TI§I§GI WERE 12

Baa ëe Abram maga aà mo men sir äe go

1Manwur wii Abram ga: Ur go men sir äon go, sir maga ndo biñ ni mono, de feele mani pan äo no, see wo go äi sir maga ndi kañ ge nen äo wo ti äe mono. 2Ndi joñ ge sir ma kluu ti' yañ de äo, day ndi kañ ge bosa' yañ mo ti. Ndi ra ge ëu äo yañ go kluu. Ndo joñ ge yañ diñ kaçaçge bosa'a. 3Ndi kañ ge bosa' yañ ne jar maga kañ wo bosa' mo ti mono, ndi faë ge jar maga faë ge wo mo go lay, day wer jar ma ti tamsir wo äuy da'ge wo bosa' yañ äuy diñ see äo.

4Abram kal rawge do maga Manwur hay siin ne hen nono, day Lod kal mañ blam äe lay. Kiñgi Abram hay do renam ti dwee de maga aà kal le go Haran mono. 5Abram baa waçy äe Saray wo de je ni wegeman äe Lode, de feçeçre äe maga se hay de äaara mo äuy no, de jar maga se hay daë ra ma äe Haran ni mo äuy. AÀ kal wo laage le go ma woge äi sir Kanaan. 6AÀ joñ wo nen dayge go äi sir Kanaan. Abram caa nen sirn go, haçaç day go ti ngeel maga aè ëen ga Sikem yoo koore cen ma More wo no. De sen jar Kanaan hay wo de lagge äi sirn ni. 7Manwur kal naa nen ne Abram, day wiin gano: Ndi haç ge sir sen mo ti' la ne wer mani äo no. Abram kal boo ngeel sië jag ne Manwur maga hay naa nen ne hen ti ngeel sen ni. 8Blam äe aà raw urgi ti ngeel sen ni, ma rawge wo ciñ ti huuli wo go Betel, nen äañ wer äe no kay no. AÀ kal ya'ge baa mburyug äen nen äañ wer Betel. AÀ baa mburyug äen ti holañ Betel nen pele, Ay gwa' nen were. AÀ kal boo ngeel sië jag ne Manwur ni, kal ëe ëu Manwuri, goñ ne ti ngeel sen ni. 9Abram kal ferge rawge, yaë wo nen Negef no kay no.

Naw maga Abram joñn le Ejipte mono

10Koñne kal le'ge go äi sir no, Abram kal cegaëge le go Ejipte ma peçeç koñne no, werga aà hay diñ koñne ma kluu äi sir no. 11De maga aà kos kalge go äi sir Ejipte so mono, aà kal wii waçy äe Saray gana: Naa koëa, ndo diñ waçy ma de wore. 12Do haç' no mo lay no de maga jar Ejipte ko ge wo ndo lam no aà waçaç ge wo ga: AÀ diñ waçy äe! Do kay nono, aà 'war ge wo ndi go, day men ge wo ndo caw. 13Ndo waçaç ge ne hara ga ndo diñ maygeman äi, nen maga aè mo joñ me de el wer äo, day diñ wer äo so ga aè men me yañ ge tenen caw. 14De maga Abram wo go Ejipte so mono, jar kal wo koge ga waçy äen de wore de haçaç tu. 15Jar kluuri mani Farawoñ kal wo ya'ge joñ tawgi äe ne hene. Ti ngeel sen aà raw wo baa waçy no, raw wo de äe äi feele tiñ wañ mani Farawoñ no. 16Ma Abram lam so no, aè kal joñge äe de el wer waçy no. Abram kal da' dere wo de fiiri wo, gerheçeç wo de weere gebere wo de mayre gebere wo, maare gerheçeç wo de manyoñyoñ wo. 17Ama Manwur kal äo' bulfuçñ ne Farawoñ ti de jar ni äe, ti waçaçre Saray waçy mani Abram no.

18Do kay nono, Farawoñ raw ëe Abram le day wiin ga: Ndo joñ na joñge äa? Diñ wer may ga ndo hay wii me ga aà diñ waçy äo gaa mo ne? 19Ndo kal waçaçge ga aà diñ maygeman äo na ga le? Day ndi kal baage äe waçy äi lay so! Patala waçy äon mo deñ no, baa ne ni ndo see go! 20Farawoñ kal wii jar äen wo ga: Menn aà mo see de waçy äe no, de feçeçre maga wo diñ äe mo äuy.

Currently Selected:

TI§I§GI WERE 12: TUPB

Highlight

Copy