Exodus 11
11
Kapianartoksoak kingorlerpâᴋ sillûtauvok.
1Nalekablo Mosese oᴋautivâ: Sule kapianartoksoarmik atautsemik tikiutjijomavunga Faraomut Egiptenemullo; kingorngane aularᴋojomârpâse tamângat; aularᴋoniarpâselo ajaktumarilârpâse aglât.
2Taimaimat oᴋâlagit mânna inuit siutinginut, angutit atunit ᴋennurᴋovlugit silalermingnit, arnallo atunit silalermingnit ᴋennurᴋovlugit perᴋutinik silbereojunik goldeojuniglo.
3Nâlekablo inuit saimaneksitipait Egiptenemiut sângine. Aglât angut Mosese nâlangnartoksôlerpok nuname Egipteneme, Faraublo kivgangita sângine, inuillo sângine.
4Moseselo oᴋarpok: Imâk oᴋarpok Nâlegak: Unnuab ᴋerᴋangane anijomavunga Egipten apᴋutigivlugo.
5Erniangoᴋârtullo ilûnnatik nuname Egipteneme toᴋojuksauvut, Faraub, iksivautaksoamine iksivajub, erniarirᴋârtanganit, arnab kivgab, serᴋalitsiviub tunuanêtub, erniarirᴋârtanga tikidlugo; nergjutillo erniarirᴋârtangit ilûnnatik.
6Kaggudlarneksoaᴋaromârporlo tagva ilûnâne nuname Egipteneme, sorlo sivorngagut nalleᴋalauksimangimat, kingorngagullônêt nalleᴋalulângimat.
7Israêlikulle nallianut ᴋingmerlônêt ᴋillujuksaulungilak, inungmullônêt nergjutemullônêt; ᴋaujimarᴋovluse Nâlekab Egiptenemiut Israêlikullo adsigêngitingmagit.
8Makkoalo kivgatit ilûnnatik atersarvigilârpânga pâmaktervigivlungalo, oᴋarlutik: Anigit, inuillo ilûnnatik maliktut ilingnik: kingornganelo anilârpunga. Anivorlo Faraomit ningaumajâdlarlune.
9Nâlekablo Mosese oᴋautivâ: Faraub tusaromangilâtik, tatamnartulinikka unukserᴋovlugit nuname Egipteneme.
10Mosesiblo Aroniblo tatamnartut tamakkoa tamaita piniarnerivait Faraub sângane; Nâlekablo Faraub ômatinga mangaitipâ, tâpsomalo Israêlikut aularᴋolungilait nunaminit.
Currently Selected:
Exodus 11: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
