SAN MARCOS 6
6
Ndya'a̱ Jesús ca quichi̱ Nazaret
1Lo'o li' ndu'u Jesús ndyaa lo'o ngu' nu ndyaca tsa'a̱ ji'i̱, ndyaa ngu' ca quichi̱ tyi yu. 2Ndyatí̱ Jesús ndyaa ne' laa quichi̱ bi' tsa̱ nu ndi'i̱ cña' ngu', tsa̱ ta'a bi'. Li' ngulu'u yu ji'i̱ ngu'. Ndube tsa ti' ngu' nu ndi'i̱ ne' laa bi' lo'o ndyuna ngu' cha' nu nchcui' Jesús lo'o ngu'.
―¿Mala ngua tsa'a̱ yu re lcaa cha' nu nchcui' yu? ―nacui̱ ngu'―. ¿Ñi'ya̱ ngua cha' ngua cuayá' tso'o ti' yu? ¿Ha tii yu? ―nacui̱ ngu'―. ¿Ni cha' laca cha' nchca ji'i̱ yu cua'ni yu cha' tlyu? ―nacui̱ ngu' ji'i̱ tya'a ngu'―. 3¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'.
Chi̱i̱ nti' ngu' ña'a̱ ngu' ji'i̱ Jesús, 4pana ndi'ya̱ laca cha' nu nda Jesús lo'o ngu' li':
―Lcaa ngu' xa' quichi̱ ni, ndu'ni tlyu ngu' ji'i̱ sca ñati̱ nu laca tu'ba ji'i̱ ycui' Ndyosi nchcui' Ni lo'o ngu' ―nacui̱ Jesús ji'i̱ ngu'―, pana ngu' tya'a quichi̱ tyi yu ni, ná ntaja'a̱ ngu' cuna ngu' cha' nu nchcui' yu tsiya' ti ―nacui̱ Jesús―. Lcaa tya'a yu, jua'a̱ ngu' tya'a ndi'i̱ yu, ná nduna ngu' cha' nu nchcui' yu ―nacui̱ Jesús ji'i̱ ngu'.
5Lo'o jua'a̱ ngua cha' ná ngua cua'ni Jesús cha' tlyu slo ngu' bi', xqui'ya cha' ná jlya ti' ngu' ji'i̱; pana ngua'ni yu cha' ndyaca tso'o xti ti ngu' quicha lo'o ngusta ya' ti yu lo ngu', tsa bi' ti cha' ngua'ni yu. 6Ndube tsa ti' Jesús cha' ná jlya ti' ngu' bi' ji'i̱ tsiya' ti. Lo'o li' tya ndya'a̱ la yu ca xa' quichi̱ sube ti nu ndi'i̱ cacua ti, ngulu'u yu ji'i̱ ngu' ca bi' li'.
Nda Jesús ji'i̱ ngu' nu ndyaca tsa'a̱ ji'i̱ cha' tsaa ngu' chcui' ngu' cha' ji'i̱ yu lo'o ngu' xa' quichi̱
7Lo'o li' ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱ bi', cha' chcui' yu lo'o ngu'. Ngulo yu cña ji'i̱ ngu' bi', cha' tyu'u ngu' tsaa ngu' cuentya latya ti ngu'; stu'ba ti tsaa tucua tya'a ngu' scaa quichi̱. Li' nda Jesús chacuayá' ji'i̱ ngu' cha' culo ngu' ji'i̱ cui'i̱ cuxi nu ntsu'u ji'i̱ ñati̱. 8Nchcui' Jesús lo'o ngu' cha' ná lo'o yu'ba qui'ya ngu' tsaa ngu'. Tsaa ngu' lo'o sca yaca xca̱ ti; ná lo'o cujui̱, ná lo'o tyaja, ná lo'o cñi tsaa ngu', nacui̱ Jesús. Jua'a̱ ti tsaa ngu'. 9Tyu'u caña quiya' ngu', cacu' ngu' camxa, pana ná lo'o chaca camxa ji'i̱ ngu' tsaa ngu'.
10―Nu lo'o ta ngu' ni'i̱ su caja' ma̱ ―nacui̱ Jesús―, li' tyanu ma̱ slo ngu' bi' ña'a̱ cuayá' nu tyu'u ma̱ tsaa ma̱ xa' quichi̱. 11Si ntsu'u sca quichi̱ su ná tyaja'a̱ ngu' ta ngu' se'i̱ tyanu ma̱, sca quichi̱ su ná tyaja'a̱ ngu' cuna ngu' cha' nu chcui' ma̱ lo'o ngu', li' tyu'u ma̱ quichi̱ bi', yaa clya ma̱ li'. Salú ma̱ sñii yuu nu ntsu'u quiya' ma̱ to' quichi̱ bi'. Jua'a̱ caca cuayá' ti' ngu' cha' cuxi tsa cña nu ngua'ni ngu' lo'o ma̱. Cha' liñi cacha' na' ji'i̱ ma̱ juani ―nacui̱ Jesús―, lo'o tyalaa tsa̱ cha' cua'ni cuayá' ycui' Ndyosi ji'i̱ lcaa ñati̱, lye la xcube' Ni ji'i̱ ñati̱ quichi̱ nu ná ntaja'a̱ cuna ngu' cha' nu nchcui' ma̱ lo'o ngu'; xti la xcube' Ni ji'i̱ jyo'o ñati̱ cuxi nu nguti'i̱ quichi̱ Sodoma, nu nguti'i̱ quichi̱ Gomorra cua sa'ni.
Jua'a̱ nchcui' Jesús lo'o ngu' nu ndyaca tsa'a̱ ji'i̱.
12Lo'o li' ndu'u ngu' ndyaa ngu' nde tyu̱u̱ tya'a quichi̱. Nda ngu' cui̱i̱ lo'o ngu' quichi̱ bi', cha' ca tyuju'u ti' ngu' quichi̱ ji'i̱ lcaa cha' cuxi nu ndyu'ni ngu', cha' culochu̱' ngu' quichi̱ ji'i̱ cha' cuxi bi' li'. 13Ngulo ngu' nu ndyaca tsa'a̱ bi' cui'i̱ cuxi nu ngusñi ji'i̱ tyu̱u̱ tya'a ñati̱, lo'o jua'a̱ nda'a̱ ngu' setye tyixi xtyi'i lo xa' la ngu' quicha lo'o ngua'ni ngu' jo'o ji'i̱ ngu' quicha bi'; ndyaca tso'o nu ngu' quicha bi' li'.
Ngujuii Juan nu ntyucuatya ji'i̱ ngu'
14Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi':
―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.
15―Si'i bi' ―nacui̱ xa' ñati̱―. Jyo'o Elías laca nu qui'yu re.
―Si'i jua'a̱ ―nacui̱ xa' la ñati̱―. Sca ñati̱ nu laca tu'ba ji'i̱ ycui' Ndyosi laca yu re, ñi'ya̱ nu jyo'o cusu' nu nguti'i̱ sa'ni la nu ngua tu'ba ji'i̱ ycui' Ni.
16Lo'o ndyuna Herodes cha' nu nchcui' xa' ñati̱ ji'i̱ Jesús bi', xa' nchcui' rey bi':
―Cua ndyu'ú jyo'o Juan chaca quiya' ―nacui̱―. Na' ngulo na' cña ji'i̱ ngu', lo'o li' nteje cu' ngu' scua' que Juan bi'; pana ná tyiquee' Juan laca nu qui'yu re ―nacui̱ rey Herodes.
17Tya tsubi' la ngulo rey Herodes bi' cña ji'i̱ ngu' cha' tsaa ngu' xñi ngu' ji'i̱ nu Juan bi', cha' tsaa lo'o ngu' ji'i̱ ne' chcua̱. Ngua'ni rey cha' cuxi bi' xqui'ya Herodías nu ngua clyo'o Felipe tya'a Herodes, cha' cua ngusna lo'o Herodes ji'i̱ nu cuna'a̱ bi', cha' caja clyo'o lo'o.
18―Ná ntsu'u chacuayá' tyi'i̱ nu'u̱ lo'o clyo'o tya'a nu'u̱ ―nacui̱ jyo'o Juan ji'i̱ rey Herodes tya li'.
Bi' cha' ngusu'ba rey ji'i̱ Juan ne' ni'i̱ chcua̱, cha' nchcui' yu jua'a̱ lo'o rey bi'. 19Ñasi̱' tsa Herodías xqui'ya Juan, cujuii ji'i̱ yu ngua ti' nu cuna'a̱ bi'. Pana ná ngujui ñi'ya̱ cujuii ji'i̱ yu hora ti, 20cha' ntsi̱i̱ rey Herodes ji'i̱ Juan. Jlo ti' rey cha' liñi tsa cha' nu ngua'ni Juan, lubii tsa tyiquee Juan, lo'o jua'a̱ ná ntsu'u cha' cuxi ji'i̱ yu; bi' cha' nguna'a̱si̱i̱ rey ji'i̱ yu cha' ná cua'ni nu cuna'a̱ bi' ni sca cha' cuxi lo'o. Ndiya ti' rey Herodes cuna cha' nu ngulu'u Juan ji'i̱, masi ná ngua cuayá' tso'o ti' rey ji'i̱ cha' bi'. 21Tso'o tsa nti' Herodías lo'o ngua tsa̱ ngula ycui' rey Herodes li'. Tsa̱ bi' ngua'ni rey ta'a, lo'o ndyacu tyu̱u̱ tya'a ngu' tlyu slo rey. Lo'o ngu' nu laca loo cuentya ji'i̱ rey bi', lo'o xu'na sendaru ji'i̱ rey, lo'o ngu' culiya' nde Galilea bi', lcaa ngu' tlyu bi' ndyaa ngu' ndyacu ngu' slo rey. 22Li' ndyalaa sca nu cuna'a̱ cuañi' sñi' Herodías, ndyula quiya' nu cuna'a̱ bi' slo ngu'. Chaa tsa ti' rey Herodes li', lo'o jua'a̱ ndiya ti' ngu' nu ndyacu slo lo'o na'a̱ ngu' ji'i̱ nu cuna'a̱ cuañi' ndyula quiya'. Nchcui' rey lo'o nu cuna'a̱ cuañi' bi' li':
―Cacha' clya nu'u̱ jna' juani ti na ca cha' tso'o nu nti' nu'u̱ ―nacui̱ rey ji'i̱―. Ta na' cha' tso'o bi' jinu'u̱ ―nacui̱―. 23Xcube' ycui' Ndyosi 'na si ná ta na' lcaa na nu jña nu'u̱ 'na juani, masi sa cla'be yuu su cuentya jna', ta na' jinu'u̱ ―nacui̱ rey ji'i̱ nu cuna'a̱ cuañi' bi'. 24Li' ndu'u nu cuna'a̱ cuañi' bi', ndyaa slo xtya'a̱.
―¿Na ca jña na' ji'i̱ rey? ―nacui̱ ji'i̱ xtya'a̱ li'.
―Scua' que Juan nu ntyucuatya ji'i̱ ngu' ―nacui̱ xtya'a̱ li'.
25Yala ti ndyaa nu cuna'a̱ cuañi' bi' slo rey chaca quiya', cha' jña cha' bi' ji'i̱.
―Scua' que Juan nu ntyucuatya ji'i̱ ngu' nti' na' ―nacui̱ nu cuna'a̱ bi'―. Nu juani ti nti' na scua' que yu bi' ne' sca tsi'yu ―nacui̱ ji'i̱ rey.
26Xñi'i̱ tsa ti' rey li', masi ná ngua ji'i̱ tacu̱' cha' ji'i̱ nu cuna'a̱ bi'; ná caca jua'a̱, cha' slo ngu' tya'a ndyacu cua ngua'ni rey jura cha' ta lcaa na nu jña nu cuna'a̱ cuañi' bi' ji'i̱. 27Li' hora ti ngulo rey cña ji'i̱ sca sendaru ji'i̱ nu ndu̱ cua̱, cha' tsaa squi'ya sendaru scua' que Juan. Ndu'u sendaru ndyaa ni'i̱ chcua̱, nteje cu' scua' que Juan. 28Li' ñaa lo'o sendaru ji'i̱ ne' tsi'yu, nda ji'i̱ nu cuna'a̱ cuañi' bi'. Li' ndyaa lo'o nu cuna'a̱ bi' ji'i̱ slo xtya'a̱.
29Ñi'ya̱ ngua li', lo'o ndyuna ngu' nu ndyaca tsa'a̱ ji'i̱ Juan cha' nscua jyo'o bi', hora ti ndyaa ngu' ca su ntsiya jyo'o Juan. Li' ndyaa ngu' nguxatsi' ngu' ji'i̱ jyo'o bi'.
Nda Jesús na ndyacu ca'yu mil tya'a ñati̱
30Ca tiya' la xi xa' ndyalaa ngu' tya'a ndya'a̱ Jesús slo yu, ngu' nu ndyaa nchcui' lo'o ngu' xa' quichi̱ cha' ji'i̱ Jesús. Nda ngu' cha' lo'o yu ñi'ya̱ nu ngua'ni ngu', ñi'ya̱ nu ngulu'u ngu' ji'i̱ ñati̱ ca bi'. 31Nchcui' Jesús lo'o ngu' bi' li':
―Tsaa na xi chaca se'i̱ su tyi'i̱ ma̱ ycui' ti, cha' chca'a̱ cña' ma̱ xi ―nacui̱ Jesús ji'i̱ nu tii tyucuaa tya'a ngu' bi'.
Jua'a̱ nchcui' Jesús lo'o ngu' bi', cha' quiña'a̱ tsa ñati̱ ndi'i̱ slo ngu', hasta nga'aa ngujui tyempo cacu ngu'. 32Li' ndu'u ngu' ndyaa ngu' ne' yaca ni'i̱ sube ti, cha' tsaa ngu' xi su ná ntsu'u ñati̱. 33Pana tyu̱u̱ tya'a ñati̱ na'a̱ mala ndyaa ngu'. Ndyuloo ñati̱ bi' ji'i̱ ngu', lo'o li' nguañi cha' bi' ca tyu̱u̱ tya'a quichi̱. Bi' cha' ngusna ngu' quichi̱ bi' ndyaa ngu' to' tayu', nde loo la ndyalaa ngu' su ndyaa Jesús lo'o tya'a ndya'a̱ yu. 34Lo'o ndyalaa yaca ni'i̱ sube ti to' tayu', ndu'u Jesús na'a̱ yu cha' quiña'a̱ tsa ñati̱ ndi'i̱. Lo'o jua'a̱, tya'na tsa ti' Jesús ña'a̱ yu ji'i̱ nu ngu' quiña'a̱ bi'; ngulacua ti' yu cha' ñi'ya nti' xlya' nu ná ntsu'u nu ña'a̱si̱i̱ ji'i̱, jua'a̱ ndya'a̱ nu ñati̱ quiña'a̱ bi', ngua ti' Jesús. Bi' cha' tyiquee' ngulu'u yu quiña'a̱ tsa cha' ji'i̱ ngu' bi'. 35Lo'o cua ngusi̱i̱, li' ñaa ngu' nu ndyaca tsa'a̱ ji'i̱ yu slo yu cha' chcui' ngu' lo'o yu:
―Ná ndi'i̱ ñati̱ ca nde ―nacui̱ ngu'―, lo'o jua'a̱ ngusi̱i̱ tsa juani. 36Tso'o la si culo nu'u̱ cña ji'i̱ ñati̱ quiña'a̱ re cha' tyaa ngu' ca quichi̱ cacua ti, cha' cui'ya ngu' na cacu ngu' ―nacui̱ ngu' ji'i̱ Jesús.
37―Cu'ma̱, ta ma̱ na cacu ngu' re ―nacui̱ Jesús ji'i̱ ngu' nu ndyaca tsa'a̱ ji'i̱ li'.
―¿Ha tyu'u scua tucua siyento paxu cui'ya ya xlyá teje' cacu ngu' re, cusu'? ―nacui̱ ngu' ji'i̱ Jesús.
38―¿Ni lcua tya'a xlyá teje' ntsu'u ji'i̱ ma̱ lacua? ―nacui̱ Jesús―. Culacua ma̱ xi ji'i̱ ―nacui̱ ji'i̱ ngu'.
Ngulana ngu' si lo'o xi na cacu ndya'a̱ ñati̱ bi', li' xa' nchcui' ngu' lo'o Jesús.
―Ca'yu tya'a ti xlyá teje' lo'o tucua tya'a ti cualya lo'o ji'i̱ ngu' nde ―nacui̱ ngu' ji'i̱ Jesús li'.
39Lo'o li' ngulo Jesús cña ji'i̱ ngu' quiña'a̱ cha' tyaca'a̱ ngu' xi lo quii sube cuentya taju ngu'. 40Li' cuentya taju ti ndyaca'a̱ ngu' lo yuu; cuentya sca siyento tya'a ñati̱ sca taju, cuentya tu'ba tyii tya'a ñati̱ sca taju, jua'a̱ ndyaca'a̱ ngu'. 41Li' ndaya' Jesús ji'i̱ nu ca'yu tya'a xlyá teje' lo'o nu tucua tya'a cualya bi', nguxña'a̱ yu nde cua̱ cha' tya yu xlya'be ji'i̱ ycui' Ndyosi xqui'ya xlyá, lo'o jua'a̱ xqui'ya cualya. Ndya'be xlyá li', nda yu xlyá yu'be ji'i̱ nu ngu' nu ndyaca tsa'a̱ ji'i̱ cha' tacha ngu' ji'i̱ nu ngu' quiña'a̱ bi'; la cui' jua'a̱ ngusa'be yu ji'i̱ cualya cha' cacu ngu'. 42Jua'a̱ ngua cha' ndyacu lcaa ngu', lo'o nguaala' ji'i̱ ngu'. 43Lo'o ndye ndyacu ngu', nguxuti'i̱ ngu' lcaa yu'be nu ndyanu, lo'o yu'be xlyá lo'o yu'be cualya; ngutsa'a̱ tii tyucuaa tya'a chcubi lo'o yu'be bi' li'. 44Jua'a̱ ngua cha' ca'yu mil tya'a ngu' qui'yu ndyacu xlyá lo'o cualya nu ngua tsa̱ bi'.
Nguta'a̱ Jesús lo hitya tayu'
45Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ sube ti, cha' tsaa ngu' nde loo la su tsaa ycui' ca chaca tsu' tayu' hasta ca quichi̱ Betsaida. Tyanu Jesús cha' chcui' salya' lo'o nu ngu' quiña'a̱ bi', cha' tyaa ngu' quichi̱ ca to' tyi ngu'. 46Lo'o cua nchcui' salya' lo'o ngu', ndu'u Jesús ndyaa ycui' ti yu nde sii' ca'ya cha' chcui' yu lo'o ycui' Ndyosi Sti yu. 47Lo'o ndyaa cuichaa ntsu'u ngu' tyijyu' lo hitya ne' yaca ni'i̱ sube ti, ndyanu Jesús ycui' ti nde lo yuu btyi. 48Na'a̱ Jesús cha' lye tsa ndyu'ni ngu' cña cha' xna yaca ni'i̱ bi' lo hitya, cha' nguula tsa cui'i̱ ndyaca lo hitya. Lo'o cua quixee ti, li' lijya̱ Jesús ndya'a̱ lo hitya ti. Cua tyeje tacui ti Jesús, 49lo'o li' na'a̱ ngu' ji'i̱ yu ndya'a̱ yu lo hitya. Ngusi'ya tsa ngu' li', cha' sca jyo'o laca ngua ti' ngu'. 50Na'a̱ ca ta'a ngu' ji'i̱, lo'o jua'a̱ ndyutsi̱i̱ tsa ngu' li'. Hora ti ndacha' Jesús ji'i̱ ngu':
―Cua'ni tlyu tyiquee ma̱, na' laca̱ ―nacui̱ yu―. Ná cutsi̱i̱ ma̱ ―nacui̱ Jesús ji'i̱ ngu'.
51Li' ndyatí̱ Jesús ne' yaca ni'i̱ lo'o ngu', hora ti ngua ti̱ cui'i̱ li'. Ndube tsa ti' ngu' li', ngulacua tsa ti' ngu'. 52Ná nda ngu' cuentya tsiya' ti ñi'ya̱ ngua cha' nguta'a̱ Jesús lo hitya. La cui' ti cha' ná ngua cuayá' ti' ngu' ñi'ya̱ nu ngua'ni Jesús lo'o ngusa'be yu ji'i̱ xlyá bi'. Na cua ndyacu̱' hique ngu'.
Ngua'ni Jesús jo'o ji'i̱ ngu' quicha nde Genesaret
53Li' ndyalaa yaca ni'i̱ chaca tsu' tayu' lo'o ngu', ca loyuu su cuentya Genesaret ndyalaa ngu' li'. Lo'o ngusca̱' ngu' ji'i̱ yaca ni'i̱ bi', 54li' ndyu'u ngu'. Hora ti ndyuloo ñati̱ nu ca tyi bi' ji'i̱ Jesús. 55Ngusna ngu' ndyaa ngu' ca slo ca ta'a ngu' quicha, cha' tyaa lo'o ngu' ji'i̱ ngu' quicha bi' slo Jesús; masi ngu' quichi̱ cacua ti, masi ngu' tyijyu' la xi, ndyi'ya ngu' ji'i̱ ngu' quicha lijya̱. Masi ne' catya̱, masi lo jaa' ti ndyaa ngu', cha' tyalaa ngu' ca su ndu̱ Jesús. 56Tyu̱u̱ tya'a quichi̱ su ndyaa Jesús, lo'o quichi̱ tlyu, lo'o quichi̱ sube ti, lo'o to' tyi ñati̱ ti ne' quixi̱', lcaa su ndya'a̱ yu ñaa ngu' ñaa lo'o ngu' ji'i̱ nu quicha ji'i̱ ngu'. Ndijña ngu' chacuayá' ji'i̱ Jesús cha' cala' ti ngu' quicha masi quiya' ste' ti yu. Lo'o lcaa nu quicha nu ndyala' ste' Jesús ni, hora ti ngua tso'o ngu' bi' li'.
Currently Selected:
SAN MARCOS 6: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
SAN MARCOS 6
6
Ndya'a̱ Jesús ca quichi̱ Nazaret
1Lo'o li' ndu'u Jesús ndyaa lo'o ngu' nu ndyaca tsa'a̱ ji'i̱, ndyaa ngu' ca quichi̱ tyi yu. 2Ndyatí̱ Jesús ndyaa ne' laa quichi̱ bi' tsa̱ nu ndi'i̱ cña' ngu', tsa̱ ta'a bi'. Li' ngulu'u yu ji'i̱ ngu'. Ndube tsa ti' ngu' nu ndi'i̱ ne' laa bi' lo'o ndyuna ngu' cha' nu nchcui' Jesús lo'o ngu'.
―¿Mala ngua tsa'a̱ yu re lcaa cha' nu nchcui' yu? ―nacui̱ ngu'―. ¿Ñi'ya̱ ngua cha' ngua cuayá' tso'o ti' yu? ¿Ha tii yu? ―nacui̱ ngu'―. ¿Ni cha' laca cha' nchca ji'i̱ yu cua'ni yu cha' tlyu? ―nacui̱ ngu' ji'i̱ tya'a ngu'―. 3¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'.
Chi̱i̱ nti' ngu' ña'a̱ ngu' ji'i̱ Jesús, 4pana ndi'ya̱ laca cha' nu nda Jesús lo'o ngu' li':
―Lcaa ngu' xa' quichi̱ ni, ndu'ni tlyu ngu' ji'i̱ sca ñati̱ nu laca tu'ba ji'i̱ ycui' Ndyosi nchcui' Ni lo'o ngu' ―nacui̱ Jesús ji'i̱ ngu'―, pana ngu' tya'a quichi̱ tyi yu ni, ná ntaja'a̱ ngu' cuna ngu' cha' nu nchcui' yu tsiya' ti ―nacui̱ Jesús―. Lcaa tya'a yu, jua'a̱ ngu' tya'a ndi'i̱ yu, ná nduna ngu' cha' nu nchcui' yu ―nacui̱ Jesús ji'i̱ ngu'.
5Lo'o jua'a̱ ngua cha' ná ngua cua'ni Jesús cha' tlyu slo ngu' bi', xqui'ya cha' ná jlya ti' ngu' ji'i̱; pana ngua'ni yu cha' ndyaca tso'o xti ti ngu' quicha lo'o ngusta ya' ti yu lo ngu', tsa bi' ti cha' ngua'ni yu. 6Ndube tsa ti' Jesús cha' ná jlya ti' ngu' bi' ji'i̱ tsiya' ti. Lo'o li' tya ndya'a̱ la yu ca xa' quichi̱ sube ti nu ndi'i̱ cacua ti, ngulu'u yu ji'i̱ ngu' ca bi' li'.
Nda Jesús ji'i̱ ngu' nu ndyaca tsa'a̱ ji'i̱ cha' tsaa ngu' chcui' ngu' cha' ji'i̱ yu lo'o ngu' xa' quichi̱
7Lo'o li' ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱ bi', cha' chcui' yu lo'o ngu'. Ngulo yu cña ji'i̱ ngu' bi', cha' tyu'u ngu' tsaa ngu' cuentya latya ti ngu'; stu'ba ti tsaa tucua tya'a ngu' scaa quichi̱. Li' nda Jesús chacuayá' ji'i̱ ngu' cha' culo ngu' ji'i̱ cui'i̱ cuxi nu ntsu'u ji'i̱ ñati̱. 8Nchcui' Jesús lo'o ngu' cha' ná lo'o yu'ba qui'ya ngu' tsaa ngu'. Tsaa ngu' lo'o sca yaca xca̱ ti; ná lo'o cujui̱, ná lo'o tyaja, ná lo'o cñi tsaa ngu', nacui̱ Jesús. Jua'a̱ ti tsaa ngu'. 9Tyu'u caña quiya' ngu', cacu' ngu' camxa, pana ná lo'o chaca camxa ji'i̱ ngu' tsaa ngu'.
10―Nu lo'o ta ngu' ni'i̱ su caja' ma̱ ―nacui̱ Jesús―, li' tyanu ma̱ slo ngu' bi' ña'a̱ cuayá' nu tyu'u ma̱ tsaa ma̱ xa' quichi̱. 11Si ntsu'u sca quichi̱ su ná tyaja'a̱ ngu' ta ngu' se'i̱ tyanu ma̱, sca quichi̱ su ná tyaja'a̱ ngu' cuna ngu' cha' nu chcui' ma̱ lo'o ngu', li' tyu'u ma̱ quichi̱ bi', yaa clya ma̱ li'. Salú ma̱ sñii yuu nu ntsu'u quiya' ma̱ to' quichi̱ bi'. Jua'a̱ caca cuayá' ti' ngu' cha' cuxi tsa cña nu ngua'ni ngu' lo'o ma̱. Cha' liñi cacha' na' ji'i̱ ma̱ juani ―nacui̱ Jesús―, lo'o tyalaa tsa̱ cha' cua'ni cuayá' ycui' Ndyosi ji'i̱ lcaa ñati̱, lye la xcube' Ni ji'i̱ ñati̱ quichi̱ nu ná ntaja'a̱ cuna ngu' cha' nu nchcui' ma̱ lo'o ngu'; xti la xcube' Ni ji'i̱ jyo'o ñati̱ cuxi nu nguti'i̱ quichi̱ Sodoma, nu nguti'i̱ quichi̱ Gomorra cua sa'ni.
Jua'a̱ nchcui' Jesús lo'o ngu' nu ndyaca tsa'a̱ ji'i̱.
12Lo'o li' ndu'u ngu' ndyaa ngu' nde tyu̱u̱ tya'a quichi̱. Nda ngu' cui̱i̱ lo'o ngu' quichi̱ bi', cha' ca tyuju'u ti' ngu' quichi̱ ji'i̱ lcaa cha' cuxi nu ndyu'ni ngu', cha' culochu̱' ngu' quichi̱ ji'i̱ cha' cuxi bi' li'. 13Ngulo ngu' nu ndyaca tsa'a̱ bi' cui'i̱ cuxi nu ngusñi ji'i̱ tyu̱u̱ tya'a ñati̱, lo'o jua'a̱ nda'a̱ ngu' setye tyixi xtyi'i lo xa' la ngu' quicha lo'o ngua'ni ngu' jo'o ji'i̱ ngu' quicha bi'; ndyaca tso'o nu ngu' quicha bi' li'.
Ngujuii Juan nu ntyucuatya ji'i̱ ngu'
14Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi':
―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.
15―Si'i bi' ―nacui̱ xa' ñati̱―. Jyo'o Elías laca nu qui'yu re.
―Si'i jua'a̱ ―nacui̱ xa' la ñati̱―. Sca ñati̱ nu laca tu'ba ji'i̱ ycui' Ndyosi laca yu re, ñi'ya̱ nu jyo'o cusu' nu nguti'i̱ sa'ni la nu ngua tu'ba ji'i̱ ycui' Ni.
16Lo'o ndyuna Herodes cha' nu nchcui' xa' ñati̱ ji'i̱ Jesús bi', xa' nchcui' rey bi':
―Cua ndyu'ú jyo'o Juan chaca quiya' ―nacui̱―. Na' ngulo na' cña ji'i̱ ngu', lo'o li' nteje cu' ngu' scua' que Juan bi'; pana ná tyiquee' Juan laca nu qui'yu re ―nacui̱ rey Herodes.
17Tya tsubi' la ngulo rey Herodes bi' cña ji'i̱ ngu' cha' tsaa ngu' xñi ngu' ji'i̱ nu Juan bi', cha' tsaa lo'o ngu' ji'i̱ ne' chcua̱. Ngua'ni rey cha' cuxi bi' xqui'ya Herodías nu ngua clyo'o Felipe tya'a Herodes, cha' cua ngusna lo'o Herodes ji'i̱ nu cuna'a̱ bi', cha' caja clyo'o lo'o.
18―Ná ntsu'u chacuayá' tyi'i̱ nu'u̱ lo'o clyo'o tya'a nu'u̱ ―nacui̱ jyo'o Juan ji'i̱ rey Herodes tya li'.
Bi' cha' ngusu'ba rey ji'i̱ Juan ne' ni'i̱ chcua̱, cha' nchcui' yu jua'a̱ lo'o rey bi'. 19Ñasi̱' tsa Herodías xqui'ya Juan, cujuii ji'i̱ yu ngua ti' nu cuna'a̱ bi'. Pana ná ngujui ñi'ya̱ cujuii ji'i̱ yu hora ti, 20cha' ntsi̱i̱ rey Herodes ji'i̱ Juan. Jlo ti' rey cha' liñi tsa cha' nu ngua'ni Juan, lubii tsa tyiquee Juan, lo'o jua'a̱ ná ntsu'u cha' cuxi ji'i̱ yu; bi' cha' nguna'a̱si̱i̱ rey ji'i̱ yu cha' ná cua'ni nu cuna'a̱ bi' ni sca cha' cuxi lo'o. Ndiya ti' rey Herodes cuna cha' nu ngulu'u Juan ji'i̱, masi ná ngua cuayá' tso'o ti' rey ji'i̱ cha' bi'. 21Tso'o tsa nti' Herodías lo'o ngua tsa̱ ngula ycui' rey Herodes li'. Tsa̱ bi' ngua'ni rey ta'a, lo'o ndyacu tyu̱u̱ tya'a ngu' tlyu slo rey. Lo'o ngu' nu laca loo cuentya ji'i̱ rey bi', lo'o xu'na sendaru ji'i̱ rey, lo'o ngu' culiya' nde Galilea bi', lcaa ngu' tlyu bi' ndyaa ngu' ndyacu ngu' slo rey. 22Li' ndyalaa sca nu cuna'a̱ cuañi' sñi' Herodías, ndyula quiya' nu cuna'a̱ bi' slo ngu'. Chaa tsa ti' rey Herodes li', lo'o jua'a̱ ndiya ti' ngu' nu ndyacu slo lo'o na'a̱ ngu' ji'i̱ nu cuna'a̱ cuañi' ndyula quiya'. Nchcui' rey lo'o nu cuna'a̱ cuañi' bi' li':
―Cacha' clya nu'u̱ jna' juani ti na ca cha' tso'o nu nti' nu'u̱ ―nacui̱ rey ji'i̱―. Ta na' cha' tso'o bi' jinu'u̱ ―nacui̱―. 23Xcube' ycui' Ndyosi 'na si ná ta na' lcaa na nu jña nu'u̱ 'na juani, masi sa cla'be yuu su cuentya jna', ta na' jinu'u̱ ―nacui̱ rey ji'i̱ nu cuna'a̱ cuañi' bi'. 24Li' ndu'u nu cuna'a̱ cuañi' bi', ndyaa slo xtya'a̱.
―¿Na ca jña na' ji'i̱ rey? ―nacui̱ ji'i̱ xtya'a̱ li'.
―Scua' que Juan nu ntyucuatya ji'i̱ ngu' ―nacui̱ xtya'a̱ li'.
25Yala ti ndyaa nu cuna'a̱ cuañi' bi' slo rey chaca quiya', cha' jña cha' bi' ji'i̱.
―Scua' que Juan nu ntyucuatya ji'i̱ ngu' nti' na' ―nacui̱ nu cuna'a̱ bi'―. Nu juani ti nti' na scua' que yu bi' ne' sca tsi'yu ―nacui̱ ji'i̱ rey.
26Xñi'i̱ tsa ti' rey li', masi ná ngua ji'i̱ tacu̱' cha' ji'i̱ nu cuna'a̱ bi'; ná caca jua'a̱, cha' slo ngu' tya'a ndyacu cua ngua'ni rey jura cha' ta lcaa na nu jña nu cuna'a̱ cuañi' bi' ji'i̱. 27Li' hora ti ngulo rey cña ji'i̱ sca sendaru ji'i̱ nu ndu̱ cua̱, cha' tsaa squi'ya sendaru scua' que Juan. Ndu'u sendaru ndyaa ni'i̱ chcua̱, nteje cu' scua' que Juan. 28Li' ñaa lo'o sendaru ji'i̱ ne' tsi'yu, nda ji'i̱ nu cuna'a̱ cuañi' bi'. Li' ndyaa lo'o nu cuna'a̱ bi' ji'i̱ slo xtya'a̱.
29Ñi'ya̱ ngua li', lo'o ndyuna ngu' nu ndyaca tsa'a̱ ji'i̱ Juan cha' nscua jyo'o bi', hora ti ndyaa ngu' ca su ntsiya jyo'o Juan. Li' ndyaa ngu' nguxatsi' ngu' ji'i̱ jyo'o bi'.
Nda Jesús na ndyacu ca'yu mil tya'a ñati̱
30Ca tiya' la xi xa' ndyalaa ngu' tya'a ndya'a̱ Jesús slo yu, ngu' nu ndyaa nchcui' lo'o ngu' xa' quichi̱ cha' ji'i̱ Jesús. Nda ngu' cha' lo'o yu ñi'ya̱ nu ngua'ni ngu', ñi'ya̱ nu ngulu'u ngu' ji'i̱ ñati̱ ca bi'. 31Nchcui' Jesús lo'o ngu' bi' li':
―Tsaa na xi chaca se'i̱ su tyi'i̱ ma̱ ycui' ti, cha' chca'a̱ cña' ma̱ xi ―nacui̱ Jesús ji'i̱ nu tii tyucuaa tya'a ngu' bi'.
Jua'a̱ nchcui' Jesús lo'o ngu' bi', cha' quiña'a̱ tsa ñati̱ ndi'i̱ slo ngu', hasta nga'aa ngujui tyempo cacu ngu'. 32Li' ndu'u ngu' ndyaa ngu' ne' yaca ni'i̱ sube ti, cha' tsaa ngu' xi su ná ntsu'u ñati̱. 33Pana tyu̱u̱ tya'a ñati̱ na'a̱ mala ndyaa ngu'. Ndyuloo ñati̱ bi' ji'i̱ ngu', lo'o li' nguañi cha' bi' ca tyu̱u̱ tya'a quichi̱. Bi' cha' ngusna ngu' quichi̱ bi' ndyaa ngu' to' tayu', nde loo la ndyalaa ngu' su ndyaa Jesús lo'o tya'a ndya'a̱ yu. 34Lo'o ndyalaa yaca ni'i̱ sube ti to' tayu', ndu'u Jesús na'a̱ yu cha' quiña'a̱ tsa ñati̱ ndi'i̱. Lo'o jua'a̱, tya'na tsa ti' Jesús ña'a̱ yu ji'i̱ nu ngu' quiña'a̱ bi'; ngulacua ti' yu cha' ñi'ya nti' xlya' nu ná ntsu'u nu ña'a̱si̱i̱ ji'i̱, jua'a̱ ndya'a̱ nu ñati̱ quiña'a̱ bi', ngua ti' Jesús. Bi' cha' tyiquee' ngulu'u yu quiña'a̱ tsa cha' ji'i̱ ngu' bi'. 35Lo'o cua ngusi̱i̱, li' ñaa ngu' nu ndyaca tsa'a̱ ji'i̱ yu slo yu cha' chcui' ngu' lo'o yu:
―Ná ndi'i̱ ñati̱ ca nde ―nacui̱ ngu'―, lo'o jua'a̱ ngusi̱i̱ tsa juani. 36Tso'o la si culo nu'u̱ cña ji'i̱ ñati̱ quiña'a̱ re cha' tyaa ngu' ca quichi̱ cacua ti, cha' cui'ya ngu' na cacu ngu' ―nacui̱ ngu' ji'i̱ Jesús.
37―Cu'ma̱, ta ma̱ na cacu ngu' re ―nacui̱ Jesús ji'i̱ ngu' nu ndyaca tsa'a̱ ji'i̱ li'.
―¿Ha tyu'u scua tucua siyento paxu cui'ya ya xlyá teje' cacu ngu' re, cusu'? ―nacui̱ ngu' ji'i̱ Jesús.
38―¿Ni lcua tya'a xlyá teje' ntsu'u ji'i̱ ma̱ lacua? ―nacui̱ Jesús―. Culacua ma̱ xi ji'i̱ ―nacui̱ ji'i̱ ngu'.
Ngulana ngu' si lo'o xi na cacu ndya'a̱ ñati̱ bi', li' xa' nchcui' ngu' lo'o Jesús.
―Ca'yu tya'a ti xlyá teje' lo'o tucua tya'a ti cualya lo'o ji'i̱ ngu' nde ―nacui̱ ngu' ji'i̱ Jesús li'.
39Lo'o li' ngulo Jesús cña ji'i̱ ngu' quiña'a̱ cha' tyaca'a̱ ngu' xi lo quii sube cuentya taju ngu'. 40Li' cuentya taju ti ndyaca'a̱ ngu' lo yuu; cuentya sca siyento tya'a ñati̱ sca taju, cuentya tu'ba tyii tya'a ñati̱ sca taju, jua'a̱ ndyaca'a̱ ngu'. 41Li' ndaya' Jesús ji'i̱ nu ca'yu tya'a xlyá teje' lo'o nu tucua tya'a cualya bi', nguxña'a̱ yu nde cua̱ cha' tya yu xlya'be ji'i̱ ycui' Ndyosi xqui'ya xlyá, lo'o jua'a̱ xqui'ya cualya. Ndya'be xlyá li', nda yu xlyá yu'be ji'i̱ nu ngu' nu ndyaca tsa'a̱ ji'i̱ cha' tacha ngu' ji'i̱ nu ngu' quiña'a̱ bi'; la cui' jua'a̱ ngusa'be yu ji'i̱ cualya cha' cacu ngu'. 42Jua'a̱ ngua cha' ndyacu lcaa ngu', lo'o nguaala' ji'i̱ ngu'. 43Lo'o ndye ndyacu ngu', nguxuti'i̱ ngu' lcaa yu'be nu ndyanu, lo'o yu'be xlyá lo'o yu'be cualya; ngutsa'a̱ tii tyucuaa tya'a chcubi lo'o yu'be bi' li'. 44Jua'a̱ ngua cha' ca'yu mil tya'a ngu' qui'yu ndyacu xlyá lo'o cualya nu ngua tsa̱ bi'.
Nguta'a̱ Jesús lo hitya tayu'
45Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ sube ti, cha' tsaa ngu' nde loo la su tsaa ycui' ca chaca tsu' tayu' hasta ca quichi̱ Betsaida. Tyanu Jesús cha' chcui' salya' lo'o nu ngu' quiña'a̱ bi', cha' tyaa ngu' quichi̱ ca to' tyi ngu'. 46Lo'o cua nchcui' salya' lo'o ngu', ndu'u Jesús ndyaa ycui' ti yu nde sii' ca'ya cha' chcui' yu lo'o ycui' Ndyosi Sti yu. 47Lo'o ndyaa cuichaa ntsu'u ngu' tyijyu' lo hitya ne' yaca ni'i̱ sube ti, ndyanu Jesús ycui' ti nde lo yuu btyi. 48Na'a̱ Jesús cha' lye tsa ndyu'ni ngu' cña cha' xna yaca ni'i̱ bi' lo hitya, cha' nguula tsa cui'i̱ ndyaca lo hitya. Lo'o cua quixee ti, li' lijya̱ Jesús ndya'a̱ lo hitya ti. Cua tyeje tacui ti Jesús, 49lo'o li' na'a̱ ngu' ji'i̱ yu ndya'a̱ yu lo hitya. Ngusi'ya tsa ngu' li', cha' sca jyo'o laca ngua ti' ngu'. 50Na'a̱ ca ta'a ngu' ji'i̱, lo'o jua'a̱ ndyutsi̱i̱ tsa ngu' li'. Hora ti ndacha' Jesús ji'i̱ ngu':
―Cua'ni tlyu tyiquee ma̱, na' laca̱ ―nacui̱ yu―. Ná cutsi̱i̱ ma̱ ―nacui̱ Jesús ji'i̱ ngu'.
51Li' ndyatí̱ Jesús ne' yaca ni'i̱ lo'o ngu', hora ti ngua ti̱ cui'i̱ li'. Ndube tsa ti' ngu' li', ngulacua tsa ti' ngu'. 52Ná nda ngu' cuentya tsiya' ti ñi'ya̱ ngua cha' nguta'a̱ Jesús lo hitya. La cui' ti cha' ná ngua cuayá' ti' ngu' ñi'ya̱ nu ngua'ni Jesús lo'o ngusa'be yu ji'i̱ xlyá bi'. Na cua ndyacu̱' hique ngu'.
Ngua'ni Jesús jo'o ji'i̱ ngu' quicha nde Genesaret
53Li' ndyalaa yaca ni'i̱ chaca tsu' tayu' lo'o ngu', ca loyuu su cuentya Genesaret ndyalaa ngu' li'. Lo'o ngusca̱' ngu' ji'i̱ yaca ni'i̱ bi', 54li' ndyu'u ngu'. Hora ti ndyuloo ñati̱ nu ca tyi bi' ji'i̱ Jesús. 55Ngusna ngu' ndyaa ngu' ca slo ca ta'a ngu' quicha, cha' tyaa lo'o ngu' ji'i̱ ngu' quicha bi' slo Jesús; masi ngu' quichi̱ cacua ti, masi ngu' tyijyu' la xi, ndyi'ya ngu' ji'i̱ ngu' quicha lijya̱. Masi ne' catya̱, masi lo jaa' ti ndyaa ngu', cha' tyalaa ngu' ca su ndu̱ Jesús. 56Tyu̱u̱ tya'a quichi̱ su ndyaa Jesús, lo'o quichi̱ tlyu, lo'o quichi̱ sube ti, lo'o to' tyi ñati̱ ti ne' quixi̱', lcaa su ndya'a̱ yu ñaa ngu' ñaa lo'o ngu' ji'i̱ nu quicha ji'i̱ ngu'. Ndijña ngu' chacuayá' ji'i̱ Jesús cha' cala' ti ngu' quicha masi quiya' ste' ti yu. Lo'o lcaa nu quicha nu ndyala' ste' Jesús ni, hora ti ngua tso'o ngu' bi' li'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.