Romê-na 1
1
YAM ZLAD’A KI MODO ZLAD’A
(1.1-17)
Dep pa ged’a hi Paul-la
1Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.
2Alona mi hle vunam yam Zla d’a Djivi ndata avok dei mi mam suma djok vuna, kur mbaktum mba a tinit irat vata. 3Zla d’a Djivi ndata ni yam Gorom ma a vud’um ad’u andjafâ hamulâ David-nina, 4ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina. 5Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi. 6Agi Romê suma Alona mi yagi mi mbud’ugi suma hi Jesus Christ-sâ, agi nga adigazi mi.
7An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.
Paul mi djib’er ala mi d’u suma Romê-ma
8Avok ahlena pet, an nga ni le mersi mAlo mana ki simiyê Jesus Christ kagi pet, kayam suma kur duniyad’ina pet a nga le glangâsâ yam he gagazi magid’a. 9Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi. 10An nga ni tchen Alona teteu ala le mi mina ni, mi malan lovota á iza hatagiya. 11Kayam tan nga ni lan zlezleû á wagiya, á hagi he d’a hawad’a hi Muzu’â hAloninid’a á siragi ngingring mi. 12An min heî á kak adigagiya, kayam ei wuli tei akulo kur he gagazi meid’a, nala, he gagazi magid’a ki manda mi.
13B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i. 14Balâ hi suma wed’a ki balâ hi suma bei wed’ina ki balâ hi suma ned’a ki balâ suma bei ned’ina, mi nga kanu. 15Kayam ndata, tan nga d’i lan zlezleû á tchi wal Zla d’a Djivid’a mi agi Romê-na mi.
Zla d’a Djivid’a nad’enga hAlonid’a
16Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi. 17Kayam Zla d’a Djivi ndata ti tagei woi ni nana ba, Alona mi mbut suma d’ingêr avorom ge. Ni yam he gagazid’a hol, ei ad’u tinda dei gak dabid’a, d’igi mbaktumba hAlonid’a ti de na ala: Sama mi mbut d’ingêr avok Alonina mba mi kak karid’a ni yam he gagazid’a.
SUMA PET A KID’AK KEI ATA SUTA HALONID’A
(1.18—3.20)
Zlad’a ti nga yam suma avok Alona
18Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina. 19Ahle suma suma a we kAlonina a ni woi abu pid’agï kayam Alona mi tagazizi woi tetet mi. 20Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i. 21Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi. 22A nga subur tazi ala azi ni suma ned’a, wani a mbut ni suma lilid’a. 23Azi nga subur Alo ma bei matna ba na d’i, wani a nga suburî angusa hi sama matna kaluweina kahle suma lara ge pet suma asezi fifid’ina kahle suma a dram kä na mi.
24Kayam ndata, Alona mi arazi á lahle suma ndjendjed’a kur d’od’ok mazid’a. Sum ndazina a nga lahle suma zulona aduk tazi mi. 25Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!
26Kayam ndata, Alona mi arazi kur d’od’ok mazi d’a zulona. Amiyôzina a ar zlapa hatchad’a ki mandjufîd’a woi ta, a nga zlap zlap pa ata yat tuo d’a. 27Andjofâ a le hina mi. A ar zlapa hatchad’id’a woyo, a nga ngal bibiliu kur d’od’ok mazid’a ata taziya. Andjofâ a nga lahle suma zulona ata taziya. Hina, azi tazid’a a fe wurak mazi d’a ndak yam tcho mazid’id’a.
28D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na. 29Azi ni suma lahle suma batrangâ, tchod’a, d’od’oka, murud’umba, yungôra, tchi matna, yalâ, mbut ira ki ngangata. Azi ni suma ka ad’ud’a, 30suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi. 31Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi. 32Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.
Currently Selected:
Romê-na 1: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Romê-na 1
1
YAM ZLAD’A KI MODO ZLAD’A
(1.1-17)
Dep pa ged’a hi Paul-la
1Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.
2Alona mi hle vunam yam Zla d’a Djivi ndata avok dei mi mam suma djok vuna, kur mbaktum mba a tinit irat vata. 3Zla d’a Djivi ndata ni yam Gorom ma a vud’um ad’u andjafâ hamulâ David-nina, 4ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina. 5Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi. 6Agi Romê suma Alona mi yagi mi mbud’ugi suma hi Jesus Christ-sâ, agi nga adigazi mi.
7An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.
Paul mi djib’er ala mi d’u suma Romê-ma
8Avok ahlena pet, an nga ni le mersi mAlo mana ki simiyê Jesus Christ kagi pet, kayam suma kur duniyad’ina pet a nga le glangâsâ yam he gagazi magid’a. 9Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi. 10An nga ni tchen Alona teteu ala le mi mina ni, mi malan lovota á iza hatagiya. 11Kayam tan nga ni lan zlezleû á wagiya, á hagi he d’a hawad’a hi Muzu’â hAloninid’a á siragi ngingring mi. 12An min heî á kak adigagiya, kayam ei wuli tei akulo kur he gagazi meid’a, nala, he gagazi magid’a ki manda mi.
13B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i. 14Balâ hi suma wed’a ki balâ hi suma bei wed’ina ki balâ hi suma ned’a ki balâ suma bei ned’ina, mi nga kanu. 15Kayam ndata, tan nga d’i lan zlezleû á tchi wal Zla d’a Djivid’a mi agi Romê-na mi.
Zla d’a Djivid’a nad’enga hAlonid’a
16Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi. 17Kayam Zla d’a Djivi ndata ti tagei woi ni nana ba, Alona mi mbut suma d’ingêr avorom ge. Ni yam he gagazid’a hol, ei ad’u tinda dei gak dabid’a, d’igi mbaktumba hAlonid’a ti de na ala: Sama mi mbut d’ingêr avok Alonina mba mi kak karid’a ni yam he gagazid’a.
SUMA PET A KID’AK KEI ATA SUTA HALONID’A
(1.18—3.20)
Zlad’a ti nga yam suma avok Alona
18Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina. 19Ahle suma suma a we kAlonina a ni woi abu pid’agï kayam Alona mi tagazizi woi tetet mi. 20Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i. 21Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi. 22A nga subur tazi ala azi ni suma ned’a, wani a mbut ni suma lilid’a. 23Azi nga subur Alo ma bei matna ba na d’i, wani a nga suburî angusa hi sama matna kaluweina kahle suma lara ge pet suma asezi fifid’ina kahle suma a dram kä na mi.
24Kayam ndata, Alona mi arazi á lahle suma ndjendjed’a kur d’od’ok mazid’a. Sum ndazina a nga lahle suma zulona aduk tazi mi. 25Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!
26Kayam ndata, Alona mi arazi kur d’od’ok mazi d’a zulona. Amiyôzina a ar zlapa hatchad’a ki mandjufîd’a woi ta, a nga zlap zlap pa ata yat tuo d’a. 27Andjofâ a le hina mi. A ar zlapa hatchad’id’a woyo, a nga ngal bibiliu kur d’od’ok mazid’a ata taziya. Andjofâ a nga lahle suma zulona ata taziya. Hina, azi tazid’a a fe wurak mazi d’a ndak yam tcho mazid’id’a.
28D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na. 29Azi ni suma lahle suma batrangâ, tchod’a, d’od’oka, murud’umba, yungôra, tchi matna, yalâ, mbut ira ki ngangata. Azi ni suma ka ad’ud’a, 30suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi. 31Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi. 32Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.