SAN MARCOS 7
7
Na laca nu cua'ni ñu'u̱ ji'i̱ tyiquee ñati̱
1Lo'o li' ndyalaa sca taju ngu' fariseo, ndya'a̱ ngu' lo'o xi mstru nu nclu'u cha' jo'ó ne' laa nde quichi̱ Jerusalén. Lijya̱ ngu' ca su ndu̱ Jesús. 2Ndube ti' ngu' bi', cha' ntsu'u ngu' nu ndyaca tsa'a̱ ji'i̱ Jesús nu ndacu tyaja masi bilya tyaati̱ ya' ngu' ñi'ya̱ lo'o nclu'u mstru cha' jo'ó ji'i̱ ngu' cha' cua'ni ngu'. 3(Nu ngu' fariseo, lo'o jua'a̱ lcaa tya'a ngu' judío ni, ná cacu ngu' si bilya tyaati̱ tso'o ya' ngu' ñi'ya̱ nu nguscua jyo'o cusu' sa'ni la cha' cua'ni ngu'. 4Lo'o tsaa ngu' lcaya' cui'ya ngu' sca na cacu ngu', tya̱a̱ lo'o ngu' ji'i̱ toni'i̱ li'; pana ná ntsu'u chacuayá' cacu ngu' ji'i̱ si bilya cua'ni lubii ngu' ji'i̱ tyucui ña'a̱ ngu'. Quiña'a̱ tsa cña tacati jua'a̱ cua ngulu'u jyo'o cusu' ji'i̱ ngu' judío cha' cua'ni ngu'; ñi'ya̱ nu tyaati̱ tasa ji'i̱ ngu', ñi'ya̱ nu tyaati̱ castyu, ñi'ya̱ nu tyaati̱ quityu̱' chcua̱, ñi'ya̱ nu tyaati̱ ca'ña, cha' caca lubii scaa na bi' cuentya ji'i̱ ycui' Ndyosi, ngua ti' ngu'.) 5Bi' cha' ndi'ya̱ nchcuane ngu' ji'i̱ Jesús li', nu ngu' fariseo bi' lo'o mstru cha' jo'ó bi' ni:
―¿Ni cha' laca ná tso'o ndyu'ni ngu' nu ndyaca tsa'a̱ jinu'u̱? ―nacui̱ ngu' ji'i̱ yu―. Ná ndaquiya' ngu' bi' ji'i̱ cña nu cua ngulu'u jyo'o cusu' ji'na cua sa'ni la, cha' ná ndyaati̱ tso'o ya' ngu' lo'o cacu ngu' tyaja ―nacui̱ ngu' bi' ji'i̱ Jesús.
6Li' nguxacui̱ Jesús cha' ji'i̱ ngu' bi':
―Liñi tsa cha' nu nchcui' jyo'o Isaías ji'i̱ ma̱ sa'ni, cha' ñati̱ nu tucua cha' ntsu'u tyiquee ma̱ laca ma̱. Ndi'ya̱ nguscua nu cusu' Isaías bi' lo quityi ji'i̱ ycui' Ndyosi:
Ndu'ni tlyu ngu' re jna' cha' tu'ba ti ngu', nacui̱ ycui' Ni,
si'i tyucui tyiquee ngu' ndu'ni tlyu ngu' 'na.
7Na cuiñi tsa ngu' re; nacui̱ ngu' cha' ndyu'ni tlyu ngu' 'na,
pana nclu'u ngu' cha nu' nchcui' ñati̱ ti ji'i̱ tya'a ngu',
masi nacui̱ ngu' cha' nclyu'u ngu' cha' jna' ji'i̱ tya'a ngu', nacui̱ ycui' Ni.
Jua'a̱ nscua lo quityi. 8Ná ndube ti' cu'ma̱ ñi'ya̱ nu ngulo ycui' Ndyosi cña ji'i̱ ñati̱ chalyuu; ji'i̱ cña nu ngulu'u jyo'o cusu' ji'na, bi' ti cña ndaquiya' ma̱ ji'i̱ ―nacui̱ Jesús ji'i̱ ngu' bi'.
9Lo'o li' xa' nchcui' yu lo'o ngu' bi':
―Tso'o tsa nti' ma̱ cha' nguxtyanu ma̱ cña nu ngulo ycui' Ndyosi ji'na; ndulo la cha' nu ngulu'u jyo'o cusu' ji'na, nti' ma̱ ―nacui̱ Jesús―. 10¿Ha ná ntsu'u ti' ma̱ cha' nu nchcui' jyo'o Moisés cuentya ji'i̱ ycui' Ndyosi lo'o ñati̱ sa'ni? “Tucuá ma̱ cha' nu nchcui' sti ma̱, cha' nu nchcui' xtya'a̱ ma̱”, nacui̱ Ni. “Si chcui' ma̱ cha' cuxi ji'i̱ sti ma̱ ji'i̱ xtya'a̱ ma̱, ntsu'u cha' cujuii ngu' ji'i̱ ma̱ li'”, nacui̱ Ni. 11Pana cuxi tsa cha' nu nchcui' cu'ma̱. Na nclyu'u ma̱ ji'i̱ ngu' cha' tso'o laca si chcui' sca ñati̱ lo'o sti ngu' lo'o xtya'a̱ ngu' ndi'ya̱: “Nga'aa caca 'na xtyucua na' ji'i̱ ma̱, cha' Corbán laca lcaa cha' nu ta na' ji'i̱ ma̱ nquicha'”. (Corbán ni, ndi'ya̱ nti' ñacui̱ cha' bi' cha'cña ji'i̱ ngu' bi': sca na nu cua nda ngu' ji'i̱ ycui' Ndyosi.) 12Nga'aa nda ma̱ chacuayá' cha' xtyucua ngu' bi' ji'i̱ sti ngu' ji'i̱ xtya'a̱ ngu' li' ―nacui̱ Jesús ji'i̱ ngu' bi'―. 13Ná tso'o laca lo'o nclyu'u ma̱ jua'a̱. Nga'aa ndaquiya' ma̱ ji'i̱ cña nu ngulo ycui' Ndyosi ji'na, si jua'a̱ culu'u ma̱ ji'i̱ ngu'; lye la ndaquiya' ma̱ ji'i̱ cha' nu nda jyo'o cusu' lo'o ma̱. Lo'o jua'a̱ quiña'a̱ tsa xa' la cha' cuxi ndu'ni ma̱ ―nacui̱ Jesús ji'i̱ ngu'.
14Ngua chaca quiya' ngusi'ya Jesús ji'i̱ quiña'a̱ tsa ñati̱ nu lca'a̱ ji'i̱ cha' ca̱a̱ ngu' cacua la xi.
―Cua'a̱ jyaca̱ lcaa cu'ma̱ ji'i̱ cha' nu ta na' lo'o ma̱, cha' ca cuayá' ti' ma̱ sca cha' ―nacui̱ Jesús ji'i̱ ngu' li'―. 15Ná ntsu'u na ndacu ngu' nu cua'ni cha' caca cuxi tyiquee ngu' ―nacui̱ yu―. Lo'o nchcui' ngu' sca cha', lo'o ndyu'ni ngu' sca cña, jua'a̱ caca cuayá' ti' na si cuxi tyiquee ngu' bi'. 16Lcaa ma̱ nu nti' cuna ma̱, cua'a̱ jyaca̱ tso'o ma̱ ji'i̱ cha' bi' juani ―nacui̱ Jesús ji'i̱ ngu'.
17Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.
18―¿Ha lo'o cu'ma̱ ná ngua cuayá' ti' ma̱ cha' bi'? ―nacui̱ Jesús ji'i̱ ngu' li'―. ¿Ha ná jlo ti' ma̱ cha' si'i na nu cacu na laca nu cua'ni cha' caca cuxi tyiquee na? Ná taca. 19Lo'o cacu na sca na, li' tyatí̱ bi' nde tyuu tu'ba na, ca ti'i̱ bi' nde ne' na li'; lo'o tsaa na liya' tye lyiji cha' ji'i̱ li' ―nacui̱ Jesús.
Jua'a̱ nchcui' Jesús cha' ca cuayá' ti' na cha' tso'o cacu na lcaa na nu ndacu ñati̱. 20Tya nchcui' la Jesús lo'o ngu' bi' li':
―Sca cha' nu nchcui' ñati̱, sca cha' nu ndyu'ni ñati̱, jua'a̱ caca cuayá' ti' na si ntsu'u cha' cuxi ne' cresiya ji'i̱ ngu' bi'. 21Si chañi cha' ntsu'u cha' cuxi ne' cresiya ji'i̱ ñati̱, quiña'a̱ tsa cha' cuxi taca cua'ni ñati̱ bi' li': masi culacua cuxi ti' ngu', masi cua'ni suba' ngu' lo'o xa' ñati̱, masi tyu'u cha' ji'i̱ ngu' lo'o clyo'o xa' ñati̱, masi cujuii ngu' ji'i̱ tya'a ngu', 22masi ngu' cuaana caca ngu', masi tyacui ti' ngu' ji'i̱ sca na nu ntsu'u ji'i̱ xa' ñati̱, masi caca lya' ti' ngu' ji'i̱ xa' ñati̱, masi tucua cha' tyu'u tyiquee ngu', masi suba' tsa cua'ni ngu', masi caca liye' ti' ngu', masi cuentyu tsa caca ngu', masi caca tyixi tsa tu'ba ngu', masi ná cube ti' ngu' tsiya' ti. 23Na cua ntsu'u tyiquee ñati̱ ji'i̱ lcaa cha' cuxi bi', bi' cha' ndiya ti' ngu' cua'ni ngu' ji'i̱. Bi' laca cha' nu ndu'ni cha' ná lubii cresiya ji'i̱ ñati̱ chalyuu.
Jlya ti' sca nu cuna'a̱ xa' tsu' ji'i̱ Jesús
24Lo'o li' ndu'u Jesús ndyaa tyijyu' nde loyuu su cuentya quichi̱ Sidón, nde su cuentya quichi̱ Tiro li'. Ngua ti' yu cha' tyanu yu sca ne' ni'i̱ cuaana ti cajua; pana ná ngua ji'i̱, cha' yala ti ngujui cha' ji'i̱ ngu' macala ndi'i̱ yu. 25Lo'o jua'a̱ ntsu'u sca nu cuna'a̱ ngu' quichi̱ bi'; ngua cuayá' ti' mala su ndi'i̱ Jesús, bi' cha' ya̱a̱ ma' su ndi'i̱ yu. Cua ngusñi sca cui'i̱ cuxi ji'i̱ sca nu cuna'a̱ piti, sñi' nu cuna'a̱ bi'; bi' cha' ngutu̱ sti̱' xtya'a̱ nu piti nde loo Jesús, 26ngüijña ma' cha' clyu ti' ji'i̱ yu, cha' culo yu cui'i̱ cuxi nu ntsu'u ji'i̱ sñi', nti' ma'. Cha'cña ji'i̱ ngu' griego nchcui' nu cuna'a̱ bi', cha' ngu' xa' tsu' laca ma', ngu' sirofenicia.
27―Clyo nda ngu' na cacu sñi' ngu' ―nacui̱ Jesús―. Ná tso'o si xñi ngu' tyaja nu ndyacu sñi' ngu' cha' ta ngu' ji'i̱ xne' ti ―nacui̱ Jesús ji'i̱ nu cuna'a̱ bi'.
28―Chañi cha' jinu'u̱ ―nacui̱ nu cuna'a̱―, pana ntsu'u chacuayá' cacu xne' satya nu ndyalú ne' mesa laja lo'o ndyacu nu sube ―nacui̱ ji'i̱ Jesús.
29―Tso'o nchcui' nu'u̱ ―nacui̱ Jesús―. Tso'o ti tyaa nu'u̱ to' tyi juani, cha' cua ndyaca tso'o sñi' nu'u̱ juani ―nacui̱ yu ji'i̱ nu cuna'a̱ bi' li'.
30Ndu'u nu cuna'a̱ bi' ndyaa, ndyalaa to' tyi su ntsiya sñi' lo qui'ña. Li' na'a̱ nu cuna'a̱ cha' cua ndyaca tso'o sñi', nga'aa ntsu'u cui'i̱ cuxi ji'i̱.
Ngua'ni Jesús jo'o ji'i̱ ñati̱ cu'u̱
31Lo'o li' ndu'u ngu' quichi̱ Tiro, ñaa ngu', nteje tacui ngu' quichi̱ Sidón, nteje tacui ngu' nde Decápolis, la cui' loyuu su nscua tii tya'a quichi̱. Li' nguxtyu̱u̱ ngu' ya̱a̱ nde to' tayu' Galilea. 32Li' ñaa xi ñati̱ slo Jesús, ñaa lo'o ngu' ji'i̱ sca nu cu'u̱. Na cu'u̱ jyaca̱ yu, jua'a̱ ná nchca chcui' tso'o yu. Li' nchcui' ngu' lo'o Jesús cha' sta ya' hique nu quicha bi'. 33Ndyaa lo'o Jesús ji'i̱ nu quicha bi' sca se'i̱ cacua ti su ná ndi'i̱ ñati̱. Li' ndyojo' sne ya' Jesús tyuu jyaca̱ nu quicha bi', ngutu'u hitya sañi' Jesús, cuati ngusta sne ya' lo ltse' nu quicha. 34Li' nguxña'a̱ Jesús nde cua̱, lye tsa ñaa xtyi'i li'.
―Efata ―nacui̱ Jesús ji'i̱ nu quicha bi' li'. (Ndi'ya̱ ndyu'u cha' bi' cha'cña ji'i̱ yu: Tyaala tyuu jyaca̱ nu'u̱, jua'a̱ nti' ñacui̱ cha' bi'.)
35Hora ti ndyaala tyuu jyaca̱ yu li'; nduna tso'o yu, ngua tso'o ltse' yu cha' tso'o ti nda yu cha' lo'o ngu'. 36Li' ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua ji'i̱ nu quicha bi'. Pana ná nduna ngu'; lye la nguañi cha' bi', masi lye ngulo Jesús cña ji'i̱ ngu' cha' ná cacha' ngu' ji'i̱ tya'a ngu'. 37Ndube tsa ti' ngu' lo'o ndyuna ngu' ñi'ya̱ ngua cha' bi'.
―Tso'o tsa ndu'ni yu bi' ―nacui̱ ngu'―, lo'o ji'i̱ ngu' nu cu'u̱ jyaca̱ nchca ji'i̱ yu ndu'ni yu cha' ndyaca tso'o ngu'; hasta lo'o nchcui' ngu' quicha bi' chaca quiya' xqui'ya yu, masi ngua cu'u̱ tu'ba ngu'.
Currently Selected:
SAN MARCOS 7: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
SAN MARCOS 7
7
Na laca nu cua'ni ñu'u̱ ji'i̱ tyiquee ñati̱
1Lo'o li' ndyalaa sca taju ngu' fariseo, ndya'a̱ ngu' lo'o xi mstru nu nclu'u cha' jo'ó ne' laa nde quichi̱ Jerusalén. Lijya̱ ngu' ca su ndu̱ Jesús. 2Ndube ti' ngu' bi', cha' ntsu'u ngu' nu ndyaca tsa'a̱ ji'i̱ Jesús nu ndacu tyaja masi bilya tyaati̱ ya' ngu' ñi'ya̱ lo'o nclu'u mstru cha' jo'ó ji'i̱ ngu' cha' cua'ni ngu'. 3(Nu ngu' fariseo, lo'o jua'a̱ lcaa tya'a ngu' judío ni, ná cacu ngu' si bilya tyaati̱ tso'o ya' ngu' ñi'ya̱ nu nguscua jyo'o cusu' sa'ni la cha' cua'ni ngu'. 4Lo'o tsaa ngu' lcaya' cui'ya ngu' sca na cacu ngu', tya̱a̱ lo'o ngu' ji'i̱ toni'i̱ li'; pana ná ntsu'u chacuayá' cacu ngu' ji'i̱ si bilya cua'ni lubii ngu' ji'i̱ tyucui ña'a̱ ngu'. Quiña'a̱ tsa cña tacati jua'a̱ cua ngulu'u jyo'o cusu' ji'i̱ ngu' judío cha' cua'ni ngu'; ñi'ya̱ nu tyaati̱ tasa ji'i̱ ngu', ñi'ya̱ nu tyaati̱ castyu, ñi'ya̱ nu tyaati̱ quityu̱' chcua̱, ñi'ya̱ nu tyaati̱ ca'ña, cha' caca lubii scaa na bi' cuentya ji'i̱ ycui' Ndyosi, ngua ti' ngu'.) 5Bi' cha' ndi'ya̱ nchcuane ngu' ji'i̱ Jesús li', nu ngu' fariseo bi' lo'o mstru cha' jo'ó bi' ni:
―¿Ni cha' laca ná tso'o ndyu'ni ngu' nu ndyaca tsa'a̱ jinu'u̱? ―nacui̱ ngu' ji'i̱ yu―. Ná ndaquiya' ngu' bi' ji'i̱ cña nu cua ngulu'u jyo'o cusu' ji'na cua sa'ni la, cha' ná ndyaati̱ tso'o ya' ngu' lo'o cacu ngu' tyaja ―nacui̱ ngu' bi' ji'i̱ Jesús.
6Li' nguxacui̱ Jesús cha' ji'i̱ ngu' bi':
―Liñi tsa cha' nu nchcui' jyo'o Isaías ji'i̱ ma̱ sa'ni, cha' ñati̱ nu tucua cha' ntsu'u tyiquee ma̱ laca ma̱. Ndi'ya̱ nguscua nu cusu' Isaías bi' lo quityi ji'i̱ ycui' Ndyosi:
Ndu'ni tlyu ngu' re jna' cha' tu'ba ti ngu', nacui̱ ycui' Ni,
si'i tyucui tyiquee ngu' ndu'ni tlyu ngu' 'na.
7Na cuiñi tsa ngu' re; nacui̱ ngu' cha' ndyu'ni tlyu ngu' 'na,
pana nclu'u ngu' cha nu' nchcui' ñati̱ ti ji'i̱ tya'a ngu',
masi nacui̱ ngu' cha' nclyu'u ngu' cha' jna' ji'i̱ tya'a ngu', nacui̱ ycui' Ni.
Jua'a̱ nscua lo quityi. 8Ná ndube ti' cu'ma̱ ñi'ya̱ nu ngulo ycui' Ndyosi cña ji'i̱ ñati̱ chalyuu; ji'i̱ cña nu ngulu'u jyo'o cusu' ji'na, bi' ti cña ndaquiya' ma̱ ji'i̱ ―nacui̱ Jesús ji'i̱ ngu' bi'.
9Lo'o li' xa' nchcui' yu lo'o ngu' bi':
―Tso'o tsa nti' ma̱ cha' nguxtyanu ma̱ cña nu ngulo ycui' Ndyosi ji'na; ndulo la cha' nu ngulu'u jyo'o cusu' ji'na, nti' ma̱ ―nacui̱ Jesús―. 10¿Ha ná ntsu'u ti' ma̱ cha' nu nchcui' jyo'o Moisés cuentya ji'i̱ ycui' Ndyosi lo'o ñati̱ sa'ni? “Tucuá ma̱ cha' nu nchcui' sti ma̱, cha' nu nchcui' xtya'a̱ ma̱”, nacui̱ Ni. “Si chcui' ma̱ cha' cuxi ji'i̱ sti ma̱ ji'i̱ xtya'a̱ ma̱, ntsu'u cha' cujuii ngu' ji'i̱ ma̱ li'”, nacui̱ Ni. 11Pana cuxi tsa cha' nu nchcui' cu'ma̱. Na nclyu'u ma̱ ji'i̱ ngu' cha' tso'o laca si chcui' sca ñati̱ lo'o sti ngu' lo'o xtya'a̱ ngu' ndi'ya̱: “Nga'aa caca 'na xtyucua na' ji'i̱ ma̱, cha' Corbán laca lcaa cha' nu ta na' ji'i̱ ma̱ nquicha'”. (Corbán ni, ndi'ya̱ nti' ñacui̱ cha' bi' cha'cña ji'i̱ ngu' bi': sca na nu cua nda ngu' ji'i̱ ycui' Ndyosi.) 12Nga'aa nda ma̱ chacuayá' cha' xtyucua ngu' bi' ji'i̱ sti ngu' ji'i̱ xtya'a̱ ngu' li' ―nacui̱ Jesús ji'i̱ ngu' bi'―. 13Ná tso'o laca lo'o nclyu'u ma̱ jua'a̱. Nga'aa ndaquiya' ma̱ ji'i̱ cña nu ngulo ycui' Ndyosi ji'na, si jua'a̱ culu'u ma̱ ji'i̱ ngu'; lye la ndaquiya' ma̱ ji'i̱ cha' nu nda jyo'o cusu' lo'o ma̱. Lo'o jua'a̱ quiña'a̱ tsa xa' la cha' cuxi ndu'ni ma̱ ―nacui̱ Jesús ji'i̱ ngu'.
14Ngua chaca quiya' ngusi'ya Jesús ji'i̱ quiña'a̱ tsa ñati̱ nu lca'a̱ ji'i̱ cha' ca̱a̱ ngu' cacua la xi.
―Cua'a̱ jyaca̱ lcaa cu'ma̱ ji'i̱ cha' nu ta na' lo'o ma̱, cha' ca cuayá' ti' ma̱ sca cha' ―nacui̱ Jesús ji'i̱ ngu' li'―. 15Ná ntsu'u na ndacu ngu' nu cua'ni cha' caca cuxi tyiquee ngu' ―nacui̱ yu―. Lo'o nchcui' ngu' sca cha', lo'o ndyu'ni ngu' sca cña, jua'a̱ caca cuayá' ti' na si cuxi tyiquee ngu' bi'. 16Lcaa ma̱ nu nti' cuna ma̱, cua'a̱ jyaca̱ tso'o ma̱ ji'i̱ cha' bi' juani ―nacui̱ Jesús ji'i̱ ngu'.
17Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.
18―¿Ha lo'o cu'ma̱ ná ngua cuayá' ti' ma̱ cha' bi'? ―nacui̱ Jesús ji'i̱ ngu' li'―. ¿Ha ná jlo ti' ma̱ cha' si'i na nu cacu na laca nu cua'ni cha' caca cuxi tyiquee na? Ná taca. 19Lo'o cacu na sca na, li' tyatí̱ bi' nde tyuu tu'ba na, ca ti'i̱ bi' nde ne' na li'; lo'o tsaa na liya' tye lyiji cha' ji'i̱ li' ―nacui̱ Jesús.
Jua'a̱ nchcui' Jesús cha' ca cuayá' ti' na cha' tso'o cacu na lcaa na nu ndacu ñati̱. 20Tya nchcui' la Jesús lo'o ngu' bi' li':
―Sca cha' nu nchcui' ñati̱, sca cha' nu ndyu'ni ñati̱, jua'a̱ caca cuayá' ti' na si ntsu'u cha' cuxi ne' cresiya ji'i̱ ngu' bi'. 21Si chañi cha' ntsu'u cha' cuxi ne' cresiya ji'i̱ ñati̱, quiña'a̱ tsa cha' cuxi taca cua'ni ñati̱ bi' li': masi culacua cuxi ti' ngu', masi cua'ni suba' ngu' lo'o xa' ñati̱, masi tyu'u cha' ji'i̱ ngu' lo'o clyo'o xa' ñati̱, masi cujuii ngu' ji'i̱ tya'a ngu', 22masi ngu' cuaana caca ngu', masi tyacui ti' ngu' ji'i̱ sca na nu ntsu'u ji'i̱ xa' ñati̱, masi caca lya' ti' ngu' ji'i̱ xa' ñati̱, masi tucua cha' tyu'u tyiquee ngu', masi suba' tsa cua'ni ngu', masi caca liye' ti' ngu', masi cuentyu tsa caca ngu', masi caca tyixi tsa tu'ba ngu', masi ná cube ti' ngu' tsiya' ti. 23Na cua ntsu'u tyiquee ñati̱ ji'i̱ lcaa cha' cuxi bi', bi' cha' ndiya ti' ngu' cua'ni ngu' ji'i̱. Bi' laca cha' nu ndu'ni cha' ná lubii cresiya ji'i̱ ñati̱ chalyuu.
Jlya ti' sca nu cuna'a̱ xa' tsu' ji'i̱ Jesús
24Lo'o li' ndu'u Jesús ndyaa tyijyu' nde loyuu su cuentya quichi̱ Sidón, nde su cuentya quichi̱ Tiro li'. Ngua ti' yu cha' tyanu yu sca ne' ni'i̱ cuaana ti cajua; pana ná ngua ji'i̱, cha' yala ti ngujui cha' ji'i̱ ngu' macala ndi'i̱ yu. 25Lo'o jua'a̱ ntsu'u sca nu cuna'a̱ ngu' quichi̱ bi'; ngua cuayá' ti' mala su ndi'i̱ Jesús, bi' cha' ya̱a̱ ma' su ndi'i̱ yu. Cua ngusñi sca cui'i̱ cuxi ji'i̱ sca nu cuna'a̱ piti, sñi' nu cuna'a̱ bi'; bi' cha' ngutu̱ sti̱' xtya'a̱ nu piti nde loo Jesús, 26ngüijña ma' cha' clyu ti' ji'i̱ yu, cha' culo yu cui'i̱ cuxi nu ntsu'u ji'i̱ sñi', nti' ma'. Cha'cña ji'i̱ ngu' griego nchcui' nu cuna'a̱ bi', cha' ngu' xa' tsu' laca ma', ngu' sirofenicia.
27―Clyo nda ngu' na cacu sñi' ngu' ―nacui̱ Jesús―. Ná tso'o si xñi ngu' tyaja nu ndyacu sñi' ngu' cha' ta ngu' ji'i̱ xne' ti ―nacui̱ Jesús ji'i̱ nu cuna'a̱ bi'.
28―Chañi cha' jinu'u̱ ―nacui̱ nu cuna'a̱―, pana ntsu'u chacuayá' cacu xne' satya nu ndyalú ne' mesa laja lo'o ndyacu nu sube ―nacui̱ ji'i̱ Jesús.
29―Tso'o nchcui' nu'u̱ ―nacui̱ Jesús―. Tso'o ti tyaa nu'u̱ to' tyi juani, cha' cua ndyaca tso'o sñi' nu'u̱ juani ―nacui̱ yu ji'i̱ nu cuna'a̱ bi' li'.
30Ndu'u nu cuna'a̱ bi' ndyaa, ndyalaa to' tyi su ntsiya sñi' lo qui'ña. Li' na'a̱ nu cuna'a̱ cha' cua ndyaca tso'o sñi', nga'aa ntsu'u cui'i̱ cuxi ji'i̱.
Ngua'ni Jesús jo'o ji'i̱ ñati̱ cu'u̱
31Lo'o li' ndu'u ngu' quichi̱ Tiro, ñaa ngu', nteje tacui ngu' quichi̱ Sidón, nteje tacui ngu' nde Decápolis, la cui' loyuu su nscua tii tya'a quichi̱. Li' nguxtyu̱u̱ ngu' ya̱a̱ nde to' tayu' Galilea. 32Li' ñaa xi ñati̱ slo Jesús, ñaa lo'o ngu' ji'i̱ sca nu cu'u̱. Na cu'u̱ jyaca̱ yu, jua'a̱ ná nchca chcui' tso'o yu. Li' nchcui' ngu' lo'o Jesús cha' sta ya' hique nu quicha bi'. 33Ndyaa lo'o Jesús ji'i̱ nu quicha bi' sca se'i̱ cacua ti su ná ndi'i̱ ñati̱. Li' ndyojo' sne ya' Jesús tyuu jyaca̱ nu quicha bi', ngutu'u hitya sañi' Jesús, cuati ngusta sne ya' lo ltse' nu quicha. 34Li' nguxña'a̱ Jesús nde cua̱, lye tsa ñaa xtyi'i li'.
―Efata ―nacui̱ Jesús ji'i̱ nu quicha bi' li'. (Ndi'ya̱ ndyu'u cha' bi' cha'cña ji'i̱ yu: Tyaala tyuu jyaca̱ nu'u̱, jua'a̱ nti' ñacui̱ cha' bi'.)
35Hora ti ndyaala tyuu jyaca̱ yu li'; nduna tso'o yu, ngua tso'o ltse' yu cha' tso'o ti nda yu cha' lo'o ngu'. 36Li' ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua ji'i̱ nu quicha bi'. Pana ná nduna ngu'; lye la nguañi cha' bi', masi lye ngulo Jesús cña ji'i̱ ngu' cha' ná cacha' ngu' ji'i̱ tya'a ngu'. 37Ndube tsa ti' ngu' lo'o ndyuna ngu' ñi'ya̱ ngua cha' bi'.
―Tso'o tsa ndu'ni yu bi' ―nacui̱ ngu'―, lo'o ji'i̱ ngu' nu cu'u̱ jyaca̱ nchca ji'i̱ yu ndu'ni yu cha' ndyaca tso'o ngu'; hasta lo'o nchcui' ngu' quicha bi' chaca quiya' xqui'ya yu, masi ngua cu'u̱ tu'ba ngu'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.