Exodus 12
12
Kângerviksiutiksamik. Erniangoᴋârtut toᴋotauvut. Israêlikut ajaktortauvut.
1Nalekablo Mosese Aronelo oᴋarvigivak nuname Egipteneme, oᴋarlune:
2Takᴋek tamanna ilipsingnut pigiarniojuksauvok takᴋernit: Sivorlerpaujuksauvok jârib takᴋinginit ilipsingnut.
3Oᴋaritik ilagênut Israêlikunut ilûnânut, oᴋarlutik: Takᴋiub ôma uvlungita 10ingane iglomioᴋatigêt angajoᴋângit atunit tigusijuksauvut saugârsungmik, tamât saugârsungmik atautsemik ᴋitorngarênut atautsinut:
4Kisiane iglomioᴋatigêt ikiluarpata saugârsungmut, tâpsomalo saniliatalo, iglominut ᴋanitub, katilutik saugârsuk tigulikko, nerriᴋataujuksat unurningit kamagilugit.
5Saugârsuk nochat angut ᴋanoetoᴋangitok, atautsemik jârelik, tigujaksarivase: tiguniarpaselo saukanit tuktungajunillônêt;
6Najortiginiarpaselo takᴋiub tamattoma uvlungita 14ingat tikidlugo; tagva Israêlikut ᴋitorngarêt katimajut tamât toᴋotaksarivât unnujaraksinek ᴋaujaraksinerlo ᴋerᴋane.
7Aublo ilanga tigujaksarivât, iglublo nerrimârvioniartub upkuangata nappajûgik upkuablo ᴋollâ mingoarlugit.
8Nerᴋingalo nerrijaksarivât unnuarme tâpsomane, ikomame jarraksimajok, ᴋakᴋôjamullo sêrnarsauteᴋangitomut, amânullo sungaujunut nerrijaksarivât.
9Mikkigautilugo nerrijaksaringilase, imermullônêt ôjotilugo, ikomamele jarraksimatilugo; niaᴋoa niungillo tulimângillo tappilugit.
10Amiakoᴋartuksaungilak ᴋaunut; uvlâkulle amiakoa nungutaksarivase ikomamut.
11Imaglo nerrijaksarivase: ᴋettipsigut ᴋetterusersimavluse, kamilijarluse itigapsigut, ajaupialijarluselo aggapsigut; tuavidluse nerrijaksarivase: Nâlekab ᴋângervia tamadja.
12Unnuarme tamattomane nuna Egipten aulavigigapko, anaulugillo erniangorᴋârtut ilûnnatik nuname Egipteneme, inuillo nergjutillo; Egiptenemiullo gûdingoanginut tamainut nalonaijaijomavunga erᴋartuinermik: Tâmnauvunga Nâlegak.
13Augle nalonaikutariniarpase iglune innigijapsingne: auglo takogupko ᴋângervigijomavapse, asserornartoksoarlo ilipsingnêtuksaungilak asserorluse, nuna Egipten sugiarupko.
14Uvlorlo tamanna erᴋaumanartôjuksauvok ilipsingnut, naliuneᴋsiorutigijaksarivase Nâlekamut kinguvâpsigut; naliuneᴋsiorutigijaksarivase âᴋiksimajok soraijuitomut.
15Uvlut 7 nâvlugit ᴋakᴋôjaᴋtortuksauvose sêrnarsauteᴋangitunik; uvlorme sivorlerpâme sêrnarsaut iglupsingnit pêraksarivase; tagva uvlormit sivorlerpâmit uvlut 7ingat tikidlugo ᴋakᴋôjaktortok sêrnarsautelingmik, tarne tâmna avitaujuksauvok Israêlikunit.
16Uvlormelo sivorlerpâme ivlernartomik katimaniksaᴋartuksauvok, uvlullo 7ingane ivlernartomik katimaniksaᴋartuksaugivok ilipsingnut; sumiglônêt suliviojuksaungilak, kisiane tarnelingnut nerᴋiksaujut, tâpkoa suliarijaksatuarivase.
17Ivlersijuksauvose ᴋakᴋôjat sêrnarsauteᴋangitut uvloksiorvinganik; uvlorme tâpsomaneluatsiak tasiorapse ilagêksoangonise nunamit Egiptenemit: Tamanna pivlugo uvlok tâmna ivlerijaksarivase kinguvâpsigut soraijuitomut âᴋiksimajok.
18Takᴋiub sivorlerpâb uvlungita 14ingane unnukut ᴋakᴋôjaktortuksauvose sêrnarsauteᴋangitunik, takᴋiub uvlungita 21ingata unnulerninga tikidlugo.
19Uvlut 7 nâvlugit sêrnarsaut naipitaujuksaungilak iglupsingne; sêrnarsautelingmik nerrijub, tâpsoma tarninga avitaujuksauvok ilagênit Israêlikunit, takorngartaugunelônêt inûlersimajôgunelônêt nuname.
20Sumiglônêt sêrnarsautelingmik nerrijuksaungilase; innigijapsingne tamaine sêrnarsauteᴋangitunik ᴋakᴋôjaktortuksauvose.
21Mosesib tagva angajoᴋaujut ilûnnaita Israêlikune ᴋairᴋovait, oᴋautivlugillo: Saugârsungmik ᴋenneritse tigusiluselo ᴋitorngarênipsingnut, ᴋângerviksiutiksamiglo toᴋotsileritse.
22Tigusijuksauvoselo isupenik ᴋelaksuganik, aungmullo illulerᴋutemêtomut misuklugit, upkuablo ᴋollâ nappajûgiglo mingoarlugit aungmut illulerᴋutemêtomut, ᴋaulerᴋârtinagolo anijoᴋartuksaungilak iglome upkuangagut.
23Tagva Nâlegak tamaunâromavok Egiptenemiut sugiarlugit; auglo ᴋollânêtok nappajungnêtorlo takoguniuk, Nâlekab upkuak ᴋângeromavâ, aserorsaijorlo itertailitiniarpâ iglupsingnut sugiarluse.
24Perᴋojak tamanna maligaksarivase ilusiorᴋojaujok ilingnut ᴋitorngapsingnullo soraijuitomik.
25Taimâktauk tikisimagupse nunamut Nâlekab tunijomajanganut ilipsingnut angersimanine maliklugo, kivgartûtiksaᴋ tamanna maligaksarivase.
26ᴋitorngapselo aperilârpase: Sunauvâ kivgartûtiksak tamanna?
27Kiolârpose: Tamanna tunergutiksak ᴋângerviksiutiksak Nâlekamut, tâpsoma Israêlikut iglungit Egipteneme ᴋângermagit, Egiptenemiut sugiarmagit, iglovullo saputivlugit. Inuillo okᴋovut opigosuklutiglo.
28Tagva Israêlikut taimailioriartorput, sorlo Nâlekab Moseselo Aronelo perᴋongmagik, taimailiorput.
29Ahaglo, unnuak ᴋetterarmat Nâlekab erniangorᴋârtut nuname Egipteneme sugiarpait, Faraub, iksivautaksoamine iksivajub, erniarirᴋârtanganit, tigujaumajub parngnanairsimavingmêtub erniarirᴋârtanganut; nergjutillo erniarirᴋârtangit ilûnnaita.
30Faraolo makipok unnuarme, tâmna, kivgangillo ilûnnatik, Egiptenemiullo ilûnnatik; ᴋaggudlarneksoaᴋalerporlo Egipteneme; igloᴋangimat toᴋungajoktaᴋangitomik.
31Moseselo Aronelo ᴋairᴋovak unnuarme, oᴋarlunelo: Nikovigitse, aularluselo inuᴋotima akornganit, iliptiglo Israêlikullotauk, Nâlegarlo kivgartoriartorsiuk, sorlo oᴋalaurapse.
32Naksarsigiglo saugaᴋotise nergjuteᴋotiselo, sorlo oᴋarapse, nippagitselo. Pilorirᴋosingalo uvangatauk.
33Egiptenemiullo inuit tetjarpait nunamit aulartitsomavlugit erinesârlugit; oᴋaramik: Tamapta toᴋungajoinaudlaroarpogut.
34Inuillo ᴋakᴋôjaksatik aipajut sêrnartitausimangitut tigûllapait imulugillo annorâmingnut erᴋsuklugillo.
35Israêlikullo taimailiorput Mosesib oᴋausinga maliklugo: Egiptenemiunillo piksarsiorput perᴋutinik silbereojunik goldeojuniglo, annorâniglo:
36Nâlekablo inuit saimaneksitipait Egiptenemiut sângine, tâpkoalo tunitjivigivait pijomajanginik. Nungudjivullo Egiptenemiunik.
37Israêlikullo ingergalerput Ramesesemit Suggotemut, angutainait pisuktut 600,000, sorrutsit kitinagit.
38Takorngartallo unuktut majoarᴋatigivait; katimagajullo saukat nergjutillo unuktut.
39ᴋakᴋôjaliorpullo sêrnarsauteᴋangitunik ᴋakᴋôjaksanit aipajunit naksartamingnit Egiptenemit, sêrnartitaungimat; ajaktortaulauramik Egiptenemit mulludlarungnaratiglo, âᴋiksoisimangilallônêt taᴋoaksamingnik.
40Israelikulle ineᴋarningita sivituninga Egipteneme, tagva jârit 430.
41Pijoᴋarporlo, jârit 430 nângmata, uvlorme tâpsomanetsainak Nâlekab katimagajoksoaᴋotingit iluêngartut anivut nunamit Egiptenemit.
42Unnuak tamadja erᴋaumanadlartok Nâlekamut, tâpsoma tasiormagit nunamit Egiptenemit; unnuak tamanna Nâlekab pinga erᴋaumanadlartok Israêlikunut tamainut kinguvânginullo.
43Nalekablo Mosese Aronelo oᴋautivak: Tamadja maligaksaurᴋojak ᴋângerviksiorutiksamut: Takorngartaub ilangiutivigijaksaringilâ.
44Kisiane kivgab kênaujanut pisiarijaujub ilangiutivigijungnarpâ kippijaurᴋârune.
45Takorngataub kivgablo atartugaub ilangiutivigijaksaringilâ.
46Iglome atauserme nerrijaujuksauvok; nerᴋingata ilangalônêt anititaksaringilase iglub silatânut; saunerlo atauserlônêt navgoraksaringilase.
47Ilagêktut Israêlikut ilûnnatik taimailiortuksauvut.
48Takorngartarlo inneᴋarune ilingne, Nâlekamullo uvloksiorᴋataujomagune ᴋângerviksiorvingmik, tâpsoma anguteᴋotine tamaita kippijautitaksarivait. Taimailiorᴋârlune najutijungnarpok ilangiutivlunelo; nunamelo inûlersimajotut ilinganiarpok; kippimangituble ilangiutivigijaksaringilâ.
49Maligaksak tâmnatsainak ilingavok inûlersimajomut nuname takorngartamullo ilipsingne nunaᴋartomut.
50Taimailiorput Israêlikut ilûnnatik; sorlo Nâlekab Mosese Aronelo perᴋongmagik, taimailiorput.
51Taimaglo uvlorme tâpsomanetsainak Nâlekab Israêlikut tasiorpait nunamit Egiptenemit ilagêngningit maliklugit.
Currently Selected:
Exodus 12: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Exodus 12
12
Kângerviksiutiksamik. Erniangoᴋârtut toᴋotauvut. Israêlikut ajaktortauvut.
1Nalekablo Mosese Aronelo oᴋarvigivak nuname Egipteneme, oᴋarlune:
2Takᴋek tamanna ilipsingnut pigiarniojuksauvok takᴋernit: Sivorlerpaujuksauvok jârib takᴋinginit ilipsingnut.
3Oᴋaritik ilagênut Israêlikunut ilûnânut, oᴋarlutik: Takᴋiub ôma uvlungita 10ingane iglomioᴋatigêt angajoᴋângit atunit tigusijuksauvut saugârsungmik, tamât saugârsungmik atautsemik ᴋitorngarênut atautsinut:
4Kisiane iglomioᴋatigêt ikiluarpata saugârsungmut, tâpsomalo saniliatalo, iglominut ᴋanitub, katilutik saugârsuk tigulikko, nerriᴋataujuksat unurningit kamagilugit.
5Saugârsuk nochat angut ᴋanoetoᴋangitok, atautsemik jârelik, tigujaksarivase: tiguniarpaselo saukanit tuktungajunillônêt;
6Najortiginiarpaselo takᴋiub tamattoma uvlungita 14ingat tikidlugo; tagva Israêlikut ᴋitorngarêt katimajut tamât toᴋotaksarivât unnujaraksinek ᴋaujaraksinerlo ᴋerᴋane.
7Aublo ilanga tigujaksarivât, iglublo nerrimârvioniartub upkuangata nappajûgik upkuablo ᴋollâ mingoarlugit.
8Nerᴋingalo nerrijaksarivât unnuarme tâpsomane, ikomame jarraksimajok, ᴋakᴋôjamullo sêrnarsauteᴋangitomut, amânullo sungaujunut nerrijaksarivât.
9Mikkigautilugo nerrijaksaringilase, imermullônêt ôjotilugo, ikomamele jarraksimatilugo; niaᴋoa niungillo tulimângillo tappilugit.
10Amiakoᴋartuksaungilak ᴋaunut; uvlâkulle amiakoa nungutaksarivase ikomamut.
11Imaglo nerrijaksarivase: ᴋettipsigut ᴋetterusersimavluse, kamilijarluse itigapsigut, ajaupialijarluselo aggapsigut; tuavidluse nerrijaksarivase: Nâlekab ᴋângervia tamadja.
12Unnuarme tamattomane nuna Egipten aulavigigapko, anaulugillo erniangorᴋârtut ilûnnatik nuname Egipteneme, inuillo nergjutillo; Egiptenemiullo gûdingoanginut tamainut nalonaijaijomavunga erᴋartuinermik: Tâmnauvunga Nâlegak.
13Augle nalonaikutariniarpase iglune innigijapsingne: auglo takogupko ᴋângervigijomavapse, asserornartoksoarlo ilipsingnêtuksaungilak asserorluse, nuna Egipten sugiarupko.
14Uvlorlo tamanna erᴋaumanartôjuksauvok ilipsingnut, naliuneᴋsiorutigijaksarivase Nâlekamut kinguvâpsigut; naliuneᴋsiorutigijaksarivase âᴋiksimajok soraijuitomut.
15Uvlut 7 nâvlugit ᴋakᴋôjaᴋtortuksauvose sêrnarsauteᴋangitunik; uvlorme sivorlerpâme sêrnarsaut iglupsingnit pêraksarivase; tagva uvlormit sivorlerpâmit uvlut 7ingat tikidlugo ᴋakᴋôjaktortok sêrnarsautelingmik, tarne tâmna avitaujuksauvok Israêlikunit.
16Uvlormelo sivorlerpâme ivlernartomik katimaniksaᴋartuksauvok, uvlullo 7ingane ivlernartomik katimaniksaᴋartuksaugivok ilipsingnut; sumiglônêt suliviojuksaungilak, kisiane tarnelingnut nerᴋiksaujut, tâpkoa suliarijaksatuarivase.
17Ivlersijuksauvose ᴋakᴋôjat sêrnarsauteᴋangitut uvloksiorvinganik; uvlorme tâpsomaneluatsiak tasiorapse ilagêksoangonise nunamit Egiptenemit: Tamanna pivlugo uvlok tâmna ivlerijaksarivase kinguvâpsigut soraijuitomut âᴋiksimajok.
18Takᴋiub sivorlerpâb uvlungita 14ingane unnukut ᴋakᴋôjaktortuksauvose sêrnarsauteᴋangitunik, takᴋiub uvlungita 21ingata unnulerninga tikidlugo.
19Uvlut 7 nâvlugit sêrnarsaut naipitaujuksaungilak iglupsingne; sêrnarsautelingmik nerrijub, tâpsoma tarninga avitaujuksauvok ilagênit Israêlikunit, takorngartaugunelônêt inûlersimajôgunelônêt nuname.
20Sumiglônêt sêrnarsautelingmik nerrijuksaungilase; innigijapsingne tamaine sêrnarsauteᴋangitunik ᴋakᴋôjaktortuksauvose.
21Mosesib tagva angajoᴋaujut ilûnnaita Israêlikune ᴋairᴋovait, oᴋautivlugillo: Saugârsungmik ᴋenneritse tigusiluselo ᴋitorngarênipsingnut, ᴋângerviksiutiksamiglo toᴋotsileritse.
22Tigusijuksauvoselo isupenik ᴋelaksuganik, aungmullo illulerᴋutemêtomut misuklugit, upkuablo ᴋollâ nappajûgiglo mingoarlugit aungmut illulerᴋutemêtomut, ᴋaulerᴋârtinagolo anijoᴋartuksaungilak iglome upkuangagut.
23Tagva Nâlegak tamaunâromavok Egiptenemiut sugiarlugit; auglo ᴋollânêtok nappajungnêtorlo takoguniuk, Nâlekab upkuak ᴋângeromavâ, aserorsaijorlo itertailitiniarpâ iglupsingnut sugiarluse.
24Perᴋojak tamanna maligaksarivase ilusiorᴋojaujok ilingnut ᴋitorngapsingnullo soraijuitomik.
25Taimâktauk tikisimagupse nunamut Nâlekab tunijomajanganut ilipsingnut angersimanine maliklugo, kivgartûtiksaᴋ tamanna maligaksarivase.
26ᴋitorngapselo aperilârpase: Sunauvâ kivgartûtiksak tamanna?
27Kiolârpose: Tamanna tunergutiksak ᴋângerviksiutiksak Nâlekamut, tâpsoma Israêlikut iglungit Egipteneme ᴋângermagit, Egiptenemiut sugiarmagit, iglovullo saputivlugit. Inuillo okᴋovut opigosuklutiglo.
28Tagva Israêlikut taimailioriartorput, sorlo Nâlekab Moseselo Aronelo perᴋongmagik, taimailiorput.
29Ahaglo, unnuak ᴋetterarmat Nâlekab erniangorᴋârtut nuname Egipteneme sugiarpait, Faraub, iksivautaksoamine iksivajub, erniarirᴋârtanganit, tigujaumajub parngnanairsimavingmêtub erniarirᴋârtanganut; nergjutillo erniarirᴋârtangit ilûnnaita.
30Faraolo makipok unnuarme, tâmna, kivgangillo ilûnnatik, Egiptenemiullo ilûnnatik; ᴋaggudlarneksoaᴋalerporlo Egipteneme; igloᴋangimat toᴋungajoktaᴋangitomik.
31Moseselo Aronelo ᴋairᴋovak unnuarme, oᴋarlunelo: Nikovigitse, aularluselo inuᴋotima akornganit, iliptiglo Israêlikullotauk, Nâlegarlo kivgartoriartorsiuk, sorlo oᴋalaurapse.
32Naksarsigiglo saugaᴋotise nergjuteᴋotiselo, sorlo oᴋarapse, nippagitselo. Pilorirᴋosingalo uvangatauk.
33Egiptenemiullo inuit tetjarpait nunamit aulartitsomavlugit erinesârlugit; oᴋaramik: Tamapta toᴋungajoinaudlaroarpogut.
34Inuillo ᴋakᴋôjaksatik aipajut sêrnartitausimangitut tigûllapait imulugillo annorâmingnut erᴋsuklugillo.
35Israêlikullo taimailiorput Mosesib oᴋausinga maliklugo: Egiptenemiunillo piksarsiorput perᴋutinik silbereojunik goldeojuniglo, annorâniglo:
36Nâlekablo inuit saimaneksitipait Egiptenemiut sângine, tâpkoalo tunitjivigivait pijomajanginik. Nungudjivullo Egiptenemiunik.
37Israêlikullo ingergalerput Ramesesemit Suggotemut, angutainait pisuktut 600,000, sorrutsit kitinagit.
38Takorngartallo unuktut majoarᴋatigivait; katimagajullo saukat nergjutillo unuktut.
39ᴋakᴋôjaliorpullo sêrnarsauteᴋangitunik ᴋakᴋôjaksanit aipajunit naksartamingnit Egiptenemit, sêrnartitaungimat; ajaktortaulauramik Egiptenemit mulludlarungnaratiglo, âᴋiksoisimangilallônêt taᴋoaksamingnik.
40Israelikulle ineᴋarningita sivituninga Egipteneme, tagva jârit 430.
41Pijoᴋarporlo, jârit 430 nângmata, uvlorme tâpsomanetsainak Nâlekab katimagajoksoaᴋotingit iluêngartut anivut nunamit Egiptenemit.
42Unnuak tamadja erᴋaumanadlartok Nâlekamut, tâpsoma tasiormagit nunamit Egiptenemit; unnuak tamanna Nâlekab pinga erᴋaumanadlartok Israêlikunut tamainut kinguvânginullo.
43Nalekablo Mosese Aronelo oᴋautivak: Tamadja maligaksaurᴋojak ᴋângerviksiorutiksamut: Takorngartaub ilangiutivigijaksaringilâ.
44Kisiane kivgab kênaujanut pisiarijaujub ilangiutivigijungnarpâ kippijaurᴋârune.
45Takorngataub kivgablo atartugaub ilangiutivigijaksaringilâ.
46Iglome atauserme nerrijaujuksauvok; nerᴋingata ilangalônêt anititaksaringilase iglub silatânut; saunerlo atauserlônêt navgoraksaringilase.
47Ilagêktut Israêlikut ilûnnatik taimailiortuksauvut.
48Takorngartarlo inneᴋarune ilingne, Nâlekamullo uvloksiorᴋataujomagune ᴋângerviksiorvingmik, tâpsoma anguteᴋotine tamaita kippijautitaksarivait. Taimailiorᴋârlune najutijungnarpok ilangiutivlunelo; nunamelo inûlersimajotut ilinganiarpok; kippimangituble ilangiutivigijaksaringilâ.
49Maligaksak tâmnatsainak ilingavok inûlersimajomut nuname takorngartamullo ilipsingne nunaᴋartomut.
50Taimailiorput Israêlikut ilûnnatik; sorlo Nâlekab Mosese Aronelo perᴋongmagik, taimailiorput.
51Taimaglo uvlorme tâpsomanetsainak Nâlekab Israêlikut tasiorpait nunamit Egiptenemit ilagêngningit maliklugit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.