Romê-na Wana ni modo zla d’a kuruta
Wana ni modo zla d’a kuruta
Bizad’a tcha bugol matna hi Jesus Christ-sâ ki tchol mam mba akulo aduk suma matnid’a, Juif suma d’igi Akila ki Prisil na na (Gol Sun SS 18.2) a tin ad’u tchi wal Zla d’a Djivid’a hi Jesus Christ-sa avo Rom kur azì ma ngol ma kur leu d’a Romê-nid’ina. Ata yima Paul nga mi tchi wala kur andaga d’a Asi d’a gor ra a nga yat ini ala Turki d’a Asi-d’a, nga mi tchi wala kur ambas sa Gres-sa mi na, Tok ka avo Rom-mba ti nga da’. Alona mi yi Paul ná i ki Zla d’a Djivid’a gak avun dabid’a handagad’id’a. Ni kayam ndata ba, Paul mi nga hurum ala mam i ni Rom go d’i, mi kal gak mi i Espaî mi. Ei wei nga tetet tuo dam mi ndak vun nga hur mam ma danan ko kla. Wani yam i mamba mi b’ir mbaktumba avok mi suma Romê-na (Gol 1.7), nala, mi kretiyê suma kur azì ma ngol mámina. Adesâ hi kretiyênina tu mi nga toka avo hi Prisil azi ki Akila (Gol 16.3-5).
Kur mbaktum mamba mi vad’ud’a mi kretiyê suma avo Rom-ma yam sun nda Alona mi sunum ata andjaf suma dingîd’a á tchi wal Zla d’a Djivid’id’a. Kur mbaktum ndata ei nga wei ad’u hat mam mba zul la yiyik ka kal hat mam mba mi had’at kur mbaktum mam mba dingid’a pet. Kur sapitre d’a 1.16 mi dala: An nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.
Kretiyê Juif-fâ kandjaf suma dingâ a nga ki djib’era heî yam darigï d’a aduk tazid’a. Na ni kretiyê suma aduk andjaf suma dingîna a ndak á tit yam gata hi Juif-fîd’a gak su? Paul mi de yam zla ndata kur mbaktum mam mba mi b’irit mi suma Galat-nid’a ki d’a mi b’irit mi suma dingîd’a mi. Kur mbaktum ndata mi dala Zla d’a Djivid’a ni yam Juif-fâ kandjaf suma dingâ djak bei ka ir sa ba (1.16). Mi vad’ud’a ala ni nana ba, Alona nga mi sut sama lara ma mi ba woi ma mi tin hurum kama ge (1.18–8.39).
Bugola, Paul mi de zlad’a yam Israel suma hiu suma a nga noî á he gagazid’a yam Christ-sâ. Mi dala hina pet pî, noî mazid’a ti ndak á d’el vun nga hurâ hAlona ma yam suma mambina d’i (9.1–11.36).
Bugola, Alona mi we hohowa suma pet, Paul nga mi tchenezi á tit tit ta gagazi d’a awilid’a avok Alona (12.1–15.13).
Zla d’a dabid’a, Paul nga mi de zlad’a yam i mamba; mam tamba mi ge depa mi suma avo Rom-ma mi (15.14–16.27). t Wana ni wal mata
Yam zlad’a ki modo zlad’a 1.1-17
Suma pet a kid’ak kei ata suta hAlonid’a 1.18–3.20
Lovot ta suta hAlonid’a 3.21–4.25
Ari d’a awili d’a yam Christ-sa 5.1–8.39
Nga hurâ hAlona ma yam Israel-lîna 9.1–11.36
Tita hi kretiyênid’a 12.1–15.13
Zla d’a dabid’a ki dep pa ged’a hi Paul-la 15.14–16.27
Currently Selected:
Romê-na Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Romê-na Wana ni modo zla d’a kuruta
Wana ni modo zla d’a kuruta
Bizad’a tcha bugol matna hi Jesus Christ-sâ ki tchol mam mba akulo aduk suma matnid’a, Juif suma d’igi Akila ki Prisil na na (Gol Sun SS 18.2) a tin ad’u tchi wal Zla d’a Djivid’a hi Jesus Christ-sa avo Rom kur azì ma ngol ma kur leu d’a Romê-nid’ina. Ata yima Paul nga mi tchi wala kur andaga d’a Asi d’a gor ra a nga yat ini ala Turki d’a Asi-d’a, nga mi tchi wala kur ambas sa Gres-sa mi na, Tok ka avo Rom-mba ti nga da’. Alona mi yi Paul ná i ki Zla d’a Djivid’a gak avun dabid’a handagad’id’a. Ni kayam ndata ba, Paul mi nga hurum ala mam i ni Rom go d’i, mi kal gak mi i Espaî mi. Ei wei nga tetet tuo dam mi ndak vun nga hur mam ma danan ko kla. Wani yam i mamba mi b’ir mbaktumba avok mi suma Romê-na (Gol 1.7), nala, mi kretiyê suma kur azì ma ngol mámina. Adesâ hi kretiyênina tu mi nga toka avo hi Prisil azi ki Akila (Gol 16.3-5).
Kur mbaktum mamba mi vad’ud’a mi kretiyê suma avo Rom-ma yam sun nda Alona mi sunum ata andjaf suma dingîd’a á tchi wal Zla d’a Djivid’id’a. Kur mbaktum ndata ei nga wei ad’u hat mam mba zul la yiyik ka kal hat mam mba mi had’at kur mbaktum mam mba dingid’a pet. Kur sapitre d’a 1.16 mi dala: An nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.
Kretiyê Juif-fâ kandjaf suma dingâ a nga ki djib’era heî yam darigï d’a aduk tazid’a. Na ni kretiyê suma aduk andjaf suma dingîna a ndak á tit yam gata hi Juif-fîd’a gak su? Paul mi de yam zla ndata kur mbaktum mam mba mi b’irit mi suma Galat-nid’a ki d’a mi b’irit mi suma dingîd’a mi. Kur mbaktum ndata mi dala Zla d’a Djivid’a ni yam Juif-fâ kandjaf suma dingâ djak bei ka ir sa ba (1.16). Mi vad’ud’a ala ni nana ba, Alona nga mi sut sama lara ma mi ba woi ma mi tin hurum kama ge (1.18–8.39).
Bugola, Paul mi de zlad’a yam Israel suma hiu suma a nga noî á he gagazid’a yam Christ-sâ. Mi dala hina pet pî, noî mazid’a ti ndak á d’el vun nga hurâ hAlona ma yam suma mambina d’i (9.1–11.36).
Bugola, Alona mi we hohowa suma pet, Paul nga mi tchenezi á tit tit ta gagazi d’a awilid’a avok Alona (12.1–15.13).
Zla d’a dabid’a, Paul nga mi de zlad’a yam i mamba; mam tamba mi ge depa mi suma avo Rom-ma mi (15.14–16.27). t Wana ni wal mata
Yam zlad’a ki modo zlad’a 1.1-17
Suma pet a kid’ak kei ata suta hAlonid’a 1.18–3.20
Lovot ta suta hAlonid’a 3.21–4.25
Ari d’a awili d’a yam Christ-sa 5.1–8.39
Nga hurâ hAlona ma yam Israel-lîna 9.1–11.36
Tita hi kretiyênid’a 12.1–15.13
Zla d’a dabid’a ki dep pa ged’a hi Paul-la 15.14–16.27
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.