Ad’u Tinda 29
29
Jakob mi i avo hi Laban
1Jakob mi tchol mi i iram abo ma yorogona. 2Bur tu mi gol iram hina wani, mi we golonga nga abagei kur asinena; ades tumiyôna hindi a nga burâ kä avunad’u, kayam azi tche ni golong ndata. Ahina d’a ngola ti nga duka avunad’u. 3Ata yima azi mba kaho’â petna, a ligat ahinad’a woi avun golonga, a haho’â mbina. Bugol azi hulong ahinad’a duka avun golonga.
4Jakob mi djop suma pola ala: B’oziyona, agi ni suma lara ge?
Azi dum ala: Ami ni suma Haran-na.
5Mi djobozi kua ala: Agi wagi Laban Nahor goroma ko zu?
Azi dum ala: Ami wumu.
6Mi djobozi kua ala: Mi nga hawa ko zu?
Azi dum ala: Mi nga hawa. Gola! Goromba Rachel li djï ki tumiyô mama wana.
7Jakob mi dazi ala: Gola! Afata nga tua, nga ni ler ra tok aho’â kä d’a d’i; agi hazi mbina, agi izi tena kua.
8Azi hulong dum ala: Ami nga imi d’i gak ades aho’â mba pet tua. Le ami ligat wa ahinad’a woi avun golonga ni, ami hami aho’â mbina tua.
9Kid’a Jakob nga mi de zlad’a ki sed’ezi tua d’a, Rachel li mba ki tumiyôna habutna, kayam ndat ni d’a pola. 10Ata yima Jakob mi we Rachel ndjazum ma asuma goromba kaho’îna, mi hut go avun golonga, mi ligat ahina d’a a dugut avun golongid’a woyo, mi haho’â hi ndjazuma mbina. 11Jakob mi bet Rachel kok, mi nde tchina ki delem akulo. 12Jakob mi de mi Rachel ala: An nabuk ndjazumu, Rebeka gorotna. Ndat ti ring atogo zak, ti de mabud’u.
13Ata yima Laban mi hum zla Jakob wiyemba gorotnina, mi tchol ringâ, mi d’ugulomu, mi bed’em kok, mi mba ki sed’em avo hatamu. Jakob mi vum ad’u ahlena pet suma a lena. 14Laban mi de mi Jakob ala: Gagazi, angî aruwad’ana, angî hliwinu. Jakob mi kak avo hi Laban tilâ sop.
Jakob mi ve Lea azi ki Rachel
15Bur tu Laban mi de mi Jakob ala: Angî gorona, wani nga ata yat tala ang lan sunda hawa d’a d’i. Ang dan yam wurak mang nga ang minita.
16Wani Laban grom suma aropma nga mbà, d’a ngola a yat ala Lea, d’a gora a yat ala Rachel. 17Lea irat ta gola ni ndü, wani Rachel ti djif heî. 18Jakob hurum ve Rachel, mi de mi Laban ala: An mba ni lang sunda bizad’a kid’iziya yam gorong nga gora Rachel.
19Laban mi mina, mi dala: Djivid’a ang vat tala an hat mi sama dingâ d’a; ang kak ki sed’enu. 20Jakob mi le sunda mi Laban bizad’a kid’iziya yam Rachel; biza d’a kid’iziyad’a ti mbut ir Jakob mi d’igi bur ma kap mbàna hawa na, kayam mam hurum ve Rachel heî.
21Jakob mi de mi Laban ala: Ang han amanda, kayam bur mana ndak wa; an min vad’u. 22Laban mi le tena, mi yi suma ata yi mámina pet. 23Wani kid’a afata nik dad’a, mi ve goromba Lea, mi hat mi Jakob; Jakob mi zlap ki sed’ed’u. 24Laban mi he wei mamba Zilpa mi goromba Lea á kak wei mata.
25Kid’a yina fod’a, Jakob mi gol wani, doli ni Lea! Jakob mi de mi Laban ala: Ang lan ni me hina ge? An lang sunda ni yam Rachel luo zu? Ni kayam me ba, ang mbud’un iran nge?
26Laban mi hulong dum ala: Yam andaga mamid’a ka hî wani, sana nga mi he gorom mba gora ndjufâ avok ka ngola d’i. 27Ang le burâ kid’iziya ki d’a wanda. Bugola, an hang nga hid’a, ang mba lan sunda kat kua bizad’a kid’iziya mi.
28Jakob mi le hina mi, mi le burâ kid’iziya ki Lea; Laban mi hum Rachel. 29Laban mi he wei mamba Bilha mi goromba Rachel á kak wei mata. 30Jakob mi ge Rachel huyogomu, hurum vat ngola kal Lea. Mi le sunda mi Laban kua bizad’a kid’iziya.
Jakob groma
31Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a. 32Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.
33Ti ve wirâ kua, ti vut gor mandjufâ, ti dala: Ahâ! Ma didina mi wala ndjuvun mi noyôn ndeyo, mi han ma wana kua. Ti yum ala Simeon.
34Ti hulong ve wirâ kua, ti vut gor mandjufâ, ti dala: Ihî wani, ndjuvun mba mi reî ki sed’enu, kayam an vud’um gro andjofâ hindi. Ni kayam ndata ba, ti yum ala Levi.
35Ti ve wirâ kua, ti vut gor mandjufâ, ti dala: Ihî wani, an mba ni gile Ma didina. Ni kayam ndata ba, ti yum ala Juda. Ti ka bei vuta.
Currently Selected:
Ad’u Tinda 29: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ad’u Tinda 29
29
Jakob mi i avo hi Laban
1Jakob mi tchol mi i iram abo ma yorogona. 2Bur tu mi gol iram hina wani, mi we golonga nga abagei kur asinena; ades tumiyôna hindi a nga burâ kä avunad’u, kayam azi tche ni golong ndata. Ahina d’a ngola ti nga duka avunad’u. 3Ata yima azi mba kaho’â petna, a ligat ahinad’a woi avun golonga, a haho’â mbina. Bugol azi hulong ahinad’a duka avun golonga.
4Jakob mi djop suma pola ala: B’oziyona, agi ni suma lara ge?
Azi dum ala: Ami ni suma Haran-na.
5Mi djobozi kua ala: Agi wagi Laban Nahor goroma ko zu?
Azi dum ala: Ami wumu.
6Mi djobozi kua ala: Mi nga hawa ko zu?
Azi dum ala: Mi nga hawa. Gola! Goromba Rachel li djï ki tumiyô mama wana.
7Jakob mi dazi ala: Gola! Afata nga tua, nga ni ler ra tok aho’â kä d’a d’i; agi hazi mbina, agi izi tena kua.
8Azi hulong dum ala: Ami nga imi d’i gak ades aho’â mba pet tua. Le ami ligat wa ahinad’a woi avun golonga ni, ami hami aho’â mbina tua.
9Kid’a Jakob nga mi de zlad’a ki sed’ezi tua d’a, Rachel li mba ki tumiyôna habutna, kayam ndat ni d’a pola. 10Ata yima Jakob mi we Rachel ndjazum ma asuma goromba kaho’îna, mi hut go avun golonga, mi ligat ahina d’a a dugut avun golongid’a woyo, mi haho’â hi ndjazuma mbina. 11Jakob mi bet Rachel kok, mi nde tchina ki delem akulo. 12Jakob mi de mi Rachel ala: An nabuk ndjazumu, Rebeka gorotna. Ndat ti ring atogo zak, ti de mabud’u.
13Ata yima Laban mi hum zla Jakob wiyemba gorotnina, mi tchol ringâ, mi d’ugulomu, mi bed’em kok, mi mba ki sed’em avo hatamu. Jakob mi vum ad’u ahlena pet suma a lena. 14Laban mi de mi Jakob ala: Gagazi, angî aruwad’ana, angî hliwinu. Jakob mi kak avo hi Laban tilâ sop.
Jakob mi ve Lea azi ki Rachel
15Bur tu Laban mi de mi Jakob ala: Angî gorona, wani nga ata yat tala ang lan sunda hawa d’a d’i. Ang dan yam wurak mang nga ang minita.
16Wani Laban grom suma aropma nga mbà, d’a ngola a yat ala Lea, d’a gora a yat ala Rachel. 17Lea irat ta gola ni ndü, wani Rachel ti djif heî. 18Jakob hurum ve Rachel, mi de mi Laban ala: An mba ni lang sunda bizad’a kid’iziya yam gorong nga gora Rachel.
19Laban mi mina, mi dala: Djivid’a ang vat tala an hat mi sama dingâ d’a; ang kak ki sed’enu. 20Jakob mi le sunda mi Laban bizad’a kid’iziya yam Rachel; biza d’a kid’iziyad’a ti mbut ir Jakob mi d’igi bur ma kap mbàna hawa na, kayam mam hurum ve Rachel heî.
21Jakob mi de mi Laban ala: Ang han amanda, kayam bur mana ndak wa; an min vad’u. 22Laban mi le tena, mi yi suma ata yi mámina pet. 23Wani kid’a afata nik dad’a, mi ve goromba Lea, mi hat mi Jakob; Jakob mi zlap ki sed’ed’u. 24Laban mi he wei mamba Zilpa mi goromba Lea á kak wei mata.
25Kid’a yina fod’a, Jakob mi gol wani, doli ni Lea! Jakob mi de mi Laban ala: Ang lan ni me hina ge? An lang sunda ni yam Rachel luo zu? Ni kayam me ba, ang mbud’un iran nge?
26Laban mi hulong dum ala: Yam andaga mamid’a ka hî wani, sana nga mi he gorom mba gora ndjufâ avok ka ngola d’i. 27Ang le burâ kid’iziya ki d’a wanda. Bugola, an hang nga hid’a, ang mba lan sunda kat kua bizad’a kid’iziya mi.
28Jakob mi le hina mi, mi le burâ kid’iziya ki Lea; Laban mi hum Rachel. 29Laban mi he wei mamba Bilha mi goromba Rachel á kak wei mata. 30Jakob mi ge Rachel huyogomu, hurum vat ngola kal Lea. Mi le sunda mi Laban kua bizad’a kid’iziya.
Jakob groma
31Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a. 32Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.
33Ti ve wirâ kua, ti vut gor mandjufâ, ti dala: Ahâ! Ma didina mi wala ndjuvun mi noyôn ndeyo, mi han ma wana kua. Ti yum ala Simeon.
34Ti hulong ve wirâ kua, ti vut gor mandjufâ, ti dala: Ihî wani, ndjuvun mba mi reî ki sed’enu, kayam an vud’um gro andjofâ hindi. Ni kayam ndata ba, ti yum ala Levi.
35Ti ve wirâ kua, ti vut gor mandjufâ, ti dala: Ihî wani, an mba ni gile Ma didina. Ni kayam ndata ba, ti yum ala Juda. Ti ka bei vuta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.