MARIKUS 10
10
Kìɓan ki lɛ rìwɛy ɗyɛɛ ghasɛ̀n
(Mt. 19:1-12; Lk. 16:18)
1Nni Yeesus à pɛ̀sɛ̀ngà foo lɛ a kɛǹ a Zyude, à kì syàà Zyuridɛŋ. Ɓìtuu ɓi ɓum ɓi taŋzɛ̀ngà tì nyi a nyoo, à tumɛ̀n tì ɓɔ rìrèsàg lɔŋ yɛ̀ɛ àa ǹti à kìlàg. 2Fɔɔnnɛ Ɓɛ̀fàrìzyɛŋ ɓɛ yughà nyi kìfèèghrɛɛ, ɓɛ tɔg nyi lɛ: Ɓìdɔ̀gsɛna ɓis ɓi gherɛɛ nya lɛ mum à rì lɛ à nàɓ giɓ wiì? 3Nni Yeesus à ɓàkà ɓɔ lɛ: Moyis à kalìghà mìni lɛ ɓi kilag la? 4Ɓɔɔ ɓaàg nyi lɛ: Moyis à gherɛ̀ngà lɛ baŋì yɛ̀ɛ falag giy kaàtà ànɛ lɛ a ghasɛɛ rì nyi, fɔɔnnɛ ì ki nàɓ min nyi. 5Nni Yeesus à ɓàkà ɓɔ lɛ: Moyis à kpaaghà fɔlɔɔ ɓisuulɛ ɓì tèri mɛ̀rem. 6Wɔ̀lɛ a rìtumɛ̀n, yɛ̀ɛ Bɛ̀ll à kìghà ɓyom ɓìcèm, à kìghà lɛ, rì baŋì rì giɓ; 7kìɓan kiǹ kɛɛ̀ki baŋì ì ɓiì càriì lɛ rì seŋi rì jɛɛ, ì ràrɛ̀n ɓɛɛ giy; 8kìɓɛ̀ɛ̀ ki ɓum ki sug com kìfog, fɔlɔɔ nnɛ ɓɛ yiìdi ɓum ɓɛɓɛɛ̀, ɓɛ ti lɔŋ com kìfog. 9Fɔɔnnɛ mum kɛ̀ɛ ghasi com ki Bɛ̀ll à ràri. 10Yɛ̀ɛ ɓɛ kpagà a mɛɛ, nni ɓɛ̀yilàg ɓɛ tɔgtìghà Yeesus mɛ̀tɔɔ̀tɔɔgh ɓi kìɓan kiǹ. 11Nni à kpaaghà ɓɔ lɛ: I mum à nàɓi giy, à ki wɔɔti giɓ adɛŋ di à kìi fìsɔ̀mɔ̀g ɓi rìɓa ɗi lɛ rì nyi rì gil a ǹtonto. 12I giɓ a ɓèni yii à wɛy tì roàdɛŋ, di à kìi fìsɔ̀mɔ̀g.
Yeesus à màŋi ɓɔɓti ɓɛsàg
(Mt. 19:13-15; Lk. 18:15-17)
13Ɓum ɓɛ yughày Yeesus rì ɓɔɓti ɓɛsàg lɛ a kom̀ ɓɔ, wɔ̀lɛ ɓɛ̀yilàg ɓɛ nyɛɛdɛ̀n ɓumɓɛ̀n. 14Yɛ̀ɛ Yeesus à ghɛngà fɔlɔɔ, ki ɓeɓ nyi, à kpaa ɓɔ lɛ: Càrina ɓɔɔɓɔɓti ɓɛɛ yuiy a lɔ̀ŋkɛm̀ ɓisuulɛ kìlɔ̀ŋ kì Bɛ̀ll ki rì ɓisuu ɓumɓɛ ɓɛ ri yɛ̀ɛ ɓɔ. 15Ǹkalii mìni ɓi saaɗ lɛ mum ǹcèm ànɛ à ghàɓi ɓi kilɔ̀ŋ ki Bɛ̀ll fɛlɛ yɛ̀ɛ maa ŋwɔɓti, àa ɗiŋi ɓi miì. 16Fɔɔnnɛ à lɔ̀ɛ̀ɗkàkà ɓɔ, à màgì ɓɔ, ɗi a sasaghi ɓɔ ɓyàg ɓi nyòò.
Dɛli ì mum ìnɛ ì ɓaghà rì ìkum
(Mt. 19:16-30; Lk. 18:18-30)
17Yɛ̀ɛ Yeesus à pɛ̀sɛ̀ngà ɗì rìghaàgh, nni ŋwaàdɛŋ à pwaŋìghày rì mɛ̀ree, à yù nyi kì ɓaàgh mɛ̀ɗu asu, à tɔg nyi lɛ: Syeesyee à ǹɗèsàg, cɛ kɛɛ̀ki ǹghɛ̀ɛ̀sɛɛ kì kìi ɓi ɗi lɛ ǹfɔ̀n lol a cɛɓ? 18Yeesus à kpaa nyi lɛ: Ɓisuucɛ nnɛ ù reŋii mɛ̀ lɛ syeesyee à mum? Ŋwaàdɛŋ à yin syeesyee à mum di ki yìn lɛ Bɛ̀ll cɛ̀ncii. 19Ù yii ɓìdɔ̀gsɛna ɓi lɛ: Kɔ̀ɔ wey mum, kɔ̀ɔ kì fisɔ̀mɔ̀g, kɔ̀ɔ yii com ki mum, kɔ̀ɔ pwàà mum kìɓan ɓi nyoo, kɔ̀ɔ kì mum kìɓe, nyaasi soŋi ɓɛɛ̀ gaa. 20Ŋwaànɛ̀n à ɓàg nyi lɛ: Ǹɗèsàg, ǹtumɛ̀ngà rìɓèŋ ɗi ɓidɔ̀gsɛna ɓiǹ, di ǹkaka kìkeŋ ki mum. 21Nni Yeesus à seesèèghà ŋwaànɛ̀n à keesì nyi, fɔɔnnɛ à kpaaghà min nyi lɛ: Com kɛɛ̀ ka kaakaàrɛ̀n wɔ̀ kìfog, kɛɛ ri lɛ, u kɛǹ, u kaɓ ɓyom ɓyɔɔ ɓìcèm, u kaɓsi mɔ̀ɔ̀ni mɛ miì rì ɓɛ̀soghàsogha, fɔɔnnɛ ù ɓiì ɓaà rì ìkum ɓi kìlɔ̀ŋ ki aɗyòò; ajɛ̀m ìnɛn, u yu, u nɔɔ̀ti mɛ̀. 22Wɔ̀lɛ yɛ̀ɛ ŋwaànɛ̀n à wokà fɔlɔɔ, à ɓeɓsì ìsu, à pɛ̀sɛ̀n à ghaàgh rì bim, ɓisuulɛ à ɓaghà rì ìkum lɛɛ̀gwey. 23Nni Yeesus à kɛɛ̀sìghà mis ɓi ɓumɓɛ ɓɛ ɓaghà nyi jàŋbog à kpaa ɓɛ̀yilàg ɓii lɛ: Ki teèsɛɛ lɛɛ̀gwey lɛ ɓɛ̀guŋgum ɓɛɛ ɗiŋi ɓi kìlɔ̀ŋ ki Bɛ̀ll. 24Yɛ̀ɛ ɓɛ̀yilàg ɓɛ wokà fɔlɔɔ, ɓɛ kuuràg. Yeesus à ki pɛ̀si ɓìtòkì à kpaa ɓɔ lɛ: Ɓɔn ɓɛm, ki teèsɛɛ yɛ̀ɛ mɛ̀nɔ̀ɓɔ̀ lɛ mum a ɗiŋi ɓi kìlɔ̀ŋ ki aɗyoo. 25Rìɗiŋì ɗi syàmoo a ɗiŋi ɓi ɗyas ɗi bààtà, ɗi ri tì lɛ fɛnfɛn ɗì rìɗìŋì ɗi guŋgum a ɗiŋi ɓi kìlɔ̀ŋ ki aɗyoo. 26Ɓɛ̀yilàg ɓɛ kuuràkà tì lɛɛ̀gwey à cee fɔlɔɔ, ɓɛ tɔɔ̀ghtɔ̀ɔ̀ghrɛ̀n wɔɔ ɓɔ rì ɓɔ lɛ: Ghɛn yɛɛ ri min lɛ à ghɛn cɛɓ? 27Nni à pɛɓsɛ̀ngà ɓɔ à kpaa lɛ: Kìɓan kiǹ ki cee ìtèɗ wu mum, wɔ̀lɛ ɓi ɓɛg ànɛ yɛ̀ɛ Bɛ̀ll, com ki lɛ ki yaaghrɛ̀n ki yin.
28Nni Pyɛɛri à tumɛ̀ngà nyi rìkpaa lɛ: Ù ghɛɛ! ɓìsii rinìghày ɓyom ɓis ɓìcèm, tì nɔ̀ɔ̀tì wɔ̀. 29Yeesus à ɓàg lɛ: Ǹkalii mìni ɓi saaɗ lɛ, mum à yin lɛ à naŋ yì lɛ rì mɛɛ mii, rì ɓɛ̀geni, rì seŋì, rì jɛɛ, rì ɓɔn ɓii nsoò lɛ ɓìden ɓii ɓi zi ɓisu wɛ̀m, rì ɓisuu Syeesyee à Ɓɔlɛ, 30à rɔ̀ɓ lɛ à fɔ̀ni ɓi ɓi cààmɛ̀n ki ti ka ghɛghɛɓ ki miì ɓyom hɔnɗɛ̀ɗ ɓi rìkuu ɗi com ɗìcèm ɗi à nagày lɛ rì gɛ mɛɛ, ɓɛ̀geni, ɓɛ̀jɛɛ, ɓɔn, rì ɓìden ɓì zi, à ɓùtɛ̀n mɛ̀tɔɓ mɛ ɓum ɓɛɛ̀ kìki nyi miì ɓisuu righerɛ̀n, à ki teɗ cɛɓ ki fiɗyàɓ fikɔ̀ɔ̀ ɓi mɛ̀ru mɛ mɛɛ̀ yùyuiy. 31Fɔɔnnɛ ɓum lɛɛ̀gwey ɓɛ ɓɛ ɓaghà beèbɛ̀y ɓɛ ɓiì rɔ̀ɓi ajɛ̀m, ɓɛ̀roɓɛ ɓɛ ɓaghà ajɛ̀m ɓɛ syoŋ̀ bee.
Yeesus à ɓùŋdii kìɓan ki rìwu ɗii ɗì rìghèmɓɛ̀n ɗii
(Mt. 20:17-19; Lk. 18:31-34)
32Yɛ̀ɛ ɓɛ ɓaghà ɓi bee inɛ ɓi rìɓɔg a Yorisalɛm, Yeesus yɛɛ syoŋsyòŋgà ɓɔ bee. Ɓɛ̀yilàg ɓɛ ɓaghà rì mɛ̀riighrikì, nsoò ɓumɓɛ ɓɛ nɔɔ̀nɔ̀ɔ̀tìghà ɓɔ, ɓɛ rirìsìghà girig. Nni Yeesus à tekà ɓɛ̀yilàg ɓii ǹtɛ̀ɗ rì ɓɛɓɛɛ̀rɛn a dwìɗ, à tumɛ̀n ɓɔ rìkpaa ɗi ɓiɓan ɓi ɓi ri nyi ɓiì kìi. 33À kpaa ɓɔ lɛ: Ɓi ɗi tì rɛrɛrii ɗi, tì ɓɔɔgh yɛɛ lɛ a Yorisalɛm, wɔɔnnɛ ɓɛ ɓiì kàɓi Man à mum ɓi ɓyàg ɓi ɓɛpìrɛɛtìrɛ̀ ɓɛgwey rì ɓi ɓyàg ɓi ɓɛ̀rèsàg-ɓìdɔ̀gsɛna; ɓumɓɛ̀n ɓɛ ren lɛ ɓɛɛ wey nyi, ɓɛ ki ceesi nyi rì ɓumɓɛ ɓɛ yii ɓi Bɛ̀ll. 34Ɓumɓɛ̀n ɓɛ rì nyi ɓiì fengii, ɓɛ tuutùù nyì tìtyɛɛ̀ ɓi nyoo, ɓɛ ɓog nyi kìtòn, ɓɛ wey nyi, wɔ̀lɛ ajɛ̀m ì mɛ̀ru mɛraa, à rì ɓiì ghèmɓɛɛ yi a ɓìloŋ.
Kìɓan ki ɓɔn ɓɛ Zeɓede ɓɛ tɔkà Yeesus
(Mt. 20:20-28)
35Kìɓɛ̀ɛ̀ ki ɓɔn ɓɛ Zeɓede lɛ rì Zyag rì Zyaŋ ki yughà Yeesus a nyoo, ki kpaa nyi lɛ: Nɗèsàg, ti kɔ̀nkɔn lɛ u ki ɓìsi com ki tì rì ɓiì tɔɔ̀gh wɔ̀. 36Yeesus à tɔg ɓɔ lɛ: Cɛ kɛ̀ɛ ki ɓi kɔ̀nkɔn lɛ ǹki mìni? 37Ɓɛ kpaa nyi lɛ: Yɛ̀ɛ ù ɓiì ɓaà ɓi kìlàmì kɔɔ ki rikem, u gherɛn lɛ ti kɔri lɛ roànɛ wɔ̀ ɓi weèlem, roànɛ wɔ̀ ɓi kìmɛŋ. 38Yeesus à pɛ̀ɛ̀zì ɓɔ lɛ: Ɓi yii gì ɓi rikuu ɗi kiɓan ɗi ɓi tɔtɔg ɗiǹ; ɓì rì lɛ ɓì cenɛ̀n lɛ ɓi nɔ ɓeŋ ànɛ mɛ̀ ǹɗì ɓiì nɔɔ̀, nsoò lɛ ɓɛɛ ɓaɓti mìni rìkuu ɗi bàɓtis ɗi ɓɛ ri mɛ̀ ɓiì ɓàɓtii? 39Ɓɛ ɓaàg nyi lɛ: Tì rì lɛ tì cenɛ̀n. Yeesus à kpaa ɓɔ lɛ: Ki ri lɔŋ saaɗ lɛ ɓì rì ɓiì nɔɔ̀ ɓeŋ ànɛ mɛ̀ m̀ɓiì nɔɔ̀, ɓɛ ki ɓàɓti mini rìkuu ɗi bàɓtis ɗi ɓɛ ri mɛ̀ ɓiì ɓàɓtii; 40kìɓan kifog, kìɓan ki lɛ mum a kɔri mɛ̀ ɓi weèlem nsoò lɛ ɓi kìmɛŋ, ki yin kiɓan kɛm̀; mɛ̀kɔ̀ɔ̀ mɛn mɛ rì ɓisuu ɓumɓɛ mɛ ri mɛ̀ pègsɛn ɓisu wàà. 41Yɛ̀ɛ kìntɛ̀ɗ ki ɓɛyilàg kimbog ki wokà kìɓan kiǹ, mɛ̀rem maa mɛ ɓeɓtɛ̀n rì ɓɛ̀-Zyag ɓɛɛ̀ Zyaŋ. 42Nni Yeesus à reŋìghà ɓɔɔ̀cèm, à kpaa ɓɔ lɛ: Ɓì yii lɛ, ɓumbɛ ɓɛro ɓum ɓɛ ti ɓɛ regì lɛ mɛ̀fòm mɛ ɓilɔ̀ŋ ɓɛ ti ɓɛ pyengì ɓum mis rì ǹciìzɛ̀n, ɓɛ̀rɛlì-asu ɓaa, ɓɛ ceesàg gin mɔ̀ɔ rì rìlàmì ɗi ɓɔ. 43Ki ghɛɛ̀sɛɛ ɓi ki ɓaà fɔlɔɔ ɓi nyìinyìm wìn. Kìɓan kìfog, ŋwaànɛ à kɔ̀ni lɛ a ɓa ǹlàmì ɓi nyìinyìm wìn, à ghɛ̀ɛ̀sɛɛ kì ɓaà ǹkìì-kìsay a ɓɛ̀ro ɓɛmbog. 44Fɔɔnnɛ ŋwaànɛ à ɓiì kɔ̀ni lɛ a ɓa mìni ǹɗɛlì-asù, à ghɛ̀ɛ̀sɛɛ kì ɓaà ǹkpàn a mìni ɓɛ̀sɛ̀ɛ̀ ɓɛ̀cèm. 45Ɓisuulɛ Man à mum à yùghà ɓi lɛ ɓum ɓɛɛ kiki nyi ɓìsay, kìɓan kifog à yughà lɛ a say ɓisuu ɓum, à ki fa cɛɓ kii lɛ a kwèɗ ɓum lɛɛ̀gwey.
Yeesus à wɔ̀ɔ̀zii ɗyaŋɗyàŋ ànɛ lɛ Baritimee
(Mt. 20:29-34; Lk. 18:35-43)
46Nni ɓɛ kpagà a Zyeriko; yɛ̀ɛ Yeesus rì ɓɛ̀yilàg ɓii ɓɛ pɛsɛ̀ngà lɛ ɓɛɛ ghaagh ǹɗaŋ ri kìtuu ki ɓum, nni ɓɛ tanɛ̀ngà ɗyaŋɗyàŋ àdɛŋ ɗii lɛ Baritimee, man à Timee, di à kɔ̀kɔrii ɓi bèn ì kìɓàà, à lɔnlɔ̀n ɓum ɓyom. 47Yɛ̀ɛ ŋwaànɛ̀n à wokà lɛ Yeesus ànɛ a Naazarɛt yɛɛ ri ɓi rìghaàgh nni à tumɛ̀ngà nyi rìɓeràg jɛ̀ɛ̀ aɗyoo dì a kpaakpaa lɛ: Yeesus Man à Davit, wogha mɛ̀ nyìighnyìg. 48Ɓum lɛɛ̀gwey ɓɛ kpɔmdɛ̀ngà nyi lɛ a maàrɛn wɔ̀lɛ nyii teŋzìghà tì jɛ̀ɛ̀ lɛɛ̀gwey di a kpaakpaa lɛ: Man à Davit wogha mɛ̀ nyìighnyìg. 49Nni Yeesus à rɛrìghà, à kpaa ɓum lɛ: Reŋiinas̀ mɛ̀ nyi; ɓɛ̀roɓɛ̀n ɓɛ kɛǹ kì regii ɗyaŋɗyàŋ ànɛ̀n ɓɛ kpaa nyi lɛ: Tèèsi nyoo u pɛsɛn aɗyoo, nnyɛɛ̀ regi wɔ. 50Nni ɗyaŋɗyàŋ ànɛ̀n à màkà rɛ̀ŋkweɗ wìì jɛ̀m lɛghɛ̀g, à pɛ̀sɛ̀n aɗyoo lɛ fàtweɗ, à kɛ̀n yɛ̀ɛ Yeesus. 51Nni Yeesus à tɔkà nyi lɛ: U kɔ̀nkɔn lɛ ǹki wɔ̀ la? Ɗyaŋɗyaŋ à ɓàg nyi lɛ: Ràɓunì! Nkɔ̀nkɔn lɛ ǹghɛnɛ̀n tì. 52Yeesus a kpaa min nyi lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na yàà. Ŋwaànɛ̀n à ghàs kì ghɛnɛɛ, à tumɛ̀n rìnɔ̀ɔ̀tì ɗi Yeesus ɓi bee.
Currently Selected:
MARIKUS 10: BAFNT
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.
MARIKUS 10
10
Kìɓan ki lɛ rìwɛy ɗyɛɛ ghasɛ̀n
(Mt. 19:1-12; Lk. 16:18)
1Nni Yeesus à pɛ̀sɛ̀ngà foo lɛ a kɛǹ a Zyude, à kì syàà Zyuridɛŋ. Ɓìtuu ɓi ɓum ɓi taŋzɛ̀ngà tì nyi a nyoo, à tumɛ̀n tì ɓɔ rìrèsàg lɔŋ yɛ̀ɛ àa ǹti à kìlàg. 2Fɔɔnnɛ Ɓɛ̀fàrìzyɛŋ ɓɛ yughà nyi kìfèèghrɛɛ, ɓɛ tɔg nyi lɛ: Ɓìdɔ̀gsɛna ɓis ɓi gherɛɛ nya lɛ mum à rì lɛ à nàɓ giɓ wiì? 3Nni Yeesus à ɓàkà ɓɔ lɛ: Moyis à kalìghà mìni lɛ ɓi kilag la? 4Ɓɔɔ ɓaàg nyi lɛ: Moyis à gherɛ̀ngà lɛ baŋì yɛ̀ɛ falag giy kaàtà ànɛ lɛ a ghasɛɛ rì nyi, fɔɔnnɛ ì ki nàɓ min nyi. 5Nni Yeesus à ɓàkà ɓɔ lɛ: Moyis à kpaaghà fɔlɔɔ ɓisuulɛ ɓì tèri mɛ̀rem. 6Wɔ̀lɛ a rìtumɛ̀n, yɛ̀ɛ Bɛ̀ll à kìghà ɓyom ɓìcèm, à kìghà lɛ, rì baŋì rì giɓ; 7kìɓan kiǹ kɛɛ̀ki baŋì ì ɓiì càriì lɛ rì seŋi rì jɛɛ, ì ràrɛ̀n ɓɛɛ giy; 8kìɓɛ̀ɛ̀ ki ɓum ki sug com kìfog, fɔlɔɔ nnɛ ɓɛ yiìdi ɓum ɓɛɓɛɛ̀, ɓɛ ti lɔŋ com kìfog. 9Fɔɔnnɛ mum kɛ̀ɛ ghasi com ki Bɛ̀ll à ràri. 10Yɛ̀ɛ ɓɛ kpagà a mɛɛ, nni ɓɛ̀yilàg ɓɛ tɔgtìghà Yeesus mɛ̀tɔɔ̀tɔɔgh ɓi kìɓan kiǹ. 11Nni à kpaaghà ɓɔ lɛ: I mum à nàɓi giy, à ki wɔɔti giɓ adɛŋ di à kìi fìsɔ̀mɔ̀g ɓi rìɓa ɗi lɛ rì nyi rì gil a ǹtonto. 12I giɓ a ɓèni yii à wɛy tì roàdɛŋ, di à kìi fìsɔ̀mɔ̀g.
Yeesus à màŋi ɓɔɓti ɓɛsàg
(Mt. 19:13-15; Lk. 18:15-17)
13Ɓum ɓɛ yughày Yeesus rì ɓɔɓti ɓɛsàg lɛ a kom̀ ɓɔ, wɔ̀lɛ ɓɛ̀yilàg ɓɛ nyɛɛdɛ̀n ɓumɓɛ̀n. 14Yɛ̀ɛ Yeesus à ghɛngà fɔlɔɔ, ki ɓeɓ nyi, à kpaa ɓɔ lɛ: Càrina ɓɔɔɓɔɓti ɓɛɛ yuiy a lɔ̀ŋkɛm̀ ɓisuulɛ kìlɔ̀ŋ kì Bɛ̀ll ki rì ɓisuu ɓumɓɛ ɓɛ ri yɛ̀ɛ ɓɔ. 15Ǹkalii mìni ɓi saaɗ lɛ mum ǹcèm ànɛ à ghàɓi ɓi kilɔ̀ŋ ki Bɛ̀ll fɛlɛ yɛ̀ɛ maa ŋwɔɓti, àa ɗiŋi ɓi miì. 16Fɔɔnnɛ à lɔ̀ɛ̀ɗkàkà ɓɔ, à màgì ɓɔ, ɗi a sasaghi ɓɔ ɓyàg ɓi nyòò.
Dɛli ì mum ìnɛ ì ɓaghà rì ìkum
(Mt. 19:16-30; Lk. 18:18-30)
17Yɛ̀ɛ Yeesus à pɛ̀sɛ̀ngà ɗì rìghaàgh, nni ŋwaàdɛŋ à pwaŋìghày rì mɛ̀ree, à yù nyi kì ɓaàgh mɛ̀ɗu asu, à tɔg nyi lɛ: Syeesyee à ǹɗèsàg, cɛ kɛɛ̀ki ǹghɛ̀ɛ̀sɛɛ kì kìi ɓi ɗi lɛ ǹfɔ̀n lol a cɛɓ? 18Yeesus à kpaa nyi lɛ: Ɓisuucɛ nnɛ ù reŋii mɛ̀ lɛ syeesyee à mum? Ŋwaàdɛŋ à yin syeesyee à mum di ki yìn lɛ Bɛ̀ll cɛ̀ncii. 19Ù yii ɓìdɔ̀gsɛna ɓi lɛ: Kɔ̀ɔ wey mum, kɔ̀ɔ kì fisɔ̀mɔ̀g, kɔ̀ɔ yii com ki mum, kɔ̀ɔ pwàà mum kìɓan ɓi nyoo, kɔ̀ɔ kì mum kìɓe, nyaasi soŋi ɓɛɛ̀ gaa. 20Ŋwaànɛ̀n à ɓàg nyi lɛ: Ǹɗèsàg, ǹtumɛ̀ngà rìɓèŋ ɗi ɓidɔ̀gsɛna ɓiǹ, di ǹkaka kìkeŋ ki mum. 21Nni Yeesus à seesèèghà ŋwaànɛ̀n à keesì nyi, fɔɔnnɛ à kpaaghà min nyi lɛ: Com kɛɛ̀ ka kaakaàrɛ̀n wɔ̀ kìfog, kɛɛ ri lɛ, u kɛǹ, u kaɓ ɓyom ɓyɔɔ ɓìcèm, u kaɓsi mɔ̀ɔ̀ni mɛ miì rì ɓɛ̀soghàsogha, fɔɔnnɛ ù ɓiì ɓaà rì ìkum ɓi kìlɔ̀ŋ ki aɗyòò; ajɛ̀m ìnɛn, u yu, u nɔɔ̀ti mɛ̀. 22Wɔ̀lɛ yɛ̀ɛ ŋwaànɛ̀n à wokà fɔlɔɔ, à ɓeɓsì ìsu, à pɛ̀sɛ̀n à ghaàgh rì bim, ɓisuulɛ à ɓaghà rì ìkum lɛɛ̀gwey. 23Nni Yeesus à kɛɛ̀sìghà mis ɓi ɓumɓɛ ɓɛ ɓaghà nyi jàŋbog à kpaa ɓɛ̀yilàg ɓii lɛ: Ki teèsɛɛ lɛɛ̀gwey lɛ ɓɛ̀guŋgum ɓɛɛ ɗiŋi ɓi kìlɔ̀ŋ ki Bɛ̀ll. 24Yɛ̀ɛ ɓɛ̀yilàg ɓɛ wokà fɔlɔɔ, ɓɛ kuuràg. Yeesus à ki pɛ̀si ɓìtòkì à kpaa ɓɔ lɛ: Ɓɔn ɓɛm, ki teèsɛɛ yɛ̀ɛ mɛ̀nɔ̀ɓɔ̀ lɛ mum a ɗiŋi ɓi kìlɔ̀ŋ ki aɗyoo. 25Rìɗiŋì ɗi syàmoo a ɗiŋi ɓi ɗyas ɗi bààtà, ɗi ri tì lɛ fɛnfɛn ɗì rìɗìŋì ɗi guŋgum a ɗiŋi ɓi kìlɔ̀ŋ ki aɗyoo. 26Ɓɛ̀yilàg ɓɛ kuuràkà tì lɛɛ̀gwey à cee fɔlɔɔ, ɓɛ tɔɔ̀ghtɔ̀ɔ̀ghrɛ̀n wɔɔ ɓɔ rì ɓɔ lɛ: Ghɛn yɛɛ ri min lɛ à ghɛn cɛɓ? 27Nni à pɛɓsɛ̀ngà ɓɔ à kpaa lɛ: Kìɓan kiǹ ki cee ìtèɗ wu mum, wɔ̀lɛ ɓi ɓɛg ànɛ yɛ̀ɛ Bɛ̀ll, com ki lɛ ki yaaghrɛ̀n ki yin.
28Nni Pyɛɛri à tumɛ̀ngà nyi rìkpaa lɛ: Ù ghɛɛ! ɓìsii rinìghày ɓyom ɓis ɓìcèm, tì nɔ̀ɔ̀tì wɔ̀. 29Yeesus à ɓàg lɛ: Ǹkalii mìni ɓi saaɗ lɛ, mum à yin lɛ à naŋ yì lɛ rì mɛɛ mii, rì ɓɛ̀geni, rì seŋì, rì jɛɛ, rì ɓɔn ɓii nsoò lɛ ɓìden ɓii ɓi zi ɓisu wɛ̀m, rì ɓisuu Syeesyee à Ɓɔlɛ, 30à rɔ̀ɓ lɛ à fɔ̀ni ɓi ɓi cààmɛ̀n ki ti ka ghɛghɛɓ ki miì ɓyom hɔnɗɛ̀ɗ ɓi rìkuu ɗi com ɗìcèm ɗi à nagày lɛ rì gɛ mɛɛ, ɓɛ̀geni, ɓɛ̀jɛɛ, ɓɔn, rì ɓìden ɓì zi, à ɓùtɛ̀n mɛ̀tɔɓ mɛ ɓum ɓɛɛ̀ kìki nyi miì ɓisuu righerɛ̀n, à ki teɗ cɛɓ ki fiɗyàɓ fikɔ̀ɔ̀ ɓi mɛ̀ru mɛ mɛɛ̀ yùyuiy. 31Fɔɔnnɛ ɓum lɛɛ̀gwey ɓɛ ɓɛ ɓaghà beèbɛ̀y ɓɛ ɓiì rɔ̀ɓi ajɛ̀m, ɓɛ̀roɓɛ ɓɛ ɓaghà ajɛ̀m ɓɛ syoŋ̀ bee.
Yeesus à ɓùŋdii kìɓan ki rìwu ɗii ɗì rìghèmɓɛ̀n ɗii
(Mt. 20:17-19; Lk. 18:31-34)
32Yɛ̀ɛ ɓɛ ɓaghà ɓi bee inɛ ɓi rìɓɔg a Yorisalɛm, Yeesus yɛɛ syoŋsyòŋgà ɓɔ bee. Ɓɛ̀yilàg ɓɛ ɓaghà rì mɛ̀riighrikì, nsoò ɓumɓɛ ɓɛ nɔɔ̀nɔ̀ɔ̀tìghà ɓɔ, ɓɛ rirìsìghà girig. Nni Yeesus à tekà ɓɛ̀yilàg ɓii ǹtɛ̀ɗ rì ɓɛɓɛɛ̀rɛn a dwìɗ, à tumɛ̀n ɓɔ rìkpaa ɗi ɓiɓan ɓi ɓi ri nyi ɓiì kìi. 33À kpaa ɓɔ lɛ: Ɓi ɗi tì rɛrɛrii ɗi, tì ɓɔɔgh yɛɛ lɛ a Yorisalɛm, wɔɔnnɛ ɓɛ ɓiì kàɓi Man à mum ɓi ɓyàg ɓi ɓɛpìrɛɛtìrɛ̀ ɓɛgwey rì ɓi ɓyàg ɓi ɓɛ̀rèsàg-ɓìdɔ̀gsɛna; ɓumɓɛ̀n ɓɛ ren lɛ ɓɛɛ wey nyi, ɓɛ ki ceesi nyi rì ɓumɓɛ ɓɛ yii ɓi Bɛ̀ll. 34Ɓumɓɛ̀n ɓɛ rì nyi ɓiì fengii, ɓɛ tuutùù nyì tìtyɛɛ̀ ɓi nyoo, ɓɛ ɓog nyi kìtòn, ɓɛ wey nyi, wɔ̀lɛ ajɛ̀m ì mɛ̀ru mɛraa, à rì ɓiì ghèmɓɛɛ yi a ɓìloŋ.
Kìɓan ki ɓɔn ɓɛ Zeɓede ɓɛ tɔkà Yeesus
(Mt. 20:20-28)
35Kìɓɛ̀ɛ̀ ki ɓɔn ɓɛ Zeɓede lɛ rì Zyag rì Zyaŋ ki yughà Yeesus a nyoo, ki kpaa nyi lɛ: Nɗèsàg, ti kɔ̀nkɔn lɛ u ki ɓìsi com ki tì rì ɓiì tɔɔ̀gh wɔ̀. 36Yeesus à tɔg ɓɔ lɛ: Cɛ kɛ̀ɛ ki ɓi kɔ̀nkɔn lɛ ǹki mìni? 37Ɓɛ kpaa nyi lɛ: Yɛ̀ɛ ù ɓiì ɓaà ɓi kìlàmì kɔɔ ki rikem, u gherɛn lɛ ti kɔri lɛ roànɛ wɔ̀ ɓi weèlem, roànɛ wɔ̀ ɓi kìmɛŋ. 38Yeesus à pɛ̀ɛ̀zì ɓɔ lɛ: Ɓi yii gì ɓi rikuu ɗi kiɓan ɗi ɓi tɔtɔg ɗiǹ; ɓì rì lɛ ɓì cenɛ̀n lɛ ɓi nɔ ɓeŋ ànɛ mɛ̀ ǹɗì ɓiì nɔɔ̀, nsoò lɛ ɓɛɛ ɓaɓti mìni rìkuu ɗi bàɓtis ɗi ɓɛ ri mɛ̀ ɓiì ɓàɓtii? 39Ɓɛ ɓaàg nyi lɛ: Tì rì lɛ tì cenɛ̀n. Yeesus à kpaa ɓɔ lɛ: Ki ri lɔŋ saaɗ lɛ ɓì rì ɓiì nɔɔ̀ ɓeŋ ànɛ mɛ̀ m̀ɓiì nɔɔ̀, ɓɛ ki ɓàɓti mini rìkuu ɗi bàɓtis ɗi ɓɛ ri mɛ̀ ɓiì ɓàɓtii; 40kìɓan kifog, kìɓan ki lɛ mum a kɔri mɛ̀ ɓi weèlem nsoò lɛ ɓi kìmɛŋ, ki yin kiɓan kɛm̀; mɛ̀kɔ̀ɔ̀ mɛn mɛ rì ɓisuu ɓumɓɛ mɛ ri mɛ̀ pègsɛn ɓisu wàà. 41Yɛ̀ɛ kìntɛ̀ɗ ki ɓɛyilàg kimbog ki wokà kìɓan kiǹ, mɛ̀rem maa mɛ ɓeɓtɛ̀n rì ɓɛ̀-Zyag ɓɛɛ̀ Zyaŋ. 42Nni Yeesus à reŋìghà ɓɔɔ̀cèm, à kpaa ɓɔ lɛ: Ɓì yii lɛ, ɓumbɛ ɓɛro ɓum ɓɛ ti ɓɛ regì lɛ mɛ̀fòm mɛ ɓilɔ̀ŋ ɓɛ ti ɓɛ pyengì ɓum mis rì ǹciìzɛ̀n, ɓɛ̀rɛlì-asu ɓaa, ɓɛ ceesàg gin mɔ̀ɔ rì rìlàmì ɗi ɓɔ. 43Ki ghɛɛ̀sɛɛ ɓi ki ɓaà fɔlɔɔ ɓi nyìinyìm wìn. Kìɓan kìfog, ŋwaànɛ à kɔ̀ni lɛ a ɓa ǹlàmì ɓi nyìinyìm wìn, à ghɛ̀ɛ̀sɛɛ kì ɓaà ǹkìì-kìsay a ɓɛ̀ro ɓɛmbog. 44Fɔɔnnɛ ŋwaànɛ à ɓiì kɔ̀ni lɛ a ɓa mìni ǹɗɛlì-asù, à ghɛ̀ɛ̀sɛɛ kì ɓaà ǹkpàn a mìni ɓɛ̀sɛ̀ɛ̀ ɓɛ̀cèm. 45Ɓisuulɛ Man à mum à yùghà ɓi lɛ ɓum ɓɛɛ kiki nyi ɓìsay, kìɓan kifog à yughà lɛ a say ɓisuu ɓum, à ki fa cɛɓ kii lɛ a kwèɗ ɓum lɛɛ̀gwey.
Yeesus à wɔ̀ɔ̀zii ɗyaŋɗyàŋ ànɛ lɛ Baritimee
(Mt. 20:29-34; Lk. 18:35-43)
46Nni ɓɛ kpagà a Zyeriko; yɛ̀ɛ Yeesus rì ɓɛ̀yilàg ɓii ɓɛ pɛsɛ̀ngà lɛ ɓɛɛ ghaagh ǹɗaŋ ri kìtuu ki ɓum, nni ɓɛ tanɛ̀ngà ɗyaŋɗyàŋ àdɛŋ ɗii lɛ Baritimee, man à Timee, di à kɔ̀kɔrii ɓi bèn ì kìɓàà, à lɔnlɔ̀n ɓum ɓyom. 47Yɛ̀ɛ ŋwaànɛ̀n à wokà lɛ Yeesus ànɛ a Naazarɛt yɛɛ ri ɓi rìghaàgh nni à tumɛ̀ngà nyi rìɓeràg jɛ̀ɛ̀ aɗyoo dì a kpaakpaa lɛ: Yeesus Man à Davit, wogha mɛ̀ nyìighnyìg. 48Ɓum lɛɛ̀gwey ɓɛ kpɔmdɛ̀ngà nyi lɛ a maàrɛn wɔ̀lɛ nyii teŋzìghà tì jɛ̀ɛ̀ lɛɛ̀gwey di a kpaakpaa lɛ: Man à Davit wogha mɛ̀ nyìighnyìg. 49Nni Yeesus à rɛrìghà, à kpaa ɓum lɛ: Reŋiinas̀ mɛ̀ nyi; ɓɛ̀roɓɛ̀n ɓɛ kɛǹ kì regii ɗyaŋɗyàŋ ànɛ̀n ɓɛ kpaa nyi lɛ: Tèèsi nyoo u pɛsɛn aɗyoo, nnyɛɛ̀ regi wɔ. 50Nni ɗyaŋɗyàŋ ànɛ̀n à màkà rɛ̀ŋkweɗ wìì jɛ̀m lɛghɛ̀g, à pɛ̀sɛ̀n aɗyoo lɛ fàtweɗ, à kɛ̀n yɛ̀ɛ Yeesus. 51Nni Yeesus à tɔkà nyi lɛ: U kɔ̀nkɔn lɛ ǹki wɔ̀ la? Ɗyaŋɗyaŋ à ɓàg nyi lɛ: Ràɓunì! Nkɔ̀nkɔn lɛ ǹghɛnɛ̀n tì. 52Yeesus a kpaa min nyi lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na yàà. Ŋwaànɛ̀n à ghàs kì ghɛnɛɛ, à tumɛ̀n rìnɔ̀ɔ̀tì ɗi Yeesus ɓi bee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.