Mark 3
3
1Yèsu a mdo a deɓa a gi njèngè ma Zhiklè za'a. Ndo staƋ a zhè te pa, ri nenga'a ngwora. 2A ta kotè Yèsu, aman ta rka'a: a da mbela'a a pats nshèk va Ƌè? Ta hèsh maya aman ta slaha a ta pinè'a. 3A Yèsu a ngaƋa na ndo man ri ngwora:
SlambaƋ ngay auda te ndev tenga'a!
4Te deɓa'a a ngaƋa ta:
A pats nshèk va a woy ta gi skwi man amba Ƌè, Ƌè skwi man ambaɓi Ƌè? A woy ta mbél ndo Ƌè, Ƌè, ta keƋa'a Ƌè?
Aman a ta nza tètè. 5A Yèsu a mpu di a ndohi tèlèba, a ngu ndav, ndav nenga'a a nkuƋau, a géƋ man ndav tenga'a nsassaya, a ngaƋa na ndo matsa:
Pelaha ri ngaya!
A mpelaha rai, a ri nenga'a ntila ma. 6Aman ndohi to do ta auda ma, tsam tsam ndohi pharisie a ndohi Hérode ta vhè ma a géƋè'a, a ta woya aman a ta keƋa'a. 7A Yèsu a mdo na a ma iyam mbia'a a nda golahi nenga'a. Ndohi rèƋèƋè'a ta dzodzora te Galilée, te Judée, 8te Jérusalem, te Idumée, t'wud woyam Jourdain, t'hwaƌ Tyr a Sidon. Ndohi rèƋèƋè'a, aman ta tsena skwi man a gau, ta shkè a sam na.
9A Yèsu a fa ta ma a gèƋ a golahi nenga'a, a woy wurom nkèshèa a zhè a sam na, aman ndohi rèƋèƋèa ta nƋèƋècè'a azɓai. 10A géƌ man a m'mbel ta ndohi kumba te matakwan, ndohi matakwan tèlèba ta gu gazawa, aman ta lama na. 11Mèzhèɓhi ambaɓihia'a, aman ta rka'a, ta gurɓahai a sam na, a ta tsu lalau, a ta gaƋa:
Ka kra Zhiklè!
12A Yèsu a mfa ta ma a gèƌ zura'a, aman ta ngreƋè'a a sam ndohi ngiƌè azɓai. 13Te deɓa'a a nteva za, a mbaba ta tengahi man a par ta, a ta shkè a tsagi na. 14A mpar ta 12, aman ta nzi a sam na, a woy ta a ndohi sak na, a ta da njè ma mbela'a. 15A mva ta wuƋai, aman ta jèr madzagihai.
16Tenga'a nkula a géƋè'a cèw ta a haha: Simon, man a baba na Pierre; 17Jacques, kra Zébédée, a Jean, kramam Jacques, tenga'a a mbaba ta Boanergès, ara ntsi iyam; 18André; Philippe; Barthélemy; Matthieu; Thomas; Jacques, kra Alphée; Thaddée; Simon ndo Cana; 19a Judas Iscariot, nenga'a man a nga na ri a gèƋ Yèsu.
20A ta shkè a deɓa a gai, a ndohi rèƋèƋèa ta ɓica va za'a, a Yèsu a golahi nenga'a ta ngatsa ri a ndi skwi n'ndi ɓai. 21A ndohi gi Yèsu, aman ta tsena skwi man a gau, ta shkè aman ta gshè'a, aman ta gaƋa:
GèƋ na za.
22Malamhai, man ta shkèhi te Jérusalem, ta goƋ za'a:
Madzagi a ga na.
A jèr madzagihai auda a bi madzagihai.
23A Yèsu a mbaba ta, a ngaƋa ta a ngèlègèƋ ma:
SaƋan a slaha man a jèr va na Ƌè? 24Kokwar-Bi nkezla te va, kokwar-Bi matsa a slaha man a nzi azɓai. 25Aman te gi staƋ, gèƋ ndohi nkezla, gi matsa a slaha man a nzi azɓai. 26Aman kokwar-Bi SaƋan a ngi gèƋ a va na, nenga'a nkezla te va, a slaha man a nzi azɓai, a di a ndiv na.
27Ndo a slaha a nƋè a gi ndo wuƋai, a ngi metsar te gi nenga'a, azɓai, sèi a dzawa ndo wuƌi dai. Te deɓa'a a nda gi metsar te gi nenga'a. 28A vava i gaƋa kinè: mali tèlèba, a ma ndérƋè ndo tèlèba, Zhiklè a pra ta ndohai. 29Aman ndo man a derƋe Mèzhèɓ Zhiklè nkezla'a, mali nenga'a a prè azɓai a mèƋèp. Nenga'a a ngu mali man a nzi a mèƋèp.
30Yèsu a ngoƋ ar haha, a géƋ man ta gaƋa, mèzhèɓ ambaɓi a ga na. 31Mam nenga'a, a kramamhi nenga'a ta shkè, a ta zlatsa t'uda, a ta zlündo ndo a nda baba na. 32Ndohi rèƋèƋè'a ta nza, a ta tèuda a pa, a ta gaƋa na:
Na haha, nda mam ngaya a kramamhi ngaya t'uda. Ta dzhaƋ ka.
33A Yèsu a m'mbeƋa ta a ma:
Mam ga a wa? Kramamhi ga a wa?
34Te deɓa'a a pi di a tenga'a man ta nza, a ta tèuda a pa, a ngaƋa ta:
Na haha, mam ga, a kramamhi ga. 35Aman ko wawa man a gi skwi man Zhiklè a woya'a, nenga'a kramam ga, demam ga, mam ga.
Currently Selected:
Mark 3: MAFNT
Highlight
Share
Copy
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989
