Temel kerra ma 13
13
Talla ge Barnabas ma ne Sawul ne ne fare ge Dok ne pe oyya
1Ge ɓase ge Dok ne ma ge ne suwal Antiyokus diŋ ma, anabi ma ne naa ge hate naa ma ka: a Barnabas, ne Simeyon na ge a ne tol na Pisil, ne Likiyus ndu ge suwal Siren ne, ne Manayen, na ge a ne Herodus ge ne ka ke muluk ge suwal Galile pal kon vya. 2Dam a̰me ɗu, swaga ke temel hon Bageyal, poseya ne asiyam kerra go, O̰yom ge mbegeya jan go: «Mbege me mbi Barnabas ma ne Sawul ne temel ge mbi ne tó nama ya pe.» 3Swaga ge a ne wa̰ asiyam ne kaɗeya kerra, a é tok nama pal, a ya̰ nama mborra.
Barnabas ma ne Sawul ge suwal Chipre go
4Barnabas ma ne Sawul, ne jo̰ O̰yom ge mbegeya teme nama mborra ne fare ge Dok ne pe oyya, a mbo suwal Selukiya ya, a her fak har mbo til ge Chipre ne zi ya. 5Swaga ge a ne dé ya suwal Salamis go, a mbo Sinagog ge Yuda ma ne ma zi mbo waage fare ge Dok ne, Yohanna ka vya jyale ge ne ka nama pe go. 6Swaga ge a ne kere ɗiŋ mbo til wak le may ya, suwal Pafos go, a set ndu mbole a̰me, ge ne ke tene anabi, a Yuda ne, na dḭl Bar-Jeso, 7ka kat Sergiyus Bulus, bage ne dó na ndwara ne suwal pal ta. Sergiyus ka ndu ge ɗalla, tol Barnabas ma ne Sawul ya, ne da pe ka ɓyare go na za̰ fare ge Dok ne. 8Amma Alimas, mbole mbe, ago na dḭl mbe pe wanna go no, ka gage nama, ka ɓyare go bage ne dó na ndwara ne suwal pal ho̰ fareba to. 9Sawul na ge a na tol na Bulus me, wiya ne O̰yom ge mbegeya, dol na ndwara na ndwara pul zi, 10jan na go: «Mo ndu ge boge naa, ge ne ka ne hale pe kunna! Saytan vya, mo ho̰l ne kaŋ ge daage pet ge dosol! Mo mbo kan mo tok be ge vuuɗi laar ɓyareya ge Bageyal ne ma del ɗaa? 11Se no, Bageyal ma̰ mḛre mo, mo ma̰ dame, swaga ma bergetek mo mbo gwan kwa gyala to.» Swaga mbe go juju, na ndwara fa̰ ma dame, gá lale swaga, ka ɓyare ndu ge wan na tok. 12Swaga ge bage ne dó na ndwara ne suwal pal ne kwa no, hon fareba. Ago hateya ge Bageyal ne ke na ajab.
Bulus ma ne Barnabas mbo suwal Antiyokus ge Pisidi ne ya
13Ne Pafos go, Bulus ma ne na kaam her fak mbo Perge ge ne suwal Pamfili ya. Yohanna kun tene ne nama pe go, gwan mbo Ursalima. 14Ne Perge go, a kere mbo Antiyokus ge Pisidi ne ya. Dam ɗigliya go, a mbo kat Sinagog zi. 15Swaga ge a ne isi eya ge Musa ne ma, ne maktub ge anabi ma ne ɗe, ga̰l ge ne Sinagog pal teme ndu ya jan nama go: «Ná vya ma, kadɗa aŋ da ne fare a̰me ge moɗege ɓase ma, aŋ da ne pool her fare janna.» 16Bulus ɗage digi, ke nama na tok, jan nama go: «Israyela ma, aŋ ge sya Dok vo ma, za̰ me mbi! 17Dok ge pehir Israyela ne mbe, tá nee bá ma. Zuli nama pehir ma se swaga ge a ne ka mo̰r zi suwal Masar ya no. Uwale ne pool ge na ne, ndage nama ne suwal mbe ya zum no#Wat 1:7, 12:51, Isi 14:34, Dwa 1:31.. 18Ḭ tene ne nama mbo kaŋ ge del wara anda ge ful pul zi. 19Uwale, swaga ge ne burmi pehir ma ɓyalar ne suwal kanan go uzi, ho̰ nama nama suwal mbe joo no#Dwa 7:1, Jus 14:1., 20ɗiŋ mbo kaŋ ge del kikis anda para wara anuwa̰y go. Go̰r go, ka hon nama naa ge kun sarya ma no, ɗiŋ det ya anabi Samiyel go#Nks 2:16, 1Sam 3:20.. 21Ne go̰r go, a kaɗe no go bama ɓyare gan, Dok ho̰ nama Sawul ge Kich vya no, ndu ge ne vuwal pe ge Bayami ne zi, za gan no ɗiŋ del wara anda#1Sam 8:5,19, 10:21, 13:14, 16:12, Kmb 89:21.. 22Swaga ge Dok ne ndage na uzi, é Dawda gan no, na ge ne ke sayda na pal go: ‹Mbi ɓó Dawda ge Isay vya, ndu ge mbi dulwak ne he na, na sḛ mbo wi laar ɓyareya ge mbi ne ma ne.› 23Da ne hir ge Dawda ndu mbe zi, wak tuli ge Dok ne pal, teme Jeso ya no, ne da pe ka bage máya ge Israyela ne. 24Jeso ndwara zḛ, Yohanna waage baptisma ge haseya ne ne hir ge Israyela ne pe pet#Mar 1:4, Luk 3:3.. 25Swaga ge Yohanna ne dé ya na temel ma wak aya go, jya̰ go: ‹Ndu ge aŋ ne dwat go mbi na ne, mbi be na ne to, amma na sḛ mbo ya go ne mbi go̰r ya, mbi be mbyat ge saa na tyarko táál ma to#Mat 3:11, Mar 1:7, Luk 3:16, Yoh 1:20,27..›
26Ná vya ma, naa ge ne hir ge Abraham ne zi ma, ko naa ge ne sya Dok vo ge ne aŋ buwal zi ma, fare ge máya ne mbe a teme na ya nee ta. 27Ago naa ge ne Ursalima diŋ ma, ne bama ga̰l ma kuri Jeso, swaga kun sarya na pal go, a wi fare ge anabi ma ne, na ge nee ne isi nama dam ɗigliya ma go ɗaɗak wak. 28Be ge a ɓol fare a̰me ge a kun sarya ge siya na pal to, a kaɗe Pilatus no go na hun na. 29Swaga ge a ne wi fare ge ne njaŋge ne na pal ma wak pet ɗe, a gabe na ne wara kaŋgre pala digi ya se no, a mbo é na táál zi no#Mat 27:22-61, Mar 15:13-47, Luk 23:21-56, Yoh 19:15-42.. 30Amma Dok ta̰ na ne naa ge siya ma buwal zi, 31dam ma gḛ ka dyan tene naa ge a ne kare na pe ne Galile ya mbo ya Ursalima go ma ta, se no, a nama sḛ ma saŋge naa ge sayda ma ne naa ta. 32I me, i waage aŋ fare ge kwaɗa: wak tuli ge Dok ne ke ne nee bá ma, 33wi na nee ge nama vya ma ta. Swaga ge ne ta̰ Jeso, dimma ne njaŋge ne Kaŋ mballa ma zi go:
‹Mo mbi vya ne,
Mbi tó mo ne ma̰ no#Kmb 2:7..›
34Na tanna ge ne ta̰ ne siya se digi be ge detɗa hubiya go to, no a fare ge Dok ne waage na zḛ tek ne:
‹Mbi mbo hon aŋ kaŋ ge harcal ge Dawda ne ma,
kaŋ ma ge ne mbya hon fareba ma#Isa 55:3..›
35Da ne pe no, gwan jan ne swaga ge ɗogle zi no go:
‹Mo mbo vin go mo ndu ge mbegeya dé ya hubiya go to bat#Kmb 16:10..›
36Ago swaga ge Dawda ne ke temel na dam ma pul zi laar ɓyareya ge Dok ne pal, ne go̰r go su no. A mbu na na bá pe ya, hubi uzi no me. 37Amma na ge Dok ne ta̰ na, be hubiya táál zi to bat. 38Ná vya ma, kwa me go, da ne na ta a waage aŋ poreya ge sone ma ne no, hat dosol ge aŋ ne ɓó viya̰ ge ɓol na eya ge Musa ne zi to, 39da ne na ta, ndu ge daage pet ge ne hon fareba, hatɗa dosol. 40Ke me haŋgal, na kaage fare ge a ne waage na ne maktub ge anabi ma ne zi dé ya aŋ pal to, a waage go:
41‹Ndi me, aŋ naa ge pala ga̰l ma,
ke me ajab, burmi me uzi,
ne da pe, dam ma ge aŋ ne zi mbi mbo ke kaŋ a̰me,
swaga ge a ne mbo wan aŋ na pe ya aŋ mbo hon fareba to bat#Hab 1:5..›»
42Swaga ge Bulus ma ne Barnabas ne wá ne Sinagog zi ya zum, a kaɗe nama go, nama gwan jan bama fare mbe dam ɗigliya ge go̰r go ge go ta uwale. 43Swaga ge koteya ne á go, Yuda ma gḛ, ne naa ge a ne saŋge ta Yuda ma ɗame Bulus ma ne Barnabas, ge nama fare sigɗiya zi, Bulus ma moɗege nama go nama wa̰ ta kwa a̰se ge Dok ne zi.
44Dam ɗigliya ge go̰r go ge go, naa ge ne suwal diŋ ma pet a kote ya za̰ fare ge Dok ne. 45Swaga ge Yuda ma ne kwa naa tabeya mbe go, a ɗage ne yil, a ka gage fare ge Bulus ne jan ma, ne sáso salla me. 46Bulus ma ne Barnabas a jan nama fare ndaar kaka go: «A te ya waage fare ge Dok ne mbe no aŋ ta gale ɓya. Ne jo̰ aŋ kuri na uzi, aŋ sḛ ma ndi ta go aŋ be mbyat wat ndwara ge ɗiŋnedin zi to, ne pe no, i saŋge ta pehir ge ɗogle ma ta. 47Ago Bageyal ho̰ i wak go: ‹Mbi é mo go mo ka kwaya̰l ge pehir ge ɗogle ma ne, ne da pe mo mbo ne fare ge máya ne ɗiŋ mbo dunya pe ndegɗe#Isa 49:6..›» 48Swaga ge pehir ge ɗogle ma ne za̰ fare mbe no, a ɗage ke laar saal, a ka uware Bageyal ne na fare pe. Nama ge Dok ne tá nama ne ndwara ge ɗiŋnedin pe ma a hon fareba. 49Fare ge Bageyal ne dasare suwal mbe go kakaɗak.
50Amma Yuda ma par fare naa zaab ge tok pool ge a ne uware dok ma zi, ɓanna ne naa ga̰l ge suwal ma zi, a ɗage ker Bulus ma ne Barnabas yál, a yan nama ne bama suwal go uzi. 51Nama sḛ ma pel bama koo kuci nama pal, a her viya̰ mbo Ikoniya. 52Naa ge ame hateya ge ne gá ma a wi ne laar saal ne O̰yom ge mbegeya me.
Currently Selected:
Temel kerra ma 13: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Temel kerra ma 13
13
Talla ge Barnabas ma ne Sawul ne ne fare ge Dok ne pe oyya
1Ge ɓase ge Dok ne ma ge ne suwal Antiyokus diŋ ma, anabi ma ne naa ge hate naa ma ka: a Barnabas, ne Simeyon na ge a ne tol na Pisil, ne Likiyus ndu ge suwal Siren ne, ne Manayen, na ge a ne Herodus ge ne ka ke muluk ge suwal Galile pal kon vya. 2Dam a̰me ɗu, swaga ke temel hon Bageyal, poseya ne asiyam kerra go, O̰yom ge mbegeya jan go: «Mbege me mbi Barnabas ma ne Sawul ne temel ge mbi ne tó nama ya pe.» 3Swaga ge a ne wa̰ asiyam ne kaɗeya kerra, a é tok nama pal, a ya̰ nama mborra.
Barnabas ma ne Sawul ge suwal Chipre go
4Barnabas ma ne Sawul, ne jo̰ O̰yom ge mbegeya teme nama mborra ne fare ge Dok ne pe oyya, a mbo suwal Selukiya ya, a her fak har mbo til ge Chipre ne zi ya. 5Swaga ge a ne dé ya suwal Salamis go, a mbo Sinagog ge Yuda ma ne ma zi mbo waage fare ge Dok ne, Yohanna ka vya jyale ge ne ka nama pe go. 6Swaga ge a ne kere ɗiŋ mbo til wak le may ya, suwal Pafos go, a set ndu mbole a̰me, ge ne ke tene anabi, a Yuda ne, na dḭl Bar-Jeso, 7ka kat Sergiyus Bulus, bage ne dó na ndwara ne suwal pal ta. Sergiyus ka ndu ge ɗalla, tol Barnabas ma ne Sawul ya, ne da pe ka ɓyare go na za̰ fare ge Dok ne. 8Amma Alimas, mbole mbe, ago na dḭl mbe pe wanna go no, ka gage nama, ka ɓyare go bage ne dó na ndwara ne suwal pal ho̰ fareba to. 9Sawul na ge a na tol na Bulus me, wiya ne O̰yom ge mbegeya, dol na ndwara na ndwara pul zi, 10jan na go: «Mo ndu ge boge naa, ge ne ka ne hale pe kunna! Saytan vya, mo ho̰l ne kaŋ ge daage pet ge dosol! Mo mbo kan mo tok be ge vuuɗi laar ɓyareya ge Bageyal ne ma del ɗaa? 11Se no, Bageyal ma̰ mḛre mo, mo ma̰ dame, swaga ma bergetek mo mbo gwan kwa gyala to.» Swaga mbe go juju, na ndwara fa̰ ma dame, gá lale swaga, ka ɓyare ndu ge wan na tok. 12Swaga ge bage ne dó na ndwara ne suwal pal ne kwa no, hon fareba. Ago hateya ge Bageyal ne ke na ajab.
Bulus ma ne Barnabas mbo suwal Antiyokus ge Pisidi ne ya
13Ne Pafos go, Bulus ma ne na kaam her fak mbo Perge ge ne suwal Pamfili ya. Yohanna kun tene ne nama pe go, gwan mbo Ursalima. 14Ne Perge go, a kere mbo Antiyokus ge Pisidi ne ya. Dam ɗigliya go, a mbo kat Sinagog zi. 15Swaga ge a ne isi eya ge Musa ne ma, ne maktub ge anabi ma ne ɗe, ga̰l ge ne Sinagog pal teme ndu ya jan nama go: «Ná vya ma, kadɗa aŋ da ne fare a̰me ge moɗege ɓase ma, aŋ da ne pool her fare janna.» 16Bulus ɗage digi, ke nama na tok, jan nama go: «Israyela ma, aŋ ge sya Dok vo ma, za̰ me mbi! 17Dok ge pehir Israyela ne mbe, tá nee bá ma. Zuli nama pehir ma se swaga ge a ne ka mo̰r zi suwal Masar ya no. Uwale ne pool ge na ne, ndage nama ne suwal mbe ya zum no#Wat 1:7, 12:51, Isi 14:34, Dwa 1:31.. 18Ḭ tene ne nama mbo kaŋ ge del wara anda ge ful pul zi. 19Uwale, swaga ge ne burmi pehir ma ɓyalar ne suwal kanan go uzi, ho̰ nama nama suwal mbe joo no#Dwa 7:1, Jus 14:1., 20ɗiŋ mbo kaŋ ge del kikis anda para wara anuwa̰y go. Go̰r go, ka hon nama naa ge kun sarya ma no, ɗiŋ det ya anabi Samiyel go#Nks 2:16, 1Sam 3:20.. 21Ne go̰r go, a kaɗe no go bama ɓyare gan, Dok ho̰ nama Sawul ge Kich vya no, ndu ge ne vuwal pe ge Bayami ne zi, za gan no ɗiŋ del wara anda#1Sam 8:5,19, 10:21, 13:14, 16:12, Kmb 89:21.. 22Swaga ge Dok ne ndage na uzi, é Dawda gan no, na ge ne ke sayda na pal go: ‹Mbi ɓó Dawda ge Isay vya, ndu ge mbi dulwak ne he na, na sḛ mbo wi laar ɓyareya ge mbi ne ma ne.› 23Da ne hir ge Dawda ndu mbe zi, wak tuli ge Dok ne pal, teme Jeso ya no, ne da pe ka bage máya ge Israyela ne. 24Jeso ndwara zḛ, Yohanna waage baptisma ge haseya ne ne hir ge Israyela ne pe pet#Mar 1:4, Luk 3:3.. 25Swaga ge Yohanna ne dé ya na temel ma wak aya go, jya̰ go: ‹Ndu ge aŋ ne dwat go mbi na ne, mbi be na ne to, amma na sḛ mbo ya go ne mbi go̰r ya, mbi be mbyat ge saa na tyarko táál ma to#Mat 3:11, Mar 1:7, Luk 3:16, Yoh 1:20,27..›
26Ná vya ma, naa ge ne hir ge Abraham ne zi ma, ko naa ge ne sya Dok vo ge ne aŋ buwal zi ma, fare ge máya ne mbe a teme na ya nee ta. 27Ago naa ge ne Ursalima diŋ ma, ne bama ga̰l ma kuri Jeso, swaga kun sarya na pal go, a wi fare ge anabi ma ne, na ge nee ne isi nama dam ɗigliya ma go ɗaɗak wak. 28Be ge a ɓol fare a̰me ge a kun sarya ge siya na pal to, a kaɗe Pilatus no go na hun na. 29Swaga ge a ne wi fare ge ne njaŋge ne na pal ma wak pet ɗe, a gabe na ne wara kaŋgre pala digi ya se no, a mbo é na táál zi no#Mat 27:22-61, Mar 15:13-47, Luk 23:21-56, Yoh 19:15-42.. 30Amma Dok ta̰ na ne naa ge siya ma buwal zi, 31dam ma gḛ ka dyan tene naa ge a ne kare na pe ne Galile ya mbo ya Ursalima go ma ta, se no, a nama sḛ ma saŋge naa ge sayda ma ne naa ta. 32I me, i waage aŋ fare ge kwaɗa: wak tuli ge Dok ne ke ne nee bá ma, 33wi na nee ge nama vya ma ta. Swaga ge ne ta̰ Jeso, dimma ne njaŋge ne Kaŋ mballa ma zi go:
‹Mo mbi vya ne,
Mbi tó mo ne ma̰ no#Kmb 2:7..›
34Na tanna ge ne ta̰ ne siya se digi be ge detɗa hubiya go to, no a fare ge Dok ne waage na zḛ tek ne:
‹Mbi mbo hon aŋ kaŋ ge harcal ge Dawda ne ma,
kaŋ ma ge ne mbya hon fareba ma#Isa 55:3..›
35Da ne pe no, gwan jan ne swaga ge ɗogle zi no go:
‹Mo mbo vin go mo ndu ge mbegeya dé ya hubiya go to bat#Kmb 16:10..›
36Ago swaga ge Dawda ne ke temel na dam ma pul zi laar ɓyareya ge Dok ne pal, ne go̰r go su no. A mbu na na bá pe ya, hubi uzi no me. 37Amma na ge Dok ne ta̰ na, be hubiya táál zi to bat. 38Ná vya ma, kwa me go, da ne na ta a waage aŋ poreya ge sone ma ne no, hat dosol ge aŋ ne ɓó viya̰ ge ɓol na eya ge Musa ne zi to, 39da ne na ta, ndu ge daage pet ge ne hon fareba, hatɗa dosol. 40Ke me haŋgal, na kaage fare ge a ne waage na ne maktub ge anabi ma ne zi dé ya aŋ pal to, a waage go:
41‹Ndi me, aŋ naa ge pala ga̰l ma,
ke me ajab, burmi me uzi,
ne da pe, dam ma ge aŋ ne zi mbi mbo ke kaŋ a̰me,
swaga ge a ne mbo wan aŋ na pe ya aŋ mbo hon fareba to bat#Hab 1:5..›»
42Swaga ge Bulus ma ne Barnabas ne wá ne Sinagog zi ya zum, a kaɗe nama go, nama gwan jan bama fare mbe dam ɗigliya ge go̰r go ge go ta uwale. 43Swaga ge koteya ne á go, Yuda ma gḛ, ne naa ge a ne saŋge ta Yuda ma ɗame Bulus ma ne Barnabas, ge nama fare sigɗiya zi, Bulus ma moɗege nama go nama wa̰ ta kwa a̰se ge Dok ne zi.
44Dam ɗigliya ge go̰r go ge go, naa ge ne suwal diŋ ma pet a kote ya za̰ fare ge Dok ne. 45Swaga ge Yuda ma ne kwa naa tabeya mbe go, a ɗage ne yil, a ka gage fare ge Bulus ne jan ma, ne sáso salla me. 46Bulus ma ne Barnabas a jan nama fare ndaar kaka go: «A te ya waage fare ge Dok ne mbe no aŋ ta gale ɓya. Ne jo̰ aŋ kuri na uzi, aŋ sḛ ma ndi ta go aŋ be mbyat wat ndwara ge ɗiŋnedin zi to, ne pe no, i saŋge ta pehir ge ɗogle ma ta. 47Ago Bageyal ho̰ i wak go: ‹Mbi é mo go mo ka kwaya̰l ge pehir ge ɗogle ma ne, ne da pe mo mbo ne fare ge máya ne ɗiŋ mbo dunya pe ndegɗe#Isa 49:6..›» 48Swaga ge pehir ge ɗogle ma ne za̰ fare mbe no, a ɗage ke laar saal, a ka uware Bageyal ne na fare pe. Nama ge Dok ne tá nama ne ndwara ge ɗiŋnedin pe ma a hon fareba. 49Fare ge Bageyal ne dasare suwal mbe go kakaɗak.
50Amma Yuda ma par fare naa zaab ge tok pool ge a ne uware dok ma zi, ɓanna ne naa ga̰l ge suwal ma zi, a ɗage ker Bulus ma ne Barnabas yál, a yan nama ne bama suwal go uzi. 51Nama sḛ ma pel bama koo kuci nama pal, a her viya̰ mbo Ikoniya. 52Naa ge ame hateya ge ne gá ma a wi ne laar saal ne O̰yom ge mbegeya me.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.