Ad’u Tinda 28
28
1Isak mi yi Jakob, mi b’e vunam kamu, mi gad’am ala: Ang vatchad’a aduk gro arop suma Kanan-na d’i. 2Ang tchola, ang i Padan-Aram avo hasung abut Betuwel, ang veï atchad’a kua aduk asung wiyetna Laban groma. 3Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ. 4Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba. 5Isak mi ge Jakob ala mi i Padan-Aram avo hi Laban Betuwel ma Aram-ma goroma; mam mi Rebeka wiyetna, ndat ni Jakob azi ki Esau asuziya.
Esau mi vatcha d’a dinga
6Esau mi wala Isak mi b’e vunam yam Jakob, mi sunum wa Padan-Aram ala mi veï atchad’a sä kua. Mi hum kua ala ata yima mi b’e vunam kama mi gad’am ala: Ang vatchad’a aduk gro arop suma Kanan-na d’i, 7wani Jakob mi hum vun abum kasumu, mi i Padan-Aram. 8Kayam ndata, Esau mi wala gro arop suma Kanan-na a nga djivi ir abum mbi, 9mi i mi ve Ismael Abraham goroma goromba Mahalat Nebayot wiyemba atchad’a, mi gat aduk amiyôma.
Alona nde tam mbei ir Jakob
10Jakob mi tchol avo Berseba á i Haran. 11Mi mbaza ata yima dingâ tu, mi bur kua, kayam afata nigimu. Mi hlahinad’a, mi d’igal yam kad’u, mi bur ata yi máma. 12Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma. 13Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû. 14Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet. 15An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.
16Jakob mi zlit akulo kur sena, mi dala: Gagazi, Ma didina mi nga ka hî, an we nga d’i. 17Mi le mandarâ, mi dala: Yi máma ni yima mandarâ; gagazi, nazina hAlonina, ni vun azì ma akulona mi.
18Jakob mi tchol akulo yorogo tcholol, mi hlahina d’a mam d’igal yam kata, mi tinit akulo kad’ut á ge humba, mi vot mbulâ kad’u, mi tinit irat vat yam Alona. 19Mi yi yi máma ala Betel#28.19 Betel: Ki vun Hebre-na, nala, Azina hAlonina.. Adjeu a yi yi máma ala Lus.
20Jakob mi hle vunam mi dala: Le Alona mi nga ki sed’enu, mi ngomon kur tit manda, mi han tena, mi han baru d’a tchuka, 21le an hulongî avo habun ki lafiya ni, ata yi máma Ma didina mba mi arî Alo mana. 22Ahina d’a an tinit akulo kad’ut á ge humba wanda mba d’i mbut ni gonga hAlonid’a. Ahlena pet suma mam mba mi handjina, dogo an mba ni pad’am tu, dogo an mba ni pad’am tu.
Currently Selected:
Ad’u Tinda 28: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ad’u Tinda 28
28
1Isak mi yi Jakob, mi b’e vunam kamu, mi gad’am ala: Ang vatchad’a aduk gro arop suma Kanan-na d’i. 2Ang tchola, ang i Padan-Aram avo hasung abut Betuwel, ang veï atchad’a kua aduk asung wiyetna Laban groma. 3Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ. 4Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba. 5Isak mi ge Jakob ala mi i Padan-Aram avo hi Laban Betuwel ma Aram-ma goroma; mam mi Rebeka wiyetna, ndat ni Jakob azi ki Esau asuziya.
Esau mi vatcha d’a dinga
6Esau mi wala Isak mi b’e vunam yam Jakob, mi sunum wa Padan-Aram ala mi veï atchad’a sä kua. Mi hum kua ala ata yima mi b’e vunam kama mi gad’am ala: Ang vatchad’a aduk gro arop suma Kanan-na d’i, 7wani Jakob mi hum vun abum kasumu, mi i Padan-Aram. 8Kayam ndata, Esau mi wala gro arop suma Kanan-na a nga djivi ir abum mbi, 9mi i mi ve Ismael Abraham goroma goromba Mahalat Nebayot wiyemba atchad’a, mi gat aduk amiyôma.
Alona nde tam mbei ir Jakob
10Jakob mi tchol avo Berseba á i Haran. 11Mi mbaza ata yima dingâ tu, mi bur kua, kayam afata nigimu. Mi hlahinad’a, mi d’igal yam kad’u, mi bur ata yi máma. 12Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma. 13Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû. 14Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet. 15An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.
16Jakob mi zlit akulo kur sena, mi dala: Gagazi, Ma didina mi nga ka hî, an we nga d’i. 17Mi le mandarâ, mi dala: Yi máma ni yima mandarâ; gagazi, nazina hAlonina, ni vun azì ma akulona mi.
18Jakob mi tchol akulo yorogo tcholol, mi hlahina d’a mam d’igal yam kata, mi tinit akulo kad’ut á ge humba, mi vot mbulâ kad’u, mi tinit irat vat yam Alona. 19Mi yi yi máma ala Betel#28.19 Betel: Ki vun Hebre-na, nala, Azina hAlonina.. Adjeu a yi yi máma ala Lus.
20Jakob mi hle vunam mi dala: Le Alona mi nga ki sed’enu, mi ngomon kur tit manda, mi han tena, mi han baru d’a tchuka, 21le an hulongî avo habun ki lafiya ni, ata yi máma Ma didina mba mi arî Alo mana. 22Ahina d’a an tinit akulo kad’ut á ge humba wanda mba d’i mbut ni gonga hAlonid’a. Ahlena pet suma mam mba mi handjina, dogo an mba ni pad’am tu, dogo an mba ni pad’am tu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.