Matthew 24

1Yèsu a mshkè auda te gi Zhiklè. A golahi nenga'a ta shkè a sam na, aman ta ngra na gihi n'ngela'a tsaƋ tsaƋ te gi Zhiklè. 2A Yèsu a ngaƋa ta:

Kin rka skwi haha tèlèba ka ɓi Ƌè? A vava i gaƋa kinè: Ko kwa staƋ a da nzi a géƋ ngiƌè azɓai, ta da mbèƌ ta tèlèba.

3Aman a nza a géƋ za oliviers, golahi nenga'a ta shkè a sam na, ta a gôƋ ta, a ta gaƋa:

GaƋa nga, kos skwi haha a da gi a ngèmè? Nda ngreda nga mshkè ngaya, a ndikèma skwi mè?

4Yèsu a m'mbeƋa ta a ma:

Vagu maya, aman ndo a pèkètède kinè azɓai! 5Aman ta kumba ta da shkè a nzlembaƋ ga, a ta gaƋa: I Kristi! A ta pètè ta ndohi kumba. 6Kin da tsena ma var, a nguzli var. Na haha, kin da gu zlau ɓai, aman skwi haha a da gi ndèzl. Aman skwi haha ndikèma skwi di ka ɓai. 7Ndohi herkeda ngiƋè ta da slambaƋa ta va a ndohi herkeda ngiƋè. Kokwar-Bi ngiƋè a da slambaƋa na va a kokwar-Bi ngiƋè. Mi a di a shkè, a herkeda a di a gudzai a sam tsaƋ tsaƋ. 8Nasa tèlèba nhin matakwan di genè.

9Te deɓa'a ta da pe kinè a ri a skwi mwuƋitpa, ta da ɓazl kinè, a ndohi herkeda tèlèba ta da gi shèwa a kinè, a géƋ nzlembaƋ ga. 10Te deɓa'a skwi a slafaƋama ta sak a ndohi kumba. NgiƋè a da ngrè ngiƋè, ngiƋè a da gi shèwa a ngiƋè. 11A ndohi nhadka ma ncèkèlma kumba ta da slèmbèƋè, a ta da pèkètède ta ndohi kumba.

12Te deɓa'a a géƋ man mphömè a dè a ma ma, mwoy ndo a dè pkwe na te ndav ndohi kumba. 13Aman ndo man a dè a ma ma a slagama, ha skwa a n'ndev na, a mbél na. 14Ma mbela'a haha man a kokwar-Bi-Zhiklè, ta da njè'a a géƋ herkeda tèlèba, a gi a skwi malwuƋi a sam ndohi herkeda tèlèba. Te deɓa'a ndikèma skwai a shkè.

15Aman kin rka skwi ngedassa haha, man a ndèrè a ndo, a zhè a sam nkezla'a ara man Daniel a hodko ma (aman ndo man a jèngè'a da huro!) 16ndohi te Judée, sèi ta hi ta a za, 17a ndo man a nza a géƋ gai, da shkèhi ɓai, aman a hil skwi te gai. 18Ndo man a zhè te gi dau, da shkè a deɓa ɓai, a nda cè maslaka na.

19Woba ngwozi man ta a hwaƋ, a ngwozi man wuda a rai a pats sa! 20Vatsu rai, nhi kinè da ga kinè a gèƋ a via ɓai, a pats nshèk va ka ɓai. 21Aman matakwan mbia'a a zhè, te nhinkaƋ herkeda n'nga'a arsa ɓai, ha patsna, a pats ngiƋè ba a da gi arsa azɓai.

22Aman Zhiklè nda takossa patshi saɓai, ar ndoa mbélèazɓai. Aman a géƋ ndohi man Zhiklè a mpar ta, a da takossa patshi sa. 23Te deɓa'a, man ndo ngiƋè a gaƋa kinè: Kristi a haha, Kristi ahngata. Kin co ma nenga'a ɓai!

24Aman kristihi ncèkèlma, a ndohi nhadka ma ncèkèlma ta da slèmbèƋè, a ta ngreda skwi malwuƋi mbia'a, a nrkedai, aman ta pèkètède ta ndohi mparahia'a ba, man ta slaha. 25Na haha, i gaƋa kinè skwi tèlèba a hi ma. 26Aman ta da gaƋa kinè: Na ahnga ta, na zhè t'hèshèkèƋ! Na haha, na zhè te gai! Kin co ma tenga'a ɓai! 27Lèmèlèmè ara ndidiyam man a ndoko te verzi gai, kalkaƋai a géƋè'a, a da gi lèmèlèmè a mshkè Kra-ndo.

28Aman a sam zluèƋ nhusla'a, mohoƋokihai ta haya a pa. 29Te deɓ matakwan sa, a nasa nasa pats a dè na zhiklè, a kia a hél sam asaɓai, a bantihai ta wush ta hai, a wuƋi te zhiklè te géƋè'a a wurƋeko va. 30Te deɓa'a skwi n'ngrédè Kra-ndo a ngrèdè auda te giƋfèk, a gerzi ndohi herkeda tèlèba ta tsi lalau, a ta rka Kra-ndo man a shkè te va vanai, a wuƋai, a n'njel na mbia'a.

31A nenga'a a di a zlinde ta golahi nenga'a, a ta tsi tolom mbia'a, a ta ɓic ta ndohi mparahia'a, te tsagi herkeda faƋ, te verzi gai, ndè a verzi gi ngiƋè. 32VaƋöl te wof tèngètè! Aman ri wof nenga'a a gi kilɓakilɓa'a, a vaha'a a gi rutsutsutsa'a a Ƌai, via ndul ndul ma. 33Lèmèlèmè kinè ba, aman kin rka skwi haha, vasuna, Kra-ndo a zhè ndul ndul a ntamagai. 34A vava i gaƋa kinè, ndohi man a géƋ herkeda antanta, ta da ndiv azɓai, sèi skwi haha a gi dai.

35GiƋfèk a herkeda ta da ndiv ta. Aman ma ga a da ndiv azɓai. 36Aman patsa'a, ndo a sun ɓai, ko golahi Zhiklè te zhiklè, ko kra Zhiklè, sèi Bab Zhiklè staƌ genè. 37Aman lèmèlèmè ara man ta gu a pats Noè, lèmèlèmè ta da gi a pats man Kra-ndo a da shkè. 38Lèmèlèmè ara man ta gu a pats iyam mbia'a: ta ndau a ta sau, ta co ngwoz, to do ngwoz, ha pats man Noé a n'ndo a wurom,

39a ta hur skwi ngiƋè ɓai, ha pats man iyam mbia'a kalkaƌai, a nhel ta ma tèlèba. Lèmèlèmè mshkè Kra-ndo. 40Te deɓa'a ndohi cèw ta zhè te gi dau, staƋ ta cè'a, staƋ ta jèkeda. 41Ngwozi cèw ta shidè a vova, staƋ ta cè'a, staƋ ta jèkeda.

42Gar haha vozhoro, aman kin sun pats man Bi kinè a shkè, ɓai. Aman skwi haha vasuna: 43Aman babgi a suna, sam tèkè metsar a shkè, ar a nzhuna azɓai, a va na civèƌ azɓai, aman a zlinè gi nenga'a. 44Lèmèlèmè kinè ba, vozhoro, aman Kra-ndo a shkè a pats man kin hera ɓai.

45Ɓèl nlèɓèslèa, man a sun maya, wa, man bi a mvau a ndo mɓer ndohi mizlinè nenga'a, aman a va ta skwi n'ndi ta tiƋè sama zura'a? 46Mwuffe a sam ɓèl sa, aman bi nenga'a a shkè a deɓa, a ngècè'a, a gi arsa. 47A vava, i gaƌa kinè, a da fí a bai a géƋ skwi nenga'a tèlèba.

48Aman ɓèl ambaɓia'a a hérè te ndav na: Bi ga a gi ndudoh, a shkè di azɓai, 49a hinè man a tsi ndohi mizlinè nenga'a, a ndi skwai, a si skwai a nda ndohi zom, 50bi ɓèl matsa a shkè a pats man ɓèl nenga'a a nhera ɓai, sam tèkè a sun ɓai, 51a kéƋè'a, a va na skwi ara man a va ta ndohi n'ngwèdè ndo. Te pa ta kuƋai a ta peƋi zlè'èn.

Currently Selected:

Matthew 24: MAFNT

Highlight

Copy