Genesis 5
5
Dagiti Kaputotan ni Adan
(1 Cron. 1:1-4)
1Daytoy#Gen. 1:27-28. ti listaan dagiti kaputotan ni Adan. Idi parsuaen ti Dios ti tao, inaramidna a kas kenkuana. 2Nangparsua#Mat. 19:4; Mar. 10:6. iti lalaki ken babai. Binendisionan ken pinanagananna ida iti “Tao.” 3Idi agtawen ni Adan iti 130, naparaburan iti anak a lalaki a kas kenkuana, ket pinanagananna iti Set. 4Nagbiag pay ni Adan iti 800 a tawen. Adda pay dadduma nga annakna. 5Natay idi agtawen iti 930.
6Idi agtawen ni Set iti 105, naparaburan iti anak a lalaki a pinanagananna iti Enos. 7Nagbiag pay iti 807 a tawen. Adda pay dadduma nga annakna. 8Natay idi agtawen iti 912.
9Idi agtawen ni Enos iti 90, naparaburan iti anak a lalaki a pinanagananna iti Kenan. 10Nagbiag pay iti 815 a tawen. Adda pay dadduma nga annakna. 11Natay idi agtawen iti 905.
12Idi agtawen ni Kenan iti 70, naparaburan iti anak a lalaki a pinanagananna iti Mahalalel. 13Nagbiag pay iti 840 a tawen. Adda pay dadduma nga annakna. 14Natay idi agtawen iti 910.
15Idi agtawen ni Mahalalel iti 65, naparaburan iti anak a lalaki a pinanagananna iti Jared. 16Nagbiag pay iti 830 a tawen. Adda pay dadduma nga annakna. 17Natay idi agtawen iti 895.
18Idi agtawen ni Jared iti 162, naparaburan iti anak a lalaki a pinanagananna iti Enoc. 19Nagbiag pay iti 800 a tawen. Adda pay dadduma nga annakna. 20Natay idi agtawen iti 962.
21Idi agtawen ni Enoc iti 65, naparaburan iti anak a lalaki a pinanagananna iti Matusalem. 22Nagbiag ni Enoc a nakikadkadua iti Dios iti 300 a tawen. Adda pay dadduma nga annakna. 23Kalpasanna, nagbiag pay iti 365 a tawen.
24Nagbiag#Sir. 44:16; 49:14; Heb. 11:5; Jd. 14. iti sidong ti Dios. Kalpasanna, nagpukaw, agsipud ta innala ti Dios. 25Idi agtawen ni Matusalem iti 187, naparaburan iti anak a lalaki a pinanagananna iti Lamec. 26Nagbiag pay iti 782 a tawen. Adda pay dadduma nga annakna. 27Natay idi agtawen iti 969.
28Idi agtawen ni Lamec iti 182, naparaburan iti anak a lalaki. 29Kinuna ni Lamec, “Manipud iti daga nga inlunod ti Apo, mangyeg daytoy nga ubing iti gin-awa kadagiti amin a nadagsen a trabahotayo.” Isu a pinanagananna iti Noe.#29 NOE: Umasping ti pannakabalikasna iti gin-awa iti Hebreo. 30Nagbiag pay ni Lamec iti 595 a tawen. Adda pay dadduma nga annakna. 31Natay idi agtawen iti 777. 32Agtawen ni Noe iti 500 idi naparaburan iti tallo nga annak a lallaki: da Sem, Ham ken Jafet.
Currently Selected:
Genesis 5: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
