Sunda hi suma a sunuzinid’a 26
26
Paul mi väd’u zla mamba avok Agripa
1 Agripa mi de mi Paul ala: An arang lovota, ang de zla manga. Ata yi máma, Paul mi labomu, mi väd’u zla mamba ala:
2Amulâ Agripa, an nga ki furîd’a kayamba an nga tchola avorong ini á väd’u zla man nda Juif-fâ a tchugundji kanda. 3Kayam ang we zlad’a hi Juif-fîd’a tetet ki tuguyo mazid’a mi. Kayam ndata, an nga ni tchenengû, ang ve tangû, ang hum zla manda.
4Ad’u tinda kazongôn dei kahle man suma led’a ki tit man nda aduk simiyên kur Jerusalem-mba, Juif-fâ pet a we mi. 5Azi pet a wan tit manda adjeu dei, a ndak á le glangâsâ kan ala an naduk adesâ hi suma a nga tit ad’u gat mamid’a bei d’es sei nde ba na, nala, aduk adesâ hi Fariziyênina mi. 6Ki tchetchemba, an nga tchola ata yima ka sariyad’a kayam an tin hurun yam vun ma hle ma Alona mi hlum mabuyomi ngolona. 7Amulâ, ni yam vun ma hle ma andjavami ma dogo yam mbàna a tin huruzi kama, d’igi a nga kud’or Alona andjege ki falei na. Ni kayam hur ma tin máma ba, Juif-fâ a tchugun ki zlad’a kan wana. 8Ni kayam me ba, agi Juif-fâ, agi hagi gagazid’a ala Alona mi ndak á tchol suma matna akulo d’uo ge?
9Adjeu an tan nga hurun ala an le simiyê Jesus ma Nazarat-na tchod’a ngola. 10An le hina kur Jerusalem. Kid’a nglo suma ngat buzuna a han vunid’a, an tchuk suma hAlonina dangeina ngola. Ata yima azi min tchazina, an ndjak vunan ki sed’ezi mi. 11An lazi ndaka yan ablaud’a kur gongîyo suma toka hi Juif-fîna pet. An lazi kad’enga á tin vunazi yam he gagazi mazid’a. Hurun zal atazi ngola. An djobozi vunazi gak kur azì ma ngol ma dingâ mi.
Paul mi väd’u mbut hur mama
(Gol Sun SS 9.1-19; 22.6-16)
12Paul mi de kua ala: Ni hina ba, an i Damas ki mbaktumba abon ki vun ma hed’a hi nglo suma ngat buzunina. 13Amulâ, ata yima an nga kur titina, kid’a afata tchol falei d’ad’ara, an we b’od’a tcholï akulo kal b’od’a hafatid’a. B’o ndata nguyun ki suma a nga ki sed’ena. 14Ata yima ami pet pugumi kä na, an hum dela dan ki vun Hebre-na ala: Saul, Saul, ni kayam me ba, ang djobon vunan hina ge? Ad’enga ki sed’eng heî á yet vun leleuna. 15An hulong ni dum ala: Salana, angî nge ge? Salad’a mi dan ala: Ni an Jesus ma ang nga djobom vunama. 16Wani ang tchol akulo. Ni kayam ndata ba, an nde tan ndei irang á mbud’ung azong mana. Ang mba le glangâsâ kan mi suma dingâ ni nana ba, ang wan ini ge, ang mba dazi yam vama an mba ni tagangzina kua mi. 17An mba pad’ang ngei abo Juif-fâ ki suma ding suma an mba ni sunung atazina. 18Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.
Paul mi de zlad’a yam sun mamba
19Paul mi de kua ala: Kayam ndata, amulâ Agripa, an ndak á so vun vama tcholï akulo nde tam mbei iran na d’i. 20Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina. 21Ni kayam ndata ba, Juif-fâ a van kur gong nga kud’ora hAlonid’a, azi hal á tchanu. 22Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol. 23Azi dala: Mesi mba mi fe ndaka, mba mi tchol akulo avok kikidji aduk suma matna, mba mi tchi wala yam b’od’a mi Juif-fâ kandjaf suma dingâ mi.
Paul mi giget Agripa á he gagazid’a
24Kid’a Paul nga mi väd’u zla mambid’a, Festus mi de ki delem akulo ala: Paul, angî lilid’a, we mang nga heîd’a ti mbud’ung wa lilid’a.
25Wani Paul mi dum ala: Festus ma djivi ma kal teglesâ, an nga lilid’a d’i, wani an dagi ni zla d’a djivi d’a gagazid’a. 26Amulâ Agripa mi wäd’u zla ndata djivi tetet. An dum zlad’a bei mandarâ ba, an we aduk ahle ndazina vama vid’im nga d’i, kayam a lahle ndazina nga ni ngeid’a d’i. 27Amulâ Agripa, ang he gagazid’a yam zlad’a hi suma djok vun Alonid’a zu? An we ang he gagazid’a.
28 Agripa mi de mi Paul ala: Ang ar go á mbud’un kretiyêna!
29Paul mi dum ala: An nga tchen Alona le ar go d’oze sä dei pî, nga ni kayam ang hol li, wani kayam agi pet suma a humun inina, agi mbud’ugi d’igi an na, wani kur kindjing ma wana d’i.
30Amulâ azi ki ma te yamba ki Berenis ki suma a nga kaka ki sed’ezina a tchol akulo. 31Azi buzuk kei abo tu, a de tazi ala: Sa máma mi le nga vama ndak á tchid’a d’oze á dangeinina d’uo mi.
32 Agripa mi de mi Festus ala: Sa máma mi i adjï zla mamba mi Sesar adjeu d’uo ni, mi ndak á ged’a akulo.
Currently Selected:
Sunda hi suma a sunuzinid’a 26: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Sunda hi suma a sunuzinid’a 26
26
Paul mi väd’u zla mamba avok Agripa
1 Agripa mi de mi Paul ala: An arang lovota, ang de zla manga. Ata yi máma, Paul mi labomu, mi väd’u zla mamba ala:
2Amulâ Agripa, an nga ki furîd’a kayamba an nga tchola avorong ini á väd’u zla man nda Juif-fâ a tchugundji kanda. 3Kayam ang we zlad’a hi Juif-fîd’a tetet ki tuguyo mazid’a mi. Kayam ndata, an nga ni tchenengû, ang ve tangû, ang hum zla manda.
4Ad’u tinda kazongôn dei kahle man suma led’a ki tit man nda aduk simiyên kur Jerusalem-mba, Juif-fâ pet a we mi. 5Azi pet a wan tit manda adjeu dei, a ndak á le glangâsâ kan ala an naduk adesâ hi suma a nga tit ad’u gat mamid’a bei d’es sei nde ba na, nala, aduk adesâ hi Fariziyênina mi. 6Ki tchetchemba, an nga tchola ata yima ka sariyad’a kayam an tin hurun yam vun ma hle ma Alona mi hlum mabuyomi ngolona. 7Amulâ, ni yam vun ma hle ma andjavami ma dogo yam mbàna a tin huruzi kama, d’igi a nga kud’or Alona andjege ki falei na. Ni kayam hur ma tin máma ba, Juif-fâ a tchugun ki zlad’a kan wana. 8Ni kayam me ba, agi Juif-fâ, agi hagi gagazid’a ala Alona mi ndak á tchol suma matna akulo d’uo ge?
9Adjeu an tan nga hurun ala an le simiyê Jesus ma Nazarat-na tchod’a ngola. 10An le hina kur Jerusalem. Kid’a nglo suma ngat buzuna a han vunid’a, an tchuk suma hAlonina dangeina ngola. Ata yima azi min tchazina, an ndjak vunan ki sed’ezi mi. 11An lazi ndaka yan ablaud’a kur gongîyo suma toka hi Juif-fîna pet. An lazi kad’enga á tin vunazi yam he gagazi mazid’a. Hurun zal atazi ngola. An djobozi vunazi gak kur azì ma ngol ma dingâ mi.
Paul mi väd’u mbut hur mama
(Gol Sun SS 9.1-19; 22.6-16)
12Paul mi de kua ala: Ni hina ba, an i Damas ki mbaktumba abon ki vun ma hed’a hi nglo suma ngat buzunina. 13Amulâ, ata yima an nga kur titina, kid’a afata tchol falei d’ad’ara, an we b’od’a tcholï akulo kal b’od’a hafatid’a. B’o ndata nguyun ki suma a nga ki sed’ena. 14Ata yima ami pet pugumi kä na, an hum dela dan ki vun Hebre-na ala: Saul, Saul, ni kayam me ba, ang djobon vunan hina ge? Ad’enga ki sed’eng heî á yet vun leleuna. 15An hulong ni dum ala: Salana, angî nge ge? Salad’a mi dan ala: Ni an Jesus ma ang nga djobom vunama. 16Wani ang tchol akulo. Ni kayam ndata ba, an nde tan ndei irang á mbud’ung azong mana. Ang mba le glangâsâ kan mi suma dingâ ni nana ba, ang wan ini ge, ang mba dazi yam vama an mba ni tagangzina kua mi. 17An mba pad’ang ngei abo Juif-fâ ki suma ding suma an mba ni sunung atazina. 18Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.
Paul mi de zlad’a yam sun mamba
19Paul mi de kua ala: Kayam ndata, amulâ Agripa, an ndak á so vun vama tcholï akulo nde tam mbei iran na d’i. 20Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina. 21Ni kayam ndata ba, Juif-fâ a van kur gong nga kud’ora hAlonid’a, azi hal á tchanu. 22Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol. 23Azi dala: Mesi mba mi fe ndaka, mba mi tchol akulo avok kikidji aduk suma matna, mba mi tchi wala yam b’od’a mi Juif-fâ kandjaf suma dingâ mi.
Paul mi giget Agripa á he gagazid’a
24Kid’a Paul nga mi väd’u zla mambid’a, Festus mi de ki delem akulo ala: Paul, angî lilid’a, we mang nga heîd’a ti mbud’ung wa lilid’a.
25Wani Paul mi dum ala: Festus ma djivi ma kal teglesâ, an nga lilid’a d’i, wani an dagi ni zla d’a djivi d’a gagazid’a. 26Amulâ Agripa mi wäd’u zla ndata djivi tetet. An dum zlad’a bei mandarâ ba, an we aduk ahle ndazina vama vid’im nga d’i, kayam a lahle ndazina nga ni ngeid’a d’i. 27Amulâ Agripa, ang he gagazid’a yam zlad’a hi suma djok vun Alonid’a zu? An we ang he gagazid’a.
28 Agripa mi de mi Paul ala: Ang ar go á mbud’un kretiyêna!
29Paul mi dum ala: An nga tchen Alona le ar go d’oze sä dei pî, nga ni kayam ang hol li, wani kayam agi pet suma a humun inina, agi mbud’ugi d’igi an na, wani kur kindjing ma wana d’i.
30Amulâ azi ki ma te yamba ki Berenis ki suma a nga kaka ki sed’ezina a tchol akulo. 31Azi buzuk kei abo tu, a de tazi ala: Sa máma mi le nga vama ndak á tchid’a d’oze á dangeinina d’uo mi.
32 Agripa mi de mi Festus ala: Sa máma mi i adjï zla mamba mi Sesar adjeu d’uo ni, mi ndak á ged’a akulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.