Salmos 35
35
Salmo 35
Sukan kakan‑ta'vi o nuu Su'si ma ja na chindee ña'a ya te kaku o nuu ñayii ñatuu kunimani nuu o ma
1Iya Tátnuni, kanaa maa ni ji'in ñayii
ka kuni ja jin kanaa i ji'in sa ma.
Kunda'a maa ni i, te sa'a maa ni i naxe kúni ni.
2Kinda'a ni tna'a ja kasi ndee ña'a ni nuu ja u'vi ma,
te kii ni ki chindee ña'a ni.
3Te tnii ni lanza ni ma, te kanaa maa ni
ji'in ñayii ka sondikin ña'a ja jin sa'a ña'a i ja u'vi ma.
Kuña'a ni ini anua sa a:
“Ru'u ya kúu iya sa'a ja kaku ro nuu
ñayii ka kuni u'vi nuu ro ma”,
kuña'a ni.
4Ndaka maa ñayii ka kuni ja jin ka'ni ña'a i ma,
ndaka i ja ka kuni i ja jin sa'a ña'a i ja u'vi ma,
jin ndakukan‑nuu maa i, te jin ndakunu i jin nu koo i.
5Vaa ángel jinukuechi nuu Iya Tátnuni ma,
sa'a i sukan sa'a kajin yi'i ma,
ja onde jika onde jika‑nka xndava i paja ma.
Sukan sa'a i ñayii ñatuu ka kunimani nuu sa a.
6Te ichi kuan koo i ma na ndunee te ndúndi'vi,
sukan‑va'a jín ndo'o jín neni i,
vaa sondikin ña'a ángel jinukuechi nuu Iya Tátnuni ma.
7Vaa másu na kuechi sa, te ni ka ke'en‑su'va ña'a i,
te masu na kuechi sa,
te ni ka jate i in yavi ja ka kuni i ja kêe sa nkuu.
8Kovaa maa ni, vi Su'si, sa'a ni ja sanaa sanaa‑ni,
te ndénda ndaka ja u'vi ni ka jani ini i ja jin sa'a ña'a i nkuu ma,
te jín ndani'i jín ndatna'a maa i.
9Sani te ini anua sa ya
chi koo sii ini xen‑xeen i nuu Iya Tátnuni ma,
vaa maa ya kúu iya ni sa'a ja ni kaku sa ma.
10Ni‑yu'u ni‑ini sa kuña'a sa Su'si ma:
“Masu na in‑ka kúu sa'a sukan sa'a ni a, vi Iya Tátnuni,
vaa sa'a ni ja ka kaku ñayii nda'vi ka ndo'o ka neni i ma,
ja ka sa'a ka kuu ña'a ñayii ka tatnuni‑ka ma,
vaa ûni ka ndaxtandee ndi'i kuiti i
nawa ka neva'a ñayii nda'vi ma”,
kuña'a sa Su'si ma.
11Ni ka kenda koo ñayii ka skanduu yu'u ja kuu sa ma,
vaa ka kuni i ja jin sa'a ña'a i ja u'vi,
te ka jikan‑tnu'u ña'a i tna'a ja másu jini sa ma.
12Te ndaka ja va'a ni sa'a sa ma,
te ndimaa ja u'vi ka ndasa'a ña'a i,
te kúxii xeen ini sa ja sukan ka sa'a ña'a i ma.
13Vaa saña chi kivi ni ka ku'u i ma
chi ni yo kuxii xeen ini sa ja sukan ka ndo'o ka neni i ma,
te ni yo jakone'nu sa sa'ma tindayi ma,
te ñatuu ni yo jaa sa xita,
te ñatuu ni yo kuita ini anua sa ma,
ja ni yo jikan‑ta'vi, ni yo jikan‑ta'vi sa nuu ni ma
ja jin kuu i ma, vi Su'si.
14Ni yo kuxii, ni yo kunda'vi ini sa,
kuenda tnu'u ja si'i sa ma ni ji'i,
xi kuenda tnu'u ja in ñayii kétna'a xeen ini ji'in sa ma,
xi kuenda tnu'u ja in ñani sa ma ni ji'i.
15Kovaa kivi ni xtaya sa ma te ni ndo'o, ni neni sa ma
chi ndaka i ni ka ndututu, te ni ka jakundee ña'a i,
kuenda tnu'u ja in ñayii ñatuu nde ka jini i
te ñatuu nde jiniñu'u‑ka kuu sa nuu i ma,
te ûni ni ka sa'a ndeva'a ña'a i, sukan ka kuni maa i ma.
16Te ni ka xndo'o, ni ka xneni ña'a i,
te kini ka nde'ya ña'a i ja ka kiti ini i nuu sa ma.
17Iya Tátnuni, ¿na saa‑ka kivi ko ndo'o ko neni sa,
saa sa'a ni ja kaku sa nuu ñayii ya'a
ja kini ka kuu yu'u i sukan ka kuu yu'u ndika'a ma?
¿Te na saa‑ka kivi, sana sa'a ni ja kaku sa nuu i?
Vaa in‑ni jichi vee sa ñuu ñayivi a.
18Te saña chi nuu ka ndatna'a kua'a xeen ñayii ñuu maa ni a,
te ndaka'an ndakachi sa sukan va'a ini ni ma,
te ndachiñu'u ña'a sa nuu ka iyo kua'a xeen ñayii ma,
ja ndakuan‑ta'vi sa nuu ni a.
19Máko jin koo sii ini ñayii ñatuu ka kunimani nuu sa ma
ja ndó'o néni sa ma,
vaa ka skuita yu'u ka skuita nuu i nuu sa ma,
te masu na kuechi sa.
20Vaa ñatuu nde ka nduku i ja jin koo mani i
ji'in ñayii inukuee ini ma,
su'va ka ndatnu'u tna'a i ja jin ke'en‑su'va i ñayii yukan.
21Ka kayu'u ka kayu'u‑nka i ja ka jakundee ña'a i,
te ka ka'an i:
“Jin konde'ya ni, te jin kuni ni naxe kuu kuu‑nka tu
tee ka nde'ya o a”,
ka ka'an i.
22Maa ni chi jâ jini ni ndaka ja ka sa'a ka kuu ña'a i a,
vi Iya Tátnuni,
te máko kasiyu'u ni, te máko xndoo ña'a ni.
23Ndokuiñi ni, vi Iya Tátnuni, Su'si maa sa,
te sa'a ndaa ni tniñu sa a ji'in ñayii ya'a,
te chindee ña'a ni, vaa masu na kuechi sa.
24Ndaka'an maa ni naxe iyo sa nuu ni,
vi Iya Tátnuni, Su'si maa sa,
sukan iyo tnu'u ndaa tnu'u ndija ni a,
te máko jin jakundee ña'a ñayii ñatuu ka kunimani nuu sa a.
25Te máko jin kani ini i te jin ka'an i:
“Cha'a kúu ja ka ñu'u ini o ma, te jâ ni ka kundee o nuu de,
te skenaa de maa de”,
jin ka'an i.
26Ndaka maa ñayii ka kusii ini ja sukan ndó'o néni sa a,
na jin ndatna'a maa i ja kan‑nuu,
vaa ka jani ini i ja maa i ka kuu‑ka sana saña.
27Kovaa jín ndusii ini xen‑xeen maa ndaka ñayii
ka kuni ja kundee sa ma,
te jín kayu'u jín kayu'u‑ni i jín ka'an i:
“Iya Tátnuni ma, iya ka'nu xeen kúu ya,
te játna ini ya ja ñayii jinukuechi nuu ya ma, te koo va'a i”,
jín ka'an i.
28Te ndaka'an ndakachi sa ja ja ndaa ja ndija kúu ja sa'a ni a,
te nii nduu ma kata sa ja ndachiñu'u ña'a sa, vi Su'si maa sa.
Currently Selected:
Salmos 35: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Salmos 35
35
Salmo 35
Sukan kakan‑ta'vi o nuu Su'si ma ja na chindee ña'a ya te kaku o nuu ñayii ñatuu kunimani nuu o ma
1Iya Tátnuni, kanaa maa ni ji'in ñayii
ka kuni ja jin kanaa i ji'in sa ma.
Kunda'a maa ni i, te sa'a maa ni i naxe kúni ni.
2Kinda'a ni tna'a ja kasi ndee ña'a ni nuu ja u'vi ma,
te kii ni ki chindee ña'a ni.
3Te tnii ni lanza ni ma, te kanaa maa ni
ji'in ñayii ka sondikin ña'a ja jin sa'a ña'a i ja u'vi ma.
Kuña'a ni ini anua sa a:
“Ru'u ya kúu iya sa'a ja kaku ro nuu
ñayii ka kuni u'vi nuu ro ma”,
kuña'a ni.
4Ndaka maa ñayii ka kuni ja jin ka'ni ña'a i ma,
ndaka i ja ka kuni i ja jin sa'a ña'a i ja u'vi ma,
jin ndakukan‑nuu maa i, te jin ndakunu i jin nu koo i.
5Vaa ángel jinukuechi nuu Iya Tátnuni ma,
sa'a i sukan sa'a kajin yi'i ma,
ja onde jika onde jika‑nka xndava i paja ma.
Sukan sa'a i ñayii ñatuu ka kunimani nuu sa a.
6Te ichi kuan koo i ma na ndunee te ndúndi'vi,
sukan‑va'a jín ndo'o jín neni i,
vaa sondikin ña'a ángel jinukuechi nuu Iya Tátnuni ma.
7Vaa másu na kuechi sa, te ni ka ke'en‑su'va ña'a i,
te masu na kuechi sa,
te ni ka jate i in yavi ja ka kuni i ja kêe sa nkuu.
8Kovaa maa ni, vi Su'si, sa'a ni ja sanaa sanaa‑ni,
te ndénda ndaka ja u'vi ni ka jani ini i ja jin sa'a ña'a i nkuu ma,
te jín ndani'i jín ndatna'a maa i.
9Sani te ini anua sa ya
chi koo sii ini xen‑xeen i nuu Iya Tátnuni ma,
vaa maa ya kúu iya ni sa'a ja ni kaku sa ma.
10Ni‑yu'u ni‑ini sa kuña'a sa Su'si ma:
“Masu na in‑ka kúu sa'a sukan sa'a ni a, vi Iya Tátnuni,
vaa sa'a ni ja ka kaku ñayii nda'vi ka ndo'o ka neni i ma,
ja ka sa'a ka kuu ña'a ñayii ka tatnuni‑ka ma,
vaa ûni ka ndaxtandee ndi'i kuiti i
nawa ka neva'a ñayii nda'vi ma”,
kuña'a sa Su'si ma.
11Ni ka kenda koo ñayii ka skanduu yu'u ja kuu sa ma,
vaa ka kuni i ja jin sa'a ña'a i ja u'vi,
te ka jikan‑tnu'u ña'a i tna'a ja másu jini sa ma.
12Te ndaka ja va'a ni sa'a sa ma,
te ndimaa ja u'vi ka ndasa'a ña'a i,
te kúxii xeen ini sa ja sukan ka sa'a ña'a i ma.
13Vaa saña chi kivi ni ka ku'u i ma
chi ni yo kuxii xeen ini sa ja sukan ka ndo'o ka neni i ma,
te ni yo jakone'nu sa sa'ma tindayi ma,
te ñatuu ni yo jaa sa xita,
te ñatuu ni yo kuita ini anua sa ma,
ja ni yo jikan‑ta'vi, ni yo jikan‑ta'vi sa nuu ni ma
ja jin kuu i ma, vi Su'si.
14Ni yo kuxii, ni yo kunda'vi ini sa,
kuenda tnu'u ja si'i sa ma ni ji'i,
xi kuenda tnu'u ja in ñayii kétna'a xeen ini ji'in sa ma,
xi kuenda tnu'u ja in ñani sa ma ni ji'i.
15Kovaa kivi ni xtaya sa ma te ni ndo'o, ni neni sa ma
chi ndaka i ni ka ndututu, te ni ka jakundee ña'a i,
kuenda tnu'u ja in ñayii ñatuu nde ka jini i
te ñatuu nde jiniñu'u‑ka kuu sa nuu i ma,
te ûni ni ka sa'a ndeva'a ña'a i, sukan ka kuni maa i ma.
16Te ni ka xndo'o, ni ka xneni ña'a i,
te kini ka nde'ya ña'a i ja ka kiti ini i nuu sa ma.
17Iya Tátnuni, ¿na saa‑ka kivi ko ndo'o ko neni sa,
saa sa'a ni ja kaku sa nuu ñayii ya'a
ja kini ka kuu yu'u i sukan ka kuu yu'u ndika'a ma?
¿Te na saa‑ka kivi, sana sa'a ni ja kaku sa nuu i?
Vaa in‑ni jichi vee sa ñuu ñayivi a.
18Te saña chi nuu ka ndatna'a kua'a xeen ñayii ñuu maa ni a,
te ndaka'an ndakachi sa sukan va'a ini ni ma,
te ndachiñu'u ña'a sa nuu ka iyo kua'a xeen ñayii ma,
ja ndakuan‑ta'vi sa nuu ni a.
19Máko jin koo sii ini ñayii ñatuu ka kunimani nuu sa ma
ja ndó'o néni sa ma,
vaa ka skuita yu'u ka skuita nuu i nuu sa ma,
te masu na kuechi sa.
20Vaa ñatuu nde ka nduku i ja jin koo mani i
ji'in ñayii inukuee ini ma,
su'va ka ndatnu'u tna'a i ja jin ke'en‑su'va i ñayii yukan.
21Ka kayu'u ka kayu'u‑nka i ja ka jakundee ña'a i,
te ka ka'an i:
“Jin konde'ya ni, te jin kuni ni naxe kuu kuu‑nka tu
tee ka nde'ya o a”,
ka ka'an i.
22Maa ni chi jâ jini ni ndaka ja ka sa'a ka kuu ña'a i a,
vi Iya Tátnuni,
te máko kasiyu'u ni, te máko xndoo ña'a ni.
23Ndokuiñi ni, vi Iya Tátnuni, Su'si maa sa,
te sa'a ndaa ni tniñu sa a ji'in ñayii ya'a,
te chindee ña'a ni, vaa masu na kuechi sa.
24Ndaka'an maa ni naxe iyo sa nuu ni,
vi Iya Tátnuni, Su'si maa sa,
sukan iyo tnu'u ndaa tnu'u ndija ni a,
te máko jin jakundee ña'a ñayii ñatuu ka kunimani nuu sa a.
25Te máko jin kani ini i te jin ka'an i:
“Cha'a kúu ja ka ñu'u ini o ma, te jâ ni ka kundee o nuu de,
te skenaa de maa de”,
jin ka'an i.
26Ndaka maa ñayii ka kusii ini ja sukan ndó'o néni sa a,
na jin ndatna'a maa i ja kan‑nuu,
vaa ka jani ini i ja maa i ka kuu‑ka sana saña.
27Kovaa jín ndusii ini xen‑xeen maa ndaka ñayii
ka kuni ja kundee sa ma,
te jín kayu'u jín kayu'u‑ni i jín ka'an i:
“Iya Tátnuni ma, iya ka'nu xeen kúu ya,
te játna ini ya ja ñayii jinukuechi nuu ya ma, te koo va'a i”,
jín ka'an i.
28Te ndaka'an ndakachi sa ja ja ndaa ja ndija kúu ja sa'a ni a,
te nii nduu ma kata sa ja ndachiñu'u ña'a sa, vi Su'si maa sa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.