Malakia 2
2
1Koa ankehitriny, ry mpisorona, didy mihatra aminareo izao. 2Raha tsy henoinareo sy tsy rototra ianareo ny hanome voninahitra ny Anarako, hoy i Iavehn’ny tafika, dia handefa ozona hamely anareo Aho, ary hozoniko ny tso-drano ataonareo#2,2 Hozoniko ny tso-drano ataonareo: Ny tso-dranonareo ataoko manjary fanozonana.; - fa efa nozoniko sahady aza izany, satria tsy rototra ianareo! - 3Indro hataoko tsy maniry ny voa afafy#2,3 Hataoko tsy maniry ny voa afafy: Tsy hisy vokatra ny zavatra afafy, izay nangalan’ny mpisorona ny ampahafolony ho azy., afafiko amin’ny tavanareo ny tain-drorona, dia ny tain-drorohan’ny fetinareo, ka hailiky ny olona miaraka amin’izany ianareo. 4Dia ho fantatrareo amin’izay, fa nandefa ity didy ity aminareo Aho, mba haharetan’ny fanekeko#2,4 Mba haharetan’ny fanekeko amin’i Levi: Tsy haharitra io fanekena io raha tsy voasazy ny mpisorona ratsy. amin’i Levi, hoy i Iavehn’ny tafika. 5Ny fanekeko tamin’i Levi, dia fiainana amam-piadanana, ary nomeko azy izany soa izany; ary fanekem-pahatahorana, ka dia natahotra Ahy, sy nangovitra teo anatrehan’ny Anarako izy. 6Ny lalàn’ny fahamarinana no teo am-bavany; ny ratsy tsy hita teo amin’ny molony; niara-nandeha tamiko tamim-piadanana amam-pahitsiana izy; ary nampiala olona betsaka tamin’ny ratsy. 7Fa ny molotry ny mpisorona no mpitahiry ny fahalalana, ary ny vavany no angatahana ny fampianarana#2,7 Ny vavany no angatahana ny fampianarana. Anisan’ny raharaha lehibe iadidian’ny mpisorona ny mampianatra ny vahoaka ny fivavahana marina (Lev 10,11)., satria izy no Anjelin’i Iavehn’ny tafika. 8Fa ianareo kosa nivily lalana, nanafintohina olona maro tamin’ny lalàna#2,8 Nanafintohina olona maro tamin’ny lalàna: Ianareo mpisorona no anton’ny andikan’ny olona maro ny lalàna., ary namadika ny fanekena tamin’i Levì hoy i Iavehn’ny tafika. 9Koa Izaho kosa, dia efa nahatonga anareo ho faniratsira sy tsinontsinona eo imason’ny vahoaka rehetra, satria tsy nitandrina ny lalako ianareo, sady mizaha tavan’olona amin’ny fampiharana ny lalàna.
Fanambadiana vehivavy hafa firenena sy fisaoram-bady
10Tsy iray ray va isika rehetra? Tsy Andriamanitra iray va no nahary antsika? Ka nahoana àry ity isika, no samy mivadika amin’ny rahalahintsika avy, ka mandoro ny fanekena tamin’ny razantsika#2,10 Jereo Esd 10; Neh 13, momba ny fanambadian’ny Israelita ny vehivavy avy amin’ny firenena hafa.? 11I Jodà mpivadika, ary i Israely sy i Jerosalema nahavitana fahavetavetana; fa mandoto ny zava-boatokana ho an’i Iaveh, dia izay tian’i Iaveh, Jodà; nanambady ny zanaka vavin’ny andriamani-kafa izy. 12Ny lehilahy manao izany, dia aoka hamongoran’i Iaveh eo amin’ny lain’i Jakôba, na izay miambina, na izay mamaly, mbamin’izay manatitra fanatitra ho an’i Iavehn’ny tafika.
13Izao koa no zavatra faharoan’izany ataonareo: tondrahanareo ranomaso sy fitolokoana izany, ka tsy ahoan’i Iaveh intsony izay fanatitra, ary tsy raisiny intsony izay fanatitra mahafinaritra avy amin’ny tananareo. 14Ary hoy ianareo: Nahoana izany? I Iaveh dia efa vavolombelona#2,14 I Iaveh dia efa vavolombelona: Tamin’ny nisaoran’izy ireo ny vadiny; ary Izy dia manameloka ny vady mivadika. manelanelana anao sy ny vadin’ny fahatanoranao izay nofitahinao, nefa Izy no namanao sy vady vita fanekena taminao. 15Moa tsy iray no nataony misy nofo sy aina? Ary io iray io, inona no tadiaviny#2,15 Ary io iray io, inona no tadiaviny? Andriamanitra nahary ny vehivavy toy ny nahariany ny lehilahy; ary ny kendren’Andriamanitra dia ny hiterahan’ny lehilahy sy ny vehivavy taranaka masina. Nefa tsy ho tanteraka izany raha isaoran’ny lehilahy ny vadiny Israelita ka hanambadiany vehivavy hafa firenena.? - Nitady taranaka araka an’Andriamanitra izy. Ka mitandrema tsara ny fitondran-tenanareo, fa aza misy mamitaka ny vadin’ny fahatanorany. 16Fa halako ny fisaoram-bady, hoy i Iaveh, Andriamanitr’i Israely, satria ny manao izany, dia ny manototra fahasahiana ny fitafiany, hoy i Iavehn’ny tafika. Koa mitandrema ny fitondran-tenanareo fa aza misy mamitaka.
Ny andron’i Iaveh
17Efa nanasatra an’i Iaveh ianareo, tamin’ny teninareo. Ary hoy ianareo: Tamin’ny inona, no nanasaranay Azy? - Tamin’ny fanaovanareo hoe: Na zovy na zovy manao ratsy, dia tsara eo imason’i Iaveh, ary ireo olona ireo no ankasitrahiny! Na tamin’ny hoe: Aiza ny Andriamanitry ny fahamarinana?
Currently Selected:
Malakia 2: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.