Luka 11

Yeesu e do'aare

(Matta 6:9-13; 7:7-11)

1Nyannde feere Yeesu ɗonno waɗa do'a haa nokkuure woɗnde. Nde o timmini, gooto haa pukara'en maako wi'i mo: “Jawmiraawo, ekkitin min waɗugo do'a bana Yuhanna ekkitini pukara'en muuɗum.” 2O wi'i ɓe: “To on ɗon mbaɗa do'a, mbi'e:

Yaa Baabiraawo, a Ceniiɗo,

waɗ koo moy teddina innde ma.

Laamu maaɗa wara.

3Hokku min nyaamdu deydey haaje amin nyalaade fuu.

4Yaafana min hakkeeji amin,

ngam minin boo min ɗon njaafano waɗɓe min aybe#11:4 Aybe malla gacce. fuu.

Aynu min ngam taa min nasta jarribeeki.”

5O wi'i ɓe fahin: “To gooto mooɗon woodi soobaajo, o yehi haa muuɗum caka jemma ngam wi'go mo: Soobaajo, wu'am tamseeje tati. 6Ngam gooto nder sooba'en am wari haa am, mi walaa ko mi hokka mo. 7Ammaa soobaajo mo nder suudu go boo jaabake mo: Taa daamam, jonta dammugal ɗon maɓɓi, min bee ɓikkoy am fuu min ɗon mbaali, mi waawataa ummaago ngam mi hokke tamseeje. 8Mi ɗon wi'a on, koo to o ummataako ngam hokkugo mo ɗum ngam o soobaajo maako, ammaa ngam o ɗon daama mo, o ummoto, o hokka mo ko o mari haaje fuu. 9Min kam mi ɗon wi'a on: Tore, on keɓan. Ɗaɓɓite, on tawan. Cilmine, ɓe maɓɓitanan on. 10Ngam koo moy tori, heɓan. Koo moy ɗaɓɓiti, tawan. Koo moy silmini boo, ɓe maɓɓitanan mo. 11Moy haa mooɗon to o baaba, o hokkan ɓiŋngel maako mboodi to ngel torake mo liiŋgu? 12Malla to ngel torake mo yeeraande, o hokkan ngel yaare na? 13Onon halluɓe maa, on anndi hokkugo ɓiɓɓe mooɗon kuuje booɗɗe. Sakkomaa Baabiraawo mooɗon mo asama, o hokkataa toranɓe mo Ruuhu Ceniiɗo na?”

Jaawaabu Yeesu haa hallinɓe mo

(Matta 12:22-30; Markus 3:20-27)

14Yeesu wurtini ginnawol muukɗinŋgol goɗɗo. Nde ginnawol man wurti, goɗɗo go wolwi, haa yimɓe fuu kayɗini. 15Ammaa woɗɓe feere mbi'i: “Bee baawɗe Be'elzebul#11:15 Be'elzebul ɗum jammoore Sayɗaanu, teema ɗum yiɗi wi'go Jawmu-buubi. laamiiɗo ginnaaji o riiwrata ɗi#Mat 9:34; 10:25..” 16Woɗɓe boo ngiɗi jarribaago mo, ngam maajum ɓe ƴami mo o waŋginana ɓe alaama iwka diga asama#Mat 12:38; 16:1; Mk 8:11.. 17Ammaa nde Yeesu anndi numooji maɓɓe, o wi'i ɓe: “To laamu senndake, ngu do'oto e ci'e boo ngibboto bee tokkindirki#11:17 To laamu senndake, ngu do'oto e ci'e boo ngibboto bee tokkindirkimalla to yimɓe saare narraay hakkunde maɓɓe, saare man wilan.. 18To Sayɗaanu honi hoore mum, noy laamu mum tabitirta? On ɗon mbi'a mi ɗon riiwra ruuhuuji coɓɗi bee baawɗe Be'elzebul#11:18 Be'elzebul ɗum jammoore Sayɗaanu, teema ɗum yiɗi wi'go Jawmu buubi.. 19To min mi ɗon riiwa ginnaaji bee baawɗe Be'elzebul, bee baawɗe ɗeye ɓikkoy mooɗon boo ndiiwrata ɗi? Ngam maajum ɓikkoy mooɗon kiitoto on. 20Ammaa to bee baawɗe Allah ndiiwranmi ginnaaji boo, nden kam ɗum laamu Allah yottanake on.

21To goɗɗo cemmbiɗɗo taaskiiɗo bee balmi ɗon ayna saare muuɗum, ko o mari fuu jooɗoto jam. 22Ammaa to ɓurɗo mo semmbe wari dow maako, jaali mo, o jaɓta balmi maako ɗi o hoolɗinori, o senndana woɗɓe jawdi maako.

23Mo wondaay bee am, o konneejo am. Mo wallaay yam mooɓtugo, saŋkitan#Mk 9:40..”

Loraaki ginnawol

(Matta 12:43-45)

24“To ruuhuwol coɓŋgol wurtake goɗɗo, ngol yiiloyan haa karɗe ngam ɗaɓɓugo nokkuure siwtaago, to ngol heɓaay, nden kam ngol wi'an: Mi loroto haa suudu am ndu mi wurtino. 25To ngol lori haa maaru, ngol tawan ndu wuuwaandu, mo'itinaandu. 26Nden ngol yaha, ngol wadda ruuhuuji goɗɗi joweeɗiɗi, ɓuranɗi ngol hallugo, ɗi nastan suudu man, ɗi njooɗoto nder maaru. Timmoode goɗɗo oo tullitan dow naane.”

Barka ngooŋɗuka

27Nde Yeesu wolwi bana nii, debbo feere ɓaŋgti sawtu nder mooɓre, wi'i: “Barka laatani reedu danyndu ma e enɗi ɗi musinɗa!” 28Ammaa kaŋko o wi'i: “Barka laatanto nananɓe wolde Allah, ɗowtantooɓe nde!”

Alaama Ɓii-neɗɗo

(Matta 12:38-42)

29Nde yimɓe ɗon mooɓto kommbi Yeesu, o fuɗɗi wi'ugo: “Yimɓe zamanuuru ndu'u, ɓe halluɓe, ɓe ɗon ƴama alaama. Ammaa ɓe keɓataa, sonaa alaama annabi Yonas#Mat 16:4; Mk 8:12.. 30Ngam bana Yonas laatino alaama haa yimɓe Niniwe, non Ɓii-neɗɗo boo laatanto yimɓe zamanuuru ndu'u#Yon 3:4.. 31Laamiiɗo debbo, mo Lesdi Fombina#11:31 Fombina malla hoore-huɗo., ummanto yimɓe zamanuuru ndu'u, o wulloto ɓe nyalaade darŋgal, ngam o wari diga daayiiɗum haa o nana bolle Suleymaanu keewɗe hikma. Ndaa ɓurɗum Suleymaanu haa ɗo#1 Laam 10:1-10; 2 HN 9:1-12.. 32Nyalaade darŋgal, yimɓe Niniwe ummanto yimɓe zamanuuru ndu'u, hiitoto ɓe, ngam yimɓe Niniwe tuubi nde ɓe nani waazu Yonas. Ndaa, ɓurɗum Yonas haa ɗo#Yon 3:5..”

Annoora ɓanndu

(Matta 5:15; 6:22-23)

33“Walaa mo jamnata pittirla, ngam nyukkingo nga malla o hippa nga bee bokoti, ammaa o jo'inan nga dow jo'inirɗum pittirla, ngam haa nastanɓe fuu ngi'a annoora#Mat 5:15; Mk 4:21; Lk 8:16.. 34Gite ma laati pittirla ɓanndu maaɗa. To gite ma njame, ɓanndu ma fuu ɗon nder annoora. Ammaa to gite ma njamɗaay, ɓanndu ma fuu ɗon nder nyiɓre. 35Hakkil, ngam taa annoora ngonka nder maaɗa laato nyiɓre! 36To ɓanndu ma fuu ɗon nder annoora, to walaa goɗɗum lutti nder nyiɓre, ndu fuu ndu wonan nder annoora, bana to pittirla ɗon yaynane bee annoora muuɗum.”

Yeesu feli Farisa'en e moodiɓɓe tawreeta

(Matta 23:1-36; Markus 12:38-40)

37Nde Yeesu timmini wolwugo, Farisaajo goɗɗo ewni mo haa saare muuɗum ngam ɓe nyaamda. O nasti, o fuɗɗi nyaamugo. 38Farisaajo hayɗini nde o yi'i Yeesu fuɗɗi nyaamugo bilaa lootugo juuɗe muuɗum. 39Jawmiraawo wi'i mo: “Onon Farisa'en, on ɗon laɓɓina yaasi jardugel e nyaamrugel, ammaa nder mooɗon ɗon heewi bee suunooji e halleende. 40Sooya-hakkiilo'en, Allah mo waɗi yaasi, o waɗaay nder boo na? 41Caahe talaka'en ko woni nder jardugel mooɗon e nyaamrugel mooɗon, nden kuuje fuu laatoto laaɓɗe ngam mooɗon.

42Ammaa bone laatano on, onon Farisa'en! Ngam on ɗon itta zakka#11:42 Zakka ɗum yeɓre woore nder sappo ko goɗɗo hokkata Allah. haako minti e haako jarne e haakooji nyaameteeɗi fuu e on ɗon ngeeba adilaaku e yiide Allah. Kanji ɗi kaandi jogeego, ammaa taa on ngejjita luttuɗi boo#FL 27:30..

43Bone laatano on, onon Farisa'en! Ngam on ngiɗi joole tedduɗe nder cuuɗi dewal Yahuudu'en, on ngiɗi ɓe koofna on haa daldal mooɓtorɗe. 44Bone laatano on! Ngam on nanndi bee genaale ɗe yimɓe njahata dow mum'en bilaa anndugo ɗum.”

45Nden gooto haa moodiɓɓe tawreeta wi'i Yeesu: “Moodibbo, ko mbi'ata ɗo, minin kuɗata.”

46Yeesu jaabi: “Bone laatano on, onon moodiɓɓe tawreeta boo! On ɗon ndoonda yimɓe doŋgle caɗɗe roondeego ɗe onon on meemataa koo bee hoondu mooɗon sam. 47Bone laatano on! Ngam on ɗon maha genaale annabi'en ɓe kaakiraaɓe mooɗon mbari. 48To non kam on ɗon ceedo kuuɗe kaakiraaɓe mooɗon, on ɗon ngerdo ɗe, ngam kamɓe ɓe mbari annabi'en. Onon boo, on mahi genaale maɓɓe. 49Ngam maajum hikma Allah wi'i: Mi nelan annabi'en e nelaaɓe, ɓe mbaran woɗɓe, ɓe toonyan woɗɓe boo. 50Mi ƴamtan ƴiiƴam annabi'en ndufaaɗam diga puɗɗuki duniyaaru haa yimɓe zamanuuru ndu'u, 51diga ƴiiƴam Habila haa yotto ƴiiƴam Zekariya, mbaraaɗo hakkunde nokkuure seniinde e hirsirde. Nonnon, mi ɗon wi'a on, yimɓe zamanuuru ndu'u ɓe hiiteteeɓe ngam mbar-hooreeji ɗi'i fuu#Laat 4:8; 2 HN 24:20-21.!

52Bone laatanto on, onon moodiɓɓe tawreeta, ngam on kaɗi yimɓe anndugo gooŋga: Onon, on cali anndugo ka bee ko'e mooɗon, on kaɗi yiɗɓe anndugo ka boo.”

53Saa'i o wurti ton, moodiɓɓe tawreeta e Farisa'en tikkani mo masin, tokki mo bee haala, ƴami mo ngam haa o wolwa dow kuuje ɗuuɗɗe. 54Ɓe tuufni mo nder bolle ngam haa ɓe nana kalluka diga hunnduko maako, ɓe ngulloro mo.

Currently Selected:

Luka 11: FBDC

Highlight

Copy