Acts 1
1
1Théophile ga, te Ƌèlèwèr nshèlèkura'a i windo skwi tèlèba man Yèsu a gau, man a njo, 2man a hün mizlinè na, ha pats man Zhiklè a nceda a zhiklè. Ga a Ƌè na zhiklè, a mva ta ma nenga'a te Mèzhèɓ Zhiklè nkezla'a a ri a ndohi sak, man Zhiklè a mpar ta. 3Te deɓ man a m'mets na, a ngudoko ta va a dai m'mèn 40, a ngreda ta na zhè a nshèffè, te skwi tsaƌ tsaƌ, a njè ta ma kokwar-Bi-Zhiklè. 4Pats ngiƋè, man ta a sam skwi n'ndai, a ngaƋa ta:
Kin jèkeda kokwar Jérusalem ɓai, aman vozhorskwi Zhiklè, Bab kinè, man a mpasla kinè rai, ara man kin tsena te ma ga. 5Aman Jean a ngau baptême a iyam; aman te deɓ m'men kètè kin da ngècè baptême te Mèzhèɓ Zhiklè nkezla'a.
6A ndohi man ta a sam na, ta dzhoƌo, a ta gaƋa:
Bai, a pats nasa ka da tilè kokwar-Bi-Israel a pa za Ƌè?
7Aman nenga'a a ngaƋa ta:
Ma kinè ka ɓai, aman kin shin patsa'a a sama'a, man Bi-Zhiklè a gia'a, a wuƋiBi nenga'a staƋgenè. 8Aman Mèzhèɓ Zhiklè nkezla'a a shkèhai a géƋ kinè, kin da ngècè wuƋai, a kin ndi a ndohi malwuƋihi ga te kokwar Jérusalem, te kokwar Judée tèlèba, te kokwar Samarie, ha nƋè a verzi herkeda.
9Aman a ngoƋ ma haha, ta rka man a Ƌè na, vani staƋ a ndzova a sam di ta. 10Aman ta pi di a verzi nenga'a, man a Ƌè na zhiklè, na haha ndohi cèw a maslaka nslekaƋa'a a va, ta zhè a sam tenga'a, a ta gaƋa:
11Kinè, ndohi Galilee, kin zlatsa, a kin pi di a zhiklè èhèmè? Yèsu haha, man a do na zhiklè a sam di kinè, a da shkè a deɓa, lèmèlèmè ara man kin rka, man a Ƌè na zhiklè.
12Te deɓa'a ta jèkeda za Oliviers, man a zhè ndul ndul a ma kokwar Jérusalem, a gi km l, a ta men ta a deɓa a kokwar Jérusalem.
13Aman ta ndika a pa, to do a gi man a géƋè'a, a ta nza a pa: Pierre, Jean, Jacques, André, Philippe a Thomas, Barthélemy, Matthieu, Jacques, kra Alphée, Simon ndo srak, a Jude, kra Jacques. 14Tengahi tèlèba ta humda te nher gèƌ staƌ te ntsi ri pèc pècèk a nda ngwozai, a Marie, mam Yèsu, a kramamhi Yèsu. 15A pats nasa, Pierre a nslambaƋa te ndev kramamhi na, a ngaƌa: (ndohi mɓica'a a gi 120).
16Dalahimam ga, sèi a gi ara man ƌèlèwèr Zhiklè a gaƌa, man David a hodko te Mèzhèɓ Zhiklè nkezla'a te va nasa a géƌ Judas, 17ndo nfeda ta ma a ndohi man ta gso Yésu. Nenga'a staƌ te va nga, a n'ngots mizlinè Zhiklè haha a nda nga.
18A nenga'a a nsum dak a skwi malai, a ntüshko gèƋ a hai, hwaƋa'a a ntuw na, a vayats a mshkè auda. 19A ndohi te Jèrusalem tèlèba ta tsena'a, a ta baba na dak sa a ma tcnga'a: Hakeldama (ara ngèƋè dak pombaz).
20Aman te Ƌèlèwèr Psaumes ta windo: Gi nenga'a sèi a gi a dikai, ndo da nza a pa ɓai! A ta goƋ a va'a: Sèi ndo ngiƌè da co mizline nenga'a! 21Ani haha a woy ndo staƋ te ndev ndohi haha, man ta nza a sam nga pèc pècèk, te va man Bi Yèsu a zhè a sam nga, a sawala a sam nga, 22daga pats man Jean a ngu baptême, ha pats man Bi Zhiklè a nceda Yèsu a zhiklè, da ga a ndo malwuƌi a nda nga a géƌ nslambaƌkaƌauda te m'metsi nenga'a.
23A ta zlatsede ndohi cèw, Joseph man ta baba na Barsabbas, a nshibèn na Justus, a Matthias. 24A ta tsu rai:
Bi Zhiklè, ka sun ndav ndohi tèlèba; ngreda nga ndo te ndev ndohi ncèwa haha, 25man ka woya a ncè mizlinè Zhiklè, a mizlinè ndo sak, man Judas a njèkeda, man a nzeda nshèffè na.
26A ta gu jimèr a géƋ tenga'a. A jimèr a nkala na a gèƋ a Matthias, a ta humda na va a ndohi sak 11 ngiƋè.
Currently Selected:
Acts 1: MAFNT
Highlight
Share
Copy
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989
