Kutangisa 29
29
Jakubo unoswika ku nzi wa Labani
1Jakubo kadwilidza gwendo gugwe ngono kanoswika ku shango ye ku bhezhuba. 2Kati emilidza mesho kabona tshime lakazhaligwa nge bgwe gulugulu ngono kulipoteleka kulilele matanga matatu e pkhwizi ngoti dzakabe dzing'wisiwa ipapo. 3Kwakabe kuti matanga e pkhwizi asinokubungana wose, balisi bakakunguludza bgwe belidusa pa nlomo we tshime bekong'wisa pkhwizi dzabo. Kudwapo bebgwiliza bgwe mu magalo alo pa nlomo we tshime.
4Jakubo kabhuzwa balisi kati, “Modwa ngayi bakanyi kwedu?”
Ibo bakadabila beti, “Todwa ku Harani.”
5Jakubo kabe ebhuzwa eti, “Mungabe muziba Labani nkololo wa Nahori kene?”
Bakadabila beti, “Ee, tonziba.”
6Ipapo Jakubo kababhuzwa kati, “Unomukazwe kene?”
Bakashandula beti, “Unomuka. Nkololokadzi uwe Rahele wouje waswika ne pkhwizi.”
7Jakubo kabe eti, “Kutji masikati, atjithu tjikabe tjibaka tje kukubunganya zwithuwo. Ng'wisani pkhwizi mudziyise ku mafulo.”
8Bakanshandula beti, “Atingadzing'wise kuswikila matanga wose akubungana, bgwe lakunguludziwa kudwa pa nlomo we tshime. Ipapo ndiko kwatingadzing'wisa.”
9Jakubo kati atjalebeleka nabo, Rahele kaswika ne pkhwizi dza tate babe ngoti wakabe ali nlisikadzi wadzo. 10Jakubo kati ebona Rahele nkololokadzi wa Labani hazwadzi ya mmeyabe ne pkhwizi dza Labani, kayenda kakunguludza bgwe kalidusa pa nlomo we tshime kang'wisa pkhwizi dza basekulu babe. 11Ipapo Jakubo kaputa Rahele ngono kamilidza hwi kalila. 12Kabudza Rahele kati, “Imi ndi gamu la tate babo, ndi nkololo wa Ribeka.”
Rahele kalabuka kanobudza tate babe. 13Labani kati ehwa ngekwa Jakubo mwana we hazwadzi iye kalabuka kunonshanganidza. Kan'gumbatila kamputa ngono kayenda naye ku nzi uwe. Jakubo kabudza Labani zwithu izwezwi zose. 14Labani iye kandwa kati, “Iwe u gamu langu, ti lopa ling'ompela.” Jakubo kagala ipapo mwedzi wose.
Jakubo unoshingila Rahele na Liya
15Labani kadwa Jakubo kati, “Akuzolingisana kuti undishingile usina tjinokubuyila. Ndipo iyo ingabeni?” 16Labani wakabe ana bakololokadzi bali babili, hwola eyi Liya, ntjetjana eyi Rahele. 17Liya wakabe ana lidandi mu mesho, koga Rahele akabumbika zwakanaka ali mbuya.
18Jakubo wakabe eda Rahele. Ndizo kadwa Labani kati, “Ndowomushingila makole ali kutendeka mukondipa Rahele kunlobola.”
19Labani kadabila eti, “Kwakanaka kuti ndikupe iye pana kuti ndimpe mmwe nthu. Gala nami.” 20Ndizo Jakubo kashinga makole ali kutendeka kuti apiwe Rahele. Makole iyawa kanga mazhuba asi mangana koga ngoti eda Rahele.
21Ngono Jakubo kabe eti kuna Labani, “Tjindipani nkadzi wangu nditjishangana naye ngoti tjibaka tjatakadumana tje kunshingila tjapela.” 22Ndizo Labani kathama bukwe kakoka bathu be bugalo igogo. 23Koga kwakati kwabe madekwana katola nkololokadzi uwe Liya kan'yisa kuna Jakubo ngono iye kawalilana naye. 24Labani katola Zilipa nlandakadzi uwe kampa Liya nkololokadzi uwe kube nlandakadzi uwe. 25Kwakati tjimuka mangwanana Jakubo kabona kuti walala apiwa Liya. Ndizo kabe eti kuna Labani, “Ini ikoku kwamandithamila? Ndakashingila Rahele, ini manditjebela?”
26Labani kashandula eti, “Ate uli mpanga wedu kulobodza ntjetjana etangila nkuluyi. 27Pedza tshipi iyeyi ye bukwe gwa iwoyu. Ngono towokupa ntjetjana wanshingilabo mamwe makole ali kutendeka.”
28Jakubo kashinga saikoko. Kapedza tshipi ana Liya ngono Labani kampa Rahele nkololokadzi uwe kube nkadzi uwe. 29Labani katola Bhiliha nlandakadzi uwe kampa Rahele nkololokadzi uwe kube nlandakadzi uwe. 30Jakubo kashanganabo na Rahele ngono kada Rahele kupinda Liya. Jakubo kashingila Labani mamwe makole ali kutendeka.
Kuzwagwa kwe bana ba Jakubo
31Yahwe bakati bebona kuti Liya aatodiwa, bakampa mbeleko koga Rahele kabe asingawane bana. 32Liya kazwisenga kawana mwana we tjilisana. Kantumila zina kati Rubheni ngekuti wakati, “Yahwe babona kudziyila kwangu. Nlume wangu utjowondida kwazo.” 33Kazwisenga kakale kawana mwana we tjilisana ngono kabe eti, “Yahwe bahwa kuti ndoshimiwa ndizo bandipa mbisana iwoyu kakale.” Ngono kantumila kati Simiyoni. 34Kapapha kazwisenga ngono kati ewana mwana we tjilisana kati, “Ngwenu nlume wangu unowobhatana nami ngoti ndanthamila bakololo batatu.” Ndizo kantumila zina kati Levi. 35Kazwisenga kakale kawana mwana we tjilisana ngono kabe eti, “Ngwenu ndowokudza Yahwe.” Ndizo kantumila zina eti Juda. Ipapo kamisa kuwana bana.
Currently Selected:
Kutangisa 29: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Kutangisa 29
29
Jakubo unoswika ku nzi wa Labani
1Jakubo kadwilidza gwendo gugwe ngono kanoswika ku shango ye ku bhezhuba. 2Kati emilidza mesho kabona tshime lakazhaligwa nge bgwe gulugulu ngono kulipoteleka kulilele matanga matatu e pkhwizi ngoti dzakabe dzing'wisiwa ipapo. 3Kwakabe kuti matanga e pkhwizi asinokubungana wose, balisi bakakunguludza bgwe belidusa pa nlomo we tshime bekong'wisa pkhwizi dzabo. Kudwapo bebgwiliza bgwe mu magalo alo pa nlomo we tshime.
4Jakubo kabhuzwa balisi kati, “Modwa ngayi bakanyi kwedu?”
Ibo bakadabila beti, “Todwa ku Harani.”
5Jakubo kabe ebhuzwa eti, “Mungabe muziba Labani nkololo wa Nahori kene?”
Bakadabila beti, “Ee, tonziba.”
6Ipapo Jakubo kababhuzwa kati, “Unomukazwe kene?”
Bakashandula beti, “Unomuka. Nkololokadzi uwe Rahele wouje waswika ne pkhwizi.”
7Jakubo kabe eti, “Kutji masikati, atjithu tjikabe tjibaka tje kukubunganya zwithuwo. Ng'wisani pkhwizi mudziyise ku mafulo.”
8Bakanshandula beti, “Atingadzing'wise kuswikila matanga wose akubungana, bgwe lakunguludziwa kudwa pa nlomo we tshime. Ipapo ndiko kwatingadzing'wisa.”
9Jakubo kati atjalebeleka nabo, Rahele kaswika ne pkhwizi dza tate babe ngoti wakabe ali nlisikadzi wadzo. 10Jakubo kati ebona Rahele nkololokadzi wa Labani hazwadzi ya mmeyabe ne pkhwizi dza Labani, kayenda kakunguludza bgwe kalidusa pa nlomo we tshime kang'wisa pkhwizi dza basekulu babe. 11Ipapo Jakubo kaputa Rahele ngono kamilidza hwi kalila. 12Kabudza Rahele kati, “Imi ndi gamu la tate babo, ndi nkololo wa Ribeka.”
Rahele kalabuka kanobudza tate babe. 13Labani kati ehwa ngekwa Jakubo mwana we hazwadzi iye kalabuka kunonshanganidza. Kan'gumbatila kamputa ngono kayenda naye ku nzi uwe. Jakubo kabudza Labani zwithu izwezwi zose. 14Labani iye kandwa kati, “Iwe u gamu langu, ti lopa ling'ompela.” Jakubo kagala ipapo mwedzi wose.
Jakubo unoshingila Rahele na Liya
15Labani kadwa Jakubo kati, “Akuzolingisana kuti undishingile usina tjinokubuyila. Ndipo iyo ingabeni?” 16Labani wakabe ana bakololokadzi bali babili, hwola eyi Liya, ntjetjana eyi Rahele. 17Liya wakabe ana lidandi mu mesho, koga Rahele akabumbika zwakanaka ali mbuya.
18Jakubo wakabe eda Rahele. Ndizo kadwa Labani kati, “Ndowomushingila makole ali kutendeka mukondipa Rahele kunlobola.”
19Labani kadabila eti, “Kwakanaka kuti ndikupe iye pana kuti ndimpe mmwe nthu. Gala nami.” 20Ndizo Jakubo kashinga makole ali kutendeka kuti apiwe Rahele. Makole iyawa kanga mazhuba asi mangana koga ngoti eda Rahele.
21Ngono Jakubo kabe eti kuna Labani, “Tjindipani nkadzi wangu nditjishangana naye ngoti tjibaka tjatakadumana tje kunshingila tjapela.” 22Ndizo Labani kathama bukwe kakoka bathu be bugalo igogo. 23Koga kwakati kwabe madekwana katola nkololokadzi uwe Liya kan'yisa kuna Jakubo ngono iye kawalilana naye. 24Labani katola Zilipa nlandakadzi uwe kampa Liya nkololokadzi uwe kube nlandakadzi uwe. 25Kwakati tjimuka mangwanana Jakubo kabona kuti walala apiwa Liya. Ndizo kabe eti kuna Labani, “Ini ikoku kwamandithamila? Ndakashingila Rahele, ini manditjebela?”
26Labani kashandula eti, “Ate uli mpanga wedu kulobodza ntjetjana etangila nkuluyi. 27Pedza tshipi iyeyi ye bukwe gwa iwoyu. Ngono towokupa ntjetjana wanshingilabo mamwe makole ali kutendeka.”
28Jakubo kashinga saikoko. Kapedza tshipi ana Liya ngono Labani kampa Rahele nkololokadzi uwe kube nkadzi uwe. 29Labani katola Bhiliha nlandakadzi uwe kampa Rahele nkololokadzi uwe kube nlandakadzi uwe. 30Jakubo kashanganabo na Rahele ngono kada Rahele kupinda Liya. Jakubo kashingila Labani mamwe makole ali kutendeka.
Kuzwagwa kwe bana ba Jakubo
31Yahwe bakati bebona kuti Liya aatodiwa, bakampa mbeleko koga Rahele kabe asingawane bana. 32Liya kazwisenga kawana mwana we tjilisana. Kantumila zina kati Rubheni ngekuti wakati, “Yahwe babona kudziyila kwangu. Nlume wangu utjowondida kwazo.” 33Kazwisenga kakale kawana mwana we tjilisana ngono kabe eti, “Yahwe bahwa kuti ndoshimiwa ndizo bandipa mbisana iwoyu kakale.” Ngono kantumila kati Simiyoni. 34Kapapha kazwisenga ngono kati ewana mwana we tjilisana kati, “Ngwenu nlume wangu unowobhatana nami ngoti ndanthamila bakololo batatu.” Ndizo kantumila zina kati Levi. 35Kazwisenga kakale kawana mwana we tjilisana ngono kabe eti, “Ngwenu ndowokudza Yahwe.” Ndizo kantumila zina eti Juda. Ipapo kamisa kuwana bana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.