Salmos 23
23
Salmo 23
Su'si ma kúu iya jito ña'a sukan kúu tee jito ndikachi de ma
1Iya Tátnuni ma kúu iya jito vava'a ña'a
sukan jito in tee ndikachi de ma,
te ñatuu nawa ko ka'ni ña'a i ja ko kuu sa.
2Te sa'a ya ja ndatatu sa nuu kuii kuii ma,
te yu'u yute nuu jika kuee ndute ma skaka ña'a ya,
3te ndataa jaa ya tnu'u ndee tnu'u ndatnu ini anua sa ya,
te skaka ña'a ya ichi ndaa ma,
sukan‑va'a koo jayiñu'u ja nani ya ma.
4Visi na ya'a sa yuu nuu nee xeen ma nuu ka ja'ni tna'a i ma,
kovaa masu nawa koyu'u sa, vaa maa ni iyo ji'in sa, vi Su'si.
Karroti ni a ji'in yutnu xii yinda'a ni a
ka sa'a ja kúkanu ini ña'a sa.
5Yikuu ni satu'va ni ndaka ja kaa sa nuu mesa ma,
visi ka nde'ya ña'a ñayii ka kuni u'vi nuu sa ma,
te chíso ni ndute jáxiko asi xini sa ma,
te xchitu lili ni nuu ñu'u ndute ji'i sa ma.
6Ja ndaa kúu ja ndaka kivi ja koteku sa ma,
te skuta'vi ña'a ni ja va'a ja vii, vaa kúnda'vi ini ña'a ni,
te ve'e ni ma, koo sa ni‑kani ni‑jika, vi Su'si Iya Tátnuni.
Currently Selected:
Salmos 23: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
