Kutangisa 35
35
Ndzimu unokombolela Jakubo ku Bhetele
1 #
Kutangisa 28:11-17
Ipapo Ndzimu ukati kuna Jakubo, “Milika uyende ku Bhetele unogalako ngono ubakile Ndzimu iwoyu wakaboneka ku kuli pawakabe utizha nkulu uwo Esau.”
2Ndizo Jakubo kadwa be nsha uwe na bose bakabe banaye kati, “Lashani midzimu yamunayo isi iyo, mu zwitjenapadze muambale zwiambalo zwipoga. 3Tofuluka ipapa toyenda ku Bhetele kwandinowobakila Ndzimu wakandihwa ukandidabila ndili mu manikano tjibeso tjinopisigwa zwibhayilo. Wakabe nami kumwe ne kumwe kwandakayenda.” 4Ndizo bakapa Jakubo midzimu yose isi iyo ne mang'ina ngono Jakubo kazwitshila kusi kwe nti nkulu we pakayengemala wa More mu Shekemu ngono bakatola gwendo.
5Bakati beyenda lutjo gwe Ndzimu gukawila mizi yose kubapoteleka ndizo kukasheta wa londa bakololo ba Jakubo. 6Jakubo ne bathu bose baakabe anabo bakaswika ku Luzi (kene Bhetele) mu shango ye Kanana. 7Kabaka tjibeso tjinopisigwa zwibhayilo ikoko katjidana eti Eli Bhetele ngoti ndipo ipapo Ndzimu pawakazwilakidza kunli paakabe etizha nkulu uwe. 8Debora nlandakadzi wa Ribeka wakatjinyikila ipapo ngono kabiganyiwa kusi kwe nti nkulu we pakayengemala ku burwa gwe Bhetele. Ukatumigwa zina kuyi, “Nti we Tjililo.”
9Jakubo wakati abuya edwa ku Padani Aramu Ndzimu ukaboneka kunli kakale ngono ukankombolela. 10#Kutangisa 32:28Ndzimu ukati kunli, “Zina lilo ndi Jakubo, koga autjowodang'wa Jakubo, zina lilo lowobe Iziraela.” Ndizo ukantumila uti Iziraela. 11#Kutangisa 17:4-8Ndzimu ukabe uti kunli, “Ndi Ndzimu Masimbawose, ibe ne mbeleko uwande. Mukuli kowobhuda zwitjaba na bomambo banowobhuda mukuli. 12Shango yandakapa Abhurahama na Isaki ndokupabo iyo, ndowobuya aipabo bana babo banozha shule kuko.” 13Ndzimu ukathubukana naye pawakalebesana naye ukayenda kudzimu. 14#Kutangisa 28:18, 19Jakubo kamisa bgwe pa bugalo gwaakalebesana ne Ndzimu paguli kalidila tjipo tje tjing'o, kalidila ne mafuta. 15Ndizo Jakubo katumila zina bugalo igogo gwakati Ndzimu ukalebeleka naye kati Bhetele.
Lufu gwa Rahele
16Bakamilidza gwendo gwabo kudwa mu Bhetele. Bakati batjithambo kuyenda ku Efurati, Rahele katangisiwa nge zwibhayo zwe kutshibama. 17Ngono wakati etshibama ali mu zwibhayo ehwa zogwadza kwazo, ntshibamisi kandwa kati, “Usitje ngoti unowobe ne mmwe mwana we tjilisana.” 18Kwakati meya iye yopela woyendila kufa ngoti wakabe efa, katumila mwana uwe kati Bhenoni koga tate babe bakantumila beti Bhenjamini#35:18 Bhenjamini: Zina ileli mu Tjihebheru lodwa kuti “nkololo we luboko gwangu gwe luji.”.
19Ndizo Rahele kafa ngono kabiganyiwa pahwunde ne zila inoyenda ku Efurati iyo inodang'wa Bhetelehema. 20Jakubo kamisa bgwe le ikumbuludzo pa ikumbu tja Rahele, kuswikila zhuba lino, bgwe ilelo lolakidza ikumbu tjitje. 21Iziraela kadwilidza gwendo gugwe kakale ngono kanobaka nshasha uwe mbeli kwe Migidala Ederi.
Bakololo ba Jakubo
(1 Zwiyitikalo 2:1-2)
22 #
Kutangisa 49:4
Kukati Iziraela atjigele mu magalo iyawo Rubheni kangina mu ng'umba na Bhiliha nkadzi ntukunu wa tate babe ngono Iziraela kahwa nge kwako. Bakololo ba Jakubo bakabe bali gumi lina mido mibili. 23Bakololo ba Liya bakabe bali bo Rubheni, mbano ya Jakubo na Simiyoni na Levi na Juda na Isakari na Zebuluni. 24Bakololo ba Rahele bakabe bali bo Josefa na Bhenjamini. 25Bakololo ba Bhiliha nlandakadzi wa Rahele bakabe bali bo Dani na Nafutali. 26Bakololo ba Zilipa nlandakadzi wa Liya bakabe bali bo Gadi na Asheri. Ibaba ndibo bakabe bali bakololo ba Jakubo baakazwala atji mu Padani Aramu.
Lufu gwa Isaki
27 #
Kutangisa 13:18
Jakubo kaswika kanyi kuna tate babe Isaki ku Mamure pejo ne Kiriyatiaribha (Heburoni) kwakatongogala Abhurahama na Isaki. 28Isaki wakatjila makole ali zana lina makole ali zhanakadzi (180), 29ngono Isaki kafa akula, akwegula. Bakololo babe Esau na Jakubo bakambiganya.
Currently Selected:
Kutangisa 35: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
