Matio 19

VI. AKAIKY NY FANJAKAN’NY LANITRA

A. FITANTARANA

Momba ny fisaraham-panambadiana

(Jereo Mk 10,1-12)

1Rehefa avy niteny izany i Jesoa dia niala tao Galilea ka tonga teny an-tsisin’i Jodea, andafin’i Jordany. 2Vahoaka be dia be no nanaraka Azy, ary nanasitrana ny marary teo Izy. 3Ary nisy Farisianina nanatona Azy mba haka fanahy Azy, ka nanao hoe: «Mahazo misao-bady va ny lehilahy, na inona na inona antony?» 4Dia hoy Izy namaly azy ireo: «Tsy novakinareo va fa Izay nahary ny olona tamin’ny voalohany, dia nanao azy lahy sy vavy#19,4 Lahy sy vavy. Dia lahy iray sy vavy iray, tsy vavy roa na maro; izy roroa, fa tsy mihoatra, no ho nofo iray. ary nilaza hoe: 5Noho izany, dia hilaozan-dralehilahy ny rainy aman-dreniny, ka hikambana amin’ny vadiny izy, ary ho nofo iray ihany izy roroa? 6Noho izany tsy roa intsony izy, fa nofo iray. Koa aoka izay nakamban’Andriamanitra tsy hosarahin’ny olona#19,6 Amin’izany, i Jesoa Kristy dia mampody ny fanambadiana ho amin’ilay toetrany voalohany: fikambanana sady masina no tsy azo ravana izany..» 7«Ka nahoana i Môizy, hoy ireo taminy, no nandidy hanome taratasy fisaoram-bady sy hisaotra azy?» 8Dia hoy Izy taminy: «Ny hamafin’ny fonareo no nanomezan’i Môizy alalana anareo hisao-bady; fa hatramin’ny voalohany dia tsy mba toy izany#19,8 Tsy mba toy izany, sns. Izany hoe, tsy nisy fisaoram-bady tahaka izany tamin’ny voalohany, fa mainka tsy tokony hisy amin’izao Lalàm-baovao lavorary izao.. 9Koa dia lazaiko aminareo, fa izay rehetra mandroaka ny vadiny, afa-tsy noho ny fijangajangana ihany#19,9 Afa-tsy noho ny fijangajangana. Ho navelan’i Md. Marka sy i Lioka ary i Paoly va io avaka io raha maharava fanambadiana tokoa? Koa fisarahan-toerana fotsiny no anomezan-dalana eo. - Ary angamba aza fanambadiana «olona tsy heny» (Lev 18; Asa 15,29; 1Kôr 5,1) no hevitry ny teny hoe fijangajangana eo, ka tsotra mihitsy raha izany, fa ireny fanambadiana tsy ara-dalàna «olona tsy heny» ireny no hany avaka., ka manambady hafa, dia mpijangajanga; ary izay mampakatra ny vehivavy voaroaka, dia mijangajanga koa»

Ny manokan-tena an-tsitrapo

10«Raha izany no toetran’ny lehilahy amin’ny vadiny, hoy ny mpianany taminy, dia aleo tsy manam-bady.» 11Ary hoy Izy taminy: «Tsy ny olona rehetra no mahazo izany teny izany#19,11 Izany teny izany, dia ilay teo «aleo tsy manambady.» Izay nomena fahasoavana ihany: koa toetra ambony sy lavorary ny fahavirijiniana., fa izay nomena fahasoavana ihany. 12Fa misy eonòka#19,12 Ny eonòka dia olona vositra, ny sasany dia vosi-Janahary, ny sasany novosirin’ny olona. Ny eonòka an-tsitrapo no izay mifady an-tsitrapo na manao virijiny: toetra ambony sy vitsy mpahazo izany, ka ny mahazaka no manao. hatrany an-kibon-dreniny; misy eonòka nataon’ny olona, ary misy eonòka izay nanao ny tenany eonòka noho ny fanjakan’ny lanitra. Aoka handray izay mahay mandray.»

I Jesoa sy ny ankizy madinika

(Jereo Mk 10,12-16; Lk 18,15-17)

13Tamin’izay dia nisy zazakely maromaro nentina teo aminy, mba hametrahany tanana sy hivavahany ho azy; fa noraran’ny mpianany mafy ireo. 14Ka hoy i Jesoa taminy: «Avelao ny zaza, ary aza raràna tsy hanatona Ahy; fa an’ny tahaka azy ny fanjakan’ny lanitra.» 15Ary rehefa nametra-tanana tamin’ireo Izy, dia nizò-dalana indray.

Ilay tovolahy mpanan-karena

(Jereo Mk 10,12-16; Lk 18,15-17)

16Ary indro nisy olona anankiray nanatona ka nilaza taminy hoe: «Ry Mpampianatra tsara ô, inona no tsara hataoko hahazoako ny fiainana mandrakizay?» 17Dia hoy Izy namaly azy: «Ahoana àry no iantsoanao Ahy hoe tsara? Iray ihany no tsara#19,17 Iray ihany no tsara. Andriamanitra irery no hàny fahatsarana tsy misy fetra. Tsy diso tsy akory ilay nanao an’i Jesoa hoe tsara, fa tarihiny hieritreritra hoe: Tsy maintsy ho Andriamanitra àry ity antsoiko hoe tsara ity., dia Andriamanitra; ka raha te hiditra any amin’ny fiainana ianao, tandremo ny didy.» 18«Didy inona avy?» hoy izy. Dia hoy i Jesoa: «Aza mamono olona, aza mijangajanga, aza mangalatra, aza mety ho vavolombelona tsy marina, 19manajà ny rainao aman-dreninao, ary tiava ny namanao tahaka ny tenanao.» 20«Hatry ny fony mbola kely aho no efa nitandrina izany rehetra izany, hoy ilay tovolahy taminy; ka inona no mbola tsy ampy amiko?» 21Ary hoy i Jesoa taminy: «Raha tahiny tianao ny ho lavorary, andeha amidio ny fanananao ka omeo ny mahantra, dia hanan-drakitra any an-danitra ianao; ary raha efa izany dia avia hanaraka Ahy.» 22Nony nandre izany teny izany ilay zatovo, dia niala tamin’alahelo, satria be ny fananany.

Ny loza ateraky ny harena

(Jereo Mk 10,23-27; Lk 18,24-27)

23Ary dia hoy i Jesoa tamin’ny mpianany: «Lazaiko marina aminareo fa sarotra ny hidiran’ny mpanan-karena amin’ny fanjakan’ny lanitra. 24Ary izao koa no lazaiko aminareo: Moramora kokoa ny hidiran’ny rameva amin’ny vody fanjaitra noho ny hidiran’ny mpanankarena amin’ny fanjakan’ny lanitra.» 25Gaga dia gaga ny mpianany nandre izany teny izany, ka nanao hoe: «Koa iza ihany àry no mety ho voavonjy?» 26Nijery azy ireo i Jesoa ka nanao hoe: «Tsy hain’olombelona izany, fa vitan’Andriamanitra ny zavatra rehetra.»

Valisoan’izay mahafoy

(Jereo Mk 10,28-31; Lk 18,28-30)

27Namaly i Piera ka nanao taminy hoe: «Indro izahay efa nahafoy ny zavatra rehetra, ary nanaraka Anao, ka inona àry no ho azonay?» 28Hoy i Jesoa taminy: Lazaiko marina aminareo fa raha mby amin’ny andro fanavaozana#19,28 Amin’ny fanavaozana. Dia ilay voalaza hoe: «havaozina ny zavatra rehetra» amin’ny farandro (Apôk 21,5; 2Pier 3,12; Rm 8,19). Ny fokon’i Israely 12, dia ny olona rehetra. Hitsara izao tontolo izao ny olo-masina» (1Kôr 6,2)., ny Zanak’olona dia hipetraka eo amin’ny fiketrahan’ny fiandrianany; ary ianareo izay nanaraka Ahy koa hipetraka amin’ny fiketrahana roa ambin’ny folo, ka hitsara ny foko roa ambin’ny folo amin’i Israely. 29Ary izay rehetra handao ny tranony, na ny rahalahiny, na ny anabaviny, na ny rainy, na ny reniny, na ny vadiny, na ny zanany, na ny taniny noho ny Anarako, dia sady hahazo zato heny no handova ny fiainana mandrakizay.

(Jereo 13,30)

30Nefa maro izay voalohany no ho farany, ary maro koa izay farany no ho voalohany#19,30 Momba ny fanoharana amin’ny toko manaraka io andininy io, sady averina eo (20,16)..

Currently Selected:

Matio 19: MBC

Highlight

Copy