Génesis 43
43
Egiptuman Benjamínta pushayanqan
1Llapan Canaán markachö alläpa muchï kaptinmi 2Egiptupita apayanqan trïgu ushakäkuriptin tsurinkunata Jacob nirqan: <<Wallkallatapis trïguta rantiyämunëkipaq yapë kutiyë>>.
3Judánam nirqan: <<Egiptuchö trïguta rantikuq nunaqa kënömi niyämashqa: <Tutu wawqikita mana apamurqa ama yuriyämïpistsu> nirmi. 4Wawqï Benjamín noqakunawan ëwaptinqa trïgu rantiq ëwayäshaqmi. 5Mana munaptikiqa manam ëwayäshaqtsu. Ninqaqnöpis tsë mandakuqqa niyämashqa: <Tutu wawqikita mana apamurqa ama kutiyämunkipistsu> >> nirmi.
6Tsëmi Israel nirqan: <<Mas llakikïman churamarnï ¿imapaqtaq tsë nunata willayarqëki tutu wawqikikuna kanqanta?>>
7Pëkunanam yaskiyarqan: <<Tsë nunaqa pï casta kanqantsiktapis musyëta munarmi kënö tapuyämarqan: <¿Tëtëki kawëkanraqku? ¿Maspis wawqikikuna kanraqku?> nir. Tsënö tapuyämaptinmi willayarqü rasun kaqllata. ¿Imanöpataq musyayäman karqan <wawqikita pushamï> niyämänanpaq kaqta?>>
8Tsëmi tëtanta Judá nirqan: <<Tëtë, mallaqëwan mana wanunapaq Benjamín noqakunawan ëwatsun. Noqam pëta cuidashaq. Ëwananta munaptikiqa rasmi ëwayäshaq. Tsënöpam mallaqëwan noqantsikpis y wamrantsikkunapis wanushuntsu. 9Wamrëkita imapis pasaptinqa noqam jutsayuq kashaq. Pëta mana kutitsimuptïqa wanunqäyaqpis ama perdonamankitsu. 10Egiptupita chäramurlla willëkäyaptiq wamrëkita kachapuyämaptikiqa mënam ishkë kutillapis kutirayämümanna karqan>>.
11Tsënam nirqan: <<Tsënö kaptinqa ¿imanashaqtaq, wamra? Tsëpinqa Egiptuchö mandakuqpaq këpita mas allin kaqkunata wallka wallkallapis apayë: balsamuta, mielta, perfümita, mïrrata, nueciskunata y almendraskunata. 12Kutitsiyäshunqëki qellëta aparkur y masta rantiyämunëkipaq qellëta aparkur ëwayë. Chëkurna kutitsiyämunqëki qellëtaqa kikinpa makinman qoykuyanki. Itsa pantakurpis costalnikikunaman winarkayämushqa. 13Tutu wawqikita pusharkur ras ëwayë tsë mandakuq nunaman. 14Dios El-Shaddai#43.14 El-Shaddai ninanqa llapanpaqpis poderyuq Dios ninanmi. tsë mandakuqta käyïkatsitsun ankupäyäshurniki Simeóntawan Benjamínta kacharamunanpaq. Y tsurïkunata oqranäpaq kaptinqa alfin ¿imanashaqraq?>>
15Jacob tsënö käyitsiptinmi mandakuqta qarayänanpaq alistapakuyarqan. Tsëpitanam atska qellëta aparkur y wawqin Benjamíntapis pusharkur Egiptuman jeqariyarqan. Chëkurnam Josépa despächunman yëkuyarqan. 16Benjamínta wawqinkunawan këkaqta rikëkurnam wayinchö mayor sirwiqninta José nirqan: <<Kë nunakunata pushë wayïman. Y wäkata pishtarir mikïta arutsimï. Pëkunawanmi kanan junaq mikushaq>>.
17Tsënö niptinnam sirwiqninqa Josépa wayinman pusharqan. 18Pëkunanam alläpa mantsakar kikinkunapura ninakuyarqan: <<Tsënö nishllapam pushëkämantsik puntata shamushqa qellënintsikta kutitsimanqantsikpita. Kananqa ashnuntsiktawanmi maqarkuryan uryatsimänantsikpaq quedatsimäshun>>.
Josépa wayinchö wawqinkuna mikuyanqan
19Tsënö nirmi Josépa wayinman chëkur sirwiqninta rowakur niyarqan: 20<<Wiraqtsa, musyanqëkinömi puntata trïgu rantiq shayämurqä. 21Kutikarnam quedakuyanqächö cargäkunata paskapakuyarqä. Tsëchömi costalnïkunapa shiminchö tariyarqä qellë këkaqta. Mä pagayanqaq qellë llapanmi këkänaq. Tsë qellëtam apayämurqü kutitsiyänaqpaq. 22Apartim qellëta apayämurqü trïguta yapë rantiyänäpaqpis. Manam musyayätsu punta kaq qellëta costalnïkunaman pï winamunqantapis>>.
23Tsënö niyaptinnam tsë sirwiqninqa nirqan: <<Tsëpita ama llakikuyëtsu ni mantsakäyëtsu. Tëtëkikuna y qamkuna creyikuyanqëki Diosmi tsë qellëta costalnikikunaman churashqa kanqa. Qamkuna pagayanqëkita llapantam chaskiyarqaq>>.
Tsëpitanam Simeóntapis carcelpita jorqaramur tsë sirwiqninqa wawqinkuna këkäyanqanman pusharqan. 24Josépa wayinman chäratsirnam yakuta aparqan chakinkunata paqakuyänanpaq. Jina ashnunkunatapis qewan qararqanmi. 25José pëkunawan almorzaq chänanta musyarirnam apayanqan qarëkunata qoyänanpaq listu këkätsiyarqan.
26Wayinman chäriptinnam apayanqan qarëkunata qoykur Josépa puntanman urkunkunapis patsaman chanqanyaq qonqurikuyarqan. 27Tsënam imanö këkäyanqantapis tapurirnin José kënö nirqan: <<Puntata shamurmi willayämarqëki tëtëkikuna awkinna kanqanta. ¿Imanötaq këkan? ¿Kawëkanraqku?>>
28Tsënö tapuptinnam qonqurikur niyarqan: <<Awmi tëtë, allim këkällan. Kawëkällanran>>.
29Tsënö këkarnam José rikärirqan wawqin Benjamínta. Benjamínwan Joséqa juk mamallapitam kayarqan. Tsënam wawqinkunata kënö tapurqan: <<¿Pëku niyämanqëki tutu kaq wawqikikuna?>> nir.
<<Awmi>> niyaptinnam Benjamínta nirqan: <<¡Teyta Dios bendisïkushï, wamra!>>
30Wawqinta rikëkuptinnam Josépa shonqun alläpa llakirqan. Tsënam cuartunman ras yëkurir waqakïkurqan. 31Teqñanqanyaq waqakurirnam qaqllanta shüpakurir yarqamurqan. Tsëpitanam sirwiqninkunata kënö nirqan: <<Mikïta qarakayämïna>>.
32Tsënam juk mësaman Joséta qarayarqan y juk mësamannam wawqinkunata. Juk lädu mësamannam tsëchö mikuq Egipto nunakunata qarayarqan. Pëkunata tsënö juk läduman qarayarqan Egipto nunakunapaqqa hebreo nunakunawan juntu mikuyanqan penqakïpaq kaptinmi. 33Mësamannam wawqinkunata José täratsirqan punta kaqpita qallëkur tutu kaqyaq. Tsënö täkaratsiptinnam kikinkunapura rikaränakur yarpakachëman chäkuriyarqan. 34Joséqa kikinpa mikïnintapis yapaparqanmi wawqinkunapaq. Wakin wawqinkunapitapis masmi Benjamínta qararqan. Tsë junaqmi wawqinkunawan kushikïta José mikurqan y upurqan.
Currently Selected:
Génesis 43: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 43
43
Egiptuman Benjamínta pushayanqan
1Llapan Canaán markachö alläpa muchï kaptinmi 2Egiptupita apayanqan trïgu ushakäkuriptin tsurinkunata Jacob nirqan: <<Wallkallatapis trïguta rantiyämunëkipaq yapë kutiyë>>.
3Judánam nirqan: <<Egiptuchö trïguta rantikuq nunaqa kënömi niyämashqa: <Tutu wawqikita mana apamurqa ama yuriyämïpistsu> nirmi. 4Wawqï Benjamín noqakunawan ëwaptinqa trïgu rantiq ëwayäshaqmi. 5Mana munaptikiqa manam ëwayäshaqtsu. Ninqaqnöpis tsë mandakuqqa niyämashqa: <Tutu wawqikita mana apamurqa ama kutiyämunkipistsu> >> nirmi.
6Tsëmi Israel nirqan: <<Mas llakikïman churamarnï ¿imapaqtaq tsë nunata willayarqëki tutu wawqikikuna kanqanta?>>
7Pëkunanam yaskiyarqan: <<Tsë nunaqa pï casta kanqantsiktapis musyëta munarmi kënö tapuyämarqan: <¿Tëtëki kawëkanraqku? ¿Maspis wawqikikuna kanraqku?> nir. Tsënö tapuyämaptinmi willayarqü rasun kaqllata. ¿Imanöpataq musyayäman karqan <wawqikita pushamï> niyämänanpaq kaqta?>>
8Tsëmi tëtanta Judá nirqan: <<Tëtë, mallaqëwan mana wanunapaq Benjamín noqakunawan ëwatsun. Noqam pëta cuidashaq. Ëwananta munaptikiqa rasmi ëwayäshaq. Tsënöpam mallaqëwan noqantsikpis y wamrantsikkunapis wanushuntsu. 9Wamrëkita imapis pasaptinqa noqam jutsayuq kashaq. Pëta mana kutitsimuptïqa wanunqäyaqpis ama perdonamankitsu. 10Egiptupita chäramurlla willëkäyaptiq wamrëkita kachapuyämaptikiqa mënam ishkë kutillapis kutirayämümanna karqan>>.
11Tsënam nirqan: <<Tsënö kaptinqa ¿imanashaqtaq, wamra? Tsëpinqa Egiptuchö mandakuqpaq këpita mas allin kaqkunata wallka wallkallapis apayë: balsamuta, mielta, perfümita, mïrrata, nueciskunata y almendraskunata. 12Kutitsiyäshunqëki qellëta aparkur y masta rantiyämunëkipaq qellëta aparkur ëwayë. Chëkurna kutitsiyämunqëki qellëtaqa kikinpa makinman qoykuyanki. Itsa pantakurpis costalnikikunaman winarkayämushqa. 13Tutu wawqikita pusharkur ras ëwayë tsë mandakuq nunaman. 14Dios El-Shaddai#43.14 El-Shaddai ninanqa llapanpaqpis poderyuq Dios ninanmi. tsë mandakuqta käyïkatsitsun ankupäyäshurniki Simeóntawan Benjamínta kacharamunanpaq. Y tsurïkunata oqranäpaq kaptinqa alfin ¿imanashaqraq?>>
15Jacob tsënö käyitsiptinmi mandakuqta qarayänanpaq alistapakuyarqan. Tsëpitanam atska qellëta aparkur y wawqin Benjamíntapis pusharkur Egiptuman jeqariyarqan. Chëkurnam Josépa despächunman yëkuyarqan. 16Benjamínta wawqinkunawan këkaqta rikëkurnam wayinchö mayor sirwiqninta José nirqan: <<Kë nunakunata pushë wayïman. Y wäkata pishtarir mikïta arutsimï. Pëkunawanmi kanan junaq mikushaq>>.
17Tsënö niptinnam sirwiqninqa Josépa wayinman pusharqan. 18Pëkunanam alläpa mantsakar kikinkunapura ninakuyarqan: <<Tsënö nishllapam pushëkämantsik puntata shamushqa qellënintsikta kutitsimanqantsikpita. Kananqa ashnuntsiktawanmi maqarkuryan uryatsimänantsikpaq quedatsimäshun>>.
Josépa wayinchö wawqinkuna mikuyanqan
19Tsënö nirmi Josépa wayinman chëkur sirwiqninta rowakur niyarqan: 20<<Wiraqtsa, musyanqëkinömi puntata trïgu rantiq shayämurqä. 21Kutikarnam quedakuyanqächö cargäkunata paskapakuyarqä. Tsëchömi costalnïkunapa shiminchö tariyarqä qellë këkaqta. Mä pagayanqaq qellë llapanmi këkänaq. Tsë qellëtam apayämurqü kutitsiyänaqpaq. 22Apartim qellëta apayämurqü trïguta yapë rantiyänäpaqpis. Manam musyayätsu punta kaq qellëta costalnïkunaman pï winamunqantapis>>.
23Tsënö niyaptinnam tsë sirwiqninqa nirqan: <<Tsëpita ama llakikuyëtsu ni mantsakäyëtsu. Tëtëkikuna y qamkuna creyikuyanqëki Diosmi tsë qellëta costalnikikunaman churashqa kanqa. Qamkuna pagayanqëkita llapantam chaskiyarqaq>>.
Tsëpitanam Simeóntapis carcelpita jorqaramur tsë sirwiqninqa wawqinkuna këkäyanqanman pusharqan. 24Josépa wayinman chäratsirnam yakuta aparqan chakinkunata paqakuyänanpaq. Jina ashnunkunatapis qewan qararqanmi. 25José pëkunawan almorzaq chänanta musyarirnam apayanqan qarëkunata qoyänanpaq listu këkätsiyarqan.
26Wayinman chäriptinnam apayanqan qarëkunata qoykur Josépa puntanman urkunkunapis patsaman chanqanyaq qonqurikuyarqan. 27Tsënam imanö këkäyanqantapis tapurirnin José kënö nirqan: <<Puntata shamurmi willayämarqëki tëtëkikuna awkinna kanqanta. ¿Imanötaq këkan? ¿Kawëkanraqku?>>
28Tsënö tapuptinnam qonqurikur niyarqan: <<Awmi tëtë, allim këkällan. Kawëkällanran>>.
29Tsënö këkarnam José rikärirqan wawqin Benjamínta. Benjamínwan Joséqa juk mamallapitam kayarqan. Tsënam wawqinkunata kënö tapurqan: <<¿Pëku niyämanqëki tutu kaq wawqikikuna?>> nir.
<<Awmi>> niyaptinnam Benjamínta nirqan: <<¡Teyta Dios bendisïkushï, wamra!>>
30Wawqinta rikëkuptinnam Josépa shonqun alläpa llakirqan. Tsënam cuartunman ras yëkurir waqakïkurqan. 31Teqñanqanyaq waqakurirnam qaqllanta shüpakurir yarqamurqan. Tsëpitanam sirwiqninkunata kënö nirqan: <<Mikïta qarakayämïna>>.
32Tsënam juk mësaman Joséta qarayarqan y juk mësamannam wawqinkunata. Juk lädu mësamannam tsëchö mikuq Egipto nunakunata qarayarqan. Pëkunata tsënö juk läduman qarayarqan Egipto nunakunapaqqa hebreo nunakunawan juntu mikuyanqan penqakïpaq kaptinmi. 33Mësamannam wawqinkunata José täratsirqan punta kaqpita qallëkur tutu kaqyaq. Tsënö täkaratsiptinnam kikinkunapura rikaränakur yarpakachëman chäkuriyarqan. 34Joséqa kikinpa mikïnintapis yapaparqanmi wawqinkunapaq. Wakin wawqinkunapitapis masmi Benjamínta qararqan. Tsë junaqmi wawqinkunawan kushikïta José mikurqan y upurqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.