Salmos 34
34
Salmo 34
Ñayii ka iyo va'a nuu Su'si ma chi maa ya jito vava'a ña'a
1Ndaka kivi ndimaa ndachiñu'u sa Su'si ma
ji'in ndaka ja sa'a ja kúu sa ma,
te ndimaa ko kata sa nuu maa ya.
2Ja maa ya, te iyo jayiñu'u xeen ini anua sa a
te chukan kúu ja jita sa a,
te ja jin kuniso'o ñayii inukuee ini ma, te jin koo sii ini i.
3Jín ndututu ndaka o, te jín ndachiñu'u o ya,
te ja jin ka'an jin kachi o ma kúu ja iya ka'nu xeen kúu ya.
4Ni ndanduku sa Iya Tátnuni ma,
te ni jiniso'o ya ja ni jiña'a sa ma,
te ni sa'a ya ja ni kaku sa nuu ndaka ja ni yo yu'u sa ma.
5Ndaka ñayii ni ka ndanduku ya ma
te maa in‑ni ya ka nde'ya i ma,
te ni ka ndundijin nuu i ma, te lili yu'u lili nuu i kuan koo i,
te masu nde ka kukan‑nuu i.
6Te tee nda'vi ya'a chi ni ndakune'e jajaa de Su'si Iya Tátnuni ma,
te ni jiniso'o ya ja ni jiña'a de ma,
te ni sa'a ya ja ni kaku de nuu ndaka tnundo'o tnuneni ma.
7Vaa ángel jinukuechi nuu Iya Tátnuni ma
chi ûni ndákonduu i jito vava'a i ñayii
ka kandija ja ká'an ya ma,
te ñatuu wa'a i tnu'u ja nawa sa'a ña'a
suchi ñatuu kúnimani nuu ñayii ma.
8Jin kototnuni ni, te jin kuni ni ja va'a xeen ini Su'si o
Iya Tátnuni ma.
¡Te naka va'a kúu ñayii kúkanu ini ya ma!
9Jin kandija ndija ni ja ká'an Su'si o Iya Tátnuni ma,
ndaka ni ja ñatuu‑ka na ja u'vi ka sa'a ni a,
vaa ñayii kándija ndaka ja ká'an ya ma
chi ko ni'i ko tna'a i ndaka ja jiniñu'u i ma.
10Vaa ndika'a kuechi ma chi kénda kivi
ja ñatuu ka ni'i‑ka ti ja jin kaa ti,
kovaa ñayii ka ndanduku Su'si ma
chi ndaka ja vii ja va'a ma jin ni'i i,
te ñatuu nawa ko ka'ni ña'a i.
11Ne'e koo ni, sa'ya maa sa, te jin koniniso'o ni ja ká'an sa a,
vaa káxtnu'u sa naxe jin ko ndi ini ni ja jin kandija ni
ndaka ja ká'an Su'si ma.
12¿Nde ni kúni ja koteku ni kua'a xeen kivi,
te kuni ni ja va'a ma?
13Te ko koto va'a ni yaa ni a, ja máko ka'an ni ja u'vi ma,
te ko koto va'a ni ñií yu'u ni a, ja máko xnda'vi ni ñayii ma.
14Kakayata ni nuu ja u'vi ma, te nduku ni ja sa'a ni ja va'a ma.
Nduku ni ja koo mani ni ji'in ndaka ñayii ma,
te ndimaa sukan ko sa'a ni.
15Vaa Su'si Iya Tátnuni ma chi nde'ya nde'ya‑ni ya
nuu ka iyo ñayii ka sa'a ja va'a ja ndaa ma,
te niniso'o ñukuun ya ja ka jikan‑ta'vi ka jikan‑ta'vi i
nuu ya ma.
16Kovaa Su'si Iya Tátnuni ma, ndákiti ini ya nuu ñayii
ka sa'a ja u'vi ma,
te xnaa ya i ñuu ñayivi a,
sukan‑va'a ñatuu na in ndaka'án‑ka ña'a.
17Te ñayii ka sa'a ja va'a ja ndaa ma,
ora ka ndakune'e jajaa i Su'si ma,
te niniso'o ya ja ka jiña'a i ya ma,
te sa'a ya ja jin kaku i nuu ndaka tnundo'o tnuneni
ka ndo'o ka tna'a i ma.
18Vaa iyo yatni Su'si ma ja sa'a ya ja jin kaku
ñayii ka kuxii ka kunda'vi ini ma
ja ñatuu‑ka na tnu'u kanu ini ka neva'a i ma.
19Visi kua'a xeen tnundo'o tnuneni tná'a
ñayii sa'a ja va'a ja ndaa ma,
kovaa sa'a Su'si Iya Tátnuni ma ja vivii yanduu yandoso i
nuu ndaka tnundo'o tnuneni yukan.
20Te jito vava'a ya ndaka yiki i ma, te ni‑in masu tna'nu.
21Kovaa ñayii sa'a ja u'vi ma
chi maa ja u'vi sa'a i ma ndaka'ni ña'a, te kûu i,
te ñayii ka kuni u'vi nuu ñayii ka sa'a ja va'a ja ndaa ma
chi jin ndachunaa maa i.
22Kovaa maa Su'si Iya Tátnuni ma
chi sa'a ya ja ñayii ka jinukuechi nuu ya ma
chi jin kaku anua i ma nuu ja u'vi ma,
te masu nawa jin ndachunaa i,
vaa ni ka kukanu ini i maa ya ma.
Currently Selected:
Salmos 34: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Salmos 34
34
Salmo 34
Ñayii ka iyo va'a nuu Su'si ma chi maa ya jito vava'a ña'a
1Ndaka kivi ndimaa ndachiñu'u sa Su'si ma
ji'in ndaka ja sa'a ja kúu sa ma,
te ndimaa ko kata sa nuu maa ya.
2Ja maa ya, te iyo jayiñu'u xeen ini anua sa a
te chukan kúu ja jita sa a,
te ja jin kuniso'o ñayii inukuee ini ma, te jin koo sii ini i.
3Jín ndututu ndaka o, te jín ndachiñu'u o ya,
te ja jin ka'an jin kachi o ma kúu ja iya ka'nu xeen kúu ya.
4Ni ndanduku sa Iya Tátnuni ma,
te ni jiniso'o ya ja ni jiña'a sa ma,
te ni sa'a ya ja ni kaku sa nuu ndaka ja ni yo yu'u sa ma.
5Ndaka ñayii ni ka ndanduku ya ma
te maa in‑ni ya ka nde'ya i ma,
te ni ka ndundijin nuu i ma, te lili yu'u lili nuu i kuan koo i,
te masu nde ka kukan‑nuu i.
6Te tee nda'vi ya'a chi ni ndakune'e jajaa de Su'si Iya Tátnuni ma,
te ni jiniso'o ya ja ni jiña'a de ma,
te ni sa'a ya ja ni kaku de nuu ndaka tnundo'o tnuneni ma.
7Vaa ángel jinukuechi nuu Iya Tátnuni ma
chi ûni ndákonduu i jito vava'a i ñayii
ka kandija ja ká'an ya ma,
te ñatuu wa'a i tnu'u ja nawa sa'a ña'a
suchi ñatuu kúnimani nuu ñayii ma.
8Jin kototnuni ni, te jin kuni ni ja va'a xeen ini Su'si o
Iya Tátnuni ma.
¡Te naka va'a kúu ñayii kúkanu ini ya ma!
9Jin kandija ndija ni ja ká'an Su'si o Iya Tátnuni ma,
ndaka ni ja ñatuu‑ka na ja u'vi ka sa'a ni a,
vaa ñayii kándija ndaka ja ká'an ya ma
chi ko ni'i ko tna'a i ndaka ja jiniñu'u i ma.
10Vaa ndika'a kuechi ma chi kénda kivi
ja ñatuu ka ni'i‑ka ti ja jin kaa ti,
kovaa ñayii ka ndanduku Su'si ma
chi ndaka ja vii ja va'a ma jin ni'i i,
te ñatuu nawa ko ka'ni ña'a i.
11Ne'e koo ni, sa'ya maa sa, te jin koniniso'o ni ja ká'an sa a,
vaa káxtnu'u sa naxe jin ko ndi ini ni ja jin kandija ni
ndaka ja ká'an Su'si ma.
12¿Nde ni kúni ja koteku ni kua'a xeen kivi,
te kuni ni ja va'a ma?
13Te ko koto va'a ni yaa ni a, ja máko ka'an ni ja u'vi ma,
te ko koto va'a ni ñií yu'u ni a, ja máko xnda'vi ni ñayii ma.
14Kakayata ni nuu ja u'vi ma, te nduku ni ja sa'a ni ja va'a ma.
Nduku ni ja koo mani ni ji'in ndaka ñayii ma,
te ndimaa sukan ko sa'a ni.
15Vaa Su'si Iya Tátnuni ma chi nde'ya nde'ya‑ni ya
nuu ka iyo ñayii ka sa'a ja va'a ja ndaa ma,
te niniso'o ñukuun ya ja ka jikan‑ta'vi ka jikan‑ta'vi i
nuu ya ma.
16Kovaa Su'si Iya Tátnuni ma, ndákiti ini ya nuu ñayii
ka sa'a ja u'vi ma,
te xnaa ya i ñuu ñayivi a,
sukan‑va'a ñatuu na in ndaka'án‑ka ña'a.
17Te ñayii ka sa'a ja va'a ja ndaa ma,
ora ka ndakune'e jajaa i Su'si ma,
te niniso'o ya ja ka jiña'a i ya ma,
te sa'a ya ja jin kaku i nuu ndaka tnundo'o tnuneni
ka ndo'o ka tna'a i ma.
18Vaa iyo yatni Su'si ma ja sa'a ya ja jin kaku
ñayii ka kuxii ka kunda'vi ini ma
ja ñatuu‑ka na tnu'u kanu ini ka neva'a i ma.
19Visi kua'a xeen tnundo'o tnuneni tná'a
ñayii sa'a ja va'a ja ndaa ma,
kovaa sa'a Su'si Iya Tátnuni ma ja vivii yanduu yandoso i
nuu ndaka tnundo'o tnuneni yukan.
20Te jito vava'a ya ndaka yiki i ma, te ni‑in masu tna'nu.
21Kovaa ñayii sa'a ja u'vi ma
chi maa ja u'vi sa'a i ma ndaka'ni ña'a, te kûu i,
te ñayii ka kuni u'vi nuu ñayii ka sa'a ja va'a ja ndaa ma
chi jin ndachunaa maa i.
22Kovaa maa Su'si Iya Tátnuni ma
chi sa'a ya ja ñayii ka jinukuechi nuu ya ma
chi jin kaku anua i ma nuu ja u'vi ma,
te masu nawa jin ndachunaa i,
vaa ni ka kukanu ini i maa ya ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.