Lukase 5
5
Tatamnartomik mingeritjanik nuluarniartunik. Kalaᴋartok tumângajorlo âᴋiktaulerpuk. Lêvi ᴋaiᴋojauvok. Ilinniartit nerritailininginik.
1Inugasaksuille igvikliortingmatsuk, Gûdib oᴋausingit tussaromavlugit Genêzaretib tesseksoangata saniane nangerpok.
2Umiaglo maggûk tesseᴋsûb kiglinganêtuk takovak, mingeriarniartullo niumavut, nulutjatik ergortorlugit.
3Umiab aipanganut, Simonib pinganut ikivok, ᴋenuvigivâlo, imarbikparialaᴋovlugo. Ingidlunelo, inuit ajoᴋertorpait umiamit.
4Oᴋâlajungnairamelo, Simonemut oᴋarpok: Imarbikpalerit itijomut, nuluaselo ningitisigik, mingeriarᴋovluse.
5Simonib kiovâ oᴋautivlugo: Ajoᴋertuijok, unnuak nâvlugo pinasualaukpogut angênarlutalo; oᴋautsille nâleklugo nulutjat ningititsomavakka.
6Taimailioramik, mingeriavaksuit pivait, nuluangillo alikput.
7Umiamiullo aipaitik nulorarpait, amuarᴋatiᴋumavlugit. ᴋaivullo, umiatiglo ussilertorpakit puklivlugik.
8Sîmonib Pêtrusib tamanna takogamiuk, Jêsusib itiganginut pâmakterpok, oᴋarlune: Nâlegak, ᴋemanga ajortoliksôvlunga.
9ᴋoaksârame, illagijangillo ilûnatik mingeritjat amuartatik pivlugit.
10Taimâktauk Jakôbuse Johanneselo, Zebedêusib ernîgik, Simônib pinasuarᴋatîgik (ᴋoaksângavuk.) Jêsuselo Simonemut oᴋarpok: Erᴋsinak, mattoma kingorngane inungnik pinasuarniarpotit.
11Umiatiglo sidjamut pitipakit, perᴋutitiglo tamaita ᴋemakpait maliklugolo.
12Iglugasaksoatalit illanganêtilugolo, ahâk, tagvane anguteᴋarpok kalaliksoarmik. Tâpsoma Jêsuse takogamiuk, pâmaktervigivlugo tuksiarvigivâ, oᴋarlune: Nâlegak pijomaguvit, kalagungnaititsungnaralloarparma.
13Agganelo issakpait, aktorlâllo, oᴋarlune: Pijomavunga, kalagungnairit. Tagvainarlo kalagungnaisârpok tagva.
14Inerterpâlo oᴋautivlugolo: Assingnut sumik oᴋarniarnak; ajoᴋertuijomulle ainiarit, takotilutillo taipsomunga, tunergutiksarlo Môsesib tunerᴋojanga tunilugo, kalagungnainernik nelojungnairᴋovlugit.
15Anginersamigle tussaumajaulerpok; inugasaksuillo tussaromavlugo tikipât, âᴋiktaujomavlutiglo ᴋanimasermingnit tâpsomunga.
16(Jêsusele) ᴋemaklugit inuᴋangitomut aivok tuksiarlunelo.
17Uvlut taipkoa ilangane, ajoᴋertuilermat, Farisêerit aglangniglo ilisimajut iglugasangnit tamainit Galilêamêtunit, Jûdêamêtunillo, Jerusalemillo pijut, tagvane iksivavut. Nâlekablo pitsartuninga tâpsomangat anivok, tamaita âᴋiklugit.
18Ahâglo, angutit ilangit âtsivut angumik tumângajomik aumitimine nalajomik akigardlugo; tâmnalo itertinasuarpât, sânganut ilijomavlugo.
19Iterviksarsinginamitsuglo inungnut, iglub ᴋângat majoarput, angmajoᴋullo ningitipât innangavialo, inuit akornganut, Jêsusib sânganut.
20Jêsusible okperningat takogamiuk, tumângajok oᴋautivâ: Inuk, ajornitit issumagijaujungnairput.
21Aglangniglo ilisimajut Farisêerillo issumalerput oᴋarlutik: Kina una, oᴋauseᴋarmat akkerartortunik Gûdemût? Kia, Gûdib assiata, ajornerit issumagijungnairungnarᴋagît?
22Jêsusible issumangit malugigamigit, aperivait: ᴋanok ômatipsingne issumaᴋarᴋisê?
23Naliak ajornanginersauvâ, oᴋarlune: Ajornitit issumagijaujungnairpût? Oᴋarlunelônêt: Makitit arvertarlutillô?
24Nalojungnairᴋovlusele, Inûb Erninga pitsartuneᴋarmat nuname ajortoêrutjinermik, tumângajomut oᴋarpok: Oᴋaupagit, makitit, aumititit pikit angergarlutillo.
25Takoanelo makisârpok, aumitinelo nalavigilauktane tiguvlugit, iglominut angergarpok, Gûdelo nakoridlarpâ.
26Ilûnnatiglo tataminiarput, Gudelo nakoridlarpât, erᴋsidlalarmiglo oᴋarput: Uvlome tatamnartunik takolaukpogut.
27Mattoma kingorngagut anigame, pimaklerte Lêvimik atilik takovâ, tuniorᴋaivingme iksivajok; tâmna oᴋautivâ: Malinga!
28Nikoviporlo, tamaitalo ᴋemaklugit malikpâ.
29Lêviblo iglomine nerᴋiksaliudlarpâ, pimaklertillo assingitalo unuktut iksivaᴋatigivât nerrimârvingme.
30Aglangniglo illisimajut Farisêerillo (Jêsusib ilinniartingit avamudlarvigilerpait,) oᴋautivlugit: Sôk pimaklertit idluitulijullo nerreᴋatigivisigîk imerᴋatigivlugillô?
31Jêsusiblo kiovait, oᴋautivlugit: Atsuilît inûlijeᴋariaᴋangilat, ᴋanimajut kissimik.
32Ajortulit ᴋaiᴋojartorpakka, ablatsâmik issumaᴋarᴋovlugit, idluartut pinagit.
33Oᴋautivâlle: Sôk Johannesib ilinniartingit nerritailivakkât tuksiarlarmiglo akulaitomik taimâktauk Farisêerit ilinniartingît? Ilinniartitille nerrivut imilarmiglo.
34Oᴋautivaille: Nulianiktomut tikitut nerritailitilugit ajorpase, uiksak taipkonunga illautilugo.
35Neliutsomârporle uiksamik aᴋsârtauvingat, tagva nerritailivangniarput.
36Adsiujuniglo oᴋautivait: Annorâtoᴋak illâkpangilât nutâmik illâksamik, nutâb aliktorniarmago nutaungitok, illâktârlo idluanginivok nutaungitomut.
37Vainelo nutâk imerᴋautinut nutaungitunut imertûtinginivât; vainib nutâb aliktorniarmagit imerᴋautit, vainelo kovituinarpok, imerᴋautillo asserorlugit.
38Vainele nutâk imerᴋautinut nutânut imertûtijaksauvok, tamarmik tâva asserorjuiᴋatigêkput.
39(Vainemik) nutaungitomik imilauktok ᴋilanângilak nutâmik, oᴋarame: Nutaungitok mamarnersauvok.
Currently Selected:
Lukase 5: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Lukase 5
5
Tatamnartomik mingeritjanik nuluarniartunik. Kalaᴋartok tumângajorlo âᴋiktaulerpuk. Lêvi ᴋaiᴋojauvok. Ilinniartit nerritailininginik.
1Inugasaksuille igvikliortingmatsuk, Gûdib oᴋausingit tussaromavlugit Genêzaretib tesseksoangata saniane nangerpok.
2Umiaglo maggûk tesseᴋsûb kiglinganêtuk takovak, mingeriarniartullo niumavut, nulutjatik ergortorlugit.
3Umiab aipanganut, Simonib pinganut ikivok, ᴋenuvigivâlo, imarbikparialaᴋovlugo. Ingidlunelo, inuit ajoᴋertorpait umiamit.
4Oᴋâlajungnairamelo, Simonemut oᴋarpok: Imarbikpalerit itijomut, nuluaselo ningitisigik, mingeriarᴋovluse.
5Simonib kiovâ oᴋautivlugo: Ajoᴋertuijok, unnuak nâvlugo pinasualaukpogut angênarlutalo; oᴋautsille nâleklugo nulutjat ningititsomavakka.
6Taimailioramik, mingeriavaksuit pivait, nuluangillo alikput.
7Umiamiullo aipaitik nulorarpait, amuarᴋatiᴋumavlugit. ᴋaivullo, umiatiglo ussilertorpakit puklivlugik.
8Sîmonib Pêtrusib tamanna takogamiuk, Jêsusib itiganginut pâmakterpok, oᴋarlune: Nâlegak, ᴋemanga ajortoliksôvlunga.
9ᴋoaksârame, illagijangillo ilûnatik mingeritjat amuartatik pivlugit.
10Taimâktauk Jakôbuse Johanneselo, Zebedêusib ernîgik, Simônib pinasuarᴋatîgik (ᴋoaksângavuk.) Jêsuselo Simonemut oᴋarpok: Erᴋsinak, mattoma kingorngane inungnik pinasuarniarpotit.
11Umiatiglo sidjamut pitipakit, perᴋutitiglo tamaita ᴋemakpait maliklugolo.
12Iglugasaksoatalit illanganêtilugolo, ahâk, tagvane anguteᴋarpok kalaliksoarmik. Tâpsoma Jêsuse takogamiuk, pâmaktervigivlugo tuksiarvigivâ, oᴋarlune: Nâlegak pijomaguvit, kalagungnaititsungnaralloarparma.
13Agganelo issakpait, aktorlâllo, oᴋarlune: Pijomavunga, kalagungnairit. Tagvainarlo kalagungnaisârpok tagva.
14Inerterpâlo oᴋautivlugolo: Assingnut sumik oᴋarniarnak; ajoᴋertuijomulle ainiarit, takotilutillo taipsomunga, tunergutiksarlo Môsesib tunerᴋojanga tunilugo, kalagungnainernik nelojungnairᴋovlugit.
15Anginersamigle tussaumajaulerpok; inugasaksuillo tussaromavlugo tikipât, âᴋiktaujomavlutiglo ᴋanimasermingnit tâpsomunga.
16(Jêsusele) ᴋemaklugit inuᴋangitomut aivok tuksiarlunelo.
17Uvlut taipkoa ilangane, ajoᴋertuilermat, Farisêerit aglangniglo ilisimajut iglugasangnit tamainit Galilêamêtunit, Jûdêamêtunillo, Jerusalemillo pijut, tagvane iksivavut. Nâlekablo pitsartuninga tâpsomangat anivok, tamaita âᴋiklugit.
18Ahâglo, angutit ilangit âtsivut angumik tumângajomik aumitimine nalajomik akigardlugo; tâmnalo itertinasuarpât, sânganut ilijomavlugo.
19Iterviksarsinginamitsuglo inungnut, iglub ᴋângat majoarput, angmajoᴋullo ningitipât innangavialo, inuit akornganut, Jêsusib sânganut.
20Jêsusible okperningat takogamiuk, tumângajok oᴋautivâ: Inuk, ajornitit issumagijaujungnairput.
21Aglangniglo ilisimajut Farisêerillo issumalerput oᴋarlutik: Kina una, oᴋauseᴋarmat akkerartortunik Gûdemût? Kia, Gûdib assiata, ajornerit issumagijungnairungnarᴋagît?
22Jêsusible issumangit malugigamigit, aperivait: ᴋanok ômatipsingne issumaᴋarᴋisê?
23Naliak ajornanginersauvâ, oᴋarlune: Ajornitit issumagijaujungnairpût? Oᴋarlunelônêt: Makitit arvertarlutillô?
24Nalojungnairᴋovlusele, Inûb Erninga pitsartuneᴋarmat nuname ajortoêrutjinermik, tumângajomut oᴋarpok: Oᴋaupagit, makitit, aumititit pikit angergarlutillo.
25Takoanelo makisârpok, aumitinelo nalavigilauktane tiguvlugit, iglominut angergarpok, Gûdelo nakoridlarpâ.
26Ilûnnatiglo tataminiarput, Gudelo nakoridlarpât, erᴋsidlalarmiglo oᴋarput: Uvlome tatamnartunik takolaukpogut.
27Mattoma kingorngagut anigame, pimaklerte Lêvimik atilik takovâ, tuniorᴋaivingme iksivajok; tâmna oᴋautivâ: Malinga!
28Nikoviporlo, tamaitalo ᴋemaklugit malikpâ.
29Lêviblo iglomine nerᴋiksaliudlarpâ, pimaklertillo assingitalo unuktut iksivaᴋatigivât nerrimârvingme.
30Aglangniglo illisimajut Farisêerillo (Jêsusib ilinniartingit avamudlarvigilerpait,) oᴋautivlugit: Sôk pimaklertit idluitulijullo nerreᴋatigivisigîk imerᴋatigivlugillô?
31Jêsusiblo kiovait, oᴋautivlugit: Atsuilît inûlijeᴋariaᴋangilat, ᴋanimajut kissimik.
32Ajortulit ᴋaiᴋojartorpakka, ablatsâmik issumaᴋarᴋovlugit, idluartut pinagit.
33Oᴋautivâlle: Sôk Johannesib ilinniartingit nerritailivakkât tuksiarlarmiglo akulaitomik taimâktauk Farisêerit ilinniartingît? Ilinniartitille nerrivut imilarmiglo.
34Oᴋautivaille: Nulianiktomut tikitut nerritailitilugit ajorpase, uiksak taipkonunga illautilugo.
35Neliutsomârporle uiksamik aᴋsârtauvingat, tagva nerritailivangniarput.
36Adsiujuniglo oᴋautivait: Annorâtoᴋak illâkpangilât nutâmik illâksamik, nutâb aliktorniarmago nutaungitok, illâktârlo idluanginivok nutaungitomut.
37Vainelo nutâk imerᴋautinut nutaungitunut imertûtinginivât; vainib nutâb aliktorniarmagit imerᴋautit, vainelo kovituinarpok, imerᴋautillo asserorlugit.
38Vainele nutâk imerᴋautinut nutânut imertûtijaksauvok, tamarmik tâva asserorjuiᴋatigêkput.
39(Vainemik) nutaungitomik imilauktok ᴋilanângilak nutâmik, oᴋarame: Nutaungitok mamarnersauvok.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.