Salmos 22
22
Salmo 22
Tnu'u xii ini ma chi sani te ni nduu i tnu'u sii ini
1Su'si maa sa, Su'si maa sa, ¿nava'a ni xndoo ña'a ni?
¿Nava'a jika xeen iyo ni te ñatuu nde niniso'o ni ja kána sa a,
sukan‑va'a chindee ña'a ni
ja na kaku sa nuu tnundo'o tnuneni a?
2Su'si maa sa, kána ña'a sa nduu ma,
te ñatuu ndákone'e ni ja ká'an sa ma,
te jakuaa ma ñatuu ndátatu sa ja kána ña'a sa.
3Kovaa maa ni chi iya ii kúu ni,
vaa ni‑in ja u'vi ñatuu nde sa'a ni,
te iyo ni ne'un ñayii ñuu Israel ma,
vaa ndimaa ka ndachiñu'u ña'a i ma.
4Nuu maa ni ni ka kukanu ini ndaka tna'a sa ñayii jana'a ma.
Ni ka yo ndetu i ja maa ni sa'a ja jin kaku i ma,
te sukan kuiti ni sa'a ni.
5Ni ka ndakune'e ña'a i maa ni, te ni ka kaku i nuu tnundo'o ma.
Ni ka kukanu ini i maa ni,
te ñatuu ni ka tna'a i ja kan‑nuu, vi Su'si.
6Kovaa saña chi sukan kúu in tindaku ma‑ni kúu sa nuu ñayii a,
vaa masu nde ka nde'ya ña'a i ja in ñayii kúu sa
chi ka jakundee ña'a i, te ka saxiko ña'a i, vi Su'si.
7Ndaka i ka nde'ya ña'a, te ka ka'an ndeva'a i ja kuu sa,
te ka skuita yu'u ka skuita nuu i, te ka skuiko i xini i,
te kuan koo i‑ni, te ka ka'an i:
8“Te vitna, kóto nú kii ya ki chindee ña'a ya ja kaku de,
vaa kaa‑nka ni yo kukanu ini de Iya Tátnuni ma”,
ka kuu i ka ka'an i.
9Vaa maa ni ni yo jito va'a ña'a nuu ñunee sa chii si'i sa ma,
te ni chindee ña'a ni ja ni kâku va'a sa ma,
te maa ni ni sa'a ja sii ini ndátatu sa
nani ñundee ña'a si'i sa ma.
10Te nuu nda'a maa ni ni yo iyo sa, te ni yo jito va'a ña'a ni,
visi ñatuu kâku‑ka sa ma, nuu ñunee‑ka sa chii si'i sa ma,
te maa ni kúu Su'si sa onde kivi yukan.
11Te chukan kúu ja máko xndoo ña'a ni,
vaa tnundo'o tnuneni ma chi ka sa'a i ja kúxii ini sa ma,
te iyo yatni i nuu iyo sa ya, te másu na in chindee ña'a.
12Vaa ñayii ñatuu ka kunimani nuu sa ma
chi ni ka ndakonduu ña'a i,
kuenda tnu'u ja xndiki xeen ka iyo ñuu Basán ma.
13Te nde'e xeen ka kuu yu'u i,
sukan ka kuu yu'u ndika'a ma ora ka kokon xeen ti ma,
te ka sa'a ña'a i sukan ka kandava ndee ti kiti jin tnii ti ma.
14Te ni ndu‑uun sa, kuenda tnu'u ja ndute ma,
te kuenda tnu'u ja ni ndi'i kuiti yiki sa ya
ni ka ndatnana tna'a i.
Sukan ni nduvita xe'en ma ja sani te ndandute i ma,
sukan ni kuita kuiti ini anua sa ya.
15Te ni yichi kuiti ñií yu'u sa ya,
te ni ndatnii tna'a yaa sa ya ji'in nda'nda sa ya,
jâ ni kuita kuiti sa,
te vala‑nka ja kûu sa nkuu,
vaa maa ni ni wa'a tnu'u ja sukan ndó'o néni sa a.
16Ndaka ñayii ka sa'a ja u'vi ma,
ja ka kuu i sukan ka kuu la‑ina ma,
ni ka ndakonduu kuiti ña'a i,
te ni ka xtnakue'e i nda'a sa ya ji'in ja'a sa ya.
17Kuu ndaka'vi sa ndaka yiki sa ya,
nani ka nde'ya ña'a i ma te ka ndaa ka nuu ña'a i ma.
18Sani te ni ka ndaka'nde i sa'ma sa a,
te ni ka chu'un i suerte sa'ma ndii sa ma,
kóto na nde i ndake'en ma.
19Kovaa maa ni, vi Iya Tátnuni, máko ndunaa ña'a ni,
vaa maa ni kúu iya táa tnu'u ndee tnu'u ndatnu,
te konuu ni, te kii ni chindee ña'a ni,
20sukan‑va'a kaku sa nuu ñayii ka kuu sukan ka kuu la‑ina ma,
ja máko jin ka'ni ña'a i ji'in yuchi kúu espada ma,
sukan‑va'a koteku sa.
21Chindee ña'a ni, te kaku sa nuu ñayii ka kuu yu'u
sukan ka kuu yu'u ndika'a ma,
te ka kuu i sukan ka kuu xndiki xeen ma, vi Su'si.
22Kaxtnu'u sa nuu ñani sa ma ji'in nuu ku'va sa ma na in kúu ni,
te nuu ka ndatna'a ndaka sa ma, te kata sa ja ndachiñu'u ña'a sa.
23Ndaka o ja ka kuu o sa'ya tata Israel ma ja ni yo kuu de Jacob ma,
jín kata o, te jín ndachiñu'u o Iya Tátnuni a,
te jín koyu'u o ya, vaa ka jini o ja ndakan ya kuenda nuu o a.
24Vaa ñatuu nde ni saxiko ya ja ni jiña'a ñayii ndó'o néni ma,
te ni masu nde ni chu'u ya nuu ya ma
ora nuu ni ndakune'e i ya ma.
Su'va ni yo niniso'o ñukuun ya ja ni jikan‑ta'vi i ma.
25Nuu ka ndatna'a sa ja ka ndachiñu'u ña'a sa ma,
te ndaka'an ndakachi sa sukan vii sukan luu
chíndee chítuu ña'a ni ma,
te sukan sa'a sa, sukan‑va'a ñayii ka sa'a sukan játna ini ni ma,
te jin kuni i sukan va'a ini ni ma.
26Ñayii nda'vi ma chi koo ja jin kaa i onde jin ndutu chii i ma,
vaa ka ndanduku i Iya Tátnuni ma, te ka ndachiñu'u i ya,
te chukan kúu ja jin koteku i ni‑kani ni‑jika.
27Te chukan kúu ja ndaka ñayii ka iyo ni‑ka'nu ñuu ñayivi a
chi jin ndaka'án i ja Iya Tátnuni ma kúu Su'si,
te jin ndakokuiñi i nuu ya ma, te jin ndachiñu'u i ya.
28Vaa suu ya tátnuni ni‑ka'nu ñuu ñayivi a
ji'in ndaka tnu'u ndee tnu'u ndatnu ya ma.
29Ndaka ñayii ma ka iyo ja jin kûu i,
visi ka ni'i ka tna'a maa i ñuu ñayivi a,
kovaa ni a in i, másu kuu sa'a i ja maa i,
te koteku i ni‑kani ni‑jika.
Vaa ndaka tu'u i ndenda koo nuu Iya Tátnuni ma,
te jin ndachiñu'u i ya, vaa maa in‑ni ya tátnuni.
30Te jin ndaka'an jin ndakachi ñayii ma
nuu ndaka‑ka ñayii kenda kuee‑ka ma,
sukan‑va'a jin kunukuechi i nuu Iya Tátnuni ma.
31Te ndaka ñayii ya'a, jin ndaka'an jin ndakachi i
nuu ñayii jin kâku kuee‑ka tuku ma,
ndaka ja va'a ja ndaa sa'a Iya Tátnuni ma.
Currently Selected:
Salmos 22: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Salmos 22
22
Salmo 22
Tnu'u xii ini ma chi sani te ni nduu i tnu'u sii ini
1Su'si maa sa, Su'si maa sa, ¿nava'a ni xndoo ña'a ni?
¿Nava'a jika xeen iyo ni te ñatuu nde niniso'o ni ja kána sa a,
sukan‑va'a chindee ña'a ni
ja na kaku sa nuu tnundo'o tnuneni a?
2Su'si maa sa, kána ña'a sa nduu ma,
te ñatuu ndákone'e ni ja ká'an sa ma,
te jakuaa ma ñatuu ndátatu sa ja kána ña'a sa.
3Kovaa maa ni chi iya ii kúu ni,
vaa ni‑in ja u'vi ñatuu nde sa'a ni,
te iyo ni ne'un ñayii ñuu Israel ma,
vaa ndimaa ka ndachiñu'u ña'a i ma.
4Nuu maa ni ni ka kukanu ini ndaka tna'a sa ñayii jana'a ma.
Ni ka yo ndetu i ja maa ni sa'a ja jin kaku i ma,
te sukan kuiti ni sa'a ni.
5Ni ka ndakune'e ña'a i maa ni, te ni ka kaku i nuu tnundo'o ma.
Ni ka kukanu ini i maa ni,
te ñatuu ni ka tna'a i ja kan‑nuu, vi Su'si.
6Kovaa saña chi sukan kúu in tindaku ma‑ni kúu sa nuu ñayii a,
vaa masu nde ka nde'ya ña'a i ja in ñayii kúu sa
chi ka jakundee ña'a i, te ka saxiko ña'a i, vi Su'si.
7Ndaka i ka nde'ya ña'a, te ka ka'an ndeva'a i ja kuu sa,
te ka skuita yu'u ka skuita nuu i, te ka skuiko i xini i,
te kuan koo i‑ni, te ka ka'an i:
8“Te vitna, kóto nú kii ya ki chindee ña'a ya ja kaku de,
vaa kaa‑nka ni yo kukanu ini de Iya Tátnuni ma”,
ka kuu i ka ka'an i.
9Vaa maa ni ni yo jito va'a ña'a nuu ñunee sa chii si'i sa ma,
te ni chindee ña'a ni ja ni kâku va'a sa ma,
te maa ni ni sa'a ja sii ini ndátatu sa
nani ñundee ña'a si'i sa ma.
10Te nuu nda'a maa ni ni yo iyo sa, te ni yo jito va'a ña'a ni,
visi ñatuu kâku‑ka sa ma, nuu ñunee‑ka sa chii si'i sa ma,
te maa ni kúu Su'si sa onde kivi yukan.
11Te chukan kúu ja máko xndoo ña'a ni,
vaa tnundo'o tnuneni ma chi ka sa'a i ja kúxii ini sa ma,
te iyo yatni i nuu iyo sa ya, te másu na in chindee ña'a.
12Vaa ñayii ñatuu ka kunimani nuu sa ma
chi ni ka ndakonduu ña'a i,
kuenda tnu'u ja xndiki xeen ka iyo ñuu Basán ma.
13Te nde'e xeen ka kuu yu'u i,
sukan ka kuu yu'u ndika'a ma ora ka kokon xeen ti ma,
te ka sa'a ña'a i sukan ka kandava ndee ti kiti jin tnii ti ma.
14Te ni ndu‑uun sa, kuenda tnu'u ja ndute ma,
te kuenda tnu'u ja ni ndi'i kuiti yiki sa ya
ni ka ndatnana tna'a i.
Sukan ni nduvita xe'en ma ja sani te ndandute i ma,
sukan ni kuita kuiti ini anua sa ya.
15Te ni yichi kuiti ñií yu'u sa ya,
te ni ndatnii tna'a yaa sa ya ji'in nda'nda sa ya,
jâ ni kuita kuiti sa,
te vala‑nka ja kûu sa nkuu,
vaa maa ni ni wa'a tnu'u ja sukan ndó'o néni sa a.
16Ndaka ñayii ka sa'a ja u'vi ma,
ja ka kuu i sukan ka kuu la‑ina ma,
ni ka ndakonduu kuiti ña'a i,
te ni ka xtnakue'e i nda'a sa ya ji'in ja'a sa ya.
17Kuu ndaka'vi sa ndaka yiki sa ya,
nani ka nde'ya ña'a i ma te ka ndaa ka nuu ña'a i ma.
18Sani te ni ka ndaka'nde i sa'ma sa a,
te ni ka chu'un i suerte sa'ma ndii sa ma,
kóto na nde i ndake'en ma.
19Kovaa maa ni, vi Iya Tátnuni, máko ndunaa ña'a ni,
vaa maa ni kúu iya táa tnu'u ndee tnu'u ndatnu,
te konuu ni, te kii ni chindee ña'a ni,
20sukan‑va'a kaku sa nuu ñayii ka kuu sukan ka kuu la‑ina ma,
ja máko jin ka'ni ña'a i ji'in yuchi kúu espada ma,
sukan‑va'a koteku sa.
21Chindee ña'a ni, te kaku sa nuu ñayii ka kuu yu'u
sukan ka kuu yu'u ndika'a ma,
te ka kuu i sukan ka kuu xndiki xeen ma, vi Su'si.
22Kaxtnu'u sa nuu ñani sa ma ji'in nuu ku'va sa ma na in kúu ni,
te nuu ka ndatna'a ndaka sa ma, te kata sa ja ndachiñu'u ña'a sa.
23Ndaka o ja ka kuu o sa'ya tata Israel ma ja ni yo kuu de Jacob ma,
jín kata o, te jín ndachiñu'u o Iya Tátnuni a,
te jín koyu'u o ya, vaa ka jini o ja ndakan ya kuenda nuu o a.
24Vaa ñatuu nde ni saxiko ya ja ni jiña'a ñayii ndó'o néni ma,
te ni masu nde ni chu'u ya nuu ya ma
ora nuu ni ndakune'e i ya ma.
Su'va ni yo niniso'o ñukuun ya ja ni jikan‑ta'vi i ma.
25Nuu ka ndatna'a sa ja ka ndachiñu'u ña'a sa ma,
te ndaka'an ndakachi sa sukan vii sukan luu
chíndee chítuu ña'a ni ma,
te sukan sa'a sa, sukan‑va'a ñayii ka sa'a sukan játna ini ni ma,
te jin kuni i sukan va'a ini ni ma.
26Ñayii nda'vi ma chi koo ja jin kaa i onde jin ndutu chii i ma,
vaa ka ndanduku i Iya Tátnuni ma, te ka ndachiñu'u i ya,
te chukan kúu ja jin koteku i ni‑kani ni‑jika.
27Te chukan kúu ja ndaka ñayii ka iyo ni‑ka'nu ñuu ñayivi a
chi jin ndaka'án i ja Iya Tátnuni ma kúu Su'si,
te jin ndakokuiñi i nuu ya ma, te jin ndachiñu'u i ya.
28Vaa suu ya tátnuni ni‑ka'nu ñuu ñayivi a
ji'in ndaka tnu'u ndee tnu'u ndatnu ya ma.
29Ndaka ñayii ma ka iyo ja jin kûu i,
visi ka ni'i ka tna'a maa i ñuu ñayivi a,
kovaa ni a in i, másu kuu sa'a i ja maa i,
te koteku i ni‑kani ni‑jika.
Vaa ndaka tu'u i ndenda koo nuu Iya Tátnuni ma,
te jin ndachiñu'u i ya, vaa maa in‑ni ya tátnuni.
30Te jin ndaka'an jin ndakachi ñayii ma
nuu ndaka‑ka ñayii kenda kuee‑ka ma,
sukan‑va'a jin kunukuechi i nuu Iya Tátnuni ma.
31Te ndaka ñayii ya'a, jin ndaka'an jin ndakachi i
nuu ñayii jin kâku kuee‑ka tuku ma,
ndaka ja va'a ja ndaa sa'a Iya Tátnuni ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.