LAMPULAN 16
16
Paul Hei Silas Ni Phei Timothy Tai
1Paul Derbe hüyange Listra te kemme pei, hüyange leihu; mengpu Jehudi sheko üha Timothy ütinglakpu ja ne ngoh; hüyangpoi Ipa-a Greek ne ngoh. 2Listra hei Ikonium me ngohpu jeiheinao lanne Timothy minyonge ngao. 3Paul-e Iphei taine I yahhu, tüokhei Iye I shokhüppe tam, hangjingne tüoye me ngohpu Jehudilanne Timothy üpa-a Greek she shing. 4Hüyange iman chingnyulan linne taiwante, Jerusalem me ngohpu lampulan hei jeiyonglanne tümpu ngao nyüolak jingne imante wünne tam. 5Tüo kaiye bumeinoklan ütinglakpu me wongnang; hüyange nyihjeih she shangtoi me jaalun.
Paul Himang Me Macedonia Kahta
6Iman Phrygia hei Galatia neikonne kemme tai, hüyange Asia me ngao yengaolak jingne Yaha Üjaowe büang. 7Aope iman-a Mysia yikeng ngoi, Bithinia kahtokte tailak jingne iman ngang, hüyangpoi Jesu Yahawe imante taine yetam. 8Tüokhei iman Mysia kaiye tai, hüyange Troas te lai. 9Hüyange yaning Paul tangte himang ja ngai; Macedonia lan kahta ja yongyange Ite tonge i; “Macedoniate peikei hüyange tomante jampha.” 10Tüokhei Iye himang ngeyang phei me, hüwantemuh Kahwange Ite Pungao Ümei konnyüolak toman nyiknang she teih-e taine tüm.
Philippi Me: Lidia Monglüppu
11Tüokhei Troas mepu yenglin me taiye, toman-e shetingpupa lamme Samothrace te pei, hüyange üne nyih Neapolis ngoi. 12Hüyange tüomepu Rome me ngohpu üwangpa Macedonia kahwankam Philippi chingnyu te yalam me toman tai. Tüopa chingnyu me toman nyih nangjange ngoh. 13Sabbath me toman-e yengnah ye me yoplak ken ngohlak she teih-e, chingnyu peten kaiye tai, hüyange toman-e shotyange, jamshe jemme ngohpu shekolan te ngao. 14Hüyange Thyatira chingnyu mepu nye-ümang yaonyu Kahwang khümpu sheko ja min Lidiawe tomante jai, hangjingne Paul-e ngaopu ngao jaitamlak jingne Youngwanpawe yha mong eppe tam. 15Aope yha hüyange yha noklan baptitam, tomante yoppe towe i, “Numan-e tao Youngwanpa te monghüm nangshe lei okma-a, tenok me onge ngohtüoh.” Hüyange yhawe tomante yeonge kang.
Paul Hei Silas Küpnok Me
16Hüyange hatüo ngai, toman-e yoplak nyoite taiwante, hi yaha ngohpu rhanyu ja aowe hi toi lingpu kaiye yha nokpulante küw maawe peitam, yhawe toman hüo. 17Yhawe Paul hei toman pheite woiye üngwünne i, “Numante yinyepu lam hüopu kahta tüolan-a, Ütahpa Kahwang shaoshanpalan ngohnang.” 18Hüyange yhawe hüke nyih nangjange üngwün. Tüojingne Paul-e eange mahpu jingne lüppeye, hüyange yha te i, “Jesu Khrista minme yha mepu ngailak jingne taowe ngaokeng phanang!” Hüyange hüwante muh hatüowa yha mepu ngaitai.
19Hüyangpoi aope yha nokpulanne iman küw tüolak shaaji yenang she shinge ok, iman-e Paul hei Silas pho; hüyange pheeileih jingme wanglamlampalan tangte iman shuiye yahpei. 20Hüyange iman Roman ngaophünpa lan tangte woipeiye, iman-e i, “Kahta tüolan-a Jehudilan, hüyange teman chingnyu me yeonge mop ngaine tamnang. 21Hanghe wanglamlan teman Rome lanne yahlak yejema-a jonlak wongpongne yeje, tüolan iman-e nyüonang!” 22#2 Kor 11.25.Hüyange ükhonge jamshe iman phei tüi-e yong, hüyange ngaophünpalan-e iman inkhek hitne tam-e imante shengshaohwe shetlak jingne ngaokeng pha. 23Hüyange iman-e yeonge shetyang phei me, iman küpnok me ange, phopalante iman yeonge meiye anglak ngaokeng pha. 24Iman-e ngaokeng yahyange, küpnok ümongpa me iman ang, hüyange iman ya me khüp.
25Hüyangpoi phawo me Paul hei Silas niye Kahwangte yoppe hüyange hem lokke ngoh, hüyange küpnok me ngohpalanne iman ngao jaiye ngoh. 26Hüwante mokhshe minwe üyong leiye küpnok nokjing khongkümpute shui. Hüwante taküp khongkümpu ep, hüyange kahta lilite sha pu lanne tai. 27Aope küpnok üjengpa lüoyapeih hüyange phowe angpalan shi ngohpu loine tamme, küpnok taküp epyange ngeye küpnok me ngohpu üshei tai mahtepu she teih, hüyange Iye yoi yang teakke ngaiye yoi nying nyingke li ne she ngoh: 28Hüyangpoi Paul-e ngao üyong ngaiye üngwünne i, “Nang yoite hang ümengo tahling, hangjingne toman üshei tüome ngohnang.” 29Hüwante phopawe vüntonlak jingne nyik hüyange phette ong. Hüyange I nyampuwe yeonge nin, Paul hei Silas shao me ümmekhüm. 30Iye iman nokshaote yüone tamyange Iye i, “Üyonglan, yinlak jingne taowe hanghe linglak wongpong shi?” 31Hüyange iman-e i, “Youngwanpa Jesute mengtüoh, hüyange nang hei nenok yinlak.” 32Hüyange iman-e I hei Inok me ngohpu üshei te Youngwanpa ngao i; 33Phopawe tüoya tüopa hipak memuh iman woiye ye shetpu üko poitam, hüyange hüwante muh I hei Inok khongkümpu baptitam. 34Iye Inokte Paul hei Silas woiye inne iman sheshao me hahying tümme pha, hüyange I hei Inok mongmei phei ngoh, hangjingne sha-a iman Kahwangte meng.
35Hüyangpoi aope wangngai, ngaophünpalan-e phopa üyong shonne i, “Kahta tüolan-a taine tamtüoh.” 36Hüyange phopawe Paulte tüolan ngao ponge i, “Ngaophünpalan-e numan lantam ne shon, tüokhei sha-a ngaiye jünge taitüoh.” 37Hüyangpoi Paul-e imante i, “Toman aoyin Rome nyupuh ngohnang, tomante chingyang ko me ümeng yephape iman-e shetyangki, hüyange toman küpnok me angyangki. Hüyange sha-a iman-e lowe toman janglak a? Aope-o yejelak: iman-e iman peiye toman ngaine tamtüoh.” 38Hüwante tüolan ngao phapa üyonglan ne ngaophünpalante ngaolan pha, hüyange aope Paul hei Silas Rome nyupuh she jai, iman nyam. 39Tüokhei iman-e peiye imante yoh, hüyange iman-e iman ngaiyangphei me, chingnyu mepu tailak jingne tong. 40Hüwante iman-e küpnok mepu ngaiye Lidia nokte ong hüyange jeiheinaolan ngephei me, iman-e iman toloimei ne tam hüyange yan.
Currently Selected:
LAMPULAN 16: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 16
16
Paul Hei Silas Ni Phei Timothy Tai
1Paul Derbe hüyange Listra te kemme pei, hüyange leihu; mengpu Jehudi sheko üha Timothy ütinglakpu ja ne ngoh; hüyangpoi Ipa-a Greek ne ngoh. 2Listra hei Ikonium me ngohpu jeiheinao lanne Timothy minyonge ngao. 3Paul-e Iphei taine I yahhu, tüokhei Iye I shokhüppe tam, hangjingne tüoye me ngohpu Jehudilanne Timothy üpa-a Greek she shing. 4Hüyange iman chingnyulan linne taiwante, Jerusalem me ngohpu lampulan hei jeiyonglanne tümpu ngao nyüolak jingne imante wünne tam. 5Tüo kaiye bumeinoklan ütinglakpu me wongnang; hüyange nyihjeih she shangtoi me jaalun.
Paul Himang Me Macedonia Kahta
6Iman Phrygia hei Galatia neikonne kemme tai, hüyange Asia me ngao yengaolak jingne Yaha Üjaowe büang. 7Aope iman-a Mysia yikeng ngoi, Bithinia kahtokte tailak jingne iman ngang, hüyangpoi Jesu Yahawe imante taine yetam. 8Tüokhei iman Mysia kaiye tai, hüyange Troas te lai. 9Hüyange yaning Paul tangte himang ja ngai; Macedonia lan kahta ja yongyange Ite tonge i; “Macedoniate peikei hüyange tomante jampha.” 10Tüokhei Iye himang ngeyang phei me, hüwantemuh Kahwange Ite Pungao Ümei konnyüolak toman nyiknang she teih-e taine tüm.
Philippi Me: Lidia Monglüppu
11Tüokhei Troas mepu yenglin me taiye, toman-e shetingpupa lamme Samothrace te pei, hüyange üne nyih Neapolis ngoi. 12Hüyange tüomepu Rome me ngohpu üwangpa Macedonia kahwankam Philippi chingnyu te yalam me toman tai. Tüopa chingnyu me toman nyih nangjange ngoh. 13Sabbath me toman-e yengnah ye me yoplak ken ngohlak she teih-e, chingnyu peten kaiye tai, hüyange toman-e shotyange, jamshe jemme ngohpu shekolan te ngao. 14Hüyange Thyatira chingnyu mepu nye-ümang yaonyu Kahwang khümpu sheko ja min Lidiawe tomante jai, hangjingne Paul-e ngaopu ngao jaitamlak jingne Youngwanpawe yha mong eppe tam. 15Aope yha hüyange yha noklan baptitam, tomante yoppe towe i, “Numan-e tao Youngwanpa te monghüm nangshe lei okma-a, tenok me onge ngohtüoh.” Hüyange yhawe tomante yeonge kang.
Paul Hei Silas Küpnok Me
16Hüyange hatüo ngai, toman-e yoplak nyoite taiwante, hi yaha ngohpu rhanyu ja aowe hi toi lingpu kaiye yha nokpulante küw maawe peitam, yhawe toman hüo. 17Yhawe Paul hei toman pheite woiye üngwünne i, “Numante yinyepu lam hüopu kahta tüolan-a, Ütahpa Kahwang shaoshanpalan ngohnang.” 18Hüyange yhawe hüke nyih nangjange üngwün. Tüojingne Paul-e eange mahpu jingne lüppeye, hüyange yha te i, “Jesu Khrista minme yha mepu ngailak jingne taowe ngaokeng phanang!” Hüyange hüwante muh hatüowa yha mepu ngaitai.
19Hüyangpoi aope yha nokpulanne iman küw tüolak shaaji yenang she shinge ok, iman-e Paul hei Silas pho; hüyange pheeileih jingme wanglamlampalan tangte iman shuiye yahpei. 20Hüyange iman Roman ngaophünpa lan tangte woipeiye, iman-e i, “Kahta tüolan-a Jehudilan, hüyange teman chingnyu me yeonge mop ngaine tamnang. 21Hanghe wanglamlan teman Rome lanne yahlak yejema-a jonlak wongpongne yeje, tüolan iman-e nyüonang!” 22#2 Kor 11.25.Hüyange ükhonge jamshe iman phei tüi-e yong, hüyange ngaophünpalan-e iman inkhek hitne tam-e imante shengshaohwe shetlak jingne ngaokeng pha. 23Hüyange iman-e yeonge shetyang phei me, iman küpnok me ange, phopalante iman yeonge meiye anglak ngaokeng pha. 24Iman-e ngaokeng yahyange, küpnok ümongpa me iman ang, hüyange iman ya me khüp.
25Hüyangpoi phawo me Paul hei Silas niye Kahwangte yoppe hüyange hem lokke ngoh, hüyange küpnok me ngohpalanne iman ngao jaiye ngoh. 26Hüwante mokhshe minwe üyong leiye küpnok nokjing khongkümpute shui. Hüwante taküp khongkümpu ep, hüyange kahta lilite sha pu lanne tai. 27Aope küpnok üjengpa lüoyapeih hüyange phowe angpalan shi ngohpu loine tamme, küpnok taküp epyange ngeye küpnok me ngohpu üshei tai mahtepu she teih, hüyange Iye yoi yang teakke ngaiye yoi nying nyingke li ne she ngoh: 28Hüyangpoi Paul-e ngao üyong ngaiye üngwünne i, “Nang yoite hang ümengo tahling, hangjingne toman üshei tüome ngohnang.” 29Hüwante phopawe vüntonlak jingne nyik hüyange phette ong. Hüyange I nyampuwe yeonge nin, Paul hei Silas shao me ümmekhüm. 30Iye iman nokshaote yüone tamyange Iye i, “Üyonglan, yinlak jingne taowe hanghe linglak wongpong shi?” 31Hüyange iman-e i, “Youngwanpa Jesute mengtüoh, hüyange nang hei nenok yinlak.” 32Hüyange iman-e I hei Inok me ngohpu üshei te Youngwanpa ngao i; 33Phopawe tüoya tüopa hipak memuh iman woiye ye shetpu üko poitam, hüyange hüwante muh I hei Inok khongkümpu baptitam. 34Iye Inokte Paul hei Silas woiye inne iman sheshao me hahying tümme pha, hüyange I hei Inok mongmei phei ngoh, hangjingne sha-a iman Kahwangte meng.
35Hüyangpoi aope wangngai, ngaophünpalan-e phopa üyong shonne i, “Kahta tüolan-a taine tamtüoh.” 36Hüyange phopawe Paulte tüolan ngao ponge i, “Ngaophünpalan-e numan lantam ne shon, tüokhei sha-a ngaiye jünge taitüoh.” 37Hüyangpoi Paul-e imante i, “Toman aoyin Rome nyupuh ngohnang, tomante chingyang ko me ümeng yephape iman-e shetyangki, hüyange toman küpnok me angyangki. Hüyange sha-a iman-e lowe toman janglak a? Aope-o yejelak: iman-e iman peiye toman ngaine tamtüoh.” 38Hüwante tüolan ngao phapa üyonglan ne ngaophünpalante ngaolan pha, hüyange aope Paul hei Silas Rome nyupuh she jai, iman nyam. 39Tüokhei iman-e peiye imante yoh, hüyange iman-e iman ngaiyangphei me, chingnyu mepu tailak jingne tong. 40Hüwante iman-e küpnok mepu ngaiye Lidia nokte ong hüyange jeiheinaolan ngephei me, iman-e iman toloimei ne tam hüyange yan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.