Luke 4

1A Yèsu, n'ndha a Mèzhèɓ Zhiklè nkezla'a, a mshkè a deɓa te woyam Jourdain. A Mèzhèɓ Zhiklè a nda'a a hèshèkèƋ, m'mèn 40, a bi madzagai a mpeda a wai. 2Te ndev nasaa n'nda skwa ɓai. Te deɓa'a, a mi a nkeƋa'a. 3A bi madzagai a ngaƋa na:

Aman ka, ka kra Zhiklè, gaƋa na kwa haha a ngwode va na a movar!

4A Yèsu a m'mbeƋa na a ma:

Ta windo te Ƌèlèwèr Zhiklè: Ndo a nzi a nshèffè a géƋ movar genè ka ɓai.

5A bi madzagai a nda'a a géƋè'a, a n'ngra na kokwar bihi herkeda tèlèba, njiƋè mpcokdai. 6A bi madzagai a ngaƋa na:

WuƋibi haha tèlèba, a n'njèl nenga'a, i da va ka. Ta te ri ga, a i va na a ndo man i woya'a. 7Aman ka kèlèhi a deɓ sak ga, a ka tsi ri a iyè, nenga'a tèlèba a ngaya.

8A Yèsu a m'mbeƋa na a ma:

Ta windo te Ƌèlèwèr Zhiklè: Sèi ka kèlèhi a deɓ sak Bi Zhiklè ngaya genè, a ka gi mizlinè nenga'a genè.

9A bi madzagai a n'nda Yèsu a kokwar Jérusalem, a nda'a a gèƋ gi Zhiklè, a ngaƋa na:

Aman ka, ka kra Zhiklè, kalde va ngaya a hai a géƋè'a haha. 10Aman ta windo te Ƌèlèwèr Zhiklè: Zhiklè a da gaƋa ta golahi nenga'a, aman ta ɓer ka, 11a ta ndaw ka, aman kwa a da tsama ka sak azɓai.

12A Yèsu a m'mbeƋa na a ma:

Ɗèlèwèr Zhiklè a gaƌa: Ka jkeda Bi Zhiklè ngaya ɓai!

13Aman bi madzagai a mpeda Yèsu a wi klèng ma, a njèkaha kètè. 14A Yèsu a m'men na a deɓa a kokwar Galilée, a wuƋi Mèzhèɓ Zhiklè nkezla'a. A labar ma nenga'a a mdo a ma ma a kokwar kokwar tèlèba. 15A Yèsu a nsenda ta te gi njèngè ma Zhiklè, tèlèba ta slébèrƋè'a.

16A Yèsu a mshkè a kokwar Nazareth, a sam man a gra a pa, a ndo a gi njèngè ma Zhiklè a pats nshèk va, ara man a gia pèc pècèk, a nslambaƌa, aman a jèngè ma Zhiklè. 17A ta va na ƌèlèwèr Esaie. Mwin Ƌèlèwèr, a n'ngots sama'a man ta windo:

18Mèzhèɓ Bai a géƋ ga; nenga'a a faƋayè mbar a gèƋ, man i njè ta ma mbela'a a ndohi ntawassa'a. A nzlindekayè (man i bid ta ndohi man ndav ta a kuƋai,) a i njè ta ndohi dangai, ta pra ma, 19a ndohi mandazlai, aman a ta rka dai, a ndohi man ta lèyè, matakwan tenga'a klèng ma, a i njè mvi-Bi man amba.

20Aman a mpizlè Ƌèlèwèr ma, a mva na a deɓa a ri ndo mizlinè, a n'nzahai. A ndohi tèlèba te gi njèngè ma Zhiklè ta pa na dai. 21A Yèsu a hüno man a ngaƋa ta:

Ma man kin tsena a zlembaƋ kinè, a patsna nrufa tèlèba ma.

22A ndohi tèlèba ta goƋ ngèƋè a nda nenga'a, a ta rzl ta a géƋ ma man amba man a shkè auda te ma nenga'a. A ta gaƋa:

Nengà'a kra Joseph ka ɓi Ƌè?

23A nenga'a a ngaƋa ta:

Kin da gaƋayè a ngèlègèƋma haha: Ndo madzaf, mbela va ngaya a ri ngaya! A kin da gaƋaye: Skwi tèlèba man nga tsena, ka gu te kokwar Capemaum, gu a haha ba, te kokwar bab ngayal

24Aman nenga'a a ngaƋa ta:

A vava, i gaƋa kinè, ndo nhadka ma ambaba ta te kokwar bab na ɓai. 25A vava, i gaƋa kinè: Te va man Elie a zhè, ngwozi mazihi kumba ta zhè te kokwar Israel, te va man giƋfèk a mpizl na mvi makar a ki mokwa, a mi mbia'a a ngu a géƋ herkeda tèlèba. 26A Zhiklè a nzIündo Elie a sam ngiƋè ɓai, sèi a sam ngwoz mazai te Sarepta, te Sidon. 27Ndohi hutsoƋ ba kumba ta zhè te kokwar Israel, te va man Elisée a zhè. A ndo ngiƋè a nsuƋ na ɓai, sèi Naaman, ndo Syrie.

28A ndohi tèlèba te gi njèngè ma Zhiklè, man ta tsena ma haha, ta gu ndav a vata. 29A ta slambaƋa, a ta dzardauda te kokwar, a ta da'a a géƋ za, man ta ramda kokwar a géƌèa, a ta woy a ta zukdahai. 30Aman nenga'a a mbeza a ndev tenga'a tèlèba, a mdo na.

31A Yèsu a nsulomahai a Capemaum, kokwar ngiƌè te Galilée, a nsenda ta ndohi a pats nshèk va. 32A ta rzl ta a vata a géƋ njèma nenga'a. Aman ma nenga'a a h'ngots wuƋibai. 33Ndo ngiƋè a zhè te gi njèngè ma Zhiklè, madzagi a ga na. Nenga'a a ntsu lalau, a ngaƋa:

34Nga gakaƋa a ka mè, Yèsu te Nazareth? Ka shkè a ngedas nga Ƌè? I sun ngakaƋ ngaya: Ka ndo man Zhiklè a nkezla'a!

35A Yèsu a nguva, a ngaƋa:

Nze tètè, do auda te ndo sa!

Aman madzagai a nkalde ndo matsa a ndev ndohai, a ndo auda te va nenga'a; na te va ɓai. 36A ndohi tèlèba ta rzl ta, a ta goƋ a va ta:

Ma haha ma mè?

A fa ta ma a gèƋ a mèzhèɓhi ambaɓihia'a a wuƋai, a ta Ƌè auda te va ndohai.

37A labar ma nenga'a a ndo a ma ma a kokwar a kokwar a tsagi Capemaum tèlèba. 38A Yèsu a nslambaƋa te gi njèngè ma Zhiklè, a ndo a gi Simon. Skwar Simon mbelakaɓai, vogwa kumba a va. A ta baba na Yèsu a géƋ nenga'a. 39A Yèsu a nguɓda deɓ a hai a géƋ nenga'a, a nguva vogwa man a va, a vogwa a ndal na. Tsam tsam ngwoz a nslambaƋa, a ntakaha ta.

40A dakwaƋ, ta hulkoƋi ndohi matakwan a ndohi man skwa a dza ta tèlèba a sam na. A nenga'a a mfa ta ri a gèƋ, a m'mbel ta. 41Madzagihi ngiƋè íö do auda te ndev ndohai, a ta tsu lalau, a ta gaƋa:

Ka kra Zhiklè!

A nenga'a a nguv ta, a mva ta civèƋ aman ta gèƋè ɓai. Aman ta suna, nenga'a Kristi. 42Aman sam nciƋa ta ma, a ndo a sam ngiƋè a géƋ na. A ndohi rèƋèƋèa ta woya'a, a ta shkè a sam na, a ta zlatska na ma, a ta woya man a njèke ta ɓai. 43Aman Yèsu a ngaƋa ta:

Sèi i Ƌè a kokwar mbia'a ngiƋè ba, aman i njè ta ma mbela'a man a kökwar Bi Zhiklè. Aman Zhiklè a nzlindekayè a géƌ nenga'a.

44A Yèsu a njè ta ma te gi njèngè ma Zhiklè te Judée.

Currently Selected:

Luke 4: MAFNT

Highlight

Copy