Mark 13

1Mshkè Yèsu auda te gi Zhiklè, gol nenga'a staƋ a ngaƋa na:

Ndo njèngè ma, rka gihi haha, man ta gu a kwa mbibihia'a dai!

2A Yèsu a ngaƌa na:

Ka rka gihi mbibihia'a haha cè? Ko kwa staƌ a da nzi a géƌ ngiƌè azɓai, ta da mbeƌ ta tèlèba.

3A Yèsu a n'nzahai a géƌ za oliviers, zura a gi Zhiklè. A Pierre, Jacques, Jean a André ta dzhoƋo, ta a géƌ ta:

4GaƋa nga, kos skwi haha a da gi a ngèmè? Nga da shinè te mè, aman a da gi ar haha tèlèba?

5Yèsu a ngaƋa ta:

Vagu maya, ndo da pètè kinè ɓai! 6Aman ta kumba ta da shkè a nzlembaƋ ga, a ta gaƋa: Iyè Kristi! A ta pètè ta ndohi kumba. 7Aman kin tsena ma var, nguzli var, kin gu zlau ɓai; skwi haha a da gi nƋèzl. Aman skwi haha n'ndikèma di ka ɓai. 8Ndohi herkeda ngiƋè ta da slambaƋa ta va a ndohi herkeda ngiƋè; kokwar-Bi ngiƋè a da slambaƋa na va a kokwar-Bi ngiƋè. Herkeda a da gudzi a sam tsaƋ tsaƋ, a mai a di a shkè. Nasa nhinè matakwan di genè.

9Vagu maya a géƋ va kinè. Ta da de kinè a sam ncèmma, ta da ndah kinè te gi njèngè ma Zhiklè, ta da de kinè a sam bihi mbibihia'a, a sam bihi nkèshèa, a géƋ ga, aman kin da gi a ndohi malwuƋihai a sam tenga'a. 10Séi ta njè ta ma mbela'a a ndohi herkeda tèlèba nshèlèkura'a.

11Aman ta de kinè a sam kita, kin hurgèƋ a géƋ man kin da gèƋè ɓai; aman kin da gaƋa ta skwi man kin ngots te gèƋ kinè a sama'a. Kinè ngèƋè ka ɓai, aman Mèzhèɓ Zhiklè nkezla'a a ngèƌè. 12Kramama a da da kramam na a m'metsai. Bab kra a da vi kra na. Wudahi ta da slambaƋa ta gèƋ a bab ta a mam ta, a ta bazl ta. 13Ndohi tèlèba ta da ga kinè shèwa a géƌ nzlembaƋ ga. Aman nenga'a man a Ƌè a ma ma a slagama, ha skwi a ndev na, a mbél na.

14Aman kin rka skwi ngedassa'a man a nƋèrè a ndo a zhè a sam man ta woya a pa ɓai (ndo man a jèngè'a, da huro), ndohi te Judée sèi da hu ta a za. 15Ndo man a nza a géƌ gai, da shkèhi do do a gi ɓai, aman a hil skwi te gai. 16Ndo man a zhè te gi dau, da shkè a deɓa ɓai, a nda cè maslaka na.

17Woba ngwozi man ta a hwad, a ngwozi man wuda a rai, a pats sa. 18Vatsu rai, aman skwi arsa a da ga kinè a vi ɓai. 19Te ndev nasa matakwan mbia'a a zhè, te nhinkaƋ man Zhiklè a ngu herkeda, ha patsna, aranta azɓai.

20Aman Zhiklè a ntakossa patshi sa ɓai, ar ndo a mbélè azɓai. Aman agéƋ ndohi man Zhiklè a mpar ta, a ntakossa patshi sa. 21Te deɓa'a man ndo ngiƋè a gaƋa kinè: Na haha, Kristi! Kristi ahngata! Kin co ma nenga'a ɓai! 22Aman Kristihi ncèkèlma, a ndohi nhadka ncèkèlma ta da slèmbeƌè, a ta da ngreda skwi malwuƌai a nrkedai, man ta pèkètèƋè ndohi man Zhiklè a mpar ta, man ta slaha. 23Aman kinè, vagu maya! Na haha, i gaƌa kinè skwi tèlèba a hima.

24Te ndev nasa, te deɓ matakwan, pats a Ƌè na a zhiklè, a kia a hél sam asaɓai, 25a bantihai ta wush ta hai, a wuƌihi te zhiklè te gèƌè'a ta wurƌko va. 26Te deɓa'a ta da rka Kra-ndo man a shkè te va vanai, a wuƌi mbia'a, a n'njèl na. 27Te deɓa'a a da zlinde ta golahi nenga'a, a ta ɓic ta ndohi man a mpar ta te tsagi herkeda faƌ, te verzi zhiklè, a nƋè a verzi zhiklè ngiƌè.

28VaƋöl te wof tèngètè! Aman ri wof nenga'a a gi kilɓakilɓa'a, a vaha'a a gi rutsutsa'a a Ƌai, via ndul ndul ma. 29Lèmèlèmè kinè ba, aman kin rka skwi haha a shkè, vasuna, Kra-ndo a zhè ndul ndul a ntamagi. 30A vava i gaƋa kinè, ndohi man ta a géƋ herkeda antanta ta da ndivè azɓai, sèi skwi haha a gi dai. 31Gidfèk a herkeda ta da ndiv ta. Aman ma ga a da ndivè azɓai.

32Aman patsa'a, ndo a sun ɓai, ko golahi Zhiklè te zhiklè, ko kra Zhiklè, sèi Bab Zhiklè staƌgenè. 33Vagu maya, vanza a dai, vatsu rai, te man kin sun pats man skwi haha a shkè ɓai. 34Ara ndo man a Ƌè nshèwèlè, a njèkeda gi na, a mva ta mizlinè a ri a ɓèlèlihi na, a n'ngreda ta mizlinè tenga'a staƋ staƋ tèlèba. A ngaƋa na ndo mɓer ntamagai, aman a ɓerè'a.

35Vanza a dai, te man kin sun pats man babgi a shkè a deɓa ɓai. Gar a pats dakwad, gar a géƋ vaƋ, gar a prèk vaƋ, gar a prèk. 36A da shkè a nasa nasa, a nda ngats kinè, kin nzhuna. 37Skwi man i gaƋa kinè, i gaƋa kin tèlèba: Vanza a daü

Currently Selected:

Mark 13: MAFNT

Highlight

Copy