Kutangisa 19
19
Mbipo ye Sodoma
1Batumwa babili bakaswika ku Sodoma madekwana. Loti wakabe ali gele pa nkoba we Sodoma. Kati ebabona kamilika kubashanganidza, kakotamisa nsholo. 2Kabe eti, “Botetshi bangu, ndomukumbila, yendani ku ng'umba ye nlanda wenyu mupitshe busiku muili, mungule makumbo enyu. Mowomuka mangwana mudwilidza gwendo gwenyu.”
Koga ibo bakati, “Aa, iswi towolala mu zila.”
3Koga wakabakumbila akasimisa ngono bakayenda naye bakangina mu ng'umba iye. Kababhikila zojiwa, kabhika tjiwunga tjisina mbidzo ngono bakaja.
4Kwakati basathu bakaizela, balume be nzi iwoyo we Sodoma, bose bazhuzha ne balumetate, balume bose kusina wasala, bakakomba ng'umba iyeyo. 5#Basumikilisi 19:22-24Bakadana Loti bakati, “Bangayi balume ibaba baswikila pakuli madekwana iyawa? Ubazhise ku tili tibathame bakadzi bedu.”
6Loti kabhuda mu ng'umba kazhalila nkoba kayenda ku balume ibabo. 7Kati ku bali, “Ndomukumbila zwikamu zwangu, musithame mbipo ingapa. 8Bonani, ndina baanadi babili basathu bakaziba balume, imani ndibazhise kumuli mushinge sekwa munoda ndibo. Musithame tjimwe balume ibaba ngoti baswikila mu ng'umba yangu.”
9Koga ibo bakati, “Idwa ipapa!” Bakapapha bakati, “Nthu iwoyu uipapano se nzhi ngono wozwithama nsumikilisi! Ngwenu wali towokushinga zwakabipa kupinda tjatingabashinga.” Bakatshindika Loti bakasedzela pa dendele le ng'umba kulipkhwanya. 10Koga balume bamu ng'umba bakadusa maboko abo bakakwebela Loti mukati bakazhalila nkoba. 11#2 Bomambo 6:18Ngono bakapofupadza balume bakabe bali pa nkoba we ng'umba, bose batukunu ne bakulu, ndizo bakazwinyadza ngoambaamba beshaka nkoba.
Loti unobhuda mu Sodoma
12Ipapo balume ibabo babili bakabhuzwa Loti bakati, “Ungabo una bamwe bathu baunabo imomu kene? Bakwasha kene bakololo kene bakololokadzi kene mmwe koga mu nzi iwoyu, ubaduse mu magalo iyawa, 13ngoti tabe pejo ngolobesa magalo iyawa. Tjililo ngekwe matjinyo e bathu bawo tjabe tjikulu mbeli kwa Yahwe. Ndizo Yahwe batituma kuwoalobesa.”
14Ndizo Loti kabhuda kanodwa bakwasha babe bakabe bewolobola bakololokadzi babe kati, “Milikani mudwe mu magalo iyawa, ngoti Yahwe bapejo ngolobesa nzi iwoyu.” Koga bakwasha babe bakantola se unosoma.
15Kukati kubamba kuyedza, batumwa be kudzimu bakakulumbidza Loti beti, “Milika utole nkadzi uwo ne bakololokadzi babo babili ibaba baipapa uyende, kuti ndizo usilobe ha nzi ulobgwa shamu.” 16#2 Pita 2:7Koga Loti kanonoka, ndizo balume ibabo bakambhata nge luboko, bakabhata maboko e nkadzi uwe ne e bakololokadzi babe bakabakwebela kuzhe kwe nzi, ngobe Yahwe banhwila ngoni. 17Ngono bakati babadusila kuzhe bakabadwa bakati, “Tizhani ndizo mutjile, musitongo tjebuka shule ne kuma musitongo yita pa munoma mu lubala igogu, tizhilani ku matombo, kusajalo mowolobesiwa.”
18Ngono Loti kati ku bali, “Aa, botetshi bangu, 19bonani, nlanda wenyu manhwila ngoni, mandithamila lubu lukulu mukubakilila bupenyu gwangu. Koga andingatizhile ku matombo, ngoti mbatsha dzingadwa dzindibhata mu zila ndibe ndifa. 20Bonani nzi wouje, upejo tjose kutizhila kuuli, na iko nzi ntukununu. Imani nditizhile kuuli. Apa auteli ntukununu kene? Ndowotjila.”
21Ntumwa we kudzimu kabe eti kunli, “Kwakalulwama, tjililo tjitjo ndatjihwa, ndizo anditowokolomodza nzi wawaleba. 22Tizhilako ulibilidza, akuna tjandinowothama kuswikila waswikako.” Ndizo zina le nzi iwoyo lakabe lidang'wa kuyi Zowa.
Kulobesiwa kwe Sodoma ne Gomora
23Zhuba lakabe labhuda Loti eswika mu Zowa. 24#Matewu 10:15; 11:23, 24; Luke 10:12; 17:29; 2 Pita 2:6; Judi 1:7Ipapo Yahwe bakanisa sibabuli ne moto mu Sodoma ne Gomora kudwa kuna Yahwe kudzimu, 25ngono bakakolomodza mizi iyeyo ne nkuku wose ne bagali bose be mizi iyeyo ne zwakamela pasi. 26#Luke 17:32Koga nkadzi wa Loti wakabe ali shule kukwe katjebuka shule ngono kashanduka kabe gaa le mwenyu.
27Kukati tjimuka mangwanana Abhurahama kayenda kwaalala ali mile na Yahwe. 28Kalinga pasi ku Sodoma ne Gomora ne ntuthu wose we lubala ngono, bonani, kabona busi gumilika mu shango se busi gwe bibi. 29Ndizo kwakajalo, Ndzimu wakati ukolomodza mizi ye lubala, ukakumbula Abhurahama ukadusa Loti mu golomodzo pawakakolomodza mizi Loti yaakabe egala muili.
Budwilo gwe Bamoabu ne Baamoni
30Loti kabhuda mu Zowa kanogala ku matombo ne bakololokadzi babe babili ngoti wakabe etja kugala mu Zowa. Ndizo kagala mu guwu ne bakololokadzi babe babili. 31Nkololokadzi hwola kadwa nnung'una uwe kati, “Tate bedu bakwegula, ngono akuna nlume mu shango ungashangana naswi se kunoyitiwa mu shango yose. 32Ngating'wise tate nkumbi we zhambi tilale nabo ndizo titjengete lutshinga gwedu gusife.” 33Mu busiku igogo bakang'wisa tate babo nkumbi we zhambi ngono nkololokadzi hwola kangina kuna tate babo kalala nabo. Tate babo bakasitongo ziba kulala nabo kukwe kene kubhuda kukwe pabali.
34Tjimuka nkololokadzi hwola kadwa nnung'una uwe kati, “Bona, ndakalala na tate mu busiku gwapinda, ngatibang'wise nkumbi we zhambi muna igogu busikubo, ungine ku bali ulale nabo ndizo tidwilidze lutshinga gwedu.” 35Ndizo bakang'wisa tate babo nkumbi we zhambi muna igogo busikubo, ngono nkololokadzi ntjetjana kanolala nabo, koga bakasitongo ziba kulala kukwe ne kumuka kukwe. 36Ndizo bakololokadzi ba Loti bubili gwabo bakazwisengeswa ndi tate babo. 37Nkolokadzi hwola kawana mwana we tjilisana kantumila eti Moabu, ndiye batategulu be Bamoabu kuswikila nasi. 38Nnung'una na iyebo kawana mwana we tjilisana kantumila eti Bhenami, ndiye batategulu be Baamoni kuswikila nasi.
Currently Selected:
Kutangisa 19: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Kutangisa 19
19
Mbipo ye Sodoma
1Batumwa babili bakaswika ku Sodoma madekwana. Loti wakabe ali gele pa nkoba we Sodoma. Kati ebabona kamilika kubashanganidza, kakotamisa nsholo. 2Kabe eti, “Botetshi bangu, ndomukumbila, yendani ku ng'umba ye nlanda wenyu mupitshe busiku muili, mungule makumbo enyu. Mowomuka mangwana mudwilidza gwendo gwenyu.”
Koga ibo bakati, “Aa, iswi towolala mu zila.”
3Koga wakabakumbila akasimisa ngono bakayenda naye bakangina mu ng'umba iye. Kababhikila zojiwa, kabhika tjiwunga tjisina mbidzo ngono bakaja.
4Kwakati basathu bakaizela, balume be nzi iwoyo we Sodoma, bose bazhuzha ne balumetate, balume bose kusina wasala, bakakomba ng'umba iyeyo. 5#Basumikilisi 19:22-24Bakadana Loti bakati, “Bangayi balume ibaba baswikila pakuli madekwana iyawa? Ubazhise ku tili tibathame bakadzi bedu.”
6Loti kabhuda mu ng'umba kazhalila nkoba kayenda ku balume ibabo. 7Kati ku bali, “Ndomukumbila zwikamu zwangu, musithame mbipo ingapa. 8Bonani, ndina baanadi babili basathu bakaziba balume, imani ndibazhise kumuli mushinge sekwa munoda ndibo. Musithame tjimwe balume ibaba ngoti baswikila mu ng'umba yangu.”
9Koga ibo bakati, “Idwa ipapa!” Bakapapha bakati, “Nthu iwoyu uipapano se nzhi ngono wozwithama nsumikilisi! Ngwenu wali towokushinga zwakabipa kupinda tjatingabashinga.” Bakatshindika Loti bakasedzela pa dendele le ng'umba kulipkhwanya. 10Koga balume bamu ng'umba bakadusa maboko abo bakakwebela Loti mukati bakazhalila nkoba. 11#2 Bomambo 6:18Ngono bakapofupadza balume bakabe bali pa nkoba we ng'umba, bose batukunu ne bakulu, ndizo bakazwinyadza ngoambaamba beshaka nkoba.
Loti unobhuda mu Sodoma
12Ipapo balume ibabo babili bakabhuzwa Loti bakati, “Ungabo una bamwe bathu baunabo imomu kene? Bakwasha kene bakololo kene bakololokadzi kene mmwe koga mu nzi iwoyu, ubaduse mu magalo iyawa, 13ngoti tabe pejo ngolobesa magalo iyawa. Tjililo ngekwe matjinyo e bathu bawo tjabe tjikulu mbeli kwa Yahwe. Ndizo Yahwe batituma kuwoalobesa.”
14Ndizo Loti kabhuda kanodwa bakwasha babe bakabe bewolobola bakololokadzi babe kati, “Milikani mudwe mu magalo iyawa, ngoti Yahwe bapejo ngolobesa nzi iwoyu.” Koga bakwasha babe bakantola se unosoma.
15Kukati kubamba kuyedza, batumwa be kudzimu bakakulumbidza Loti beti, “Milika utole nkadzi uwo ne bakololokadzi babo babili ibaba baipapa uyende, kuti ndizo usilobe ha nzi ulobgwa shamu.” 16#2 Pita 2:7Koga Loti kanonoka, ndizo balume ibabo bakambhata nge luboko, bakabhata maboko e nkadzi uwe ne e bakololokadzi babe bakabakwebela kuzhe kwe nzi, ngobe Yahwe banhwila ngoni. 17Ngono bakati babadusila kuzhe bakabadwa bakati, “Tizhani ndizo mutjile, musitongo tjebuka shule ne kuma musitongo yita pa munoma mu lubala igogu, tizhilani ku matombo, kusajalo mowolobesiwa.”
18Ngono Loti kati ku bali, “Aa, botetshi bangu, 19bonani, nlanda wenyu manhwila ngoni, mandithamila lubu lukulu mukubakilila bupenyu gwangu. Koga andingatizhile ku matombo, ngoti mbatsha dzingadwa dzindibhata mu zila ndibe ndifa. 20Bonani nzi wouje, upejo tjose kutizhila kuuli, na iko nzi ntukununu. Imani nditizhile kuuli. Apa auteli ntukununu kene? Ndowotjila.”
21Ntumwa we kudzimu kabe eti kunli, “Kwakalulwama, tjililo tjitjo ndatjihwa, ndizo anditowokolomodza nzi wawaleba. 22Tizhilako ulibilidza, akuna tjandinowothama kuswikila waswikako.” Ndizo zina le nzi iwoyo lakabe lidang'wa kuyi Zowa.
Kulobesiwa kwe Sodoma ne Gomora
23Zhuba lakabe labhuda Loti eswika mu Zowa. 24#Matewu 10:15; 11:23, 24; Luke 10:12; 17:29; 2 Pita 2:6; Judi 1:7Ipapo Yahwe bakanisa sibabuli ne moto mu Sodoma ne Gomora kudwa kuna Yahwe kudzimu, 25ngono bakakolomodza mizi iyeyo ne nkuku wose ne bagali bose be mizi iyeyo ne zwakamela pasi. 26#Luke 17:32Koga nkadzi wa Loti wakabe ali shule kukwe katjebuka shule ngono kashanduka kabe gaa le mwenyu.
27Kukati tjimuka mangwanana Abhurahama kayenda kwaalala ali mile na Yahwe. 28Kalinga pasi ku Sodoma ne Gomora ne ntuthu wose we lubala ngono, bonani, kabona busi gumilika mu shango se busi gwe bibi. 29Ndizo kwakajalo, Ndzimu wakati ukolomodza mizi ye lubala, ukakumbula Abhurahama ukadusa Loti mu golomodzo pawakakolomodza mizi Loti yaakabe egala muili.
Budwilo gwe Bamoabu ne Baamoni
30Loti kabhuda mu Zowa kanogala ku matombo ne bakololokadzi babe babili ngoti wakabe etja kugala mu Zowa. Ndizo kagala mu guwu ne bakololokadzi babe babili. 31Nkololokadzi hwola kadwa nnung'una uwe kati, “Tate bedu bakwegula, ngono akuna nlume mu shango ungashangana naswi se kunoyitiwa mu shango yose. 32Ngating'wise tate nkumbi we zhambi tilale nabo ndizo titjengete lutshinga gwedu gusife.” 33Mu busiku igogo bakang'wisa tate babo nkumbi we zhambi ngono nkololokadzi hwola kangina kuna tate babo kalala nabo. Tate babo bakasitongo ziba kulala nabo kukwe kene kubhuda kukwe pabali.
34Tjimuka nkololokadzi hwola kadwa nnung'una uwe kati, “Bona, ndakalala na tate mu busiku gwapinda, ngatibang'wise nkumbi we zhambi muna igogu busikubo, ungine ku bali ulale nabo ndizo tidwilidze lutshinga gwedu.” 35Ndizo bakang'wisa tate babo nkumbi we zhambi muna igogo busikubo, ngono nkololokadzi ntjetjana kanolala nabo, koga bakasitongo ziba kulala kukwe ne kumuka kukwe. 36Ndizo bakololokadzi ba Loti bubili gwabo bakazwisengeswa ndi tate babo. 37Nkolokadzi hwola kawana mwana we tjilisana kantumila eti Moabu, ndiye batategulu be Bamoabu kuswikila nasi. 38Nnung'una na iyebo kawana mwana we tjilisana kantumila eti Bhenami, ndiye batategulu be Baamoni kuswikila nasi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.