GENESIS 50
50
1Dangan kinugos ni Jose an bangkay kan saiyang ama asin pinaghahadokan an lalawogon mantang naghihibi. 2Pakatapos, nagboot siyang embalsamaron an bangkay kan saiyang ama. 3An pag-embalsamar ginibo sa laog nin kwarentang aldaw, an tamang bilang nin mga aldaw sa paggibo kaiyan. Ipinagmondo kan mga Egipcio an pagkagadan ni Jacob sa laog nin setentang aldaw.
4Kan matapos na an panahon nin pagmondo, sinabihan ni Jose an mga opisyal kan hade, “Pakidaraha man nindo an mensaheng ini sa hade. 5‘Kan magagadan na an sakong ama, pinasumpa niya ako na duman ko siya ilubong sa inandam niyang lulubngan sa Canaan. Kaya tugote akong ilubong an sakong ama, asin pakatapos, mabalik ako.’”
6Nagsimbag an hade, “Lakaw asin lubongan an saimong ama siring sa saimong panuga.”
7Kaya naglakaw si Jose tanganing ilubong an saiyang ama. Nag-iriba ki Jose an gabos na opisyal kan hade, an mga may halangkaw na katongdan sa palasyo kaini asin an iginagalang na mga Egipcio. 8Nag-iriba man saiya an saiyang pamilya, an saiyang mga tugang sagkod an iba pang myembro kan pamilya nin saiyang ama. An mga saradit na aki saka an mga hayop sana an nawalat sa rehiyon nin Goshen. 9Nag-iriba man ki Jose an mga nakakarwahe asin nakakabayo; sarong dakulang grupo an nagpaduman sa Canaan.
10Kan makaabot sinda sa ginikan nin Atad sa sirangan kan Jordan, haloy sindang nagtarangis nin makosog, asin sa laog nin pitong aldaw, ginibo ni Jose an mga seremonya nin pagmondo para sa saiyang ama. 11Kan mahiling kan mga Cananeo an nagmomondong mga tawo sa Atad, nagsabi sinda, “Solemning marahay an seremonya nin pagmondo na ginigibo kan mga Egipcio!” Kaya an lugar na idto nginaranan Abel-Mizraim.#11 ABEL-MIZRAIM: Sa pandangog, an ngaran na ini nakakaarog sa Hebreyong tataramon na pagmondo kan mga Egipcio.
12Ginibo kan mga aki ni Jacob an ipinagboot niya sainda; 13dinara ninda an saiyang bangkay sa Canaan asin ilinubong sa lungib nin Makpela, sa sirangan nin Mamre, sa oma na binakal ni Abraham ki Efron na Heteo tanganing paglubongan. 14Pakalubong kan saiyang ama, nagbalik si Jose sa Egipto kaiba an saiyang mga tugang sagkod an gabos na nakilubong.
Rinanga ni Jose an Saiyang Mga Tugang
15Pagkagadan kan saindang ama, nag-orolay an mga tugang ni Jose, “Ano an satong gigibohon kun anggot pa sato si Jose asin nag-iisip na magbalos huli kan ginibo ta saiya?” 16Kaya pinasabihan ninda si Jose: “Bago nagadan an satong ama, nagboot siya, 17‘Nakikimaherak ako na patawadon mo na an saimong mga tugang kan sala na naginibo ninda saimo.’ Kaya, nakikimaherak kaming patawadon mo na an kasalan kan mga oripon kan Dios nin saimong ama.” Kan makaabot ki Jose an mensahe, naghibi siya.
18Nagduman man ki Jose an saiyang mga tugang asin nagduko sa saiyang atubang. Nagsabi sinda, “Uya kami sa atubang mo bilang mga oripon.”
19Alagad sinabihan sinda ni Jose, “Dai kamo matakot; huli ta dai ko pwedeng ibugtak an sadiri ko sa lugar nin Dios. 20Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan. 21Kaya dai kamo matakot, aatamanon ko kamo sagkod an saindong mga aki.” Siring an pagranga ni Jose sa saiyang mga tugang.
An Pagkagadan ni Jose
22Nagpadagos sa pag-erok si Jose sa Egipto sa kaibahan kan pamilya nin saiyang ama; nabuhay siya sa laog nin syento dyes na taon. 23Nahiling pa niya an mga aki asin makoapo ni Efraim; siya man an nag-ako sa pamilya kan mga aki ni Makir na aki ni Manases. 24Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.” 25Dangan pinasumpa ni Jose an mga kapagarakian ni Israel, “Magsumpa kamo sako na kun darahon na kamo nin Dios sa dagang panuga, na dadarahon nindo an sakong bangkay.” 26Nagadan si Jose sa Egipto sa edad na syento dyes na taon. Pinag-embalsamar ninda an saiyang bangkay asin ilinaog sa sarong kabaong.
Currently Selected:
GENESIS 50: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992
GENESIS 50
50
1Dangan kinugos ni Jose an bangkay kan saiyang ama asin pinaghahadokan an lalawogon mantang naghihibi. 2Pakatapos, nagboot siyang embalsamaron an bangkay kan saiyang ama. 3An pag-embalsamar ginibo sa laog nin kwarentang aldaw, an tamang bilang nin mga aldaw sa paggibo kaiyan. Ipinagmondo kan mga Egipcio an pagkagadan ni Jacob sa laog nin setentang aldaw.
4Kan matapos na an panahon nin pagmondo, sinabihan ni Jose an mga opisyal kan hade, “Pakidaraha man nindo an mensaheng ini sa hade. 5‘Kan magagadan na an sakong ama, pinasumpa niya ako na duman ko siya ilubong sa inandam niyang lulubngan sa Canaan. Kaya tugote akong ilubong an sakong ama, asin pakatapos, mabalik ako.’”
6Nagsimbag an hade, “Lakaw asin lubongan an saimong ama siring sa saimong panuga.”
7Kaya naglakaw si Jose tanganing ilubong an saiyang ama. Nag-iriba ki Jose an gabos na opisyal kan hade, an mga may halangkaw na katongdan sa palasyo kaini asin an iginagalang na mga Egipcio. 8Nag-iriba man saiya an saiyang pamilya, an saiyang mga tugang sagkod an iba pang myembro kan pamilya nin saiyang ama. An mga saradit na aki saka an mga hayop sana an nawalat sa rehiyon nin Goshen. 9Nag-iriba man ki Jose an mga nakakarwahe asin nakakabayo; sarong dakulang grupo an nagpaduman sa Canaan.
10Kan makaabot sinda sa ginikan nin Atad sa sirangan kan Jordan, haloy sindang nagtarangis nin makosog, asin sa laog nin pitong aldaw, ginibo ni Jose an mga seremonya nin pagmondo para sa saiyang ama. 11Kan mahiling kan mga Cananeo an nagmomondong mga tawo sa Atad, nagsabi sinda, “Solemning marahay an seremonya nin pagmondo na ginigibo kan mga Egipcio!” Kaya an lugar na idto nginaranan Abel-Mizraim.#11 ABEL-MIZRAIM: Sa pandangog, an ngaran na ini nakakaarog sa Hebreyong tataramon na pagmondo kan mga Egipcio.
12Ginibo kan mga aki ni Jacob an ipinagboot niya sainda; 13dinara ninda an saiyang bangkay sa Canaan asin ilinubong sa lungib nin Makpela, sa sirangan nin Mamre, sa oma na binakal ni Abraham ki Efron na Heteo tanganing paglubongan. 14Pakalubong kan saiyang ama, nagbalik si Jose sa Egipto kaiba an saiyang mga tugang sagkod an gabos na nakilubong.
Rinanga ni Jose an Saiyang Mga Tugang
15Pagkagadan kan saindang ama, nag-orolay an mga tugang ni Jose, “Ano an satong gigibohon kun anggot pa sato si Jose asin nag-iisip na magbalos huli kan ginibo ta saiya?” 16Kaya pinasabihan ninda si Jose: “Bago nagadan an satong ama, nagboot siya, 17‘Nakikimaherak ako na patawadon mo na an saimong mga tugang kan sala na naginibo ninda saimo.’ Kaya, nakikimaherak kaming patawadon mo na an kasalan kan mga oripon kan Dios nin saimong ama.” Kan makaabot ki Jose an mensahe, naghibi siya.
18Nagduman man ki Jose an saiyang mga tugang asin nagduko sa saiyang atubang. Nagsabi sinda, “Uya kami sa atubang mo bilang mga oripon.”
19Alagad sinabihan sinda ni Jose, “Dai kamo matakot; huli ta dai ko pwedeng ibugtak an sadiri ko sa lugar nin Dios. 20Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan. 21Kaya dai kamo matakot, aatamanon ko kamo sagkod an saindong mga aki.” Siring an pagranga ni Jose sa saiyang mga tugang.
An Pagkagadan ni Jose
22Nagpadagos sa pag-erok si Jose sa Egipto sa kaibahan kan pamilya nin saiyang ama; nabuhay siya sa laog nin syento dyes na taon. 23Nahiling pa niya an mga aki asin makoapo ni Efraim; siya man an nag-ako sa pamilya kan mga aki ni Makir na aki ni Manases. 24Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.” 25Dangan pinasumpa ni Jose an mga kapagarakian ni Israel, “Magsumpa kamo sako na kun darahon na kamo nin Dios sa dagang panuga, na dadarahon nindo an sakong bangkay.” 26Nagadan si Jose sa Egipto sa edad na syento dyes na taon. Pinag-embalsamar ninda an saiyang bangkay asin ilinaog sa sarong kabaong.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992