GENESIS 49
49
Mga Huring Tataramon ni Jacob
1Inapod ni Jacob an saiyang mga aki dangan sinabihan, “Madya kamo sa palibot ko, asin sasabihon ko an mangyayari sa saindo sa maabot na aldaw:
2“Madya kamo asin paghimate, mga aki ni Jacob.
Dangoga nindo an saindong amang si Israel.
3“Ika Ruben, an sakong matua, an sakong kosog,
An enot na bunga kan sakong pagkalalaki,
Pinakamapaabaw-abaw asin pinakamakosog sa gabos kong aki.
4Garo ka sarong anggot na baha,
Alagad bakong ika an pinakamahalaga,
Huli ta dinorogan mo an sakong kasaroan
Asin dinigtaan mo an higdaan kan saimong ama.
5“Magtugang si Simeon asin si Levi.
Ginamit ninda an saindang armas sa paggibo nin kadahasan.
6Dai ako masabay sa saindang mga sekretong orolay,
Dai man ako maiba sa saindang pagtiripon,
Huli ta sa kaanggotan, nanggadan sinda nin tawo
Asin sa kakalwagan, pinilayan ninda an mga toro.
7Sumpaon logod an saindang kaanggotan, huli ta grabe nin marahay,
Asin an saindang labi-labing kaanggotan, huli ta sobra an kakurihan.
Iwawarak ko sinda sa bilog na daga nin Israel,
Sa kaibahan kan mga tawo na nag-eerok diyan.
8“Juda, oomawon ka kan saimong mga tugang.
Kakapotan mo sa liog an saimong mga kaiwal.
Maduko kan saindang payo an saimong mga tugang.
9Si Juda arog sa sarong leon,
Ginagadan niya an saiyang biktima dangan minapuli sa saiyang lungib,
Minaunat kan saiyang lawas asin minahigda.
Mayong nangangahas na magpukaw saiya.
10Dai mahahale an setro ki Juda,
Asin sa mga kapagarakian niya,
Sagkod na umabot an kagsadiri kaiyan
Asin sa saiya makuyog an mga banwaan.
11An ogbon nin saiyang asno iginagakod niya sa poon nin ubas,
Sa pinakamarahay na poon nin ubas.
Linalabahan niya an saiyang gubing sa arak, an saiyang bado sa dugo nin ubas.
12Mapupula an saiyang mga mata sa arak na ininom,
Maputi an saiyang mga ngipon sa gatas na ininom.#12 Mapupula…ininom; o An saiyang mga mata mas mapula ki sa arak. An saiyang mga ngipon mas maputi ki sa gatas.
13“Maerok sa tampi kan dagat si Zabulon,
Mga barko sa saiyang baybayon madoong.
An saiyang teritoryo makakaabot sa Sidon.
14“Si Issakar sarong sutil na asno
Na minaunat sa irarom kan saiyang kamadero.
15Kan mahiling niya na marahay an pahingaloan
Asin na nakakawili an daga,
Tinios niya an magabat na pasan,
Asin nagtrabaho bilang oripon.
16“Si Dan an maghuhukom kan saiyang banwaan
Bilang saro sa mga tribu nin Israel.
17Siya sarong halas sa gilid kan dalan,
Sarong makamandag na halas sa may agihan,
Na minakagat kan bool kan kabayo,
Tanganing mahulog an lunad kaiyan.
18“O Kagurangnan, halat ko an saimong kaligtasan.
19“Sasalakayon si Gad kan grupo nin mga tulisan,
Alagad mabirik siya asin lalamagon sinda.
20“An daga ni Aser matao nin pagkakan.
Siya an matao nin pagkakan na maninigo sa hade.
21“Sarong usa si Neftali, na talingkas na nagdadalagan,
Na nagtatao nin magagayon na ogbon.#21 Sarong usa…ogbon; o Si Neftali sarong marambong na kahoy na igwa nin magagayon na sanga.
22“Sarong mabinungang sanga si Jose,
Sarong mabinungang sanga sa may burabod.
23Mangirhat siyang sinasalakay kan saiyang mga kaiwal
Asin linalamag siya ninda kan saindang mga pana.
24Alagad nagin masarig an saiyang pana;
Pinakosog an saiyang braso
Kan kapangyarihan kan Makakamhan na Dios ni Jacob,
Kan Pastor, an Gapo nin Israel.
25An Dios nin saimong ama iyo an nagtatabang saimo
An Makakamhan na Dios an nagbebendisyon saimo;
Mga bendisyon nin uran hale sa itaas,
Asin nin katubigan sa irarom nin daga,
Bendisyon nin mga hayop saka nin mga aki.
26An mga bendisyon kan saimong ama orog pa ki sa bendisyon
Na inako kan saiyang mga magurang,
Orog pa ki sa mga biyaya kan daing tapos na kabubuldan.
Ining mga bendisyon mamugtak logod sa payo ni Jose,
Sa angog kan pinalaen sa saiyang mga tugang.
27“Arog sa sarong gutom na lobo si Benjamin,
Na aldaw-banggi daing ontok sa paggadan asin sa pagkakan.”
28Iyo ini an doseng tribu nin Israel, asin iyo ini an sinabi kan saindang ama kan bendisyonan niya sinda; benendisyonan ni Israel an lambang saro sainda kan maninigong bendisyon.
An Pagkagadan ni Jacob asin an Paglubongan Saiya
29Dangan pinagbotan ni Jacob an saiyang mga aki, “Magagadan na ako; ilubong nindo ako sa kaibahan nin sakong mga ginikanan, duman sa lungib na nasa oma ni Efron na Heteo, 30sa Makpela, sa sirangan kan Mamre, sa daga nin Canaan. Binakal ni Abraham an lungib asin oma na ini ki Efron tanganing paglubongan. 31Iyo ini an lugar na pinaglubongan ninda ki Abraham sagkod ki Sara na saiyang agom; duman man ilinubong si Isaac saka si Rebecca na saiyang agom; asin duman ko ilinubong si Lea. 32An oma saka an lungib na yaon duman binakal sa mga Heteo. Duman nindo ako ilubong.” 33Pakasabi ni Jacob kaini gabos, naghigda siya giraray asin nagadan.
Currently Selected:
GENESIS 49: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992
GENESIS 49
49
Mga Huring Tataramon ni Jacob
1Inapod ni Jacob an saiyang mga aki dangan sinabihan, “Madya kamo sa palibot ko, asin sasabihon ko an mangyayari sa saindo sa maabot na aldaw:
2“Madya kamo asin paghimate, mga aki ni Jacob.
Dangoga nindo an saindong amang si Israel.
3“Ika Ruben, an sakong matua, an sakong kosog,
An enot na bunga kan sakong pagkalalaki,
Pinakamapaabaw-abaw asin pinakamakosog sa gabos kong aki.
4Garo ka sarong anggot na baha,
Alagad bakong ika an pinakamahalaga,
Huli ta dinorogan mo an sakong kasaroan
Asin dinigtaan mo an higdaan kan saimong ama.
5“Magtugang si Simeon asin si Levi.
Ginamit ninda an saindang armas sa paggibo nin kadahasan.
6Dai ako masabay sa saindang mga sekretong orolay,
Dai man ako maiba sa saindang pagtiripon,
Huli ta sa kaanggotan, nanggadan sinda nin tawo
Asin sa kakalwagan, pinilayan ninda an mga toro.
7Sumpaon logod an saindang kaanggotan, huli ta grabe nin marahay,
Asin an saindang labi-labing kaanggotan, huli ta sobra an kakurihan.
Iwawarak ko sinda sa bilog na daga nin Israel,
Sa kaibahan kan mga tawo na nag-eerok diyan.
8“Juda, oomawon ka kan saimong mga tugang.
Kakapotan mo sa liog an saimong mga kaiwal.
Maduko kan saindang payo an saimong mga tugang.
9Si Juda arog sa sarong leon,
Ginagadan niya an saiyang biktima dangan minapuli sa saiyang lungib,
Minaunat kan saiyang lawas asin minahigda.
Mayong nangangahas na magpukaw saiya.
10Dai mahahale an setro ki Juda,
Asin sa mga kapagarakian niya,
Sagkod na umabot an kagsadiri kaiyan
Asin sa saiya makuyog an mga banwaan.
11An ogbon nin saiyang asno iginagakod niya sa poon nin ubas,
Sa pinakamarahay na poon nin ubas.
Linalabahan niya an saiyang gubing sa arak, an saiyang bado sa dugo nin ubas.
12Mapupula an saiyang mga mata sa arak na ininom,
Maputi an saiyang mga ngipon sa gatas na ininom.#12 Mapupula…ininom; o An saiyang mga mata mas mapula ki sa arak. An saiyang mga ngipon mas maputi ki sa gatas.
13“Maerok sa tampi kan dagat si Zabulon,
Mga barko sa saiyang baybayon madoong.
An saiyang teritoryo makakaabot sa Sidon.
14“Si Issakar sarong sutil na asno
Na minaunat sa irarom kan saiyang kamadero.
15Kan mahiling niya na marahay an pahingaloan
Asin na nakakawili an daga,
Tinios niya an magabat na pasan,
Asin nagtrabaho bilang oripon.
16“Si Dan an maghuhukom kan saiyang banwaan
Bilang saro sa mga tribu nin Israel.
17Siya sarong halas sa gilid kan dalan,
Sarong makamandag na halas sa may agihan,
Na minakagat kan bool kan kabayo,
Tanganing mahulog an lunad kaiyan.
18“O Kagurangnan, halat ko an saimong kaligtasan.
19“Sasalakayon si Gad kan grupo nin mga tulisan,
Alagad mabirik siya asin lalamagon sinda.
20“An daga ni Aser matao nin pagkakan.
Siya an matao nin pagkakan na maninigo sa hade.
21“Sarong usa si Neftali, na talingkas na nagdadalagan,
Na nagtatao nin magagayon na ogbon.#21 Sarong usa…ogbon; o Si Neftali sarong marambong na kahoy na igwa nin magagayon na sanga.
22“Sarong mabinungang sanga si Jose,
Sarong mabinungang sanga sa may burabod.
23Mangirhat siyang sinasalakay kan saiyang mga kaiwal
Asin linalamag siya ninda kan saindang mga pana.
24Alagad nagin masarig an saiyang pana;
Pinakosog an saiyang braso
Kan kapangyarihan kan Makakamhan na Dios ni Jacob,
Kan Pastor, an Gapo nin Israel.
25An Dios nin saimong ama iyo an nagtatabang saimo
An Makakamhan na Dios an nagbebendisyon saimo;
Mga bendisyon nin uran hale sa itaas,
Asin nin katubigan sa irarom nin daga,
Bendisyon nin mga hayop saka nin mga aki.
26An mga bendisyon kan saimong ama orog pa ki sa bendisyon
Na inako kan saiyang mga magurang,
Orog pa ki sa mga biyaya kan daing tapos na kabubuldan.
Ining mga bendisyon mamugtak logod sa payo ni Jose,
Sa angog kan pinalaen sa saiyang mga tugang.
27“Arog sa sarong gutom na lobo si Benjamin,
Na aldaw-banggi daing ontok sa paggadan asin sa pagkakan.”
28Iyo ini an doseng tribu nin Israel, asin iyo ini an sinabi kan saindang ama kan bendisyonan niya sinda; benendisyonan ni Israel an lambang saro sainda kan maninigong bendisyon.
An Pagkagadan ni Jacob asin an Paglubongan Saiya
29Dangan pinagbotan ni Jacob an saiyang mga aki, “Magagadan na ako; ilubong nindo ako sa kaibahan nin sakong mga ginikanan, duman sa lungib na nasa oma ni Efron na Heteo, 30sa Makpela, sa sirangan kan Mamre, sa daga nin Canaan. Binakal ni Abraham an lungib asin oma na ini ki Efron tanganing paglubongan. 31Iyo ini an lugar na pinaglubongan ninda ki Abraham sagkod ki Sara na saiyang agom; duman man ilinubong si Isaac saka si Rebecca na saiyang agom; asin duman ko ilinubong si Lea. 32An oma saka an lungib na yaon duman binakal sa mga Heteo. Duman nindo ako ilubong.” 33Pakasabi ni Jacob kaini gabos, naghigda siya giraray asin nagadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992