Luke 2

1A pats nasa Bi Auguste a mbaba ta ndohi tèlèba, aman a nger ta. 2N'ngér ndo nshèlèlura'a sa, ta gu te va man Quirinius ngomna te kokwar Syrie. 3A gi a gai tèlèba to do, aman ta nger ta, ngiƋè a kokwar na, ngiƋè a kokwar na. 4A Joseph ba te Galilée, te kokwar Nazareth, a mdo Judée, a kokwar David, man ta baba na Bethléhem, te man nenga'a te verzi David, 5aman ta da nger ta a Marie, medemi na, kra t'hwaƌ.

6Aman ta shkè a sama'a, ki na ma, a nyu kra nenga'a. 7A nyu tsuvom nenga'a, kra ngura'a, a mpaƋda a bomtèrè, a mfèda a torok, te man sam m'mènè ngiƋè azɓai te gi mbrokihai. 8A ndohi mɓer skwai ta zhè te pa te dak. Ta mana a sam skwi ta. 9A na haha, gol Bi Zhiklè a mshkè a sam tenga'a, a n'njèl Zhiklè a nhela sam cerh-cerha'a. A ta gu zlau a vata. 10A gol Zhiklè a ngaƋa ta:

Kin gu zlau ɓai! Na haha, i njè kinè ma mbela'a a mwuffè mbia'a, man a Ƌè wuffèƋè ndohi tèlèba. 11Aman a patsna ta ya kinè te kokwar David ndo m'mbel ndo, nenga'a Kristi, Bai. 12Va-suna te skwi malwuƋi haha: Kin ngècè kra, mpaƋa'a a bomtèrè, m'mana t'hai te torok.

13A nasa nasa golahi Zhiklè rèƋèƋèa ta zhè a sam gol Zhiklè. Ta slébèrƋè Zhiklè, a ta gaƋa:

14N'njèlè a sam Zhiklè te gèƌè'a, gumai a herkeda, a sam ndohai man Zhiklè a va ta pombai!

15Aman goIahi Zhiklè ta men ta a deɓa a zhiklè, ndohi mɓer skwai ta goƋ a va ta:

Ngo-dokona a kokwar Bethléhem, a nga da rka skwi man a gau, man Bi Zhiklè a ngra nga a haha.

16A to do tsam tsam, a ta ngots, Marie a Joseph, a kra m'mana te torok. 17Mrke na, a ta zlèzlèmè ma kra a ma ma. 18A ndohi tèlèba man ta tsena'a, ta hur ma ndohi mber skwai, a ta rzl ta. 19A Marie a n'ngheda ma tèlèba a ndav na, a nhérè'a. 20A ndohi mɓer skwai ta men ta a deɓa, a ta shid gèƋ, a ta slébèrƋè Zhiklè, a géƋ skwi tèlèba man ta tsena'a, a ta rka'a, ara golahi Zhiklè ta ngreda ta.

21Te deɓ m'mèn tsamakaƋ, aman ta ngela ngwon nenga'a, ta va na nzlembaƋ na Yèsu, ara man gol Zhiklè a va na, man a t'hwaƋ di ɓai. 22Man maudza n'nga ma, ara man Moise a gaƋa, ta da kra a kokwar Jérusalem, aman ta va na a ri Bi Zhiklè 23(ara man ta windo te Ƌèlèwèr Zhiklè:

Wudahi ngurhi tèlèba, tsuvomhi tsumvomhi tèlèba, man ta yia'a, wuda nkezla'a a sam Bi Zhiklè).

24A ta vi skwi a Bi Zhiklè, a ta pil gèƋè'a, ara man ma kita Zhiklè a gaƋa:

nkuƋhomhi cèw, man ɓai wud ngudokwarhi cèw.

25A na haha, te kokwar Jérusalem, ndo ngiƋè a zhè, nzlembaƋ na Siméon. Nenga'a ndo nzura'a, a woy Zhiklè, a zhèr skwi mbid Israel, a Mèzhèɓ Zhiklè nkezla'a a zhè a géƋ nenga'a. 26Mèzhèɓ Zhiklè nkezla'a a ngaƋa na:

Ka da rka Kristi, Bi dai, ga ka metsi ngaya.

27A Mèzhèɓ Zhiklè a nda'a a gi Zhiklè. Aman Marie a Joseph ta cko kra ta, Yèsu, aman ta gia ara man ma Zhiklè a gaƌa, 28nenga ba a nhumbatda a rai, a nslubordo Zhiklè, a ngaƌa:

29Bai, anai ka da jèkeda ɓèl ngaya, aman a Ƌè vèvèƌ a gumai, ara ma ngaya a gaƌa. 30Aman i rka skwi m'mbel ndo ngaya a di ga ma, 31skwi m'mbel ndo man ka tila a sam di ndohi herkeda tèlèba; 32skwi nhél sam man a ngreda ta civèƋ a ndohi herkeda tèlèba; n'njèlè asam Israel, ndohi ngaya.

33Nda bab na a mam na ta rzl ta a gèƌ ma man a goƌ a géƌè'a. 34A Simèon a mpshè ta ma, a ngaƌa na Marie, mam na:

Na haha, ta vau, aman ndohi kumba te Israel — ngiƌè a kèlèhai, ngiƌè a slèmbèƌè. Ta vau a skwi malwuƌai, man ta nƋèvèƌ ma a géƌé'a. 35Skwi a tezama ka ndav, ara kafahi gwèsh, a skwi man ndohi kumba ta gshè te ndav, a ngrèƋè auda.

36Ngwoz nhadka ma ngiƋè a zhè, nzlembaƋ na Anne, dem Phanuel, te verzi Aser. Nhala ma. Te dalai ta nza a baki na, mvi tsaraƋ. 37A n'nde na a ngwoz mazai, ani mvi na 84 ma. A njèka gi Zhiklè ɓai, ko a pats, ko a vaƋ, a ngu mizlinè Zhiklè a njèkeda skwi n'ndai, a ntsi rai.

38A pats nasa a mshkè, a nshid gèƋ a Zhiklè, a ngoƋ ma a géƋ nenga'a a sam ndohi tèlèba, man ta zhor skwi m'mbel Jérusalem. 39Aman ta ndeva skwi tèlèba ma, ara ma Bi Zhiklè a gaƋa, to do a deɓa a kokwar Galilée, a Nazareth, kokwar ta. 40A kra a grè, a grè, a n'ngots wuƋai, a gèƋ nenga'a n'ndha a maya, a pombi Zhiklè a zhè a géƋ nenga'a.

41A mvi a mvai bab a mam Yèsu ta Ƌè a ngolala Pâque a kokwar Jérusalem. 42Aman mvi Yèsu 12, to do Jérusalem, ara man ndohi Juif ta gia'a pèc pècèk. 43Aman ngolala klèng ma, to do ta a ngwai. Yèsu a n'nza na a deɓa, a bab na a mam na ta senaha ɓai. 44Ta huro, ta a nda mandalahi tenga'a. Aman to do m'mèn staƌ, ta woya'a te va mandalahi ta, te va gwoli ta.

45Aman ta ngatsa ɓai, to do a deɓa a kokwar Jérusalem, a ta woya'a. 46Te deɓ m'mèn makar ta ngotso te gi Zhiklè, n'nza te ndev ndohi njèngè ma Zhiklè, a nfi zlembaƋ a ma ta, a ndzhaƋ ta. 47A ndohi tèlèba man ta tsena'a, ta rzl ta a géƋ ma nenga'a, a maya nenga'a. 48Aman bab a mam Yèsu ta rka'a, ta hur a vata. A mam na a ngaƌa na:

Kra ga, ka ge nga ar haha èhèmè? Na haha, nga a bab ngaya nga has ka, a ndav nga m'mbeƌ na.

49A Yèsu a ngaƌa ta:

Kin woyè èhèmè? Kin sun ɓi ƌè, aman i gi sèi skwi Baɓ ga?

50Ta tsena ma nenga'a ɓai. 51A Yèsu a mdo a nda tenga'a, a kokwar Nazareth, a nfu gèƌ a ma ta. A mam na a n'ngheda ma haha tèlèba a ndav na. 52A Yèsu a ngrè a ma ma, a maya, a mvi a mvai, a pombai, a sam Zhiklè, a sam ndohai.

Currently Selected:

Luke 2: MAFNT

Highlight

Copy