Genesis 23
23
Sara toᴋolerpoᴋ iluvertauvlunelo.
1Sara inôvoᴋ jârinik 127nik, taimak unuktigijunik Sara jâreᴋarpoᴋ.
2Saralo toᴋolerpoᴋ Kiriat-Arbame, tagva Hebroneme, nuname Kânaaneme. Abrahab tagva Sara oggurijartorpâ ᴋeavlugolo.
3Abrahalo nikovipoᴋ toᴋungajoᴋotime sânganit oᴋariartorlune Hêtib ᴋitornganginut, oᴋarlune:
4Tujormiangovlunga akunapsingne nunaᴋarama, iluverviksamik perᴋuteᴋartisinga illipsingne, toᴋungajoᴋotiga sâmnêtoᴋ illijaurᴋovlugo.
5Tagva Hêtib ᴋitorngangita Abraha kiovât oᴋarlutik:
6Tussartigut, Nâlegaᴋ, Gûdemut nertornartitauvlutit akunaptingne, toᴋungajoᴋotit illijartoruk iluverviksapta ânanaunerpânganut, akunaptingne agviartoᴋarniangilaᴋ iluvermik toᴋungajoᴋotivit illijauviksanganik.
7Tagva Abraha nikovilerpoᴋ okkovlunelo nunab inungita, Hêtib ᴋitorngangita, sângine.
8Oᴋarvigilugillo oᴋarpoᴋ: Perᴋogapsinga, toᴋungajoᴋotiga sâmnêtoᴋ illijartorlugo, tussarsinga tagva, Efronelo, Zoarib erninga, ᴋenuvigijartorsiuk pivlunga,
9Tunidjerᴋovlugo uvamnut ᴋairosuᴋutiminik Makpêlamik, perorsêvingme kiglinganêtomik. Akkinganik akkilertaumaringniarlune tuniliuk uvamnut, iluverviksarijomagapko akunapsingne.
10Efronelo iksivavoᴋ Hêtib ᴋitorngangita akorngane. Tagva Efronib Hêtitereojub Abraha kiovâ, Hêtib ᴋitorngangit tussartilugit, ilûnaita iglugasaksuit itertarviksoangagut itertut, oᴋarlunelo:
11Aukak, Nâlegaᴋ, tussarlaungmingale! Perorsêvik illingnut tunivara, ᴋairosungalo illingnut tunivara, inôᴋatima takoanne tunivâkka illingnut; toᴋungajoᴋotit illijartoruk.
12Tagva Abraha okkovoᴋ nunab inungita sângine.
13Efronemullo oᴋarpoᴋ, nunab inungit tussartilugit, oᴋarlunelo: Tussalaungatôᴋ! Perorsêviub akkinga tuniniartara, tigulauruk uvamnit, tagva toᴋungajoᴋotiga illijartorniarpara tagvunga.
14Tagva Efronib Abraha kiovâ oᴋarvigivlugolo:
15Nâlegaᴋ, tussalaungatôᴋ! Perorsêvik sêkeletut 400tut silberemik akkeᴋartoᴋ uvamnullo illingnullo sugalloarᴋâ? Toᴋungajoᴋotit illijartulauruk tagvunga!
16Abrahablo Efrone nâlakpâ, silberemiglo ôktorvigivâ oᴋautigijanganik Hêtib ᴋitorngangit tussartilugit, silberemik sêkeletut 400tut, niuvertit tiguvaktangititut.
17Taimak Efronib perorsêvinga Makpêlamêtoᴋ, Mamrib akkiane, perorsêvik ᴋairosungalo napârtullo ilûnatik perorsêvingmêtut kiglinganêtullo
18Perᴋutautitaumarikput Abrahamut, Hêtib ᴋitorngangit, ilûnatik iglugasaksuit iterviksoangagut itertut, takonârtilugit.
19Kingorngane Abrahab Sara nuliarne illijartorpâ perorsêviub ᴋairosunganut Makpêlamêtomut, Mamrib akkiane, tagva Hebroneme, nuname Kânaaneme.
20Taimak perorsêvik ᴋairosungalo Hêtib ᴋitornganginit pititaumarikput Abrahamut, iluverviksamik perᴋuteᴋarᴋovlugo.
Currently Selected:
Genesis 23: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
