Mɛsɛ́dó Xónusɔ́ɖóte
Xónusɔ́ɖóte
Wěma élɔ́ ɔ́ ɖɔ lě e Jezu yi jǐxwé bó sɛ́ Yɛsinsɛn dó mɛsɛ́dó tɔn lɛ́ɛ gbɔn é; Jezu bló mɔ̌ dó ɖe akpá gǔdo tɔn e é dó nú mɛsɛ́dó lɛ́ɛ é (1.8). Énɛ́ ɔ́, mɛsɛ́dó lɛ́ɛ mɔ acɛ, bó ɖe kúnnu ɖo Jeluzalɛ́mu ɖɔ Jezu fɔ́n sín kú. Ya e toxóɖɔgbɛ́ Jwifu lɛ́ɛ tɔn ɔ́ dó nú mɛsɛ́dó lɛ́ɛ ɔ́ zɔ́n bɔ Wɛn Ɖagbe Jezu tɔn ɔ́ gba kpé gbɔn Judée gbé ɔ́ bǐ jí, bó gba kpé gbɔn Samalíi, lobo lɛ́ gba kpé yi totaligbé aga káká yi Antyɔ́ci. Đo nǔ énɛ́ lɛ́ɛ e jɛ lɛ́ɛ bǐ tamɛ ɔ́, Piyɛ́ɛ, Jaki, Jǎan kpó Jaki Jezu nɔví ɔ́ kpó, kpódó Pɔ́lu kpó wɛ wa azɔ̌ tawun; Pɔ́lu tɔn wɛ ka ɖo tají. È mɔ azɔ̌ e Pɔ́lu wa lɛ́ɛ; é jlá Wɛn Ɖagbe ɔ́ gbɔn tomɛ tomɛ, bó ɖó agun ayǐ gbɔn Azíi Kpɛví ɔ́; é wɛ ɖo Twikíi nyí wɛ égbé din; é lɛ́ ɖó agun ayǐ gbɔn Glɛ̌si kpó gbadahwe jí kpó. Pɔ́lu sín tan jí wɛ wěma ɔ́ fó dó: è wlǐ Pɔ́lu dó gan bó ná glɔ́n ali nú azɔ̌ tɔn, lo ɔ́, è mɔ ɖɔ è kún sixú glɔ́n ali nú Mawuxó ɔ́ ó; è kún ká sixú glɔ́n ali nú Yɛsinsɛn ó.
Nǔ tají tají e ɖo wěma ɔ́ mɛ lɛ́ɛ
Nǔ e jɛ sín hwenu e Jezu yi jǐxwé é káká yi Pantekótu gbe é (1—2)
Kúnnu e mɛsɛ́dó lɛ́ɛ ɖe ɖo Jeluzalɛ́mu é kpó ya e è dǒ nú yě lɛ́ɛ kpó (3—7)
È jlǎ Wɛn Ɖagbe Jezu tɔn ɔ́ ɖo Samalíi (8)
Sólu ɖi nǔ Jezu (9)
Mɛ nukɔntɔn e byɔ́ agun Klísu tɔn mɛ, ɖo mɛ e ma nyí Jwifu ǎ lɛ́ɛ mɛ lɛ́ɛ (10—11)
Axɔ́sú Elódu hu Jaki, wɛnsagun Aklúnɔ tɔn ɖe Piyɛ́ɛ tɔ́n sín gankpá mɛ (12)
Tomɛ nukɔntɔn e Pɔ́lu yi bó jlá Mawuxó é (13—14)
Mɛsɛ́dó lɛ́ɛ sɛ ta kplé ɖo Jeluzalɛ́mu (15)
Tomɛ wegɔ́ e Pɔ́lu yi bó jlá Mawuxó é (16—18)
Tomɛ atɔngɔ́ e Pɔ́lu yi bó jlá Mawuxó é (19—21)
È wlǐ Pɔ́lu dó gan (22—26)
Pɔ́lu ɖo Hlɔ̌ma (27—28)
Currently Selected:
Mɛsɛ́dó Xónusɔ́ɖóte: FONDC
Highlight
Share
Copy
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.