Yuhanna 2

Ɓaŋgal haa Kana

1Nyalɗe ɗiɗi ɓaawo maajum, ɓaŋgal waɗi haa Kana nder lesdi Galiili. Daada#2:1 Daada malla inna. Yeesu ɗonno ton, 2Yeesu e pukara'en muuɗum boo ewnaama haa ɓaŋgal man. 3Nde inaboojam timmi haa maɓɓe, daada Yeesu wi'i mo: “Ɓe ngalaa inaboojam.” 4Yeesu wi'i mo: “Debbo, ko yaalu ma bee am? Wakkati am siwaa wargo tawon.” 5Nden daada maako wi'i suka'en: “Mbaɗe ko o wi'ata on fuu.”

6Haa ton, woodi looɗe kaa'e joweego, Yahuudu'en ɗon kuuwtinira ɗe ngam laɓɓineeki, fodde umroore diina maɓɓe. Looɗe man, woore maaje fuu ɗon hoo'a ndiyam baakin liitir teemerre. 7Yeesu wi'i suka'en: “Kebbine looɗe ɗe'e bee ndiyam.” Ɓe kebbini ɗe. 8Nden o wi'i ɓe: “Jonta, nyeɗe, njahrane kaliifaajo ɓaŋgal#2:8 Kaliifaajo ɓaŋgal ɗum goɗɗo mo suklanto nyaamdu e njaram haa ɓaŋgal..” Ɓe nyeɗi, ɓe njahrani mo. 9Kaliifaajo ɓaŋgal metti ɗam, tawi ndiyam laatake inaboojam. Ammaa o anndaa haa toy inaboojam ɗam iwi, sey suka'en nyeɗnooɓe ndiyam go anndi. O ewni ɓaŋɗo, 10o wi'i mo: “Koo moy ɗon aarta hokkugo ewnaaɓe mum inaboojam mbooɗɗam. To yimɓe nguyki, o hokkan ɓe famɗa-dakamjam. Ammaa an a sigi inaboojam mbooɗɗam haa jonta!”

11Kanjum woni kaayeefiwol ngol Yeesu aarti waɗugo. O waɗi ngol haa Kana nder lesdi Galiili. O waŋgini tedduŋgal maako. Pukara'en maako nuɗɗini mo.

12Ɓaawo man, o yehi Kafarnahum bee daada maako e deerɗiraaɓe maako e pukara'en maako, ɓe njooɗi ton nyalɗe seɗɗa#Mat 4:13..

Yeesu nder haykaliiru

(Matta 21:12-13; Markus 11:15-17; Luka 19:45-46)

13Nde juulde Paska Yahuudu'en ɓadake, Yeesu yehi Urusaliima#Gurt 12:1-27.. 14O tawi soorrooɓe na'i e baali e pooli nder haykaliiru, o tawi boo sannjooɓe ceede ɗon njooɗi ton. 15O hawti ɓoggi, o waɗi ɓoccol, o riiwi ɓe bee baali maɓɓe e na'i maɓɓe fuu diga haykaliiru. O hippi taabe sannjooɓe ceede haa ceede maɓɓe caŋkiti. 16O wi'i soorrooɓe pooli boo: “Cottine ɗi, taa laatine suudu Baabiraawo am suudu filu!” 17Pukara'en maako ciftori ko winnda nder Deftere: “Yiide nde marmi ngam suudu ma, ɗon wula nder ɓernde am bana yiite#Jab 69:10..”

18Ammaa Yahuudu'en ƴami mo: “Kaayeefiwol ngole a waɗata ngam hollugo min a woodi baawɗe waɗugo bana nii?” 19Yeesu jaabi ɓe: “Ngibbine haykaliiru ndu'u, min mi mahitan ndu nder nyalɗe tati#Mat 26:61; 27:40; Mk 14:58; 15:29..” 20Nden Yahuudu'en mbi'i mo: “Ɓe mahi haykaliiru ndu nder duuɓi cappanɗe nayi e joweego. An a mahitan ndu nder nyalɗe tati?”

21Ammaa kaŋko o wolwani ɓe dow ɓanndu maako laatiindu haykaliiru. 22Nde Yeesu ummiti diga maayde, pukara'en maako ciftori ko o wolwino, ɓe nuɗɗini ko winnda nder Deftere e bolle ɗe Yeesu wi'no fuu.

Yeesu anndi koo moy

23Yaake Yeesu ɗonno haa Urusaliima nder nyalɗe juulde Paska, ɗuuɗɓe nuɗɗini mo ngam ɓe ngi'i kaayeefiiji ɗi o waɗi. 24Ammaa Yeesu hoolaaki ɓe ngam o anndi yimɓe fuu. 25O walaa haaje goɗɗo anndina mo haala yimɓe, ngam o anndi ko woni nder ɓerɗe maɓɓe.

Currently Selected:

Yuhanna 2: FBDC

Highlight

Copy