Génesis 42
42
Josépa wawqinkuna Egiptuman ëwayanqan
1Egiptuchö trïgu rantipaq kanqanta musyarirnam tsurinkunata Jacob nirqan: <<Këchö ¿imatatan rurayanki kikikipura rikaränakur? 2Egiptuman ëwaqkunam willayämashqa tsëchö trïgu rantipaq kanqanta. Ëwar qamkunapis mikunantsikpaq rantiyämï. Mana ëwayaptikiqa ¿imata mikurtaq kawashun?>>#Hech. 7.12.
3Tsënö niptinnam Josépa chunka wawqinkuna trïgu rantiq Egiptuman ëwayarqan. 4Josépa wawqin Benjamín ëwanantaqa Jacob manam munarqantsu <<imapis tsurïta pasëkunman>> nir.
5Tsënöpam Israelpa#42.5 Israelqa Jacobpa juk kaq shutinmi karqan. tsurinkuna trïgu rantiqkunawan yanaqänakur Egiptuman chäyarqan. Llapan Canaánchömi alläpa muchï karqan.
6José Egipto nacionpa gobernadornin karmi jinantinpita trïgu rantiq ëwaqkunata rantikuq. Tsëmi wawqinkuna trïgu rantiq Egiptuman chëkur Josépa nöpanman urkunkunapis patsaman chanqanyaq qonqurikuyarqan. 7Wawqinkunata rikëkurnam Joséqa juklla reqirirqan. Reqikarpis mana reqiq tukushllapam piñapar kënö tapurqan: <<¿Mëpitataq shayämurqunki?>>
Tsënö tapuptinnam niyarqan: <<Teyta, noqakunaqa Canaánpitam kayä y trïgu rantiqmi shalläyämurqü>>.
8José reqiptinpis wawqinkunaqa manam pëta reqiyarqantsu. 9Tsë höram Joséqa yarpakurkurqan pëkunapaq imanö suëñunqantapis.#Gén. 37.5-10. Y kënömi nirqan: <<Qamkunaqa kayanki musyapakuqmi. Tsëmi shayämurqunki kë nacionman mëpa yëkayämunëkipaq kaqtapis musyapakuq>>.
10Tsënam niyarqan: <<¡Manam, tëtë! Noqakunaqa trïgu rantiqllam shalläyämurqü. 11Noqakunaqa llapäpis juk tëtallapitam kayä. Y honrädu kar manam imëpis nunapa markanta rikapakur puriyätsu>>.
12Tsënö niyaptinnam José yapë nirqan: <<Qamkunaqa ulikïkäyankim. Rasunpam shayämurqunki kë nación imanö kanqantapis musyapakuyänëkipaq>>.
13Pëkunanam yaskiyarqan: <<Noqakunaqa juk tëtallapitam chunka ishkë wawqikuna kayä. Llapäpis täräyä Canaánchömi. Tutu kaq wawqïkunallam tëtäwan quedamushqa. Juk kaq wawqikunaqa tsinkashqam#42.13 Wakin nunakunaqa illarishqam niyanmi.>>.
14Tsënam Joséqa yapë nirqan: <<Rasunpam qamkunaqa musyapakuq kayanki. 15Kananmi musyashaq rasun kaqta parlëkäyanqëkita o ulikïkäyanqëkitapis. Faraónpa shutinchö jurarmi nï: <Manam mëqëkipis këpita yarquyankitsu qepa kaq wawqikita këman manaraq pushamurqa. 16Mëqëkikunapis kutiyë tutu kaq wawqikita pushayämunëkipaq. Wakinnikina prësu këchö quedayë. Tutu kaq wawqikita mana pushamurqa rasunpam markä musyapakuq kayanki>. Faraónpa shutinchö jurarmi tsënö kananpaq niyaq>>.
17Tsënö nirmi Joséqa kima junaq carcelchö pëkunata llawirätsirqan.
18Tsëpita kima junaqtanam José nirqan: <<Teyta Diostam mantsakü. Tsëmi niyashqaqkunata rurayaptikiqa wanutsiyashqëkitsu. 19Rasunpa mana musyapakuq karqa juk wawqikillata prësu jaqiyë. Wakinnikina castëkikuna mikuyänanpaq trïguta aparkur ëwayë. 20Tsëpitana tutu kaq wawqikikunata pusharkur këman kutiyämunki. Tsënöpam musyashaq niyanqëki rasunpa kanqanta. Mana chätsiyämurqa wanuyankim>>.
José tsënö niptinnam äniriyarqan.
21Kikinkunapuram jukninpis jukninpis kënö ninakuyarqan: <<Kënöqa jipëkantsik wawqintsikta mana allita ruranqantsikpitam. Kacharinapaq rowëkämashqapis manam ankupëkurqantsiktsu>>.
22Tsënö niyaptinnam Rubénqa nirqan: <<Noqaqa chunkapis niyarqaqmi tsë wamrata imatapis mana rurayänëkipaq.#Gén. 37.21-22. Qamkunaqa manam cäsuyämarqëkitsu. Kananqa pëpa maldicionninwanmi jipëkantsik>>.
23Egipto nunakunapa idiömanchö José parlaptin juk nunaran wawqinkunata käyitsirqan. Tsëmi musyayarqantsu pëkuna parlayanqanta José käyikanqanta. 24Josénam wawqinkunapita juk läduman ëwëkur waqarqan. Waqanqanpita kutïkurnam yapë parlaparqan. Tsëpitanam Simeónta akrarir nöpankunachö cadënawan watatsirqan.
25Tsëpitanam sirwiqninta nirqan costalninkunaman trïguta winapunanpaq y pagayashqan qellëta costalninkunaman kutirkatsinanpaq. Jina nirqam mirkapankunapis qepipänanpaq. José ninqannöllam llapantapis rurarqan. 26Tsëpitanam ashnunkunaman trïguta cargakurkur ewkuyarqan.
27Kutikar asqükïkurnam quedakuyanqanchö ashnunkunata trïguta qarayänanpaq juknin kaqna costalninta paskarqan. Kicharirnam costalpa shiminchö tarirqan qellë winarëkaqta. 28Tsëmi wawqinkunata nirqan: <<¡Mamallanë mäma! ¡Kë costalnïchö qellëta rikëkuyë! ¿Imanirraq kutïkatsimashqa?>>
Tsënö niptinnam limpu mantsakar jukninpis jukninpis kënö ninakuyarqan: <<¿Imanirtaq Teyta Dios permitïkun kë pasëkamänantsikpaq?>>
29Canaánman kutïkurnam tëtanta willayarqan Egiptuchö ima pasayanqantapis. Willarmi niyarqan: 30<<Egipto nacionpa mandakuqninqa wäputupäyämashqam tsë nación imanö kanqantapis musyapakuq ëwayanqäta yarpar. 31Tsëmi niyarqü honrädu nuna kayashqäta y musyapakuq mana ëwayashqäta. 32Tsënöllam willayarqü juk tëtallapita chunka ishkë wawqi kayanqäta. Y willayarqü juk wawqïkuna oqrakanqantam y tutu kaqna qamwan këchö quedanqantam.
33<<Tsëmi niyämashqa: <Rasun kaqta parlayanqëkita musyanäpaq juk wawqikikunata prësu jaqirïkur wakinniki kutiyë castëkikuna mikuyänanpaq trïguta aparkur. 34Tutu wawqikita chätsiyämuptikiran musyashaq musyapakuq mana kayanqëkita. Tsëran wawqikita prësu tsaranqäpita kachäshaq. Tsënöpam kë nacionman kutiyämuptiki pipis imatapis niyäshunkitsu> >>.
35Tsënö willarir trïguta tallipakuyanqanchönam tarïkuyarqan juknin jukninpa costalninchö qellëninkuna bolsawan këkaqta. Tsënam kikinkunapis y tëtanpis alläpa mantsakëkuyarqan. 36Tsënam Jacob nirqan: <<Qamkunaqa tsurïkunata ushariyankinataq. Josépis ni Simeónpis kayannatsu. Kananna Benjamínnïta pushëta munëkäyanki. Tsënö kaptinqa noqapaqqa manam vïdapis vïdanatsu>>.
37Tsënam Rubénqa nirqan: <<Tëtë, Benjamínta pusharqa kikïmi kutitsimushaq. Pëta mana kutitsimuptïqa ishkë tsurïtam wanuratsinki>>.
38Jacobnam nirqan: <<Manam tutu tsurïta pushayankitsu. Wawqin José wanukushqa kaptin japallanllanam këkan tsë mamapita. Ëwëkäyaptiki nänichö imapis pasaptinqa ¿imanötaq kayankiman? Tsënö kaptinqa qamkunapa cuentëkikunam llakikïwan wanukushaqpis>>.
Currently Selected:
Génesis 42: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 42
42
Josépa wawqinkuna Egiptuman ëwayanqan
1Egiptuchö trïgu rantipaq kanqanta musyarirnam tsurinkunata Jacob nirqan: <<Këchö ¿imatatan rurayanki kikikipura rikaränakur? 2Egiptuman ëwaqkunam willayämashqa tsëchö trïgu rantipaq kanqanta. Ëwar qamkunapis mikunantsikpaq rantiyämï. Mana ëwayaptikiqa ¿imata mikurtaq kawashun?>>#Hech. 7.12.
3Tsënö niptinnam Josépa chunka wawqinkuna trïgu rantiq Egiptuman ëwayarqan. 4Josépa wawqin Benjamín ëwanantaqa Jacob manam munarqantsu <<imapis tsurïta pasëkunman>> nir.
5Tsënöpam Israelpa#42.5 Israelqa Jacobpa juk kaq shutinmi karqan. tsurinkuna trïgu rantiqkunawan yanaqänakur Egiptuman chäyarqan. Llapan Canaánchömi alläpa muchï karqan.
6José Egipto nacionpa gobernadornin karmi jinantinpita trïgu rantiq ëwaqkunata rantikuq. Tsëmi wawqinkuna trïgu rantiq Egiptuman chëkur Josépa nöpanman urkunkunapis patsaman chanqanyaq qonqurikuyarqan. 7Wawqinkunata rikëkurnam Joséqa juklla reqirirqan. Reqikarpis mana reqiq tukushllapam piñapar kënö tapurqan: <<¿Mëpitataq shayämurqunki?>>
Tsënö tapuptinnam niyarqan: <<Teyta, noqakunaqa Canaánpitam kayä y trïgu rantiqmi shalläyämurqü>>.
8José reqiptinpis wawqinkunaqa manam pëta reqiyarqantsu. 9Tsë höram Joséqa yarpakurkurqan pëkunapaq imanö suëñunqantapis.#Gén. 37.5-10. Y kënömi nirqan: <<Qamkunaqa kayanki musyapakuqmi. Tsëmi shayämurqunki kë nacionman mëpa yëkayämunëkipaq kaqtapis musyapakuq>>.
10Tsënam niyarqan: <<¡Manam, tëtë! Noqakunaqa trïgu rantiqllam shalläyämurqü. 11Noqakunaqa llapäpis juk tëtallapitam kayä. Y honrädu kar manam imëpis nunapa markanta rikapakur puriyätsu>>.
12Tsënö niyaptinnam José yapë nirqan: <<Qamkunaqa ulikïkäyankim. Rasunpam shayämurqunki kë nación imanö kanqantapis musyapakuyänëkipaq>>.
13Pëkunanam yaskiyarqan: <<Noqakunaqa juk tëtallapitam chunka ishkë wawqikuna kayä. Llapäpis täräyä Canaánchömi. Tutu kaq wawqïkunallam tëtäwan quedamushqa. Juk kaq wawqikunaqa tsinkashqam#42.13 Wakin nunakunaqa illarishqam niyanmi.>>.
14Tsënam Joséqa yapë nirqan: <<Rasunpam qamkunaqa musyapakuq kayanki. 15Kananmi musyashaq rasun kaqta parlëkäyanqëkita o ulikïkäyanqëkitapis. Faraónpa shutinchö jurarmi nï: <Manam mëqëkipis këpita yarquyankitsu qepa kaq wawqikita këman manaraq pushamurqa. 16Mëqëkikunapis kutiyë tutu kaq wawqikita pushayämunëkipaq. Wakinnikina prësu këchö quedayë. Tutu kaq wawqikita mana pushamurqa rasunpam markä musyapakuq kayanki>. Faraónpa shutinchö jurarmi tsënö kananpaq niyaq>>.
17Tsënö nirmi Joséqa kima junaq carcelchö pëkunata llawirätsirqan.
18Tsëpita kima junaqtanam José nirqan: <<Teyta Diostam mantsakü. Tsëmi niyashqaqkunata rurayaptikiqa wanutsiyashqëkitsu. 19Rasunpa mana musyapakuq karqa juk wawqikillata prësu jaqiyë. Wakinnikina castëkikuna mikuyänanpaq trïguta aparkur ëwayë. 20Tsëpitana tutu kaq wawqikikunata pusharkur këman kutiyämunki. Tsënöpam musyashaq niyanqëki rasunpa kanqanta. Mana chätsiyämurqa wanuyankim>>.
José tsënö niptinnam äniriyarqan.
21Kikinkunapuram jukninpis jukninpis kënö ninakuyarqan: <<Kënöqa jipëkantsik wawqintsikta mana allita ruranqantsikpitam. Kacharinapaq rowëkämashqapis manam ankupëkurqantsiktsu>>.
22Tsënö niyaptinnam Rubénqa nirqan: <<Noqaqa chunkapis niyarqaqmi tsë wamrata imatapis mana rurayänëkipaq.#Gén. 37.21-22. Qamkunaqa manam cäsuyämarqëkitsu. Kananqa pëpa maldicionninwanmi jipëkantsik>>.
23Egipto nunakunapa idiömanchö José parlaptin juk nunaran wawqinkunata käyitsirqan. Tsëmi musyayarqantsu pëkuna parlayanqanta José käyikanqanta. 24Josénam wawqinkunapita juk läduman ëwëkur waqarqan. Waqanqanpita kutïkurnam yapë parlaparqan. Tsëpitanam Simeónta akrarir nöpankunachö cadënawan watatsirqan.
25Tsëpitanam sirwiqninta nirqan costalninkunaman trïguta winapunanpaq y pagayashqan qellëta costalninkunaman kutirkatsinanpaq. Jina nirqam mirkapankunapis qepipänanpaq. José ninqannöllam llapantapis rurarqan. 26Tsëpitanam ashnunkunaman trïguta cargakurkur ewkuyarqan.
27Kutikar asqükïkurnam quedakuyanqanchö ashnunkunata trïguta qarayänanpaq juknin kaqna costalninta paskarqan. Kicharirnam costalpa shiminchö tarirqan qellë winarëkaqta. 28Tsëmi wawqinkunata nirqan: <<¡Mamallanë mäma! ¡Kë costalnïchö qellëta rikëkuyë! ¿Imanirraq kutïkatsimashqa?>>
Tsënö niptinnam limpu mantsakar jukninpis jukninpis kënö ninakuyarqan: <<¿Imanirtaq Teyta Dios permitïkun kë pasëkamänantsikpaq?>>
29Canaánman kutïkurnam tëtanta willayarqan Egiptuchö ima pasayanqantapis. Willarmi niyarqan: 30<<Egipto nacionpa mandakuqninqa wäputupäyämashqam tsë nación imanö kanqantapis musyapakuq ëwayanqäta yarpar. 31Tsëmi niyarqü honrädu nuna kayashqäta y musyapakuq mana ëwayashqäta. 32Tsënöllam willayarqü juk tëtallapita chunka ishkë wawqi kayanqäta. Y willayarqü juk wawqïkuna oqrakanqantam y tutu kaqna qamwan këchö quedanqantam.
33<<Tsëmi niyämashqa: <Rasun kaqta parlayanqëkita musyanäpaq juk wawqikikunata prësu jaqirïkur wakinniki kutiyë castëkikuna mikuyänanpaq trïguta aparkur. 34Tutu wawqikita chätsiyämuptikiran musyashaq musyapakuq mana kayanqëkita. Tsëran wawqikita prësu tsaranqäpita kachäshaq. Tsënöpam kë nacionman kutiyämuptiki pipis imatapis niyäshunkitsu> >>.
35Tsënö willarir trïguta tallipakuyanqanchönam tarïkuyarqan juknin jukninpa costalninchö qellëninkuna bolsawan këkaqta. Tsënam kikinkunapis y tëtanpis alläpa mantsakëkuyarqan. 36Tsënam Jacob nirqan: <<Qamkunaqa tsurïkunata ushariyankinataq. Josépis ni Simeónpis kayannatsu. Kananna Benjamínnïta pushëta munëkäyanki. Tsënö kaptinqa noqapaqqa manam vïdapis vïdanatsu>>.
37Tsënam Rubénqa nirqan: <<Tëtë, Benjamínta pusharqa kikïmi kutitsimushaq. Pëta mana kutitsimuptïqa ishkë tsurïtam wanuratsinki>>.
38Jacobnam nirqan: <<Manam tutu tsurïta pushayankitsu. Wawqin José wanukushqa kaptin japallanllanam këkan tsë mamapita. Ëwëkäyaptiki nänichö imapis pasaptinqa ¿imanötaq kayankiman? Tsënö kaptinqa qamkunapa cuentëkikunam llakikïwan wanukushaqpis>>.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.