Kutangisa 15
15
Tjidumano tje Ndzimu na Abhuramu
1Shule kwe zwithu izwezwi, dama la Yahwe likazha kuna Abhuramu mu mbono liti, “Usitje Abhuramu, imi ndi tjivikili tjitjo, mbhayilo uwo unowobe nkulu kwazo.”
2Koga Abhuramu kashandula eti, “Tetshi wangu, She Yahwe, mowondipani? Andina mwana ngono iye unowondigala thaka ndi Eliezeri we Damasiko.” 3Ngono Abhuramu kabe eti, “Amuzondipa bana, ndizo nlanda wazwaligwa mu ng'umba yangu unowobe n'galithaka wangu.”
4Ipapo dama la Yahwe likaswika kunli liti, “Nthu iwoyu aatowobe n'galithaka uwo, koga nkololo uwo pa nyama unowokugala thaka.” 5#Baroma 4:18; Bahebheru 11:12Yahwe bakan'dusila kuzhe bakati, “Linga pezhugwi ubale nyenyedzi, ha ungatubula kudzibala.” Ipapo bakabe beti kunli, “Zwizekugwana zwizo zowobe zwingapo.”
6 #
Baroma 4:3; Bagalatiya 3:6; Jakubo 2:23 Abhuramu kagalamoyo muna Yahwe, ngono ibo bakakutola kuli ndulamo.
7Ngono bakandwa bakati, “Ndimi Yahwe bakakudusa ku Uri we Bakhaladiya kukupa shango iyeyi kuithuwa kube iyo.”
8Koga iye kati, “She Yahwe, tetshi wangu ndowoziba tjini kuti ndowoithuwa?”
9Yahwe bakati, “Zhisa pholombe ye ng'ombe ne mbudzi hadzi ne nyundo, tjimwe ne tjimwe tjazo tjibe tjina makole matatu, uzhise ne njiba ne ngurukukwana.” 10Abhuramu kabazhisila zwithu izwezwi zose, kazwiphatula na pakati ebe ebiga mbabi edzibapisa koga nyuni kasidzithubulanye. 11Ngono nyuni dzinoja nyama dzikagala pa mitumbu yadzo, koga Abhuramu kadzitata.
12 #
Jobe 4:13, 14 Kukati zhuba lingina, Abhuramu kabhakhwa nge hwope hwulu ngono zhalima linotjisa likankwididza. 13#Kufuluka 1:1-14; Mishingo 7:6Ipapo Yahwe bakati kuna Abhuramu, “Ziba kuti zwizekugwana zwizo zowobe bataya mu shango isiyazo, zowobashingila, ngono banowozwidziyidza makole ali mazana ali manna (400). 14#Kufuluka 12:40, 41; Mishingo 7:7Koga ndowoloba itjaba tjazwinoshingila, shule kwa ipapo zowobhuda ne thundu isishoma. 15Koga iwe unowofa lufu lubuya wakula ukayenda kuna botate babo. 16Zowobuya ngeno mu tjibaka tje tjizekugwana tje bunna, ngoti mbipo ye Baamori aithu ikapelela.”
17Kukati zhuba langina kwati zwititi, kukaboneka mbawula ina nthuto ne luvone ngono zwikapinda pakati kwe mbabi idzedzo. 18#Mishingo 7:5Mu zhuba ilelo Yahwe bakathama tjidumano na Abhuramu beti, “Zwizekugwana zwizo ndozwipa shango iyeyi, kudwa pa gwizi gwe Egipiti kunoti ku gwizi bukulu Yufuratesi, 19ne shango ye Bakeni ne ye Bakenize ne ye Kadimoni, 20ne ye Bahiti ne ye Baperizi ne ye Barafa 21ne ye Baamori ne ye Bakanana ne ye Bagirigashi ne ye Bajebusi.”
Currently Selected:
Kutangisa 15: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
