Salamo 2
2
SALAMO 2
Ny Mesia sy ny asany mampangitakitaka
(Jereo Sal 110 (109))
1Nahoana no mihetsiketsika amim-pitabatabana ny firenena,
ary mamorona hevi-poana ny vahoaka#2,1 Jereo Asa 4,27.?
2Ireo mpanjakan’ny tany mitsimbohitra,
ary ny andriana koa miara-mioko,
hanohitra an’i Iaveh sy ny Voahosony#2,2 Ny Voahosony: dia ilay voahosotra ho mpanjaka, na iza na iza; fa eto kosa dia ilay voahosotr’i Iaveh ho mpanjaka ambony indrindra, izany hoe ny Mesia, no ambara amin’io teny io.:
3Tapaho ny famatorany, hoy ireny,
ary ario lavitra antsika ny gadrany!
4Ilay mipetraka any an-danitra mitsiky;
maneso an’ireny ny Tompo.
5Ka hiteny amin’ireny Izy noho ny fahavinirany,
sy hampangorohoro azy amin’ny fisafoahany:
6Ary izaho efa nanangana ny mpanjakako,
ao ambonin’ny Siôna tendrombohitro masina.
7Hamoaka ny didy aho:
I Iaveh nilaza hoe: «Zanako ianao#2,7 Zanako ianao: I Jesoa Kristy ihany no antsoina amin’izany anarana izany.,
niteraka anao Aho ankehitriny.
8Mangataha dia homeko ho lovanao ny firenena#2,8 Homeko ho lovanao ny firenena. Amin’i Jesoa Kristy ihany no tanteraka io fampanantenana io (Asa 13, 32-33).,
ho fanjakanao, ny vazantany efatra.
9Hanorotoro azy amin’ny tehim-by ianao;
hanamontsamontsana azy toy ny vilanin’ny mpanefy#2,9 Jereo Apôk 2,26-28; 19,15. ».
10Koa ankehitriny mbà hendry ianareo mpanjaka;
minoa anatra ianareo mpitsaran’ny tany#2,10-12 Tenin’ny mpamorona ny Salamo izany..
11Manompoa an’i Iaveh amim-pahatahorana,
mientan-kafaliana amim-pangovitana.
12Orohy ny Zanaka#2,12 Orohy ny Zanaka: Izany hoe, tsaohy Izy, ivavaho Izy. fandrao tezitra izy;
ka ho very any amin’ny lalanareo ianareo;
fa vetivety dia hirehitra ny hatezerany.
Sambatra izay rehetra matoky Azy.
Currently Selected:
Salamo 2: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.