LUKAS Danɓǝ ahe
Danɓǝ ahe
Pǝ Ɓǝ'nyah ah Lukas cuu Yesu pel za ako ye pa ǝ̃ǝ za Israel na mai Masǝŋ mo faa ɓǝ ah ɓaaɓe, tǝkine pa ǝ̃ǝ za sǝr daŋ. Lukas faa Tǝ'yak Dǝɓlii ye ɗii Yesu “ka cuu Ɓǝ'nyah nyi za syakke”. Mor pǝ Ɓǝ'nyah ah Lukas kee ɓǝ Yesu mo yee syak tǝ za syak camcam pǝlli. Yesu a yee syak tǝ za ma ne suu tǝjokri, tǝ mabaidǝɓɓi, tǝ za ma ne ɓǝ swaa pǝ zahzyilli. Yesu a foo ɓǝ ɓǝǝra, a gbah jol ɓǝǝra. Ɓǝ malii maki ah mo pǝ Lukas ako ye ɓǝ laa pǝ'nyahre. Ɓǝ ah a no pǝ sapetǝr mai mo cuu ɓǝ gin Yesu wo sǝrri, so a pǝ sapetǝr ma in zah tǝlii ah mo faa ɓǝ Yesu mo kal ge coksǝŋ ta.
Dǝɓ tǝ vaŋno ma ŋwǝǝ ɗerewol Lukas ye ŋwǝǝ ɗerewol Yeɓ Zapee ta. Ɗerewol Yeɓ Zapee faa ɓǝ tǝ ɓǝ iŋ Yesu mo myah ge pel wo sǝr fahfal mo kalko ge coksǝŋ.
Ɓǝ manyeeki ah pǝlli pǝ Ɓǝ'nyah Lukas ka pǝ Ɓǝ'nyah manyeeki ah ya, tǝgbana ɓǝ ma pǝ sapetǝr 1:5–2:52; 9:51–19:27; so tǝgbana ɓǝ lǝŋ angeloi mo ɗǝǝra, ɓǝ kǝpii fan mo gera wo Yesu pǝ cok mai mo byaŋ ɓo gŋ, ɓǝ Yesu mo ge pǝ yaŋ Masǝŋ yaŋ Jerusalem ka a ne syii jemma tǝtǝl gwa ba, ɓǝ dǝɓ Samaria ma'nyahre tǝkine ɓǝ we ma muŋni.
Daga tǝtǝŋ ah ŋhaa vǝr ahe, Ɓǝ'nyah Lukas uu ɓo tǝ ɓǝ marai pǝswahe: Ɓǝ juupelle, ɓǝ Tǝ'yak Matǝdaŋdaŋ, ɓǝ yeɓ ŋwǝǝ mo joŋra ne Yesu mor gbah jol ahe, tǝkine ɓǝ rwah faɓe'.
Woŋ ah mo woŋ lǝǝ ɓo a naiko
1. Tǝtǝŋ ahe 1:1-4
2. Ɓǝ byaŋ Yohana ma joŋ baptisma ne ɓǝ joŋ dǝɓli ahe 1:5–2:52
3. Yeɓ Yohana ma joŋ baptisma 3:1-20
4. Ɓǝ Yesu mo nyiŋ baptisma tǝkine ɓǝ kǝǝ ahe 3:21–4:13
5. Yesu joŋ yeɓ sǝr Galile 4:14–9:50
6. Ɓǝ gwǝǝ ah mo ur gin sǝr Galile ŋhaa Jerusalem 9:51–19:27
7. Ɓǝ ma joŋ kǝsyil com'yak ma fahfal tǝlii ahe 19:28–23:56
8. Dǝɓlii ur gin pǝ wulli, cuu suu ah nyi zana, so kal ge coksǝŋ 2:1-53
Currently Selected:
LUKAS Danɓǝ ahe: MUAR
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.