San Lucas 10
10
Ibaon ni Jesus dagiti Pitopulo ket Dua
1Kalpasan daytoy, pimmili ni Jesus iti pitopulo ket dua#1 pitopulo ket dua; pitopulo, kuna ti sumagmamano a manuskrito. pay a lallaki. Imbaonna ida a sagdudua tapno umun-unada a mapan iti tunggal ili ken lugar a papanannanto.
2Kinunana#Mat. 9:37-38. kadakuada, “Adu ti anien, ngem bassit ti agani. Agdawatkayo ngarud iti akinkukua iti maani tapno mangibaon kadagiti agani. 3Inkayon!#Mat. 10:16. Ibaonkayo a kas urbon ti karnero iti ayan ti arban dagiti lobo. 4Dikayo#Mat. 10:7-14; Mar. 6:8-11; Luc. 9:3-5. mangitugtugot iti supot, bay-on wenno sapatos. Dikay agsardeng iti dalan a kumablaaw iti siasinoman. 5No sumrekkay iti maysa a balay, umuna a kunayo: ‘Adda koma kappia iti daytoy a balay.’ 6No iti dayta a balay adda tao a managayat iti kappia, agbatinto kenkuana ti inkablaawyo. No awan, ibabawiyo ti inkablaawyo. 7Agdaguskay#1 Cor. 9:14; 1 Tim. 5:18. iti dayta a balay, ket kanen ken inumenyo ti idasarda kadakayo ta rumbeng a matangdanan ti agtrabaho. Dikay agalis-alis iti pagdagusanyo. 8No sumrekkay iti maysa nga ili ket awatendakayo, kanenyo ti maidasar kadakayo. 9Paimbagenyo dagiti masakit iti dayta nga ili ket kunayo kadagiti tattao sadiay, ‘Asidegen kadakayo ti Pagarian ti Dios.’ 10Ngem#Ara. 13:51. no sumrekkay iti maysa nga ili ket didakay awaten, mapankayo kadagiti kalkalsada ket kunayo: 11‘Uray ti tapok ti iliyo a kumpet kadagiti sakami, punasenmi a maibusor kadakayo. Nupay kasta, laglagipenyo nga asidegen kadakayo ti Pagarian ti Dios!’ 12Ibagak#Gen. 19:24-28; Mat. 11:24; Mat. 10:15. kadakayo nga inton Aldaw ti Panangukom, dakdakkelto ti asi ti Dios iti Sodoma ngem iti dayta nga ili!”
Dagiti Ili a di Mamati
(Mat. 11:20-24)
13“Asikanto#Is. 23:1-18; Eze. 26:1–28:26; Jl. 4:4-8; Am. 1:9-10; Zac. 9:2-4. pay, Corazin! Asikanto met, Betsaida! No naaramid koma idiay Tiro ken Sidon dagiti milagro a naaramid kadakayo, nabayag koman nga impakita dagiti tattao sadiay ti panagbabawida kadagiti basbasolda babaen iti panagtugawda a sikakawes iti nakersang a lupot ken panangiwarakiwakda iti dapu kadagiti bagbagida. 14Inton Aldaw a Panangukom, dakdakkelto ti asi ti Dios iti Tiro ken Sidon ngem kadakayo. 15Ket#Is. 14:13-15. sika, Capernaum, kayatmo kadi a maitan-okkanto sadi langit? Saan! Maitappuakkanto idiay Hades.”#15 HADES: ti lubong dagiti natay.
16Kinuna#Mat. 10:40; Mar. 9:37; Luc. 9:48; Jn. 13:20. ni Jesus kadagiti adalanna, “Ti siasinoman a dumngeg kadakayo, siak ti denggenna. Ngem ti saan nga umawat kadakayo, siak ti saanna nga awaten. Ket ti saan nga umawat kaniak, ti nangibaon kaniak ti saanna nga awaten.”
Ti Panagsubli dagiti Pitopulo ket Dua
17Siraragsak a nagsubli dagiti pitopulo ket dua. “Apo,” kinunada, “uray dagiti demonio nagtulnogda kadakami idi bilinenmi ida iti naganmo!”
18Insungbat ni Jesus, “Nakitak ni Satanas a natnag a kas kimat manipud langit. 19Denggenyo:#Sal. 91:13. Inikkankayo iti pannakabalin a mangbaddek kadagiti uleg ken manggagama ken mangparmek iti bileg ti Kabusor. Awanto ti pakaan-anoanyo. 20Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”
Agrag-o ni Jesus
(Mat. 11:25-27; 13:16-17)
21Iti dayta met laeng nga oras, napno ni Jesus iti rag-o babaen ti Espiritu Santo.#21 babaen ti Espiritu Santo: babaen iti Espiritu, kuna ti dadduma a manuskrito; iti espirituna, kuna met ti sabsabali pay a manuskrito. Kinuna ni Jesus, “Agyamanak kenka, Ama, sika nga Apo ti langit ken daga, ta impakaammom kadagiti awan adalna ti inlimedmo kadagiti mamasirib ken kadagiti nasaririt. Wen, Ama, ta kasta ti nagayatam a maaramid.
22“Intalek#Jn. 3:35; Jn. 10:15. kaniak ni Amak dagiti amin. Awan makaam-ammo iti Anak no di laeng ti Ama. Awan met makaam-ammo iti Ama no di laeng ti Anak ken dagiti kayat ti Anak a pangipakaammoan.”
23Simmango ni Jesus kadagiti adalan ket kinunana a sililimed, “Nagasatkayo gapu kadagiti makitkitayo ita! 24Ibagak kadakayo nga adu a profeta ken ari ti nagtarigagay a kumita kadagiti makitayo, ken dumngeg kadagiti mangngegyo. Ngem dida nakita wenno nangngeg.”
Ti Pangngarig maipapan iti Naimbag a Samaritano
25Timmakder#Mat. 22:35-40; Mar. 12:28-34. ti maysa a maestro iti Linteg tapno suotenna ni Jesus. “Maestro,” sinaludsodna, “ania ti masapul nga aramidek tapno magun-odko ti biag nga agnanayon?”
26“Ania ti nailanad iti linteg?” kinuna ni Jesus. “Ania ti panagawatmo?”
27“‘Ayatem#Deut. 6:5; Lev. 19:18. ti Apo a Diosmo iti amin a pusom, iti amin a kararuam, iti amin a pigsam ken iti amin a panunotmo,’ ken ‘Ayatem ti kaarrubam a kas iti bagim,’” insungbat ti maestro iti Linteg.
28“Husto#Lev. 18:5. ti insungbatmo,” kinuna ni Jesus. “Aramidem daytoy ket agbiagkanto.”
29Ngem kayat ti maestro nga ikalintegan ti bagina, isut' gapuna a nagsaludsod manen ken ni Jesus, “Siasino ti kaarrubak?”
30Simmungbat ni Jesus: “Adda maysa a tao a naggapu idiay Jerusalem ket sumalsalog a mapan idiay Jerico. Sinaneb dagiti tulisan, innalada amin nga adda kenkuana agraman badona, kinabkabilda sada pinanawan a dandanin matay. 31Nairana met a sumalsalog sadiay ti maysa a padi. Idi makitana daydi lalaki, linisianna ket intuloyna ti nagna. 32Simmalog met sadiay ti maysa a Levita. Inasitganna ti lalaki ket kinitana. Linisianna ket intuloyna ti nagna.
33“Ngem#2 Cron. 28:15. limmabas met sadiay ti maysa a Samaritano#33 Kitaen ti 9:52. nga agbibiahe. Idi makitana ti lalaki, naasian kenkuana. 34Inasitganna ket sinapsapoanna dagiti sugatna iti lana ken arak sana binedbedan ida. Insakayna iti bukodna nga animal ket impanna iti maysa a pagdagdagusan a nangtaripatoanna kenkuana.
35“Kabigatanna, nangala iti dua a pirak ket intedna iti agpadpadagus. ‘Taripatoem,’ kinunana kenkuana, ‘ket inton agsubliak, bayadakto amin a nagastom.’”
36Kinuna ngarud ni Jesus, “Iti panagkunam, siasino kadagiti tallo ti pudno a kaarruba daydi tao a sinaneb dagiti tulisan?”
37“Daydi nangngaasi kenkuana,” insungbat ti maestro iti Linteg.
Kinuna ni Jesus, “Inka ngarud ket kasta met ti aramidem.”
Sarungkaran ni Jesus da Marta ken Maria
38Bayat#Jn. 11:1. ti panagdaliasat ni Jesus ken dagiti adalanna, dimtengda iti maysa a barrio. Sadiay, adda maysa a babai nga agnagan Marta a nangsangaili kenkuana iti balayna. 39Adda kabsatna nga agnagan Maria a nagtugaw iti sakaanan ti Apo ket nagdengngeg iti pannursurona. 40Gapu ta maringgoran ni Marta iti panagsaganana, napan ken ni Jesus. “Apo,” kinunana, “awan kadi aniamanna kenka a baybay-annak ni kabsatko ket sisiak ti agsagsagana? Ibagam man kenkuana ta tulongannak!”
41Insungbat ti Apo, “Marta, Marta, adu la amin a pakaringgoram. 42Ngem maysa laeng ti masapul. Pinili ni Maria ti kasayaatan ket saanto a maikkat kenkuana.”
Currently Selected:
San Lucas 10: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
