San Marcos 9
9
1Kinunana pay, “Laglagipenyo daytoy! Adda sumagmamano kadakayo ditoy a saanto pay a matay agingga a makitada ti yaay ti Pagarian ti Dios agraman ti amin a pannakabalin.”
Agbalbaliw ti Langa ni Jesus
(Mat. 17:1-13; Luc. 9:28-36)
2Kalpasan#2 Ped. 1:17-18. ti innem nga aldaw, inkuyog ni Jesus da Pedro, Santiago ken Juan ket simmang-atda iti nangato a bantay. Sadiay, nagbalbaliw ti langa ni Jesus iti imatangda. 3Makapurar ti pudaw dagiti pagan-anayna ket awan ti siasinoman ditoy lubong a makapapudaw kas iti kapudawda.
4Pagammoan, nakita dagiti tallo nga adalan da Elias ken Moises a makisasao ken ni Jesus.
5Nagsao ni Pedro ket kinunana ken ni Jesus: “Maestro, nagsayaaten ti kaaddatayo ditoy! Mangbangonkami ketdi iti tallo a kalapaw: maysa ti para kenka, maysa ti para ken ni Moises, ket ti maysa para ken ni Elias.”
6Kasta unay ngamin ti buteng dagiti adalan ket saan nga ammo ni Pedro ti tumutop a sawenna.
7Nagparang#Mat. 3:17; Mar. 1:11; Luc. 3:22. ti ulep a nanglinong kadakuada ket adda nangngegda a timek a naggapu iti ulep. Kinunana, “Daytoy ti Anakko a dungdungngoek. Dumngegkayo kenkuana.”
8Dinagdagusda nga inwaras ti panagkitada, ngem awanen sabali a nakitada no di laeng ni Jesus.
9Idi sumalsalogda iti bantay, imbilin ni Jesus kadakuada, “Awan pangibagbagaanyo iti naimatanganyo. Ibagayonto laeng daytoy kalpasan ti panagungar ti Anak ti Tao.”
10Tinungpalda dayta a bilin, nupay nagsisinnaludsodda, “Ania ti kayat a sawen ti ‘panagungar kadagiti natay’?”
11Inimtuodda#Mlk. 4:5; Mat. 11:14. kenkuana, “Apay a kuna dagiti mamaestro iti Linteg a masapul nga umay nga umuna ni Elias?”
12Insungbat ni Jesus, “Pudno nga umay nga umuna ni Elias tapno tarimaanenna amin a banag. Ngem apay a nailanad iti Nasantoan a Surat nga agsagaba iti napalalo ti Anak ti Tao ket maumsinto? 13Ibagak kadakayo nga immayen ni Elias, ket inaramid dagiti tattao ti amin a kinaykayatda kenkuana, kas naisurat maipapan kenkuana.”
Paimbagen ni Jesus ti Ubing a Linuganan ti Dakes nga Espiritu
(Mat. 17:14-21; Luc. 9:37-43a)
14Idi agsublida iti ayan dagiti dadduma nga adalan, nakitada ti nakaad-adu a tattao iti likmutda ken sumagmamano a mamaestro iti Linteg a makisinsinnuppiat kadakuada. 15Apaman a nakita dagiti tattao a sumungad ni Jesus, naragsakanda ket nagtatarayda a kimmablaaw kenkuana.
16“Ania ti pagsusuppiatanyo?” sinaludsod ni Jesus.
17“Maestro,” kinuna ti maysa kadagiti tattao, “inyegko kenka ti anakko a lalaki ta linuganan ti dakes nga espiritu ket saan a makasao. 18No sumro ti dakes nga espiritu, itublakna ti ubing. Aglabutab ti ngiwatna, agngariet ken sumkil ti entero a bagina. Kiniddawko kadagiti adalam a paksiatenda ti dakes nga espiritu, ngem dida nabaelan.”
19Kinuna ni Jesus kadakuada, “Tattao nga awanan pammati! Kasano pay kabayag ti kaaddak iti dennayo? Kasano pay kabayag ti panaganusko kadakayo? Yegyo man kaniak ta ubing.”
20Inyasidegda kenkuana ti ubing. Apaman a nakita ti dakes nga espiritu ni Jesus, pinagkuyegyegna ti ubing. Napasag ti ubing iti daga, naggulgulagol nga aglablabutab ti ngiwatna.
21“Kaano pay a kastoy ti maar-aramid kenkuana?” inimtuod ni Jesus iti ama ti ubing.
“Manipud pay idi ubing,” insungbat ti amana. 22“Masansan nga isebba ti dakes nga espiritu iti apuy wenno ilemmesna iti danum tapno patayenna. No kabaelam, pangngaasim ta tulongannakami!”
23“Apay a kunam ‘No kabaelam’? Amin a banag kabaelan ti tao nga adda pammatina,” kinuna ni Jesus.
24“Adda pammatik ngem saan a naan-anay,” dagus nga inyikkis ti ama. “Punnoam ti pagkurangan ti pammatik.”
25Nadlaw ni Jesus dagiti tattao nga agdidinnuron nga umasideg kenkuana. Binilinna ti dakes nga espiritu, “Sika a tuleng ken umel nga espiritu, pumanawka itoy nga ubing ket dimo subsublianen.”
26Nagikkis ti dakes nga espiritu, pinagkissiwna ti ubing sa pimmanaw. Kasla bangkayen ti ubing ket adu ti nagkuna: “Natayen!”
27Ngem iniggaman ni Jesus ti ima ti ubing sana binangon. Timmakder ti ubing.
28Idi nakastreken ni Jesus iti balay, sinaludsod a sililimed dagiti adalanna, “Apay a dimi napaksiat ti espiritu?”
29“Kararag#29 Kararag: Inayon ti dadduma a kadaanan a patarus ti ken panagayunar. laeng ti makapaksiat iti dayta a kita ti espiritu,” insungbat ni Jesus, “ket awanen sabali.”
Ipakaammo manen ni Jesus ti Ipapatay ken Panagungarna
(Mat. 17:22-23; Luc. 9:43b-45)
30Pimmanawda iti dayta a lugar ket limmasatda idiay Galilea. Kayat ni Jesus a saan a maammoan dagiti tattao ti ayanna 31agsipud ta isursurona daytoy kadagiti adalanna:
“Mayawatto ti Anak ti Tao kadagiti mangpapatayto kenkuana. Ngem agungarto iti maikatlo nga aldaw.”
32Ngem saan a maawatan dagiti adalanna ti kaipapanan daytoy a pannursurona ket nagamakda nga agsaludsod kenkuana.
Siasino ti Kangrunaan?
(Mat. 18:1-5; Luc. 9:46-48)
33Dimtengda idiay Capernaum ket idi addadan iti balay, sinaludsod ni Jesus kadakuada, “Ania ti nagsusuppiatanyo iti dalan?”
34Ngem#Luc. 22:24. nagulimekda, ta iti dalan nagsusuppiatanda no siasino kadakuada ti kangrunaan.
35Nagtugaw#Mat. 20:26-27; 23:11; Mar. 10:43-44; Luc. 22:26. ni Jesus. Inayabanna dagiti sangapulo ket dua nga adalan sana kinuna kadakuada, “Ti agtarigagay nga isu ti umuna, masapul nga agpaudi, ket agserbi iti amin.”
36Nangala iti maysa nga ubing ket pinagtakderna iti sangoananda. Kalpasanna, sinaklotna sana kinuna, 37“Ti#Mat. 10:40; Luc. 10:16; Jn. 13:20. umawat iti maysa kadagiti kakastoy nga ubbing gapu kaniak, siak ti awatenna. Ket ti umawat kaniak, saan laeng a siak ti awatenna no di pay ket ti nangibaon kaniak.”
Kaduatayo ti di Bumusor Kadatayo
(Luc. 9:49-50)
38“Maestro,” kinuna ni Juan ken ni Jesus, “nakitami ti maysa a tao a mangpakpaksiat kadagiti demonio babaen iti panangaramatna iti naganmo. Pinaritanmi gapu ta ditay met kadua.”
39Imbaga ni Jesus kadakuada, “Diyo parparitan, ta awan ti agaramid iti milagro babaen iti panangaramatna iti naganko sa kalpasanna agsao kadagiti dakes a banag maipapan kaniak. 40Ta#Mat. 12:30; Luc. 11:23. kaduatayo ti siasinoman a di bumusor kadatayo. 41Laglagipenyo#Mat. 10:42. a ti siasinoman a mangpainum kadakayo iti sangabaso a danum gapu ta taonakayo ni Cristo, awatennanto nga awaten ti gunggonana.”
Dagiti Pakaigapuan ti Panagbasol
(Mat. 18:6-9; Luc. 17:1-2)
42“Ti siasinoman a pakaigapuan ti panagbasol ti maysa kadagitoy nga ubbing a mamati kaniak, nasaysayaat koma no maigalut ti dakkel a gilingan a bato iti tengngedna sa maitappuak iti taaw. 43Ngarud,#Mat. 5:30. no ti imam ti pakaigapuan ti panagbasolmo, putdem. Nasaysayaat a pukolka a sumrek iti biag nga agnanayon ngem ti addaanka iti dua nga ima ket mapanka idiay infierno nga ayan ti apuy a di maiddep.#43 Iraman ti dadduma a manuskrito ti bersikulo 44: Sadiay, saan a matay dagiti igges nga agkaan kadakuada ket ti apuy di maiddep. 45No ti sakam ti pakaigapuan ti panagbasolmo, putdem. Nasaysayaat a maymaysa ti sakam a sumrek iti biag nga agnanayon ngem ti addaanka iti dua a saka ket maitappuakka idiay infierno.#45 Inayon ti dadduma a manuskrito iramanda ti bersikulo 46: Sadiay, saan a matay dagiti igges nga agkaan kadakuada ket ti apuy di met maiddep. 47No#Mat. 5:29. ti matam ti pakaigapuan ti panagbasolmo, suatem. Nasaysayaat a buldingka a sumrek idiay Pagarian ti Dios ngem ti addaanka iti dua a mata ket maitappuakka idiay infierno. 48Sadiay,#Is. 66:24. ‘saan a matay dagiti igges nga agkaan kadakuada ket ti apuy di met maiddep.’
49“Ta ti tunggal maysa magugoranto iti apuy. 50Nasayaat#Mat. 5:13; Luc. 14:34-35. ti asin; ngem no awanen ti apgadna, kasano ti panangpaapgadyo manen? Maaddaankayo koma iti asin ti pannakigayyem, ket agkakappiakayo.”
Currently Selected:
San Marcos 9: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
