Ad’u Tinda 27
27
Isak mi b’e vunam yam Jakob
1Wani Isak mi mbut mamara, iram nga we d’i, mi yi gorom ma ngolâ Esau ala: Gorona!
Esau mi humum ala: An huma!
2Isak mi dum ala: An mbut ni mamara, an we nga burun ma matna d’i. 3Ki tchetchemba, an nga ni dangû, ang yo ahle mang suma sïna, ang i nduwanda, ang tchanï azarâ, 4ang lan te ma djivi ma hurun vum heîna, ang mbandjïya; an te, an b’e vunan kang tua ba, an ni mid’a.
5Wani Rebeka ti hum zla d’a de d’a Isak mi dat mi Esau-d’a. Ata yima Esau mi i abagei á hal azureinina, 6Rebeka ti de mi Jakob ala: An hum abung mi de mi Esau ala 7mi i tchumï azarâ, mi lum te ma djivina, mam tumu, mam b’e vunam kam avok Ma didina tua ba, mi mid’a. 8Ki tchetchemba, gorona, ang humun vunanu, ang le vama an dang kama. 9Ang i aduk aho’â, ang yonï gro ahok suma djivina mbà, an mba ni le te ma djivina mabung d’igi mam min na. 10Ang im mabungû, kayam mam tumu, mi b’e vunam kang tua ba, mi mid’a.
11Jakob mi de masum ala: Esau ni sama anguvora, wani an tan nakulongôd’id’a. 12Le abun laman ini tan kla ni, mba mi wala an ni lobom mi loba, mba mi b’e vunam kan nduo, wani mba mi gan ni vuna.
13Asum mbi dum ala: Gorona, ar vun ma ge máma mi ka’î kan anu; ang hum zla manda, ang i yondjï d’oü.
14Mi i yoï ahok ndazina masumu; asum mbi le te ma djivina d’igi abum hurum vum na. 15Bugola, Rebeka ti yo baru d’a djivi d’a kala hi gorot ma ngolâ d’a nga avod’a, ti tchugut ata Jakob, gorot ma gorâ. 16Ti djinim bak gro ahok b’ogeina abom ki delem yima tumusa nga kua d’uo na, 17ti he te ma djivi ma ti lum máma abo gorotna Jakob.
18Mi im mabumu, mi yum ala: Iba!
Isak mi humum ala: Gorona, an wana! Angî nge, gorona?
19Jakob mi hulong dum ala: Ni an Esau gorong ma ngolâ, an le wa vama ang dan kama. Ang tchol akulo, ang kak kad’ungû, ang tazar ma an tchangzïna, ang b’e vunang kanu.
20Isak mi djobom ala: Gorona! Ang feï azar máma ni lara atogo hina zak ke?
Jakob mi hulong dum ala: Ma didina Alo mangâ mi handji ni mamu.
21Isak mi de mi Jakob ala: Gorona, ang hud’ï go, an lamang tangû, kayam an we na ni gagazi angî gorona Esau ko zu?
22Jakob mi hut gen abumu, abum lamam tamu, mi dala: Dela wana ni dela hi Jakob-pa, wani abona nabona hi Esau-na! 23Wani mi wum nga d’ala ni Jakob-pu d’a d’i, kayam tumusa nga del abom d’igi wiyema na. Mi b’e vunam kamu, 24mi djobom kua ala: Angî gorona Esau gagazi zu?
Mam dum ala: Â, ni anu.
25Isak mi dum ala: Gorona, ang hanïya, an tazar ma ang tchandjina, an b’e vunan kangû. Jakob mi mba ki tena mabumu, mam tumu; bugola, mi hum süm guguzlud’a, mi tche mi.
26Bugola, Isak mi dum ala: Gorona, ang hud’ï go, ang van atangû. 27Jakob mi hut gen abumu, mi vum atamu. Abum mi hizim baru mamba, mi b’e vunam kamu, mi dala: Gagazi, hisâ hi goronina mi ni d’igi asine ma Ma didina mi b’e vunam kama na. 28Ar Alona mi ge mbad’ïd’a ei akulod’a hur asinengû, andagad’a ti wulung ahlena ngola, awuna ki guguzlud’a mi. 29Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.
30Ata yima Isak mi b’e vunam yam Jakob b’ena, Jakob mi ar abumu, mi nde woi abu hina tchegem mi na, wiyema Esau mi tcholï abagei yima nduwanda, mi mba mi. 31Mi le te ma djivina, mi im mabumu, mi dum ala: Iba, ang tchol akulo, ang tazar ma an mbangzina, kayam ang b’e vunang kanu.
32Isak mi hulong dum ala: Ni ang nge ge?
Mi hulong dum ala: Ni an gorong ma ngolâ Esau.
33Isak mi nde zlaka djidjik, mi dala: Sama mban hliu azarâ adjï ni nge ge? An tum mbei avok mba manga pet da’, an b’e wa vunan kamu, mi arî sama b’e vuna kama mi.
34Kid’a Esau mi hum zla d’a ded’a habumbid’a, hurum hat ngola, mi er ad’um akulo ala: Iba, an nga ni tchenengû, ang b’e vunang kan an mi.
35Isak mi hulong dum ala: Wiyengâ mi mba, mi mbud’un iranu, mi hle wa b’e vun mangâ.
36Esau mi dala: A yum Jakob#27.36 Jakob: Nala, Ma mbut ira. nata yad’u; ni mam ba, mi mbud’un iran yam mbà. Avoka mi hle ngol manda; gola ki tchetchemba, mi hle wa b’e vun mana kua d’ei. Mi de mabum kua ala: Ang b’e vunang kan an kua d’uo zu?
37Isak mi hulong dum ala: An tinim wa ngol manga, an hum b’oziyoma abom pet a mbut azungeî mama, an hum awuna ki süm guguzlud’a mi. Gorona, an lang hi ni me d’ei ge?
38Esau mi de mabum ala: Iba, b’e vun máma ni tu go zu? Iba, ang b’e vunang kan mi. Mi nde tchina ki delem akulo.
39Isak mi hulong de mi goroma Esau ala: Ang mba ka’î woi dei kandaga d’a wul ahlena, mbad’ï d’a akulod’a mba d’i ge kua d’uo mi. 40Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.
Isak ge Jakob mi i avo hi Laban
41Esau mi ve Jakob kurum kayam b’e vun ma abum mi b’amzi kama, mi de kurum ala: Bur ma matna habuna mi ar go; kur bur máma, an mba ni tchi wiyena Jakob.
42Sana mi mba, mi de mi Rebeka zlad’a hi gorot ma ngolâ Esau-d’a. Ti yi gorot ma gorâ Jakob, ti dum ala: Gola! Wiyengâ Esau nga mi hal lovota á tchang á sä atchugulumu. 43Ki tchetchemba, gorona, ang hum zla manda; ang tchola, ang ring avo hi wiyena Laban sä Haran. 44Ang kak sä kua ndjö gak wiyengâ hurum vat tei tua, 45gak hurum b’lengâ, mi mar yam vama ang lumzina mi. Tua ba an mba ni ge sunda kang sä hî á halangû. Ni kayam me ba, agi djak bagi woi atan kur bur ma tuna ge?
46Rebeka ti de mi Isak ala: An kau wa abo akuniyôna Het groma. Le Jakob mi vatchad’a aduk gro arop suma yam andaga d’a kä wandina ni, kak man nda adigazid’a, djivi mata ni me ge?
Currently Selected:
Ad’u Tinda 27: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ad’u Tinda 27
27
Isak mi b’e vunam yam Jakob
1Wani Isak mi mbut mamara, iram nga we d’i, mi yi gorom ma ngolâ Esau ala: Gorona!
Esau mi humum ala: An huma!
2Isak mi dum ala: An mbut ni mamara, an we nga burun ma matna d’i. 3Ki tchetchemba, an nga ni dangû, ang yo ahle mang suma sïna, ang i nduwanda, ang tchanï azarâ, 4ang lan te ma djivi ma hurun vum heîna, ang mbandjïya; an te, an b’e vunan kang tua ba, an ni mid’a.
5Wani Rebeka ti hum zla d’a de d’a Isak mi dat mi Esau-d’a. Ata yima Esau mi i abagei á hal azureinina, 6Rebeka ti de mi Jakob ala: An hum abung mi de mi Esau ala 7mi i tchumï azarâ, mi lum te ma djivina, mam tumu, mam b’e vunam kam avok Ma didina tua ba, mi mid’a. 8Ki tchetchemba, gorona, ang humun vunanu, ang le vama an dang kama. 9Ang i aduk aho’â, ang yonï gro ahok suma djivina mbà, an mba ni le te ma djivina mabung d’igi mam min na. 10Ang im mabungû, kayam mam tumu, mi b’e vunam kang tua ba, mi mid’a.
11Jakob mi de masum ala: Esau ni sama anguvora, wani an tan nakulongôd’id’a. 12Le abun laman ini tan kla ni, mba mi wala an ni lobom mi loba, mba mi b’e vunam kan nduo, wani mba mi gan ni vuna.
13Asum mbi dum ala: Gorona, ar vun ma ge máma mi ka’î kan anu; ang hum zla manda, ang i yondjï d’oü.
14Mi i yoï ahok ndazina masumu; asum mbi le te ma djivina d’igi abum hurum vum na. 15Bugola, Rebeka ti yo baru d’a djivi d’a kala hi gorot ma ngolâ d’a nga avod’a, ti tchugut ata Jakob, gorot ma gorâ. 16Ti djinim bak gro ahok b’ogeina abom ki delem yima tumusa nga kua d’uo na, 17ti he te ma djivi ma ti lum máma abo gorotna Jakob.
18Mi im mabumu, mi yum ala: Iba!
Isak mi humum ala: Gorona, an wana! Angî nge, gorona?
19Jakob mi hulong dum ala: Ni an Esau gorong ma ngolâ, an le wa vama ang dan kama. Ang tchol akulo, ang kak kad’ungû, ang tazar ma an tchangzïna, ang b’e vunang kanu.
20Isak mi djobom ala: Gorona! Ang feï azar máma ni lara atogo hina zak ke?
Jakob mi hulong dum ala: Ma didina Alo mangâ mi handji ni mamu.
21Isak mi de mi Jakob ala: Gorona, ang hud’ï go, an lamang tangû, kayam an we na ni gagazi angî gorona Esau ko zu?
22Jakob mi hut gen abumu, abum lamam tamu, mi dala: Dela wana ni dela hi Jakob-pa, wani abona nabona hi Esau-na! 23Wani mi wum nga d’ala ni Jakob-pu d’a d’i, kayam tumusa nga del abom d’igi wiyema na. Mi b’e vunam kamu, 24mi djobom kua ala: Angî gorona Esau gagazi zu?
Mam dum ala: Â, ni anu.
25Isak mi dum ala: Gorona, ang hanïya, an tazar ma ang tchandjina, an b’e vunan kangû. Jakob mi mba ki tena mabumu, mam tumu; bugola, mi hum süm guguzlud’a, mi tche mi.
26Bugola, Isak mi dum ala: Gorona, ang hud’ï go, ang van atangû. 27Jakob mi hut gen abumu, mi vum atamu. Abum mi hizim baru mamba, mi b’e vunam kamu, mi dala: Gagazi, hisâ hi goronina mi ni d’igi asine ma Ma didina mi b’e vunam kama na. 28Ar Alona mi ge mbad’ïd’a ei akulod’a hur asinengû, andagad’a ti wulung ahlena ngola, awuna ki guguzlud’a mi. 29Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.
30Ata yima Isak mi b’e vunam yam Jakob b’ena, Jakob mi ar abumu, mi nde woi abu hina tchegem mi na, wiyema Esau mi tcholï abagei yima nduwanda, mi mba mi. 31Mi le te ma djivina, mi im mabumu, mi dum ala: Iba, ang tchol akulo, ang tazar ma an mbangzina, kayam ang b’e vunang kanu.
32Isak mi hulong dum ala: Ni ang nge ge?
Mi hulong dum ala: Ni an gorong ma ngolâ Esau.
33Isak mi nde zlaka djidjik, mi dala: Sama mban hliu azarâ adjï ni nge ge? An tum mbei avok mba manga pet da’, an b’e wa vunan kamu, mi arî sama b’e vuna kama mi.
34Kid’a Esau mi hum zla d’a ded’a habumbid’a, hurum hat ngola, mi er ad’um akulo ala: Iba, an nga ni tchenengû, ang b’e vunang kan an mi.
35Isak mi hulong dum ala: Wiyengâ mi mba, mi mbud’un iranu, mi hle wa b’e vun mangâ.
36Esau mi dala: A yum Jakob#27.36 Jakob: Nala, Ma mbut ira. nata yad’u; ni mam ba, mi mbud’un iran yam mbà. Avoka mi hle ngol manda; gola ki tchetchemba, mi hle wa b’e vun mana kua d’ei. Mi de mabum kua ala: Ang b’e vunang kan an kua d’uo zu?
37Isak mi hulong dum ala: An tinim wa ngol manga, an hum b’oziyoma abom pet a mbut azungeî mama, an hum awuna ki süm guguzlud’a mi. Gorona, an lang hi ni me d’ei ge?
38Esau mi de mabum ala: Iba, b’e vun máma ni tu go zu? Iba, ang b’e vunang kan mi. Mi nde tchina ki delem akulo.
39Isak mi hulong de mi goroma Esau ala: Ang mba ka’î woi dei kandaga d’a wul ahlena, mbad’ï d’a akulod’a mba d’i ge kua d’uo mi. 40Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.
Isak ge Jakob mi i avo hi Laban
41Esau mi ve Jakob kurum kayam b’e vun ma abum mi b’amzi kama, mi de kurum ala: Bur ma matna habuna mi ar go; kur bur máma, an mba ni tchi wiyena Jakob.
42Sana mi mba, mi de mi Rebeka zlad’a hi gorot ma ngolâ Esau-d’a. Ti yi gorot ma gorâ Jakob, ti dum ala: Gola! Wiyengâ Esau nga mi hal lovota á tchang á sä atchugulumu. 43Ki tchetchemba, gorona, ang hum zla manda; ang tchola, ang ring avo hi wiyena Laban sä Haran. 44Ang kak sä kua ndjö gak wiyengâ hurum vat tei tua, 45gak hurum b’lengâ, mi mar yam vama ang lumzina mi. Tua ba an mba ni ge sunda kang sä hî á halangû. Ni kayam me ba, agi djak bagi woi atan kur bur ma tuna ge?
46Rebeka ti de mi Isak ala: An kau wa abo akuniyôna Het groma. Le Jakob mi vatchad’a aduk gro arop suma yam andaga d’a kä wandina ni, kak man nda adigazid’a, djivi mata ni me ge?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.