinchömi patronnï kënö juratsimashqa: <Kë taranqä Canaán markakunapitaqa tsurïpaq warmin ama ashinkitsu. 38Tsëpa rantinqa ëwanki tëtäpa castankuna kaqman. Pëkunapita apamunki juk shipashta tsurï Isaacwan täkunanpaq>.
39<<Tsënö nimaptinmi nirqä: <Tsë shipash shamïta mana munaptinqa ¿imatataq rurashaq?>
40<<Tsëmi nimarqan: <Noqaqa imëpis Teyta Diospa munëninchömi kawëkä. Teyta Diosmi angelninta kachamunqa yanapashunëkipaq. Tsënöpam castäkunapita juk shipashta apamunki tsurïpa warmin kananpaq. 41Castäkunaman chaptiki tsurinta mana jaqimuptinqa parlanqantsik cumplishqanam kanqa>.
42<<Tsënö nimaptin shamurmi pözu nöpanman kanan junaq chämurqü. Tsëchömi Teyta Diosta mañakurqü kënö: <Patronnï Abraham markäkunqan Teyta Dios, yanapëkallämë Isaacpa warmin kananpaq kaq shipashwan tinkunäpaq. 43Kë pözu lädunllachömi shuyarëkäshaq shipashkuna yaku jorquq shamuqta. Permitïkullë Teyta, patronnïpa tsurinpaq warmin tarïkunäpaq. Tsë shipashtam puyñunpita yakuta mañakushaq. 44Tsënö mañakuptï: <<Tëtë, upurkullë. Camëllïkikunatapis yakuta upuratsishaq>> nimaq kaqmi patronnïpa llumtsïninpaq akranqëki shipash kanqa>.
45<<Teyta Diosta mañakïta manaraq usharmi rikarqä Rebeca puyñun omrushqa yaku jorquq shamïkaqta. Pözupita yakuta chaqariptinnam mañakurqä: <Yakullëkita qarëkamë, shipash>. 46Tsëmi puyñunta mellqarkur kënö nimarqan: <Tëtë, upurkullë. Camëllïkikunatapis yaküratsimushaq>. Tsënö nimaptinmi upurqü. Y camëllükunatapis yakütsimushqam. 47Tsëpitanam tapurqä: <¿Pipa tsurintaq kanki?> Tsëmi yaskimarqan: <Noqaqa Betuelpa tsurinmi kä. Awilümi Nacor y awilänam Milca>. Tsënö nimaptinmi sortïjata senqanman churapurqü. Tsënöllam ishkan makinmanpis pulcërakunata yakatsirqü.
48<<Tsëpitanam qonqurikïkur Teyta Diosta adorar alabarqä: <Patronnï Abrahampa Diosnin, qam alli nänipam pushamarqunki patronnïpa tsurinpa warminpaq shipashta castanllapita tarinäpaq>. 49Tëtakuna, kanan nïkalläyämë patronnïpa llumtsïninpaq tsurikita äninqëkita o mana äninqëkitapis. Mana änimaptikiqa alfin imanashaqtaq>>.
50Tsëmi Labánpis Betuelpis niyarqan: <<Teyta Dios rasunpam yanapashurqunki këman chämunëkipaq. Tsënö këkaptinqa ¿imanirtaq mana äniyaqmantsu? 51Teyta Dios tsënö kananpaq permitishqa këkaptinqa patronnikipa tsurinpa warmin kananpaq Rebecata änïkuyashqëki>>.
52Tsënö niyaptinnam Abrahampa sirwiqninqa Teyta Diosta payllä nishpa urkunpis patsaman chanqanyaq qonqurikurqan. 53Tsëpitanam qoripita qellëpita alhäjakunata y fïnu ratashkunata jorqurir Rebecata qarëkurqan. Tsënöllam turintapis mamänintapis qarëkurqan. 54Tsëpitanam Abrahampa sirwiqninqa yanaqinkunawan mikuyarqan upuyarqan y tsëchö tsë paqas punuyarqan. Waränin qoyanam shärikurir nirqan: <<Kananqa patronnï kaqman kutikuyänäpaq despachëkalläyämë, tëtë>>.
55Tsënö niptinnam Rebecapa turinwan mamäninqa niyarqan: <<Chunka junaqllapis noqakunawan Rebeca karitsunraq. Tsëpitanam despachëkuyashqëki>>.
56Abrahampa sirwiqninnam nirqan: <<Këman shamuptï llapanpis alli yarqunanpaq Teyta Dios munaptinqa patronnïpa wayinman kutikuyänäpaq juklla despachëkalläyämë>>.
57Pëkunanam niyarqan: <<Mä, shipashta qayashun tapunantsikpaq>>.
58Tsënö nirmi Rebecata qayëkur tapuyarqan: <<¿Kë nunawan ewkïta munankiku?>>
Rebecanam yaskirqan: <<Awmi, ewkushaqmi>>.
59Tsënö yaskiptinnam despachëkuyarqan llullunpita wätaqnin warmitawan. Tsëmi ewkuyarqan Abrahampa sirwiqninwan y pëwan shamuq nunakunawanpis. 60Ewkuyaptinnam bendisir kënö niyarqan: <<Wawëkikuna, willkëkikuna y pëkunapita miraqkuna atskaman mirar waranqa waranqa këkulläyätsun. Tsënölla mirëninkuna llapan contrankunata vencir munëninman churayätsun>>.
61Tsëpitanam Rebecaqa Abrahampa sirwiqnin pushanqanllapa camëllukunata montakurkur sirwiqnin warmikunawan ewkurqan. Tsënömi Abrahampa sirwiqninqa Rebecata pusharkur kutikurqan.
62Pëkuna kutiyänanpaqqa Isaac kutiramushqanam karqan Beer Lahai-Roí ninqan pözu kaqpita. Pëqa tärarqan Neguevchömi. 63Patsa asqïkaptinnam Isaacqa ëwarqan rikachakuq. Tsëpa ëwëkarnam rikarqan camëllukuna shamïkaqta. 64Tsënöllam Rebecapis Isaacta rikëkur montaranqan camëllupita yarpurirqan. 65Abrahampa sirwiqnintanam tapurqan: <<¿Pitaq taqë shamïkaq nuna?>>
Tsënam yaskirqan: <<Pëmi patronnï>>.
Tsënö niptinnam Rebecaqa vëlunwan qaqllanta tsapakurkurqan.
66Isaacwan tinkurirnam sirwiqninqa willarqan llapan ima pasanqantapis. 67Tsëpitanam Isaacqa Rebecata pusharqan mamänin manaraq wanukur yachanqan toldu wayiman. Tsëchönam Rebecawan juntakar täkuyarqan. Rebecataqa Isaac alläpam kuyëkurqan. Tsëmi mamänin wanunqanpitapis llakikurqannatsu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.