Salmos 19
19
Salmo 19
Ndaka ja vii xeen ni sa'a Su'si ma te iyo jayiñu'u ya
1Andivi ma ka kuu ja ka ndakaxtnu'u jayiñu'u Su'si ma,
vaa vivii ni sa'a ya ji'in nda'a ya ma, te ka nukuiñi va'a i.
2Sukan kúu in kivi ma, ja ndáka'an i nuu in‑ka kivi ma,
te in jakuaa ma, ndáka'an i tnu'u ndichi nuu in‑ka jakuaa ma.
3Visi ñatuu ka jiniso'o o sukan ka ndatnu'u i ma,
naxe ka kuu yu'u i ma, naxe ka ka'an i ma,
4kovaa ja ka ndatnu'u i ma kénda ni‑ka'nu ñuu ñayivi a,
te ni‑ka'nu ñuu ñayivi a ka jini ñayii ma ja ni sa'a Su'si ma.
Chi vaa Su'si ma chi onde andivi ma ni sa'a ya in ve'e
nuu koo maa kandii ma,
5te kénda sii ini kandii ma, te jika i kua'an i,
kuenda sukan kénda in suchi yika ni tnanda'a ma,
xi sukan kúu in tee ja iyo tu'va de ja kunu de
te kundee de ja kenda de nuu iyo ja kenda de ma.
6In lado ma kána kandii ma, te kée i in‑ka lado ma,
te ni‑in ja iyo ñuu ñayivi a,
másu kuu chu'u i nuu ka'ni kandii ma.
7Tnu'u ja káxtnu'u Iya Tátnuni ma ja ndandaa kúu,
vaa ndáxsama i janitnuni ñayii ma,
te ndúu i ñayii sa'a ja va'a ja ndaa.
Te tnu'u ni ka'an Iya Tátnuni ma chi sukan sa'a ya,
vaa ñayii ñatuu jaku'ni‑ka ini i ma chi kuu jaku'ni ini i.
8Tnu'u tátnuni Iya Tátnuni ma chi tnu'u ndandaa kúu,
vaa sa'a i ja koo sii ini ini anua ñayii ma.
Tnu'u tátnuni Iya Tátnuni ma chi tnu'u nanimaa kúu,
vaa ndáxtnuu i nuu ñayii ma sukan‑va'a ma skenaa i maa i.
9Ja koyu'u o Iya Tátnuni ma te masu ko sa'a o ni‑in ja u'vi ma
chi vivii kúu, te ni‑kani ni‑jika sukan jín ko sa'a o.
Ja ndákan Su'si ma kuenda nuu ñayii ma chi ja ndaa ndija kúu,
vaa sa'a ndaa ya nawa ni ka sa'a, ni ka kuu ñayii ma.
10Tnu'u tátnuni ya a chi játna ini‑ka o sana oro ma,
visi oro nanimaa kúu i ma.
Tnu'u tátnuni ya a chi játna ini xeen‑ka o
sana nduxi ka kene'e ñuñu ma, visi vixi vixi i ma.
11Saña ja jinukuechi sa nuu ni, te tnu'u ya'a xtu'va ña'a ni,
sukan‑va'a másu ko sa'a sa ja u'vi ma.
Te ñayii kándija te sa'a i sukan tátnuni ni ma
chi neva'a ni ja skuta'vi ni i.
12Kovaa ni‑in ñayii, masu nde ndákunitnuni i
ndaka ja u'vi sa'a i ma.
Kovaa saña chi jikan‑ta'vi sa ja na sakanu ini ni
ja u'vi ni sa'a sa ma te ñatuu ni jinitnuni sa ma.
13Ko koto va'a ña'a ni, saña ja jinukuechi sa nuu ni a,
ja má kundee ni‑in ja u'vi ma ja ko tatnuni i nuu sa a,
sukan‑va'a ko kuu sa in ñayii sa'a ja va'a ja ndaa,
te koo vii sa nuu ni, te ñatuu na kuechi kondiso sa
ja ndimaa sa'a so'o sa nuu ni a, vi Su'si.
14Su'si maa sa, na kenda ndaka ja ká'an sa a,
ji'in ja jani ká'vi ini anua sa a, nuu maa ni a,
te kuan‑ta'vi ni, vi Su'si Iya Tátnuni,
iya sa'a ja kaku sa nuu tnundo'o tnuneni ma.
Currently Selected:
Salmos 19: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Salmos 19
19
Salmo 19
Ndaka ja vii xeen ni sa'a Su'si ma te iyo jayiñu'u ya
1Andivi ma ka kuu ja ka ndakaxtnu'u jayiñu'u Su'si ma,
vaa vivii ni sa'a ya ji'in nda'a ya ma, te ka nukuiñi va'a i.
2Sukan kúu in kivi ma, ja ndáka'an i nuu in‑ka kivi ma,
te in jakuaa ma, ndáka'an i tnu'u ndichi nuu in‑ka jakuaa ma.
3Visi ñatuu ka jiniso'o o sukan ka ndatnu'u i ma,
naxe ka kuu yu'u i ma, naxe ka ka'an i ma,
4kovaa ja ka ndatnu'u i ma kénda ni‑ka'nu ñuu ñayivi a,
te ni‑ka'nu ñuu ñayivi a ka jini ñayii ma ja ni sa'a Su'si ma.
Chi vaa Su'si ma chi onde andivi ma ni sa'a ya in ve'e
nuu koo maa kandii ma,
5te kénda sii ini kandii ma, te jika i kua'an i,
kuenda sukan kénda in suchi yika ni tnanda'a ma,
xi sukan kúu in tee ja iyo tu'va de ja kunu de
te kundee de ja kenda de nuu iyo ja kenda de ma.
6In lado ma kána kandii ma, te kée i in‑ka lado ma,
te ni‑in ja iyo ñuu ñayivi a,
másu kuu chu'u i nuu ka'ni kandii ma.
7Tnu'u ja káxtnu'u Iya Tátnuni ma ja ndandaa kúu,
vaa ndáxsama i janitnuni ñayii ma,
te ndúu i ñayii sa'a ja va'a ja ndaa.
Te tnu'u ni ka'an Iya Tátnuni ma chi sukan sa'a ya,
vaa ñayii ñatuu jaku'ni‑ka ini i ma chi kuu jaku'ni ini i.
8Tnu'u tátnuni Iya Tátnuni ma chi tnu'u ndandaa kúu,
vaa sa'a i ja koo sii ini ini anua ñayii ma.
Tnu'u tátnuni Iya Tátnuni ma chi tnu'u nanimaa kúu,
vaa ndáxtnuu i nuu ñayii ma sukan‑va'a ma skenaa i maa i.
9Ja koyu'u o Iya Tátnuni ma te masu ko sa'a o ni‑in ja u'vi ma
chi vivii kúu, te ni‑kani ni‑jika sukan jín ko sa'a o.
Ja ndákan Su'si ma kuenda nuu ñayii ma chi ja ndaa ndija kúu,
vaa sa'a ndaa ya nawa ni ka sa'a, ni ka kuu ñayii ma.
10Tnu'u tátnuni ya a chi játna ini‑ka o sana oro ma,
visi oro nanimaa kúu i ma.
Tnu'u tátnuni ya a chi játna ini xeen‑ka o
sana nduxi ka kene'e ñuñu ma, visi vixi vixi i ma.
11Saña ja jinukuechi sa nuu ni, te tnu'u ya'a xtu'va ña'a ni,
sukan‑va'a másu ko sa'a sa ja u'vi ma.
Te ñayii kándija te sa'a i sukan tátnuni ni ma
chi neva'a ni ja skuta'vi ni i.
12Kovaa ni‑in ñayii, masu nde ndákunitnuni i
ndaka ja u'vi sa'a i ma.
Kovaa saña chi jikan‑ta'vi sa ja na sakanu ini ni
ja u'vi ni sa'a sa ma te ñatuu ni jinitnuni sa ma.
13Ko koto va'a ña'a ni, saña ja jinukuechi sa nuu ni a,
ja má kundee ni‑in ja u'vi ma ja ko tatnuni i nuu sa a,
sukan‑va'a ko kuu sa in ñayii sa'a ja va'a ja ndaa,
te koo vii sa nuu ni, te ñatuu na kuechi kondiso sa
ja ndimaa sa'a so'o sa nuu ni a, vi Su'si.
14Su'si maa sa, na kenda ndaka ja ká'an sa a,
ji'in ja jani ká'vi ini anua sa a, nuu maa ni a,
te kuan‑ta'vi ni, vi Su'si Iya Tátnuni,
iya sa'a ja kaku sa nuu tnundo'o tnuneni ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.